skitle's Profile

最近見好多人介紹呢間餐廳，就book咗同朋友慶祝生日，點知勁伏！嬲到要寫人生第一個comment 希望警示到想去嘅人！首先booking 已經好麻煩，要俾email，又要上網自己搞，仲話五位以上要收min. charge，真係未試過得幾個人又唔係坐房都要俾min. charge。到用餐當日，我哋book 6:30，入座時職員先同我哋講用餐時間係兩個鐘，無論打電話去book 或者whatsapp 溝通時完全冇提過，職員話booking system 有寫，但咁重要嘅資訊，你旨意個客自己睇？咁點解要收min. charge又識講呢？我哋一行五個人，飲品等足起碼15分鐘先上齊，第一round 我哋叫咗啲前菜同少少熱食，食完前菜要等10幾20分鐘先有熱食慢慢逐碟上，我哋都知個廚房慢，所以已經即刻叫定第二round，叫完又繼續等，又係隔勁耐先上一兩碟嘅節奏，點知去到成8:00，所有食物突然一次過上（但仍然係未齊㗎），呢一刻開始大家好似競食大賽咁，成枱都係野又係咁俾人催！去到8:15，終於上埋最後一道菜（呢道菜係第一round order 嘅）！上菜同時順便又又又催我哋仲有15分鐘交枱，啲食物8:15先上齊，其實點會食得切？唔想浪費食物問職員攞個食物盒拎走，竟然話冇！真係未聽過一間餐廳冇食物盒提供！呢餐飯冇貴價食材，冇飲酒，但人頭要成$700！無論食物，價錢，服務，呢間餐廳都無樣得！結論我一定唔會再去！亦都會提醒朋友千祈唔好去！…Read More