zitacwk's Profile

今日去完大館參觀之後落咗嚟田浦呢度食燒肉 我哋兩個人叫咗佢800蚊嘅豬肉餐同埋一個蒸蛋依家有活動留評語就送水冷麵 烤肉餐有五花肉 豬扒 豬頸肉同 豬皮 全程唔洗自己落手會有職員幫你燒 五花肉肉味幾香 但今日呢次略嫌燒得有啲過龍豬扒唔乾 夠厚身有豬肉嘅香味而無五花肉咁肥 豬頸肉係已經事先醃製過 偏甜口 解膩唔錯豬皮意外偏軟身 無想像中咁有膠質 但都唔錯 蒸蛋面有芝士同粟米 比其他菜式味道偏淡 可以當係一個中和口味嘅配菜水冷麵作結超完美 水冷麵清涼酸甜爽嘅口味中和番先前烤肉嘅熱氣 如果之後有機會會想再幫襯 但係可能會等約多啲人先再嚟 因為呢度嘅份量都幾大碟 而且有好多小菜 我哋最後都要打包走 2個人嚟食下次可以揀無豬皮嗰個餐會好啲🤣 唔係食唔曬…Read More

這次來了位於科學園的這一家西餐廳用餐是單純的意外。男朋友最近來了在附近的公司上班，對這家餐廳一試難忘，所以拉著我在假日也要回來吃(我心想：是有多愛了啦！？)。我們是在下午茶的時間來的，可能因為地點偏遠加上疫情的關係，人並不多，和我們同場的大約只有兩桌家庭客，可見疫情對餐廳的影響還是頗深的。餐廳空間頗大，大約可以容納50桌客人，而且是一家家庭有善餐廳，裡面有一些迷你的跳彈床、迷你的繩網陣和玩具給小朋友玩。 我點了一份Fish & Chips，就是英式炸魚薯條。如果只說炸魚和薯條，這一份餐點是合格有餘的。每當吃炸物，講求的不外乎是香脆和鹹香的口感，這份炸魚薯條新鮮製作，自然可以達到鹹香酥脆，新鮮熱辣的品質。然而，一般英式炸魚薯條，炸魚應該是以粉漿包裹而非麵包糠去酥炸。因此，如果要說他是一份英式炸魚薯條，那樣，這份餐點就說不上，最多只能說他是茶餐廳的炸魚配薯條。至於醬汁方面，餐廳提供了兩種醬汁，一種是以蛋黃醬配醃製過的酸瓜製作而成的沙律醬(有點像麥當勞魚柳包入面所用的醬汁)，相信是想顧客用來點炸魚。另一款是番茄醬，但吃下去的感覺並不像一般市面會買到的番茄醬，比較酸和有香草的味道，我猜餐廳應該自行加工過，這個醬比較好吃。另一份餐點我們點了10” Meat Lover Pizza，裡面是巴馬火腿配辣肉腸。如果是重口味人士應該會很喜歡，因為整個Pizza口味很足，鹹香味足。Pizza是那種傳統的意式做法，所以是薄底的。唯一略嫌pizza用的蕃茄醬只有鹹味，令pizza味道有點單調。如果熱愛鹹香的人士應該會喜歡。 想前來這間餐廳的朋友可以留意， 來科學園主要有幾種方法，一種是乘坐地鐵(捷運)到大學站，再轉乘巴士(公交)到科學園。另一種是駕車前往，在科學園消費滿指定金額就可以享有免費泊車。 …Read More

天寒地凍 晚餐當然想食啲熱騰騰嘅野食啦香港人就最經鐘意打邊爐架啦 之前經過記得佢地放左個87蚊任飲任食嘅易拉架係樓下 點知今次嚟唔見左 心諗唔會執左掛 抱住一絲期待又擔心嘅心情上到去 好彩仲係度 一路掛住食 無乜點影相 所以唯有用多啲字去講下啦［價錢］ 87蚊任食係多人先係呢個價 兩個人嚟係每人99蚊［環境］佢間鋪位於聯和墟熟食中心 冬天多人上去食 啲檯都放得幾密下 加上佢同場有另一間任食雞煲火鍋 而兩檔攞野食嘅位比較貼埋一齊 所以最多人嘅時候出面攞野食嘅位會超多人 同埋啲雪櫃有少少漏水 所以地下比較滑 最好著番啲防滑少少嘅鞋去啦 ［鍋底］鍋底係包一個鍋嘅 佢有4款鍋底（但我只記得清湯同沙爹）鴛鴦鍋會計一個鍋 但只限清湯+沙爹 再加一個鍋依加做緊半價優惠 24蚊就可以加多個鍋啦 清湯其實就係有啲菜係面嘅水 無乜特別 沙爹岩岩食覺得唔太夠味 但煮耐左就變得幾香幾好味 大家可以自己斟酌［食物］呢間鋪主打任飲任食 首先當然要講下佢有咩食啦 咁係肉類方面 基本嘅肥牛 鮮牛肉 鮮豬肉片呢啲都有 肥牛有少少騷味 反而鮮牛肉同鮮豬肉片就幾好食 唔騷有啲肉香 最驚喜係呢個價錢竟然有海鮮食 今次嚟呢度就有供應新鮮賴尿蝦 蝦 東風螺 桶蠔 雪藏青口同埋新鮮魚片 食咗東風螺 青口 桶蠔 魚片 東風螺有鮮味 清甜 青口就不過不失咁 桶蠔唔腥 魚片就普普通通 呢個價錢 我覺得合格嘅 蔬菜嘅話一般有嘅菜類佢都有 少見啲嘅海帶結 萵筍佢都有 唯有一要彈嘅係refill速度差少少 起碼打邊爐必備嘅生菜攞野食果度大部分我出去攞野食嘅時候都係吉嘅 呢樣要改善下啦［飲品］ 話明任飲就當然要講埋飲品啦 飲品任飲嘅有可口可樂出嘅玻璃樽裝汽水 即係芬達 七喜 忌廉 可口可樂 另外有楊協成甘蔗汁 馬蹄爽 果啲 汽水飲左幾支 一啲氣夠啲一啲會唔夠 另外汽水樽身會有啲污糟 所以攞果陣要留意下啦 另外佢有啤酒任飲嘅 唔飲酒所以無留意係咩牌子 總括而言 呢個價錢非常抵食 …Read More

上水熟食中心一向係我讀書果陣嘅飯堂嚟無他嘅 皆因呢度除左食店林立 易搵位外 仲有唔少平靚正嘅選擇 今次叫左佢地嘅常餐 入面包左一碗大大碗嘅蕃茄湯牛肉螺絲粉 一份omelette 配方包 再跟熱飲 先講碗螺絲粉 蕃茄湯香濃 應該係大量茄膏底再加鮮茄肉 牛肉係新鮮牛肉 份量都幾足料 今次呢碗有8 9塊牛肉 誠意十足 唯一要講下佢用果隻螺絲粉係比都粉果隻質地 我個人就唔太鐘意啦Omelette 就普普通通 但要讚下入面火腿絲份量好夠 方包正常 埋單36蚊 非常滿意 順帶一題 佢地lunch日日都會轉meun咁濟 所以係佢地專頁check左個meun係有咩先去會無咁失預算嘅…Read More

一直都聽聞聯和墟有間幾好味嘅泰國菜，於是上個星期終於捉埋男朋友一齊去試我地係平日夜晚去食嘅，出乎意料竟然全店滿座仲要出面有人等位! 係聯和墟呢啲唔旺嘅地段依然咁受歡迎，肯定有佢過人之處!是次我地叫左個二人餐($168) 再加一個青咖哩 餐配飲品要加錢 有優惠價 菠蘿炒飯入面有海鮮同雜豆， 炒飯面配以肉鬆，味道以甜味為主，菠蘿肉數量適中，但都只有甜味，連肉鬆嘅食法小女子都係第一次試，但出乎意料地夾，肉鬆嘅香加埋炒飯嘅甜味令成個飯嘅味道更上一層樓。炒飯飯粒分明，夠乾身，抵讚!另外炒飯份量都算多，兩個人夠每人食兩到三碗。伴碟仲有青瓜片同臘腸，味道同平時食到嘅一樣，不多作評論)呢個味道一般，無菜青味，但可能其他餸嘅較香口同濃味，顯得呢個餸味道都淡，但有小小嘅辣味。新鮮炸起，所以非常香口，配埋隔離嘅泰式酸辣汁真係話咁快可以清曬，蝦餅外皮鬆脆，入面蝦肉有蝦香有汁。不過如果份量多番少少會好啲，因為成碟蝦餅都係切半，夾埋只有3塊，要同男朋友爭食 😂😂😂必食!!真係好好味，本來我同男朋友都唔係好食得辣嘅人嚟，所以叫左最唔辣嘅青咖哩，首先一聞就聞到非常重嘅椰汁白味， 咖哩小小辣，但送白飯一流，無叫白飯嘅我地攞炒飯嚟撈，同樣一絕! 牛肉同青咖哩都超夾! 甜嘅椰子香甜味加辣味嘅刺激下，真係超好味!!普通椰汁，值得一提嘅係飲品入面有種半透明，硬身嘅肉(?) 咬落去非常重椰子味但又唔係椰肉，但都係好味嘅!總結: 一定會再去，量多而且無+1， 都係多人啲先可以試多幾款…Read More

早兩日因為生日，為慶祝而選擇黎較少去嘅red mr，人唔係好多，可能係近父親節個個去曬飲茶。 我地係k lunch 時段去嘅， 唔知係咪假日問題，11點尾入去2點幾就要走， 前後唱左2個鐘多啲姐， k lunch 佢俾neway 貴啲，69蚊至89蚊不等， 一個set 係跟一個沙律(好似係寫前菜)，一杯咖啡或茶同甜品嘅，加10蚊可以轉牛奶布丁，加15蚊可以轉飲品，要俾加一。因為學生無咁多錢，所以食左個最平嘅餐。我地去果日最平嘅餐係和風牛肉飯， 太肚餓所以食左啖沙律先記得影相 😂 整體而言賣相不俗; 沙律味道一般，無咩特別; 天婦羅係菇同比較少見嘅秋葵， 由於炸漿沒落任何調味所以味道偏淡，個汁都係無咩味; 飯味道ok, 蔬菜用少量黑胡椒調味，可以食到茶本身嘅味道，但牛肉飯無汁， 所以食嘅時候覺得有點太乾; 咖啡不過不失， 但係有一樣係抵讚也有野彈的，就係咖啡同奶分開上，好處就係俾客人自己調，滿足自己的喜好，但係奶嘅份量可以少一啲，因為倒完餘下的量甚多， 造成浪費。甜品係啫喱，入面有啲果肉，應該係罐頭菠蘿肉，上面嘅係花奶， 但係唔明落花奶嘅用意，單純外表好睇啲? 總結: 如果你係一位好鍾意唱歐美/日韓歌嘅人，呢度絕對能滿足你對新歌的追求，但如果係為食野而唱k較次要， 呢度的野食並非特別好食，單純係不過不失的質素。…Read More

係北區讀書, 經常光顧的一間餐廳。點解? 學生去食飯, 23蚊午餐, 連飲品, 凍熱特飲同價成個熟食中心, 只此一家 =]話說近日去食飯,揚州炒飯+ 凍奶茶,飯好大碟, 足料, 食左半碟已經食唔落!杯奶茶, 不過不失啦! 甜左少少, 唔香。俾錢先23蚊, 食飯黎講係好平。睇著其他餐廳由24蚊食到28蚊,呢間到依加仲係23蚊,算係甘啦 =]…Read More

今日跟學校去歷史博物館睇展覽, 走之前我同幾個同學仲有2個呀sir一行10人去食漢堡包。等位無等好耐, 差唔多一入到去就有位。 呀sir 請我地食左漢堡跟咖啡或茶個餐, 我選擇左漢堡包跟杯凍奶茶。等個餐唔算好耐, 大約5分鐘, 可能因為5點幾先去。個包唔錯, 個漢堡肉無好實既感覺, 新鮮整出黎d肉好juicy, 加上沙津汁, 一個字, 「正」杯奶茶, 不過不失啦! 冇咩茶味, 不過唔算太甜, 冰就太多。總結黎講, 呢間係食下午茶唔錯既選擇 =]…Read More