Yi tsang's Profile

今日同同事出去觀塘做嘢， 做完嘢覺得好肚餓， 咁就順便食埋野先返屋企， 我即刻就諗起d 間台灣餐廳， 上次食過， 價錢唔貴， 味道又唔錯.特別推介花雕麻油雞湯麵， 上次食完好回味， 今日再encore， 個湯麵一上枱就聞到好重花雕既香味，如果想酒味再濃郁啲，職員已另外預備咗一杯花雕酒，可以按自己喜好添加，雞肉亦都超嫩滑， 烏冬又好入味👍👍我同事就叫咗個鰹魚湯烏冬配炸蝦，炸蝦大大隻，咬落好彈牙，滷旦同花枝丸都值得一讚我地再叫咗酥炸地瓜條：即炸， 熱辣辣， 香脆可口， 地瓜入口好甜， 食唔停口😋😋😋最後， 叫咗個芋圓仙草冰，芋圓煙煙韌韌，好有口感😍…Read More

今日想打邊爐， 但又唔係好想郁，上網見到d 間個2 人濃湯雞煲餐幾抵食，約$500 ，所有食材已洗乾淨，個餐好多野食，都幾豐富，咩都有啲， 有半隻雞， 蝦， 花甲， 餃子，墨魚滑，蝦滑，肥牛，蔬菜盤，米線，湯圓.同埋值得一讚嘅係佢哋pack得好好，每樣食材都分開放，食用方法又寫得清楚.蝦同花甲係凍食， 倒埋枝酒落去就可以即食，酒味濃，鮮甜大隻.個雞煲都好正， 雞件好滑，份量多，啖啖肉，已切件， 食用方便，其他食材都非常新鮮,用料十足,樣樣都好好味，誠意爆燈， 內有詳細烹調次序，十分清楚.最後，食埋湯圓做甜品， 好滿足.…Read More

又到weekend，今個星期短週，約friend食吓嘢傾吓偈，搵咗d間餐廳食悠閑食個lunch , chill 下.D 間餐廳食物質素非常唔錯， 職員都非常有禮貌,又會好貼心上完頭盤， 先慢慢再上主菜， 見我食曬主菜， 最後再上甜品， 值得一讚,成餐飯感覺好relax,唔會有被吹嘅感覺.蟹肉他他： 好味道，非常足料， 啖啖蟹肉法式烤黃雞半隻：配有薯粒，沙律，松露野菌醬汁，烤串得剛剛好，唔鞋口，啲肉好嫩滑阿根廷安格斯肉眼牛扒：牛味濃，好淋身，仲要大大件，扺食開心果焦糖燉蛋：好香焦糖味，個面舖滿超多開心果碎，燉蛋都帶有濃濃開心果味，食完好滿足…Read More

今日接完囡囡放學，女女話肚餓，走咗去食tea.經過見到d呢間餐廳幾多人食,就入咗去試吓，選擇都多，價錢唔貴，D 間下午茶好抵食，2:00 pm開始.星加坡喇沙麵：喇沙味好香，有好多配料，非常豐富， 大大碗，有兩款面MIX埋一齊，口感唔錯，抵食海鹽雪糕椰汁珍多冰：小朋友至愛，又有特飲，又有雪糕食街頭雞串燒：燒得剛剛好，唔鞋口，啖啖肉，下午茶可以加錢換購牛油果五色米子卷：健康之選，包住牛油果+蔬菜，沾埋芒果汁好開胃…Read More

今日朋友生日，出咗去觀塘搵佢食晚餐，尊登上網搵咗d間印度餐廳，幾特別，又幾有特色，同埋見到啲裝修都幾靚，打卡一流.10安士美國西冷牛扒，薯條放題和紅/白酒一杯： 三樣嘢夾埋都係198好抵食，件牛扒大大件，牛尾味濃，唔鞋口，薯條即叫即炸，仲可以任添，扺食又好味咖喱羊肉配薄餅：嚟到印度餐廳冇理由唔叫咖喱，真係必叫推介，薄餅沾咖喱食，絕配，個炆得好腍，一啲都唔蘇，份量都唔少最後叫咗個印度甜品嚟試吓，真係未試過整體食物質素唔錯，價錢合理…Read More

餐廳名：Black Coffee日期：13-08-2025位置：觀塘餐廳風格：西式用餐人員：2人是次點菜：脆炸蟹仔、自家製手打雞肉蝦餅、三重朱古力窩夫、熱情果手搖冰茶、榛子鮮奶朱古力亮點：Chill Cafe之前我同朋友來到觀塘的Black Coffee，呢間西式餐廳真係令人感到好放鬆。環境輕鬆，音樂悠揚，非常適合傾計。首先，我哋點咗脆炸蟹仔，蟹肉鮮甜，外皮金黃酥脆，咬落去有種滿足感。接著，自家製手打雞肉蝦餅更係驚喜，雞肉同蝦的鮮味交融得恰到好處，搭配一啲特製醬汁，真係一試成主顧。甜品方面，三重朱古力窩夫簡直係 chocoholic 的夢想，朱古力醬淋得滿滿，口感絕佳。而熱情果手搖冰茶則係夏日的清新飲品，酸酸甜甜，飲一口令人瞬間清涼。榛子鮮奶朱古力亦唔可以錯過，香濃的巧克力配上榛子的香氣，完美！整體來講，Black Coffee 係一個值得推介的 Chill Cafe，無論係食物質素定係環境，都令我哋感到非常滿意。下次我一定會再來，試下其他菜式！…Read More

近排工作比較忙，啱啱完成咗個大project，今日同同事出去食餐好，見到呢間放題啱啱新開張，好多人排隊，價錢又唔算好貴，同埋就咁見到張菜單都見到有超多嘢食選擇.坐低第一時間嗌咗刺身先，上得好快，選擇多， 樣樣都好新鮮，三文魚又厚切，由資深報平均承諾超級滿足，刺身蝦大大隻，鮮甜.我本身好鍾意食榴槤，見到呢度有榴連叫，同埋其他用榴槤製作嘅創意菜式，即刻每款叫嚟試吓，味道唔錯，鍾意榴槤嘅你哋記住唔好錯過.熟食都嗌咗啲嘢試吓，但係因為真係太多選擇。只揀咗自己喜愛嘅十幾款，但整體上樣樣都味道唔錯，新鮮好食.另外，飲品，甜品，雪糕和雪條都好多選擇，食飽飽之後，可以慢慢食嘆.CP 值高， 下次可以再encore😍…Read More

今日去開鑽石山荷里活， 順便食埋晚飯，見到呢間餐廳環境唔錯，食物選擇要多, 價錢合理.蟹膏海鮮墨魚意大利粉：好香蟹膏味，墨魚意大利粉，彈牙煙靭，份量都唔少，抵食柚子蜜糖烤雞：用柚子同蜜糖嚟烤雞食落味道清新，唔會好濃味，個烤雞焗得剛剛好，肉質鮮嫩，唔嚡口套餐加$48可升級，有柚子雞翼，是日餐湯和餐前沙律蒜香白酒燴藍青口：蒜香白酒味好出，青口大大碟， 食唔停口，推介百香果氣泡多多： 酸酸甜甜，好開胃，夏天首選贈送兩塊法式薄餅： 好脆口…Read More

今日落雨，原定嘅室外活動取消了，於是約咗朋友喺九龍灣睇戲，順便坐低食嘢。經過附近呢間泰國餐廳，望落餐牌都好多選擇，價錢合理，座位舒服。泰式炒鮮蝦金邊粉：炒得好有鑊氣，上碟好靚，配有花生碎一齊食，好味，蝦隻都新鮮泰青檸燒牛肉沙律：牛肉好淋身，連埋其他沙律菜一齊食， 再加埋青檸汁， 味道清新沙嗲串燒： 有6 串，串串都啖啖肉，啲肉好嫰，燒得剛剛好， 惹味十分Kk手打蝦餅： 件件都大大件，咬落好彈牙， 即叫即整，熱辣辣泰式甜品拼盤：拼盤有三款泰式甜品，各有兩件，可以淺嘗，非常滿足…Read More

今日出咗去沙田做野，食咗個好飽嘅早餐，所以lunch 就想食啲輕食,經過新城市第三期見到呢間舖頭,見到個蛋球仔好特別,配搭創新,吸引咗我行過去睇同買㴝試.黑松露函館3.7牛奶雪糕:黑松露味好香,同牛奶雪糕好夾,牛奶雪糕奶味濃, 食落非常幼滑.葡國腸蛋球仔：好多款都好想試，但係自己本身鍾意食腸仔，所以專登揀啲過嚟試吓，食落好夾，推介， 粒粒蛋球仔都有細細粒腸仔， 誠意之作沖繩黑糖波霸奶茶：珍珠大大粒，又彈牙， 奶茶味香濃， 黑糖同奶茶好夾…Read More

今日出airside 行街， 順便食埋嘢見到商場都有好多餐廳，但係朋友想食中菜，所以最後揀咗呢間.呢間餐廳價錢唔貴，2 個人食，埋單都只係$3xx,食物質素都幾有水準,餐廳服務都好好,值得推介.四川擔擔麵： 出本餐廳好多時都好細碗，見加底都係加$4所以加埋，家完超大碗，我同朋友兩個都好夠食， 抵食京蔥羊肉餃：皮薄餡靚， 唔騷， 足料 ， 一碟都好多隻醉雞：啲肉好新鮮嫩滑，啖啖肉， 食唔停口，酒味濃京燒羊肉: 即叫即燒，燒到好脆口， 幾特別…Read More

星期六短週， 本身約朋友去outing , 但撞正落大雨， 即刻轉場去食semi buffet ,餐廳環境舒適，裝修靚靚, 坐位寬躺，仲可以慢慢食兼傾下計，而且半助式既Lunch buffet 價錢一啲都唔貴, 平均一個$200 有找， 好抵食.自助既食物都多元化，有薯條，炸雞，沙律菜，通粉，甜品，雖然款式不算好多， 但各款食物味道都好好味，我個人都添咗幾轉， 未食main dish 已經飽飽地.香辣蕃茄辣肉腸意式煙肉扁意粉麵：蕃茄味濃，微辣，都幾惹味，扁意粉好彈牙炭燒牛肉：份量多， 大大件，重牛味，咬落好淋身，配上燒汁， 但唔會會蓋過牛味， 反令味道更出色…Read More

上次嚟呢間餐廳係中午， 日景非常漂亮，今次專登食晚餐，條橋啲燈着晒，望住條跨灣大橋， 個view 有另一番味道.餐廳環境一流， 坐位寬敞又舒服，職員服務都好好.明火例湯：沒有味精，好清甜，足料韭菜金錢蟹盒: 炸到金黃色， 咬落脆卜卜，韮菜餡超多,皮又薄鵪鶉蛋松露燒賣： 呢個配搭幾有創意，松露味好出，粒粒都大大粒小籠包：皮薄餡靚，即叫即整，入口熱辣辣， 必叫瑤柱香茜餃： 材料新鮮， 誠意之作鍋貼蝦多士： 非常香口，咬落彈口， 完全做到外脆內軟既效果， 小朋友以為食緊薯片😂😂…Read More

近排工作有啲忙， 壓力大， 今日得閒d , 搵咗間餐廳食悠閑食個lunch , chill 下.D 間餐廳食物質素非常唔錯， 職員都非常有禮貌和主動收走食完的碗碟， 又會好貼心上完頭盤， 先慢慢再上主菜， 見我食曬主菜， 最後再上甜品， 值得一讚.蟹肉他他： 好特別， 足料， 啖啖蟹肉紅酒燉牛面頰意粉：牛面肉好入味好淋身，仲要大大件，好好味，意粉又彈牙， 煙煙韌韌有口感開心果焦糖燉蛋：好香焦糖味，個面舖滿開心果碎，燉蛋都帶有濃濃開心果味，我呢個開心果迷超鍾意， 食完好滿足…Read More

今日同屋企人出街食飯，上網見到呢間comment唔錯，服務態度良好，食物質素都有水準，所以最後揀咗呢間嚟試吓，最後都冇令我地失望， 好滿意， 下次可以encore .清蒸海參斑：蒸得剛剛好，唔會Over cook,條魚好新鮮又大條、食落肉質鮮嫩，好滑，平時唔係好鍾意食魚嘅囡囡都爭住食.蒜香安格斯牛柳粒；蒜香味濃，有鑊氣，安格斯牛柳粒牛味濃，好淋身，同埋都好大碟鮑魚花膠響螺燉竹絲雞湯： 超級足料，老火湯火候十足，味道清甜。…Read More