藝術家的個人專頁

環境舒適，食物也很有水準！乾炒牛河有鑊氣，但完全唔會覺得油膩。食到最尾，碟底也沒有一層油，感覺非常良好！咖喱豬扒飯的辣味恰到好處，有咖喱嘅香味但唔會過份地辣。就算不能吃太辣的我，也能接受。…查看更多

去骨海南雞飯 （$78）：雞嘅份量比較少，只有6件。湯亦比較咸，沒辦法喝完。泰式豬頸肉濕炒河（$82）：太濕，一攤水; 而且份量亦都偏少。 味道一般，性價比一般，奇怪的是門口竟然大排長龍？!隨隨便便的一餐，因為主要是想食附近gram的pancake。…查看更多

近幾年來都冇食過咁重味精嘅餐廳，未食完餐飯都已經感覺到！ 連我個平時唔敏感味精嘅老公，食完都話覺得有味精，因為好口渴。招牌酸菜魚：我知道自己唔食得辣，但見到menu 寫住可以「走辣」，所以先至決定一試，點知仍然係辣到食唔到! 樟茶鴨：全晚最好食係喱碟西湖牛肉羮：咸到嘔!福建蝦炒麵：好有鑊氣，但仍然偏咸。服務態度：非常好! 當個侍應問完廚房知道「走辣」仍然會係辣之後，主動話不如cancel 喱碟酸菜魚，叫我再order 過另外啲寫住「不辣」嘅嘢。…查看更多

從來都唔知1881裡有這間餐廳！是朋友一次偶然到訪旁邊另一餐廳時發現的，這餐廳是專為AE黑卡而設的。食物選擇雖然比較少，但實在不錯。基本上都是The Balcony 供應的。可能今日我們到訪的時段客人唔算多，所以感覺特別舒適。Welcome snacks 是免費的，還有unlimited drinks 也是complimentary 的。我們今天order 了:1) Burrata with tomatoes 2) Linguine with Gamberi Rosso3) Black Cod4) Raspberry Macaron with rose petal ice cream …查看更多

完全唔明白點解有咁多?! 是真的嗎？今日試咗呢間壽司店，完全唔得！今日見落雨，所以就一個隨便在厚福街找一間餐廳食午飯。在OpenRice見到這間「壽司翔」好多好評，就即管一試。今天我坐的是近門口吧枱的座位。本來想試$168 十件自選壽司，但看了壽司的選擇，覺得揀唔到10件，最後決定order $138的「自選三色丼」。我選擇的自選魚生是「油甘魚、赤貝、帶子」。先來沙律，麵豉湯，兩樣都正常，沒有什麼特別。三色丼由壽司師傅你給我的時候，簡直嚇了一跳!成碗飯總共只係有八片/粒魚生！！！（三片油甘魚、兩片帶子、加三粒赤貝）看見相中的檸檬就知道油甘魚的大小! 每片油甘魚還比半片檸檬小!赤貝幾新鮮，但真係太細粒。油甘魚跟帶子算正常，但沒有特別好吃。 可能我實在被它的份量嚇到呆咗~由落order（12:54）至到埋單（13:16）只用了22分鐘，我就匆匆離開，不好吃的壽司舖我也不想多逗留!（我見到壽司師傅是戴5．1口罩，另外也有一個店員戴黑色口罩。）…查看更多

日期：2021/4/3排隊時間： 10分鐘豬膶腸+鮮蝦腸+2支可樂：$71腸粉係皮薄，但得個薄字，亦可能太薄，感覺好似太溶，亦沒有米香。腸粉餡料：豬潤份量都幾多，$22 算抵食; 鮮蝦，就正常，一條兩隻蝦，感覺一般，唔算特別新鮮在附近&如果排隊的人不多，可以一試，但唔需要特登去大埔為了試它。…查看更多

人日照習俗要食「及第粥」，所以嚟咗喱間老店食粥。叫了2碗及第粥+1碟蜆介鯪魚球6粒+1支樽裝可樂，埋單$139。及第粥 $40：豬雜完全冇味，粥就太杰。炸鯪魚球6粒 $46：熱辣辣，好正!…查看更多

環境一般如其他舊式粉麵鋪，不要有期望。今天大約十二點來到，不用等位。 叫了個$38餐（魚蛋河+油菜）魚蛋河有2片魚片+5粒魚蛋。魚蛋有魚味，但不是彈牙那款，口感比較似棉花。喜歡與否，就視乎個人口味了。河粉是薄身那些，所以比較容易斷。油菜蠔油足夠，但油似乎落得重手了點。…查看更多

過譽了~ 很想吃粢飯，但現在即叫即包的已經買少見少，網上看過文章，說這裏有，就決定來試一試。星期六下午五點去到那裏，發現長長的人龍。不論堂食還是外賣也是排同一條隊，我覺得這樣的安排比較混亂。排了大約35分鐘，終於排到，取到了最後的堂食位置。叫了一個「粢飯加豆漿」$27 同埋一碗炸豬扒麵$35豆漿正常，但唔算太熱。最想吃的就是粢飯，但我覺得只係一般，雖然是即叫即包，但包得比較鬆散，而且油炸鬼唔脆! 期望越大失望也越大，個人認為絕對唔值得為咗呢一個咁嘅質素嘅粢飯，排35分鐘。豬扒麵，豬扒跟面是分開上的。面不過不失，沒有什麼味道。豬扒反而做得不錯，很乾身，沒有很多油，味道亦調得很好。總括而言，路過可以一試，要排隊就不用了！…查看更多

可能因為以為呢度淨係一間比人打卡呃like嘅Cafe，所以對佢嘅食物嘅期望降到最低最低，但唔知係咪因為咁樣，反而有啲驚喜！先講環境，都真係幾靚，可能因為係工廠大廈，餐廳比想像中大。$86紐西蘭牛扒配意粉，件牛扒竟然一啲都唔un，又冇煎到乾柴柴。 雖然個侍應懶係有問我想要幾成熟，我話5成，送到出嚟嘅牛扒，當然唔係5成啦~ 但一樣好味！朋友的蕃茄肉醬豬柳漢堡焗飯，味道就比較普通，同埋個樣就衰咗少少，但$63 ，仲包埋嘢飲，同埋唔使加一，你仲想點呀? …查看更多

在網上見到這間雲吞麵店的食評不錯，因事路經太子，見距離六點還有半小時，仍然可以堂食，匆匆走入這麵字試一試真偽。叫了一個$35雲吞撈，因為係下午茶時段，+$6可以加多個蠔油芥蘭。雲吞撈，有四粒雲吞，雲吞size 都幾大，但我覺得包得太鬆散，而且啲蝦唔夠大隻，唔爽口彈牙，比較失色。再講個撈麵，得一讚的是完全沒有鹼水味，但可惜相對上亦都唔算彈牙，食到最後直情淋淋地。跟撈麵上嗰碗湯，反而係咁多一樣食物之中最好嘅一樣！個蠔油芥蘭，直情係敗筆，我從來都未食過喺街上嘅白灼芥蘭會淋到冇牙都咬得開。👎🏻👎🏻👎🏻試了朋友叫的豬手撈的豬手，反而覺得驚喜。味道剛剛好，不會過甜，亦都唔會過份漿住過口。👍🏻總括來講， $41有撈麵加個菜，算非常抵食。同埋，間舖頭非常企埋，乾淨。枱櫈亦唔似一般嗰啲雲吞麵舖咁迫夾，所以可以坐得很舒服。…查看更多

沒有金錢肚，只有草肚的牛什! 再加唔淋嘅牛腸! 淨係呢兩樣就唔得啦！唔明點解係嗰啲牛什group間唔中就有一個post講佢，都唔知係咪鱔稿?! 可能因為佢價錢係低，今時今日$25一碗牛雜河，加$7一罐可樂就搞掂一餐，算係OK。去到附近可以一食，但就唔使好似我咁，特登坐車去試！…查看更多

呢度啲各款點心都唔錯，尤其佢嘅蝦餃超級好食！啲蝦好新鮮，又大隻。牛肉球，一般。叉燒包，好食。春風得意腸，好有趣，比一般嘅炸両特別，是腸粉包住素春卷。乾炒牛河，炒得很乾身，亦很有鑊氣，正！腐竹糖水，比較一般，腐竹完全溶化晒，咁咪即係豆漿？ ！…查看更多

尋日見放假，特登坐車去大埔海濱公園捉精靈，但捉精靈之前都要醫下肚，所以就入咗呢間茶餐廳，點知中伏!老公叫咗個常餐，沙嗲牛肉公仔麵，佢話個廚師都唔知係咪未食過沙嗲牛肉，完全唔似。我就散叫咗個豬扒通粉+凍檸茶。我從來都未食過咁難食嘅通粉，完全冇味鹽都冇落過咁。杯凍檸茶仲要超級甘苦。嘢食難食都不特止，啲侍應仲超級冇禮貌。叫其中一個男侍應落單，佢好不耐煩咁講：「你等下啦!你唔見我做緊嘢嘅咩？!」哇~ 使唔使咁惡呀？!…查看更多

門面裝修好吸引，又係日本來的連鎖式餐廳，在附近那XX水產等位等到中暑，雖然見到評價不好，但都希望give it a try，所以決定改黎喱間試一試。因為餐廳冇水又冇茶供應，我地一定要order 飲品。點知，未食已經覺得中伏，因為我杯芒果特飲係完全冇芒果味，直頭唔知自己飲緊乜。串燒其實大部分都ok，除左真係太、太、太、太鹹，鹹到食完上唇有啲「嗱」，鹹到覺得會有急性腎炎!碗烏冬都一樣，鹹得好緊要！我明白整到D食物鹹少少可以令客人order多幾杯嘢飲，但都唔使鹹得咁緊要，鹹到浪費左D本來ok嘅食物。…查看更多