or#ta66949713's Profile

今日同老婆過去幫襯同之前上手cafe裝修一樣,冇咩點變兩個人叫咗兩杯凍latte（冇睇張單唔知幾錢）,一個鬆餅（好似係38元）,藍莓士多啤梨乳酪（88元）,同埋一個意大利飯（158元）咖啡幾好飲,用燕麥奶沖而食品質素同其他cafe差唔多都係嗰個味,無咩驚喜,但算唔錯不過埋單400幾元,平均每人200元,對於我同老婆嚟講一個午餐算係比較貴（因為冇套餐要散叫）總言之整體感覺就係一間普通嘅cafe,冇乜主題冇乜特點,所以都估計唔會再幫襯,因為淨係西環地區都已經有過百間cafe,好飲嘅咖啡大把,食品質素同佢一樣但價錢平過佢亦都有好多,冇必要特登行過去食…Read More

我本人都係做飲食業但從來未見過一間餐廳係經營手法咁霸道,我本人想食個包,我老婆想飲咖啡,係唔可以叫一杯咖啡同一嗰包,強迫客人每人最低消費一杯嘢飲,客人只叫食物係不計算,咁如果我叫百幾蚊嘅全日早餐,係咪都要叫我買一杯咖啡先,如果唔係我老婆趕時間做嘢,我當場會拍枱走人！你呢間嘢絕對冇下次！…Read More

聽聞呢個黃金雞咁出名特登揸車到筲箕灣幫襯,入到去店舖買咗黃金雞飯,當正在等外賣嘅時候我留意店舖嘅環境和衛生,衛生情況一般,乾淨一定冇份但係又未至於太差,算係中下嘅感覺,對於我嚟講埋可接受啦！我覺得可以做得好啲！大概等咗幾分鐘就可以攞走速度好快,攞返到屋企即刻同我老婆分享！一打開飯盒,首先見到蘿蔔絲芫茜放面,蘿蔔絲下面係黃金雞之後油飯先試蘿蔔絲,我開頭以為蘿蔔絲係酸,所以一大膽擺落個口,點知係鹹,直頭鹹到我標曬眼水,頂唔順吐返出嚟！之後再試雞,個黃金雞味道一般,絕對唔算滑,比出面嘅海南雞飯味道鹹少少,唔知道係咪因為蘿蔔絲放面嘅原因！,之後再試埋醬汁非常多味精,我食完係好口渴！其實我唔介意出去食嘢係有味精,不過你呢個醬汁嘅味精非常之多,過咗火至於油飯乾到不得了！我唔知道呢個係咪店舖嘅特色,不過我接受唔到太乾！我老婆畀我要求更高,佢食咗兩啖就唔食,為免浪費我就食埋佢嗰啲雞,但個飯就冇食啦！整體嚟講算係非常失望！特登揸車入去買返去孝敬老婆,點知食完係咁難受,飲咗非常多水！但好老實講,45蚊一個雞飯算係平！但如果45元係呢個質素我寧願畀多20蚊出去食好啲！…Read More

行經過堅尼地城見到一間貼滿曬AK同AL嘅鋪頭我老婆捉住我入去,諗住落去攞應援物,順便幫襯下,點咗個檸檬燒牛肉飯同薄餅套餐價錢正常都係五六十蚊左右,買完之後喺附近嘅公園坐喺度食檸檬燒牛肉飯非常開胃！牛肉接近七成熟,又霖又香口,最好味係青檸辣汁,同牛肉配搭得非常好！58蚊有呢個質素非常驚喜！薄餅套餐豬腩肉非常香口！另外雞肉都好滑再配個花生沙嗲汁真係好正！結果我哋食完之後再去買多六串套餐返屋企食！真係估唔到堅尼地城有一個咁高質素價錢又唔係貴嘅外賣店！！！…Read More

上網見到宣傳好似幾吸引經過大角咀就特登試下啦,去到門口見到餐廳裝修好豪華,有一部分人排緊隊,大概等咗十分鐘之後就輪到我入座咁我睇完菜單,大部分菜式平均價格二百幾到四百幾不等,咁因為得我一個人去食所以唔係叫好多嘢,咁叫咗豬耳扎肉串燒同金邊粉,咁我咁啱係坐吧臺,見到佢哋嘅串燒全部都係即場生燒！如是者坐咗喺度等咗十幾分鐘,一杯水都冇,係我要主動搵服務員佢先至畀水我飲,我就覺得一間人均消費300元嘅餐廳連水都唔會主動畀一杯,呢下真係扣分！大概接近十五分鐘之後串燒終於嚟到,第一啖咬落去得個辣同鹹冇其他味,入面加咗幾多花椒就當係四川加泰國風格,即刻有一種中伏嘅感覺,完全唔明白個串嘢點值58元！坐低後半個鐘頭金邊粉先至嚟到,賣相感覺唔錯,但蝦就得兩隻,咁我第一啖先食蝦,心裏馬上講咗一句粗口蝦系霉....,一隻頂唔順吐咗出嚟,另外一隻夾硬食,費事嘥咗佢,之後試埋佢嘅粉,味道非常一般,金邊粉味道唔突出,佢成碟嘢嘅質素九龍城一間普通嘅泰國餐廳都好食過佢,除咗食佢裝修之外,完全唔明白呢碟嘢點賣買二百蚊！食完之後就準備埋單走人,我同經理表達嘢食嘅質素好差！經理嘅解釋係：佢哋今日比較忙同埋唔夠人！我心諗你賣成二百蚊一碟金邊粉,其實你哋有冇資格去辯解呢？真係當客人傻！我本身都預咗價錢會比較貴,但我真係冇諗到個質素差成咁！結果埋單282元,食完之後成個感覺不良好,好似畀人搵笨....仲講自己係米芝蓮大廚,一碟普通嘅金邊粉都可以炒成咁,對唔對得住自己個大廚名！我勸大家冇食過嘅千祈唔好去試！！費事浪費錢！…Read More