Tess.kwan's Profile

佢嘅限制都幾多吓。每次落單淨係可以揀八款嘢，搞到我哋要諗清楚先落單。🤔 而且，每次落單之間要等十分鐘，每款無得揀數量，統一人頭計，變左一定要所有人都食嗰款先好叫，呢下失去左任食火鍋嘅意義。佢哋嘅蒸氣火鍋個鍋細到呢！🤏 每次淨係可以擺一款食材，蒸嘅速度又可以好快，同時又限時，變左其實唔係可以食到好多轉。宵夜時段 🌃 9點35分後有特價係幾吸引嘅，但係職員們趕收工嘅心情就寫晒喺面上。 🤦🏻‍♀️佢哋會用「睇下幾點尾班車先」呢啲說話嚟情緒勒索，令人覺得唔舒服。 😓餐牌明明寫住可以食到12點半，但係11點就開始收碗，熄冷氣拉閘，真係好趕客！ 😠 仲有，明明話11點last order，但係10點就開始問我哋叫晒嘢食未，好似想快啲清場咁。 🙄總括嚟講，呢間火鍋嘅嘢食味道都唔錯，啲食材係幾靚，但係服務同埋時間限制真係令人卻步。 😕 如果佢哋可以改善吓呢啲問題，相信會更加受歡迎。 👍🏻…Read More

之前嚟食過幾次都好好食，pho嘅配料仲可以自己加。但係今次配料一早落曬，湯底死咸。一位員工不停講電話，韓文溝廣東話，以為佢唔想比人聽到佢講咩，但會聽到佢講11點半準時落閘走人，趕住收工嘅言論，味道到成個食飯過程同之前完全唔一樣，令人失望🥲…Read More

外賣平台等餐廳整野食等左45分鐘🫠 我冇叫飯 只係叫左蛋餅同埋兩杯茶 要等45分鐘 由1615到既下午茶 就快變晚餐先唔評論好唔好味 作為小食要得咁耐其實冇買佢既理由🙈🙈…Read More

佢賣相幾好，第一啖都覺得個湯底唔錯，但係食到一半就己經好膩，但佢又唔係行重口味路線，食落有少少老尷。 隻蛋好重酒味，重到搶曬味。不過個叉燒係幾好食，有心做，但可惜只有細細兩塊。慢煮豬肉係口感幾好，仲有少少黑椒調下味，有新鮮感。燒肉好重燒烤味，重口味人士可以一試。成個麵食曬之後會好口渴，應該落唔少調味，同時因為有生洋蔥會好口臭，約會真係唔好食呢間😂mvp係個綠茶可樂，意外地好飲。 最後杯水勁臭，提提佢地係時候要換濾芯😂總體好失望，以為佢地只有三個選擇好有信心，但其實真係還好。…Read More