吳某人's Profile

約咗朋友喺中環食飯，係openrice見到呢間餐廳， 見未食過又有得留位就試下，試過發現有驚喜。我叫咗個椰子湯香茅豬扒米跟餐飲熱奶茶。椰子湯清清地，味道好啱我， 啲粉嘅粉質介乎於平時食嘅米粉同麵線之間， 未試過但係好味，非常獨特非常推介。 香茅豬扒香味足夠分量合適， 而且分湯上， 但炸得偏乾， 如果下次再食會選擇其他餸。 其中比較驚喜係佢隻熱奶茶有一種獨特嘅香味，唔知點形容，可能係我未試過嘅茶葉，唔知係唔係另外加咗香料。 而且就同區餐廳而言，價錢唔貴， 大家經過都可以試下。…Read More

今年受疫情影響，新年要做節只能喺屋企，前排去觀塘做嘢見到Boon 推出令法式海鮮火上鍋，打算試下睇下可唔可以取代盆菜，換下口味。提前嗰幾日預訂，今日下晝親自拎返屋企煮呢食。番到屋企拆開包裝，啲包裝都幾精美，各類食材都分開放，整齊有序。而且入面中寫埋點煮，其實都好簡單食完海鮮就落飯再煮。本來想用LECREUSET鍋煮，但係海鮮實在太多放唔落。最後用打邊爐個鍋呢煮，啲料好最放到滿曬。龍蝦湯湯底好有特色，本來都鍾意飲龍蝦湯嘅真係唔可以錯過。食完D海鮮之後，拆起啲青口肉，連埋啲飯放入龍蝦湯入面煮，啲意大利飯真係好似出街食咁。…Read More

趁住聖誕節假未完，約咗啲朋友出去大鴻輝唱k，唱完去海之戀食嘢。之前去冰極餐廳下載左THE GULU，今次都試下用呢個app去訂位，見到呢間餐廳好似唔錯就去訂位，所以唔使等好耐好快有得坐。叫咗個二人套餐同和牛炒飯，佢所有食物嘅賣相都唔錯。蘑菇湯好香濃，有好香菇味仲配咗兩塊蒜蓉多士仔。凱撒沙律都好足料。主菜豬胺加上醬汁好香，味道唔錯。和牛炒飯食落去有驚喜，似係混合可韓式泡菜落去一齊炒甜甜地又唔會辣，幾好食。…Read More

細細個就鍾意睇蠟筆小新，之前譚仔就聯名蠟筆小新推出一系列小禮物，近排更加推出回鍋肉蝦仁炆米。作為蠟筆小新嘅粉絲當然要去譚仔朝下聖，試下呢個回鍋肉蝦仁炆米，再叫多份經典小食蒜泥白肉。蒜泥白肉真係到譚仔必叫，好好食。不過食完真係要盡快刷牙，次次食完太太都話我口臭。回鍋肉蝦仁炆米味道唔錯，啲米線唔會太諗，口感唔錯。叫咗中辣呢個辣度啱啱好。四十幾蚊啲米線D餸唔會太多，但係啲撈麵醬好夠味，而且份量多好夠飽，呢個價錢嚟講真係好抵食。…Read More

太太生日免費入海洋公園玩，我當然陪佢一齊玩，見海洋公園網頁話冰極餐廳有聖誕套餐，加上冰極餐廳有企鵝睇，就決定到冰極餐廳食午餐。等候時間非常長，拎完飛足足等咗兩個幾鐘先有得入場，仲有幾個到我哋嗰時，就係冰極餐廳附近嘅冰極館行咗，睇完企鵝餵食之後再等左一陣終於到我地。入到屋企鵝餐廳叫咗份聖誕套餐，同埋特色企鵝pizza，之後就去影企鵝。然後我發現係餐廳影企鵝嘅角度，係仲差過喺冰極館影。不過都算總算係冇咁多人逼住一齊影，時不時都有一兩隻企鵝行到玻璃邊，可以畀你影下。雖然玻璃邊已經放咗三個餐枱，你可以影到企鵝嘅位都有一兩米長。總算佢冇呃你 係有位畀你影企鵝，可能下次好彩坐到玻璃邊感覺會好好多，不過全場得三張枱同我都未必會再去食，應該唔會。終於入到正題，講返啲食物，聖誕套餐其實都還好，呢個價錢係海鮮湯的海鮮完全冇味，應該係煮完湯直接揼幾粒海鮮落去。然後就係前菜，嗰兩粒炸波，好似開party叫到會，放咗兩個幾鐘有啲潮唔識脆嘅感覺，青瓜ok應該係新鮮嘅青瓜。個聖誕樹多士，上面嗰pack綠色汁味道一言難盡。奶茶可以完全做到冇茶味咁濟，完全照顧到我哋身體健康，夠清淡。然後主菜上台，終於食到一個正常嘅食物，雞卷同帶子都係有調味，而味道係唔錯嘅。最後係朱古力慕絲，味道都係好嘅，不過食唔曬有啲滯。總括而言，聖誕套餐嘅食物質素有高有低，佢嘅外型係靚嘅，用嚟影相打卡係唔錯。最後食咗個企鵝pizza，可能我已經冇童真，欠缺幻想力，我搵唔到係佢係企鵝嘅身份特徵，甚至乎覺得佢有啲醜。不過算，除卻外型以外，佢嘅料係好足嘅，而味道確實係唔差，個餅底都好脆。不過佢呢個價錢嚟講，係有啲令人失望。…Read More

聖誕夜喺馬灣食晚餐，最靚嘅景當然係望住條橋食，帶埋外母就落樓下沙灘搵嘢食。而沙灘邊呢間德國餐廳，一直都有幫襯開，每次嚟都會叫一隻德國炸豬手食，唔會太鹹，個豬皮非常香脆，仲有啲特色酸菜同薯蓉，加細細份沙律，一個人食唔曬，可以同太太一齊食一份。最後再叫多份甜品食，格仔餅加一球雪糕，不過今次格仔餅唔夠香脆，有啲可惜。我八點鐘開始食，上座率大約只有六成，不過服務員可能比較少，等好耐先有侍應呢點餐，服務方面比平日差。…Read More

冬至打算同家人去食野，呢排天氣凍決定食火鍋。打電話到海底撈訂坐，只能訂到5：00 pm的時間，好在太太冬至收四點，收工趕到時間岩岩好。需然知道海底撈服務好好，帶BB去應該有玩具送。但收到玩具時都有驚喜，唔知係咪個仔可愛，今次收到兩份玩具，一個玩具飛機同搖鼓。全程飲食都有人跟進，加飲品同落墨魚滑都有人幫，又會同個仔玩下，。而味道方面都十分滿意，生蠔好大隻新鮮，牛小排好香牛味，係新鮮牛肉，雞肉同滑牛調味都唔錯又滑。美中不足係響鈴應該唔係即炸，唔夠香脆。最後埋單四個人食一千八百幾，價錢唔平，但服務同食物質素都好，都算係物有所值。…Read More

今日帶個仔去仁濟醫院，仁濟醫院嗰邊都冇咩好食，最近多食肆嘅地方應該都係悅來坊。一眼望過去，見到元氣壽司同pizza Hut，元氣近排食得太多近，想轉下口味就食pizza hut。一堆叫咗個lunch set食，有意大利蔬菜湯，夏威夷pizza hut迷你批，同一杯嘢飲，都係83再加一。意大利蔬菜湯同咖啡不過不失，pizza好足料，批底亦都好香脆，上枱仲係熱辣辣。不過對於成年男人嚟講，我認為有少少唔夠飽。最後叫多個朱古力醬窩夫同雪糕做甜品，因為食lunch set 每樣只需加十蚊好低食，窩夫好香脆，值得推薦。…Read More

做元氣會員需要62日內食夠950蚊，呢排都係咁食，元氣cp值都算高 我同太太食左三次先儲夠。平均兩人食每次都係300左右，食完登記會員，可以即刻換領會員禮品，一個有元氣logo嘅杯，同50G綠茶粉。今次係荃灣食元氣。今次早左拎位6點左右去食，唔洗點排好快就有位。食物質素有保障，邊間都唔會差，入到去先叫炸野。叫咗個炸軟殼蟹同忌廉蟹肉可樂餅，都係即叫即炸送上枱熱辣辣，炸軟殼蟹食落有啲蟹膏都幾香。之後再叫壽司食，除咗個新嘅壽喜燒牛壽司有啲伏，其他魚類同帆立貝壽司都好好。最後食甜品要咗個柚子雪葩，柚子味好清香，唔會太甜又唔膩。…Read More

又係星期五到放假嘅時候，獎勵下自己先返屋企。本來想食越南菜，但係老婆話元氣要儲分做會員，於是決定食元氣。食得元氣就預咗要排隊，好在元氣可以先拎籌，就到你嗰時會有電話提醒你，陪太太喺樓下睇下衫，都好快有得食。坐到落去，先自己整杯茶飲下先，搽粉係免費嘅，值得一讚。再掃 q r code叫嘢食。食品有水準保證，酥炸魷魚鬚同紅雪蟹忌廉餅，熱辣辣好香脆，應該係即叫即炸。海膽花卷都好鮮甜。刺身同壽司味道亦唔錯，選擇多過食放題。我同太太食到飽，埋單都係二百幾，睇嚟未來一個月仲要食多兩次，先儲夠分做會員。…Read More

中秋入東涌追月，順便去買衫。喺東薈城行咗陣，想食個下午茶，太太一直好鍾意cova芒果蛋糕，就去咗cova食。喺cova叫咗個芒果蛋糕同一個辣肉腸pizza。咁cova蛋糕水準一向都高，太太有讚冇彈，飲品都唔錯，不過就係有少少貴。蛋糕細細哋都要90，計埋飲品，太太雖然細食埋單都人均200。驚喜嘅係pizza水準都好好，餅底香脆。價錢都唔貴，我記得係120蚊左右，比pizza hut好食，分量唔算太細，我覺得幾抵食。…Read More

打工仔終於捱到星期五，諗住買件衫獎勵下自己。同太太去到東薈城名店倉買衫，行到咁上下又係晚餐時段，見到間羅宋湯專門店，以為係食西餐入去坐下，估唔到啲食物係茶餐廳嘢食。我叫咗個廚師精選熱奶茶+汁燒豬仔髀豬仔包+海派羅宋湯個羅宋湯的確唔錯，料夠多湯亦都香。豬仔包外皮非常香脆，不過我認為內餡嘅豬仔髀有啲乾，唔夠juicy。太太叫咗個紅酒燴牛肋條，升級咗套餐，要咗碗清雞湯同一杯特飲，清雞湯都值得一讚，不過牛肋條就有啲唔夠淋。…Read More

夏日炎炎 出街食飯都係一種折磨，同太太係屋企食外賣。 喺馬灣食飯其實選擇都唔算多，日本嘢食到悶於是嘗試下韓國餐。就選擇左呢間foodbok。食物選擇種類都多，有韓式飯卷同韓式粉絲牛仔骨之類嘅韓國菜都有。接聽電話嘅服務員態度幾好，因為上一次食呢間已經係幾個月前，餐單已經更改，冇左之前食啲餐，所以落單時都幾多嘢問，都有耐心回答。我食咗韓式辣豬脊湯，味道同我係韓國食都有八成相似。太太就好鍾意佢呢間嘅粉絲同牛仔骨。…Read More