evitashk's Profile

話說見到堅信號同天仁茗茶聯乘，已經覺得幾得意，於是今日就同屋企人去try try。今次crossover帶嚟好有創意嘅茶飲、茶湯飯以及小籠包，本人係全部食晒嘅！先講講係人都鍾意嘅小籠包先啦，今次呢個叫「人蔘烏龍雞髀肉小籠包」，用咗天仁嘅人蔘烏龍茶製成外皮，所以小籠包顏色係呈深啡嘅。肉餡由平時嘅豬肉變成嫩滑雞髀肉，仲有少量人蔘，感覺冇咁肥之餘仲好養生😂。之後就有「櫻花蝦蟹籽大蝦香片茶湯飯」、「櫻花蝦磯燒鮑魚香片茶湯飯」，兩款最大嘅分別就係主菜，一個係大蝦，一個係磯燒鮑魚，再配以蟹籽、櫻花蝦、蟹柳絲、蛋絲、嗚門卷，賣相都靚靚仔仔。店員會喺你面前加茶湯，茶湯有淡淡香片味，食落好清新！兩款我就比較鍾意磯燒鮑魚，因為夠晒大隻又入味。之後到「豆漿豆花四季烏龍奶茶」，一啲都唔甜，好啱媽咪飲～裏面仲加咗豆腐花，有好濃豆味同四季烏龍清香。店員仲送咗crossover嘅和紙MT畀我哋（原來食聯乘套餐有得免費送），整體嚟講都唔錯，有新意。btw我仲食咗生煎包同豬扒蔥油拌麵，呢兩樣嘢真係冇得輸😂生煎包好多汁，蔥油拌麵調味啱啱好，仲要係我鍾意嘅麵條質感。…Read More

最近啟德新商場AIRSIDE開幕，基於工作關係，一星期內已經去咗3次喇。商場嘅舖頭都開得八八九九，整體感覺似K11 MUSEA，但定位就完全唔同，主要Sell舊啟德機場回憶同一啲藝文嘢咁。食肆方面就有超過40間，當中仲有Food Court，不過空間就細啲。講返今次嘅嘢食啦！喺做嘢途中有小Break，於是就去咗幫襯呢間開業4年半嘅烘焙網店Pop Up Store，見到有Bagel同排得靚靚嘅冬甩，賣相好吸引。冬甩有好多味道揀，例如士多啤梨、抹茶、吉士、熱情果、海鹽焦糖、咖啡，價錢就係迷你Size（$28）同正常Size（$48），本人認為定價絕對唔平。今次試咗我從未見過嘅芝麻冬甩，灰黑色嘅冬甩沾上白色砂糖，對比嘅畫面已經好啱打卡。食落都好有驚喜，唔係即製都依然保持到脆皮口感，而且咬一小啖已經有芝麻醬同我Say hi～超級足料亦係加分位！有機會嘅話下次都會再試其他味😋。…Read More

最近有同事過3個月試用期，就請我哋去公司附近一間貼地茶記食lunch，仲要係 #黃店 💛，唔知點解一去到就令我諗起細個住牛下嘅回憶。無錯，係同樣嘅地痞，好有舊時屋邨樓下茶記風味。#沙嗲牛肉炒河粉 $49 7/10——————————————係我蠢豬，以為係乾炒，原來係濕炒，所以都有影響到評分（因為我唔鍾意食濕炒）😳碟河粉超級香，肉片大大塊，估計有約13塊。沙嗲汁香濃稠身，即係好似濃痰+鼻涕嗰隻質地😂唔係踩，係讚🤪可惜有我最討厭嘅青椒，畀同事食晒～$49喺港島區真難得，河粉真係一條條，絕對唔係擺過夜再炒斷開晒嗰啲😳份量亦唔輸蝕㗎，一向大食嘅我都差啲食唔晒。至於凍檸茶幾錢我真係唔知，因為同事請，我無睇價錢🤣。（利伸由於碟河粉係散叫，所以檸茶都係單嗌，但店內亦有午市套餐）…Read More

講起呢間 #黃店 最出名就一定係呢款Pizza，早幾個月前外賣食過好好味，最近去堂食就失色咗，唔知是咪因為舊班底去咗新舖幫手呢？#藍芝士蘋果薄餅 $178 7/10——————————————即叫即製熱辣辣，餡料以藍芝士為主，不過無拉絲嘅🧀😂面頭有薄薄蘋果片🍎。一啖咬落去感受到芝士鹹香，酸甜蘋果片會中和返，所以都唔會太膩，一個人食3片都OK啊～…Read More

最近朋友帶我去尖沙咀呢間居酒屋食嘢，去到先發現原來我屋企附近都有1間😂 BTW，想先講食完之後隔咗4個鐘我發現唔見咗銀包😱打電話去呢間店員工幫我睇，銀包仲喺到啊！好彩無人執咋😥真幸運😭😭以下講返食物先😛#牛肉壽喜燒 $98加一 7.5/10——————————————舖頭Lunch Set包沙律菜、麵豉湯、茶碗蒸、疑似牛腩嘅肉（食唔出係咩）、白飯、飲品，好豐富💯。朋友話平日午飯時間嚟坐滿人，食物上枱需時，今次我哋星期五紅日去到中就好快上晒枱😳1. 沙律菜有一片紫薯，好甜🤤其他就無特別，因為我一向唔鍾意食嘅😂。2. 茶碗蒸🥚有菇同蟹柳，蒸得好滑好正，我同朋友都大讚😍。3. 疑似牛腩嘅物體，味道100% match蒜味螺肉，質感太實了。4. 壽喜燒鍋牛肉份量都幾多，粗略估計有約8片，雖然望落都有肥膏，但淥完幾嚡口😅鍋內有雞蛋、大量黃芽白，同一嚿冬菇，老實講湯底唔夠鹹......5. 白飯太硬，加湯都麻麻地。6. 飲品叫咗蘋果汁🍎正常甜甜嘅味道，無咩特別。整體嚟講，我最欣賞係佢嘅茶碗蒸，真心好好味，但主菜壽喜燒就令我有些少失望喇，不過大家都可以去試下啊🙊————————————…Read More

鳴啊😭終於試到嚟自大阪超人氣打卡甜品 #梳乎厘班戟 喇😣平時嫌太貴唔捨得食，不過今日同朋友聚舊，仲要佢極力推薦就一於試吓啦。#招牌梳乎厘班戟 $138加一 8.5/10———————————今日2:45去到，店員話嚟緊一批出爐會係3:45，只限10份，叫我啱嘅話落咗單先🤫我同朋友一人一份，另一位朋友叫咗烤蘋果配紅茶忌廉班戟（不過我無試）。大約3:35就嚟到😳3件梳乎厘pancake好得意，騰騰震咁😎不過最谷氣係我影相嗰陣頂頭嚿牛油跌咗落嚟😒每嚿約5cm厚，面頭煎焗得微脆，搽少少牛油同忌廉再點糖漿，不得了，真係好正🤫唔會好甜，我直頭嫌佢糖漿太少啊！因為一開始為打卡倒咗落去，第2、3嚿直頭無糖漿點😢大家真係唔好學我咁😂直到第2嚿已經覺得膩，如果兩個人share就好喇，不過呢間店每人要至少叫一份食物或一杯飲品～btw我覺得加埋一要$152食粉漿真係好貴，我諗下次食應該會去日本，香港就不了🧐…Read More

上個禮拜去完車公廟求籤之後，就同往年一樣漫步到沙田新城市，中途喺希爾頓寶寶表示非常頸渴，忍唔住要買返杯嘢飲過下口癮先🧋#極品波霸賞奶茶 $24 7/10———————————舖頭有好多款珍奶，問店員 #波霸奶茶 同 #極品波霸賞奶茶 有何分別，店員就話兩者奶底唔同，後者茶味更濃。雖則我一定飲唔出分別，但爭$2就試後者啦😚嗱，$24嚟講真係幾平，而且勁多人排隊🙊珍珠份量都幾多，不過略嫌唔夠軟糯，但未至於硬到接受唔到。茶底比普通嘅濃味我就真係飲唔出，不過叫咗少甜嘅情況下甜度剛好。但有少許麻煩係啲冰打得太碎，好多時都會連埋啲冰飲落口，影響咬珍珠嘅樂趣😣…Read More

早幾日又去咗元朗，終於試到呢間舖頭嘅豆漿喇🥛#芋頭豆乳 $26 7/10———————————店舖有17款豆漿，今次就買咗芋頭味🤔$26嚟講真心好貴，飲咗三四啖就無晒😅豆味唔算重，不過勝在有芋頭蓉，絕對真材實料，令口感更加濃厚♥️有機會的話下次試紫薯味先…Read More

以前過海淨係行銅鑼灣，其他地方真係好少去😂呢排喺上環返工，終於有機會發掘下附近食肆，同事推咗呢間茶飲黃店，仲話芝士奶蓋好味到上癮，今日終於試到🙈#綿芝草莓 $42 8.5/10———————————「綿芝」系列，即係芝士奶蓋。極度鍾意🍓嘅我第一次緊係試下草莓奶蓋啦。嘩！面頭芝士奶蓋真係好濃厚😍🧀可惜太少🥺舀多兩殼就好喇。底下士多啤梨味blended tea味清甜，假如有士多啤梨肉或果蓉就更加分👍🏻————————————…Read More

九龍灣新開無印良品，香港人必定仆到去，包括我自己。整個德福廣場場面墟冚，幸好在人流管制前10分鐘成功擠入店。未知是否人數眾多，感覺新店並沒想像中大，也沒有甚麼特別，至少它新開張也沒有做優惠......在無印常見的產品這裡當然也能看到，但最與眾不同的是這裡提供刺繡服務，買購物袋或背包後可在這裡享用服務，不過預計要排1小時。這裡與超市結合，賣生果、賣米、賣菜，款式不多，只有一小角。原本應要慢慢地逛，可惜多人得根本連貨架也看不到。離奇地無印咖啡店只有小貓幾隻，難得找到一點喘息空間，當然要買一杯Iced Mocha。朱古力沉底，用飲管怎樣攪也攪得不均勻，於是朱古力味太淡，剩下來的是酸咖啡味。…Read More

#白糖糕 $5 8.5/10———————————細個一直好鍾意食白糖糕，以前阿媽都會成日買，不過呢幾年佢話貴咗好多都無買畀我了🥺 呢間嘅白糖糕$5，拎上手都幾有份量。出面嘅白糖糕有陣酸味，呀媽話正常🤔不過我就唔係咁鍾意，點知呢間嘅白糖糕竟然無酸味，啱晒我心水😍糕底厚實又唔會太甜，食完仲好有飽肚感。題外話，老闆好Nice。…Read More

對上一次去大九龍灣見到呢間食肆新開，但係咁啱食飽😚今次再去又搵唔到有咩好嘢食，就決定試吓呢間。入店前先探熱及用酒精搓手液消毒雙手👍🏻#魚腐滲滲叻沙（$35）8.3/10————————————呢開餐時正值下午茶，下午茶餐牌應該平少少吧，呢個價錢食到一碗滲滲其實都算幾抵🤭上枱時見到個碗幾細吓，都驚會唔夠（因為朝早未食嘢）不過用筷子撩一撩，個麵底都算幾多😂齋聞湯底已經覺得好香，有陣椰奶味。先嘗一匙湯，果然唔錯👍🏻話明滲滲，即係油麵同米粉各一半，而呢碗就比較多油麵，大概係4:1.5油麵就煮得比較硬身，淋啲就更好了😣魚蛋有3粒、魚片約4片，正常無咩特別啦。另有半隻蛋，我最鍾意最後先食🤣因為可以浸滿湯底，一擺入口就bid晒啲湯出嚟，諗起都正🥺雖然麵同配料無話特別驚豔，但係我最欣賞就係佢嘅湯底喇🤩…Read More

台灣過江龍八月堂嚟咗香港幾年，其實我都只係食過兩次，最鍾意係焦糖布丁味，面頭嗰條布甸滑捋捋好得意😍#甜心馬卡龍 $23 6/10————————————呢日經過元朗分店，就買咗元朗店限定「甜心馬卡龍」口味，粉紅色外表充滿少女心，影相都好靚💕不過味道名大於實，雖然外面脆皮的確似足macaroon質感，不過味道好啖。牛角包凍晒但係內裡都keep到鬆軟，可惜無餡略為失色不少🙁…Read More

前日去元朗諗住食間好出名嘅台灣店，點知去到話得返外賣🥡，唯有留返下次先食啦......左望右望見到打對面有間粉麵舖，$40就有麵、菜同飲品😨於是狗衝入去醫肚！#牛雜米配油菜 $40 7/10————————————呢個係朋友食，而我就試咗牛肚加米粉，牛雜足料。牛肚都幾大嚿又爽口，不過米粉就完全無味，有啲失望🤷🏻‍♀️#魚蛋麵配通菜 $40 7.5/10————————————成碗麵共有3粒白魚蛋同3片魚片，值得一讚係魚蛋同魚片都非常彈牙👍🏻😍只可惜個麵同平時食開嘅生麵唔同，呢個似係蝦籽麵嘅質感，唔夠彈亦無任何梘水味，而我個人係比較鍾意食梘水麵😆菜方面，雖然而家唔係通菜季節，但我竟然覺得通菜比生菜更好食，可能係腐乳作怪？😛題外話，店內有個疑似係太子爺嘅男仔見我拎部相機喺到影相，就係咁同我傾攝影同相機，明明係第一次幫襯，但感覺好似熟客咁😂…Read More

#AllDayBreakfast $108 9/10————————————Cafe食物同飲杯都比較貴，貧窮嘅我表示只能食較平嘅英式早餐，不過都成$108☹️先去收銀處落單兼畀錢，之後乖乖坐喺到等送餐就得～食物賣相非常靚，加埋環境確係打卡一流。煎雙蛋煎得恰到好處，🍳面頭加咗黑椒調味😋3粒番茄仔亦煎得香口，不過一叉落去就扁晒，部分番茄汁流晒出嚟，有啲浪費，但酸甜味道真係唔錯😚而我最鍾意就係佢嘅薯餅粒，厚得切又炸得香脆，而且無炸燶😍不過得4粒真係非常少！😞由於飲品太貴，所以癡朋友飲咗一啖滴漏咖啡，酸到😖唔係我嗰type......btw，據聞佢哋嘅雞蛋仔與雞幾出名，大家不妨一試🐣總結：Cafe裝潢非常吸睛，由百年中藥行搖身一變做Cafe，裡面仍保留百子櫃同招牌，加上灰色型格裝修新舊交織，甚有情懷～…Read More