MartiniWong93's Profile

星期6⃣️送咗女友去尖沙咀見朋友，自己1⃣️支公去長沙灣洗🚘，呢啲抗疫季節，人清潔之餘🚘都要清潔吓。放低架🚘話要等2⃣️粒鐘先🈶️🉐️拎🤦🏻‍♂️，咁就周圍貢吓喇，行過見到呢間話「金牌清湯腩」咁緊張，就👀吓🈶️幾掂。女友係抗疫先鋒，淨係比吔外賣同自己煮嘢食，趁佢唔喺身邊，偷偷吔。其實🈶️啲懷疑自己上世係1⃣️條草嚟，比🐮吔🉐️多，今世報仇所以好喜歡吔🐮，所以周圍揾🐮腩吔。嗌咗個肥腩米走蒽加炸🐠皮配凍啡多奶少冰，未吔過試肥腩去減低伏嘅機會，起碼柴極🈶️個譜，點知阿姐話：我哋全部係坑腩嚟，盡量肥比你喇。我心諗全部坑腩咁荀？👀吓價💰，3⃣️6⃣️🦟，🈶️坑腩？真定假吖？先嚟🐠皮，哇咁大兜1⃣️8⃣️🦟，我唔奉行大件夾抵食呢個概念，好食就算細兜都抵，難食你比🔟人份量我都係垃圾。🐠皮好淺色好薄，唔係話極香嗰隻，浸1⃣️吓湯拎上嚟，吱哩咋喇咁聲，正，薄而脆，口感不俗，唔太重口味。當然下1⃣️步試🐮腩，咦？又真係坑腩啵，揾舊肥啲嘅開⚽️先，🉐️！𣺉，香，0⃣️柴，又🈶️𡁻口，🈶️啲淡淡嘅胡椒香，心諗之前喺灣仔名店吔成7⃣️0⃣️🦟1⃣️碗坑腩米，重要半柴，揸🚘嚟呢度吔連油💰隧道都抵。特登擺耐啲先食啲瘦啲嘅，1⃣️樣掂，𣺉、香➕0⃣️柴，好⚽️。咁當然都🈶️膠嘢嘅，茶記難飲咖啡係正常，呢度1⃣️樣，最緊要係，所🈶️店員連煮嘢食嘅都🈚️帶😷，呢吓比女友見到實唔比我入去，希望唔好惹武肺換好味🐮腩喇😅時代抗疫💪🏻😷💪🏻…Read More

星期六，熱辣辣，送女友去康怡補習英文，搭扶手電梯由地鐵站上地面時，見到好多三哥廣告，心諗肯定有新檔口喺附近開張，市場策略，正常不過，女友見到話：好餓啊！心諗卅幾度喎，麻辣米線此刻妨如反送中遊行嘅感覺，想去馬但又卻步，不過女友嗌到又何妨令佢開心一吓，我話有「冷氣」就得嘞。成間舖大落地玻璃，望入去六成滿，咦？無勿蜆姐嘅？玩自助乎？入去睇吓乜料。哇，大佬，見到班為數十幾件嘅勿蜆部隊，全部暗藏喺門口右邊嘅出餐處打牙較，心諗三哥唔睇舖都唔使咁猖狂吖化？再行兩步知死，「零冷氣，噴風only?」，女友話試吓坐唔近街，後面啲位，行嚟行去，哇，一滴冷氣都無？？有個四眼肥哥望吓我，我又望吓佢，口噏噏，卅幾度，曬埋入舖，可想而知無冷氣咩境況，重喺度唔走，唔通相信流汗進食減肥法？面前又有位四眼哥，面紅耳赤，雙鏡泛霧，汗如雨下，乜料吖？我話走喇，入返去Aeon買個八月堂咬吓合乎人道啲，女友都投降，撇之際終明白勿蜆部隊何以長期註守出餐處，唯一無壞嘅冷氣機正送出陣陣涼風供其享用，天啊，壞冷氣咪揾人整，你可以話我，唔鍾意咪走囉，講咁多做乜春，唔該，我想講幾十蚊一碗米線，一般人負擔得到，但係相對嚟講，負責任嘅商戶，係咪應該提供合適嘅環境比堂食客人呢？壞冷氣唔整，不如全單八折吖，反正電費肯定平一大截，不如回贈客人。…Read More

我其實從來都唔寫食評的，通常睇多，不過今次唔寫係對唔住自己，亦希望其他食客可以從中汲取教訓。星期日同另一半趕功課仔，佢話呢間Cafe靜靜哋環境，做嘢唔錯。咁就轆落去試吓吖，北角我唔熟，一舊雞咁。見到個門面裝修同menu，幾好喎，價錢又合理，睇過吓openrice feedback幾好評，心諗飲杯咖啡砌功課先，之後吔埋飯都得喎。當時大約1830，得小貓幾隻，坐張四人枱，嘩，個冷氣乜事，以為自己死咗，入咗殮房，大佬得幾個人，開咁大冷氣為乜？一嚟唔環保，二嚟趕客都無客比你趕喇。之後陸續有啲客入嚟，大約半滿左右，X，個冷氣又再開大啲，痴線㗎？我杯熱焦糖咖啡，用咗三分鐘變凍咖啡，可想而知，個室溫我估得十五、六度或更低。喇喇聲做完嘢，嘢我哋都無飲哂就撇，之後過隔離街食越南嘢。我奉勸各位千奇唔好去，本身我好人好者，之後一病就成個星期發燒重感冒，痴線的。…Read More