suppercheese's Profile

食物無問題 係態度超差埋單畀卡就指我行到最入嘅收銀 嘟左卡問收銀個呀嬸得未 2次，得唔到任何回應 想掉頭走 但諗起要泊車優惠問攞單語氣好差咁話 想畀單你又掉頭走 我話你唔畀我咪走之後個更年期呀嬸就好燥好大聲咁話 未印好點畀你呀？！ 好似老奉要受佢氣 如果唔介意受氣呢間係可以食嘅食物，係夠飽，味道中規中矩。之後我睇返呢度嘅食評，都見到幾個話服務態度好差。 v city 其實大部份食肆係好食嘅，服務態度又好好多。我真係唔會再揀呢間。 …Read More

呢間真係我食過最好味米線，唔係好濃味嗰隻，但係個麻酸辣豬骨湯係好好味，酸菜魚有好多魚！最鍾意食佢嘅腐皮卡膠卷，即叫即炸脆卜卜，腐皮又多又好食，豬軟骨又好入味。 每一碗都係即刻叫即刻整，熱辣辣，仲有好多芫荽蔥，正！ 加幾蚊仲有杯凍奶茶，坐得舒服。每次去到都唔係好多人，星期六日都坐唔滿，今日終於見到佢貼出嚟話要結業啦，真係好唔捨得。每星期都食2次，真係生意難做如果老細睇到，希望你可以去第二度開返一間啦，繼續支持你，加油！…Read More

今日晚餐去食叫左六個餸，其中一個蝦球伊麵，即左一半之後發現全碟都係蟲！一共有幾十隻， 非常嘔心！啲蟲係黑色，有大有細，有腳嘅，唔係普通嘅菜蟲，我都未試過食嘢見到咁多蟲，好恐怖。向經理投訴之後只獲取消該餸，講講吓仲走咗去，完全冇事我哋，過咗好耐之後個老細搵咗個細嘅來講，話呢度冇負責人，完全投訴無門。應該係啲食物放左好耐，生咗好多蟲。本來住佐敦每個月都幫趁，依家應該唔會啦，唔想食物中毒的話，去之前真係要三思。 …Read More

因為附近只有一間坐得好的皇室甜品， 有時都會嚟食，但今次叫左個綠豆沙。。未食過咁難食的綠豆沙！睇個樣都已經不得了， 白白地唔係平時綠色， 完全係雪到壞晒！ 傑過糊仔。唔只食落無味 極難食   其他食物如 冰都係非常一般。 唔會再嚟…Read More

屋企附近成日去又平又好味道我最愛食紫菜三味可, 好多紫菜河粉又夠滑真係超正不就份量少. 我同我bf 要叫3 碗先夠 - -因為我 & bf 好鍾意辣, 所以一定會買樽辣椒醬油$15 細樽 (大樽太多容易變)朋友都話好香好辣!! …Read More