mr. ricric's Profile

曾幾何時一個星期起碼有兩日會食米線，突然間又對米線無哂興趣，無食2個月，而家米線癮又起返，決定又再四圍試，呢條間基本上只剩呢間麵店未食過。既然禁岩經過,無理由唔去試下。叫左個雲南酸辣米線中辣加兩個餸，是有點驚喜既。因為試過好幾間米線既湯都係得個辣字,鹹味往往唔夠。但呢個米線出奇地夠味,仲好濃,而且帶有少少沙爹味添。但相反就無酸味,同埋辣既程度比較低。 當然碗麵都有酸菜，但都係唔酸。腐皮就一般無咩特別，大腸就偏肥味道夠香。 總括黎講中規中矩,會再來食。…Read More

香港人步伐急速，其實我同女朋友基本上用餐既時間一向都很短，一個小時完成是習慣。呢晚因為要去紅館睇演唱會,就揀左尖東食個晚飯先。 好耐以前試過去銅鑼灣店食過，當時係食burger, 味道不太好,所以一直都無再去,直至女朋友極力說服,再去試得次,又有返信心，所以今日又想去食。 當晚約7點鐘入座，walk-in 剛好有位,但後來半個鐘後門口已經開始要等位,唔難得之員工入座之前有提示限時個半鐘。首先黎個餐前包-黑糖麵包，我女友的最愛，佢話呢個包係outback 最好味既。上菜時個包係微暖，我覺得熱少少會更加好，質地好綿軟，甜味適中且帶黑糖既香，的確係當中最好食。 因為女友不餓，只點了一份main course 同兩杯飲品。main course 點左豬肋骨併燒雞半隻，豬肋骨味道普通，偏甜，燒雞亦一樣，普普通通，我食脾位,肉質都算滑,唔會老。呢份main course 仲有會配兩份配菜同埋一份沙律/湯，我地叫左凱撒沙律，是細份的。細份的比大份的味道差得遠，麵包很硬又無咩味。沙律醬同芝士的比例較大份的少。服務則麻麻,員工木口木面的，無咩笑容。btw因為太急,所以無影相。…Read More

九龍友一向甚少入元朗，禁岩有朋友生日，先特登揸車入黎。其實元朗都算係一個美食雲集既地方，不過覺得好難泊車，路邊又會抄牌，又唔多停車場。所以好少黎呢區。好彩朋友揀呢間有停車場。 服務麻麻，因為當日人多，d 員工都唔得閒理我地，叫幾次先記得。食物方面選擇算多，尤其係甜品，有埋個甜品櫃，比我想像中好。燒烤既食物不過不失啦,大多韓式燒烤店提供既燒烤食物都是差唔多，如果不是用太差的料，食物好無食，其實都係睇自己識唔識燒。自問技術麻麻，好彩朋友當中有幾位都好叻燒野食，當然味道就自然好。不過我覺得滿意的地方是有提供中式既熟食，可以食埋咖哩雞同咕嚕肉的確是不錯，味道亦比我想像中好，咖哩雞重椰汁味，係我鍾意既味，而咕嚕肉中酸味夠，排骨亦肉厚。 到左尾聲有生日蛋糕食，初時以為係我朋友買的，但原來係餐廳提供，預先訂位就有。 有angry bird 蛋糕食真係幾抵,不過唔知係出面買定係自家製，都幾好味。…Read More

呢間拉麵店今個月已經食第三次了,我既同事們幾孚將呢度當做食堂，我就無禁誇張,本身我鍾意食西餐多d。拉麵熱潮近來係香港興起，賣成差唔多成百蚊一碗既拉麵既餐廳數目越開越多。呢間亦例外，同區較出名既拉麵店我幾孚都試過，感覺大家水平相若。難得同事們極力推薦，而且推介我食佢地既溏心蛋，結果比我想像中較有驚喜。其實我不太喜歡食蛋，但呢度既蛋我會照食，蛋味濃而且香甜。當然，還未至於會愛上,至少唔抗拒。三次食都係食No.1 拉麵, 叉燒肥瘦適中，大件，拉麵我揀左硬身，食過三次,煮出來果然可以保持差不多既軟硬度，加埋香濃既豬骨湯底，真係值得我去第四次。不過可能要隔一段時間先可以再去,因為長期百蚊一個午餐,會好快窮。…Read More

最近返工前嘆早餐都係去starbucks, 一黎唔夠訓,想飲咖啡提神,二黎一直都鍾意starbucks 既麵包, 就算返叮都好味。平時都叫開grande cappuccino,因為tall size 唔夠飲。但以經驗所得,grande size 既咖啡,通常都係奶味重過咖啡味，所以今次決定試下tall size, 不過原來tall size 都係一樣,咖啡味好淡。最滿意都係意大利香腸烤卷, 幾孚去親都會叫，size 比平時的麵包略大, 對於我黎講岩岩好，香腸味道不會太鹹，包軟而有香草味濃。老實講,咖啡其實不太出色，而且亦不夠香，而且因為沒有套餐,單點計下一個早餐要五十幾蚊算是昂貴了。但食物質素不錯，而且在starbucks 嘆早餐,沒有趕頭趕尾的感覺，叉夠電,又要上班去了。…Read More