chung908's Profile

老婆大人生日，當然要揀佢“至愛”，賀一賀佢。況且小朋友都愛蠔，咁一定岩晒。唔擺相片，只講意見，如下：1. 地方幾吊腳，山上高左轉右轉，唔熟悉果頭都幾惡攪2.餐廳唔大，小店feel，但門面幾靚，有酒吧既佈置，廚房外擺既長枱，有蠔同龍蝦，食欲大增3. 蠔就必叫，要左美國太平洋、愛爾蘭、同法國吉拉多。老闆細心介紹食用先後次序，值得一讚。太平洋蠔鮮甜可口，不過係細隻左d；愛爾蘭果隻大少少，creamy; 最後係吉拉多，肉厚，甜味更濃，呢個真心正4. 叫左個芝士煙肉焗蠔，出奇地好味。焗完既蠔冇乜縮水，仍舊鮮甜。芝士同煙肉碎添加了味道，同蠔好夾，值得一試5. 叫左加拿大睡蟹，膏勁多，點醋幾好味，不過肉就少d咁6. 另外叫左d意粉同小食，不過不失7. lunch時段，叫夠半打蠔有8折，抵食總括黎講，愛蠔之人一定要黎試下…Read More

帶亞仔黎北角玩，順便食佢呢期興既糖水-芝麻糊相就唔影啦，只係寫字算。舖頭個位其實係幾難揾，係七海商業中心個巴士站條橫街入，果頭都幾多食肆，第日可以試下。一入舖頭，真係好細，得幾個位，坐得迫。叫左個芝麻糊加湯圓同椰汁黑糯米，等一陣就到。芝麻糊果然係招牌菜，好香好杰，唔會係水加粉，至於湯圓就不過不失啦。黑糯米就有嚼勁，唔係d未開既米，芋頭亦香，椰汁味濃。服務也不錯，店員有禮貌。價錢相宜，兩碗加埋只係五十幾。一定有下次。…Read More

仔仔生日，星期日一行3人到呢間餐廳食brunch，chill下咁啦。相就唔post啦，反正其他食評都有，只寫意見。1. 凍海鮮不俗，尤以青口、龍蝦蚶為佳，非常新鮮，refill快2. 四重芝士pizza勁正，批底薄之餘有咬感，食落唔會好似pizzxhut咁滯，難怪呢間pizza攞到意大利既認證3. main dish叫左煎三文魚同西西里雞肉雜菜，魚同雞都好滑4. 沙律以意式為主，檻欖油常見，味道不錯5. 最驚喜係面包，睇落以切開既油炸鬼，點知好脆口，伴以無花果醬（推介）、紅莓醬、提子乾，簡單美味，唔係一般餐廳既貨色6.餐廳唔大，攞食物既通道較窄，肥d都過唔到7.包一杯飲品，叫左凍咖啡，無乜特別8.餐廳氣氛好，有音樂，幾岩三五知己chill下，唔會咁拘緊9.最後送上生日蛋糕，小朋友有得吹蠟燭，好開心10.甜品選擇不多，每樣都大大件咁，以tiramisu 最正，不負意大利餐廳既威名11.性價比高-大人448，小朋友298，用openrice優惠有9折，質素遠比一般酒店buffet為佳…Read More

紀念日,同女友來呢間食啦,橫掂佢好日本菜呢.根本就唔使訂位,平日晚上大把位.但可能老闆見我地消費不高,就叫我地坐角落頭,無奈,訂左位都要咁前菜係納豆,成$20蚊碟,冇叫但自動俾,有點老屈.叫左個稻庭烏冬,份量少,但汁鮮味,唔太咸.面身夠白,每條都彈牙,好滑,又唔粗,同即食烏冬差好遠.不過要$68一碟.叫左個牛油果卷,飯夠彈牙,紫菜好脆,料都多,但成$88一碟.叫左個鯖魚壽司,鯖魚好新鮮,夠大舊,好飽下.不過魚有點腥,我食慣就冇問題,可惜女友就....早知唔叫啦!!唔知幾錢,menu無寫,不過肯定唔平叫左個天婦羅,其實好普通,又幾十蚊.餃子ok,皮薄但油多,又幾十蚊.計埋加一要成4百幾,但只不過係比普通日本店高出少許質素.唔鍾意d waiter一味sell貴價菜, 咁點得架?…Read More

同女友黎到新城市,一於試下呢間漢堡啦.嘩?!!?成六十幾蚊一個餐??係咪真係咁好食?!服務已經唔得,要我等幾分鐘但又冇牌俾我,攪到 waiter周圍問人係咪叫呢個餐,點解唔學kfc咁俾個no.牌仔呢??一食個bc combo飽就知中招,塊牛肉乾到乜咁,又硬又冇牛肉味,一d都唔juicy.咁就慘啦,牛肉係靈魂,你話點算但公平d講,佢d菜,蕃茄,醬都好夠味好新鮮.另一個燒汁雞飽仲衰,d肉又鞋又硬又唔熱,同雞胸冇分別,汁又唔夠.又係靈魂唔掂薯條得個大字,無乜味,M記d薯條好過佢多多聲!!坐又唔舒服,好焗促.講真,唔使食咁貴,mos burger同freshness burger俾到更好質量…Read More

同亞妹補祝生日,就黎左呢度啦.嘩..一入去環境差,人勁多(平日6:30入座已經係咁),坐又唔舒服.壽司麻麻,三文魚無乜味,其他類別既壽司勁少,好似齋食三文魚咁.去到冷盤,又係一堆煙三文魚,一堆菜,一堆車厘茄,火腿粒,菠蘿粒....好好好普通生蝦及生龍蝦又係無味,好唔掂熱食,羊腿唔掂,好難咬得開.忌廉白汁磨菇意粉叫做好味d,即叫即整,不錯.多春魚又大又難咬開.甜品平平,不過不失.最差係雪糕,又唔係任攞,又唔夠香唔夠味.反而個即叫即整既pacncake唔錯(有個印巴人整),可以自由加料,如糖女漿等.埋單每人178再加一,成19x,好唔抵食,又難食.機場富豪好過佢多多聲.…Read More

同女友行megabox,咁就黎左呢間食下野啦叫左個鐵板雪糕,有格仔pancake底,40蚊.d雪糕看似好黏,好似麥芽糖,但食落一d都唔"痴"牙.雪糕滑而香,好有羊奶味.加有提子乾,好配合.pancake底ok,但不太脆.食過之後,我要將hagen daz, papagello,dryers雪糕忘記,絶對比唔上mado.坐位好闊,好有宮廷色彩,正.…Read More

同女友行淘大揾野食,誤打誤撞黎左呢間.叫左個豚肉拉面($36),煎餃子($33)同刺身+壽司拼盤($88).拉面多紫菜,湯底ok啦,豬肉都幾腍身.餃子幾多肉,夠熱,不過係皮腍左少少.刺身壽司拼盤好掂,有玉子、章紅魚壽司各2件,不知名魚壽司3件.剌身有吞拿魚2件,三文魚3件,八爪魚一件,吞拿魚2件.88蚊好抵食.環境靜,燈光夠,係枱細張d者.個日本侍應好好笑, 我叫佢俾個匙羹,佢用唔正廣東話"好,俾個痴線你"笑左.值得向大家推介…Read More

同女友黎佐敦,我想食麥文記既雲吞面架,但女友話想食日本野,就唯有去麥文記對面既金太郎食呢.一見到個價錢牌,就知道非常扺食.三文魚壽司仲要一碟三件都只不過係十元, 心裡不其然"嘩"一聲.再要豬扒拉面, 講真面身就認真麻麻,但豬扒都唔錯.叫左女友至愛既中華沙律,水準不錯.至於金菇牛肉卷的質素比旺角街頭來說,當然好一點.環境是典型的小店格,稍為擠迫.但由於店內食客不太多,不至抖唔到氣.侍應就反應慢左D,要改善下.食左咁多野連加一都只係一百大元左右,夫復何求?咁既價錢要有元氣元祿既質素,未免對呢間食店太唔公道.…Read More

同女友黎新城市揾食,好多餐廳唔係勁多人就係貴夾唔吸引,結果我同女友都不約而同咁揀左呢間食.d壽司睇黎貴夾唔抵,所以叫左3個熱盤~芝士海鮮薄餅,鍋拉面同埋三文魚籽雞飯.個薄餅有芝士味而不滯,批底質感煙韌不厚,配料分量o岩o岩好.鍋拉面都唔差,面質煙韌,湯底清而淡,配合紫菜就好夾.個飯更係有surprise,用個好靚木桶裝住不但止,一開蓋d魚香混埋醬油香味簡直係一流.食落唔錯,魚籽美味,飯亦有水準.整體黎講呢間野d菜色係以清淡為主.裝修ok,一貫日式格局.不過service就差左d,唔夠waiter,又要漏單,真係....不過我都會再回頭既!!…Read More

個胃唔聽話,迫住同女友黎呢間野食下粥.裝修就ok,坐落都幾舒服.叫左個艇仔粥,貪佢17蚊一碗-大商場既餐廳賣呢個價都算係咁.一食就知出事,粥底唔掂,成碗米漿咁.魷魚唔爽,花生唔香脆,蔥又少,冇乜牛肉,唉.....以後咪使致意黎呢度食粥!!!…Read More

有匯豐100蚊coupon,同埋亞妹咁鐘意食扒,就同佢黎呢間試下.訂左個卡位,好闊落,燈光暗暗地,佈置亦幾有澳洲feel.要左個14安士肉眼扒(送沙律同小菜),雞肉燒蝦寛條面同chocolate thunder.個扒好好食,6成熟,sauce惹味,表面熟,入面肉汁豐富,正!!沙律同小菜就ok啦.最估唔到係佢既寛條面,面身有嚼勁,寛度適中,flavouring落得o岩o岩好,勁夾!芝士粉唔係卡夫牌,而係切幼又細既芝士條,唔錯.不過蝦同雞肉就一般啦.個甜品就ok,上面果層雪糕冇味,不過下層唔錯,打個和啦.服務就麻麻,好明顯唔夠waiter!!!原本係2位350,用左coupon都只係250,抵到爛!!…Read More

周年記念日,梗係要揀間好少少既餐廳. 行過見到呢間有海景,menu又唔錯,就一於試下先.預先訂左個海景位,果然係真唔錯.睇住個天由白轉橙紅,再轉藍黑色,幾好氣氛.叫左個拿波里pizza,墨西哥玉米湯,凱撒沙津同埋蘋果批.個pizza幾意式,批底又薄又脆,好似薯片一樣.肉又唔係多,份量o岩o岩好,好正!!!以後咪使旨意要我食pizza hut(講下)!!!至於其他三樣野就ok啦,不太差亦不太出色.餐廳佈置ok, 但嘈左d, 因為好多細路仔呀!service麻麻,叫杯熱水鬼咁耐先到,真係......價錢ok,2個人都係2百幾蚊.點都好啦,見到女朋友笑番,乜都值晒,要我俾一千蚊食呢餐都冇問題!!…Read More

睇到雜誌介紹,好似幾好食,就同女友過黎試下啦.一入去,見到裝修都幾似正,但略嫌舖頭細左d.叫左個蘭州牛肉刀削麵.一上枱,五香味撲鼻,好正!!牛肉食落真係好好味,質感硬硬地,又有濃濃既五香味.麵幾特別,有點嚼勁.湯底濃而帶點微酸,再加上我叫左中辣湯底,冇得頂.侍應ok,服務不錯,上菜亦快.套餐配菠蘿冰都只係31蚊,大馬路價都算係咁啦!…Read More

見到個裝修唔錯咁,就試下啦.叫左個2人餐.有海鹽同豬軟骨拉麵,一碟餃子同二杯野飲,都係百鬆d者.麵身一般啦,配料都算ok,豬軟骨不錯,幾稔.不過湯底水準不太好,好在有幾舊餃子令我滿意.服務ok啦,不過有點催客走既感覺,始終間舖都係比較細.一句講晒,抵食就得啦!!…Read More