真係嬲到唔寫唔得, 見主題"帝王蟹 . 海膽"所以選購自助餐, 一早已知海膽是限量供應, 所以主打當然係"帝王蟹", 我們一行6人大約19:15到達, 當然先到海鮮區, 但發現所有海鮮的數量都相當少 (龍蝦"仔"同螺除外), 唔講仲以為自助餐時間就快完, 而於整個用餐時間 (我們坐到22:00先走), 都只補充過一次, 仲要係O個次補充後再去, 都係得少量 (帝王蟹同龍蝦都係咁), 既然做得"帝王蟹"主題, 點解只補充1次就算? 另外, 刺身就更有趣, 通常有供應的刺身都會放係凍櫃內等人揀, 但唔知點解硬係要收埋D帶子, 見到有人食先知有, 要問佢先會比你, 帶子都唔算叫特別O既食物, 真係唔明點解要收埋, 真係好鬼鼠, 鐵板區都係咁, 通常有咩食都會整個樣版等人知道, 但現場除雞串同魚外, 就睇唔有其他, 我都係見到有人食煎鴨肝先知有, 成餐飯比我O既感覺就係海鮮唔會主動補充, 比較多人會食O既食物就收收埋埋, 熟食選擇亦唔多, 唔計燒味同印度食品, 如冇記錯得5款 (當中有2款係炒飯同伊麵), 以接近$600/位O既價錢黎計, 可以話完全唔合格, 由於唔可以唔比星, 所以點都要比1粒, 但其實佢連1粒都唔值。…Read More
