梁家寶's Profile

首先講餐點好吃。用餐環境舒服。餐廳在二十一樓景觀好。收工又與同事去今日晚餐點了刺身。卷物及烤物等等。今天可惜沒有日本生蠔。是這餐廳最好食其中一種。飲日本綠茶都非常好飲。特別讚幫我們服務的人員。根本玉樹林峯哥哥每一次非常親切熱心.。很用心的餐廳 We come back very soonGlad to say it was a good experience The staff were very attentive.Highly recommend everyone to dine in kokon2…Read More

過年同好朋友聚會同佢食放題疫情關係食下午時間兩個人一星期前訂位準時十二點到餐廳內設大部分卡位, 座位都很寬敞舒適, 除左QR Code落order, 外面吧檯提供冷熱熟食、沙律吧甜品櫃、還有一個特大雪櫃放滿各式各樣飲品囉完飲品埋枱當然係食下沙律同海膽手卷先，海膽尚算新鮮，不過不失。先來一大盤刺身。水準果然不俗，刺身很厚切，吃起來亦算新鮮，帶子尤其鮮甜我們點了很多甜蝦，非常鮮甜，後面還追加了兩次 壽司類款式較多花樣, 除了有花之戀, 還有黑松露三文魚等燒物 翠肉瓜,土匪雞翼,燒鰻魚烤羊架肉質嫩，也沒什麼騷味，要乘熱吃。炸物必食芝麻雞翼,芝士年糕,榴槤炸彈,吉列蠔每人連加一服務費都係二百一十元不停咁食,我地食到三點真係超值而且上菜速度快又無漏單坐位又舒適,下次食放題一定再嚟呢度…Read More

六點鐘約咗朋友食飯朋友話想啤一啤咁就嚟呢度今次第三次嚟....來到居酒屋，當然得點上幾份串燒才夠應景！這裡串燒每份大多都是兩串，每份的價位差不多都在百元上下豚肉露芛卷是豚肉薄片包着露芛咬落口露芛多汁口感嫩連埋外面薄豚肉感脆口兩者配合得天衣無逢燒牛舌同樣地咁好味亦見議都要襯熱食否則會靱咬落爽口彈牙,呢個真係必食燒雞翼皮脆肉香....我哋仲叫咗焗蠔蠔身脹卜卜算新鮮,加上芝士夠惹味..芝士龍蝦,芝士起C 味道不錯但係龍蝦肉質就差D,唔夠爽實明太子玉子燒蛋熟透沒有蛋汁得個甜味！講番裝修都好有居酒屋風味..可能枱面細所以待應收枱都好密！！！否則真係唔夠位放食物.不過飲吓嘢傾吓計,確實係一個好地方…Read More

聽朋友講這酒樓有特價菜式,二人可以五選一叫了特價上湯焗龍蝦(伊 麵底) 用上原隻波士頓龍蝦連蒜蓉開邊去煮, 一上枱之後聞到蒜蓉香噴噴 ...食落有鮮濃蝦味，肉質彈牙，同時底層伊麵盡聚湯汁 ..除了特價龍蝦之外...其他小菜都幾大衆化另叫了燒腩仔及口水雞口水雞算大碟，雞肉偏瘦.但醬汁取勝，沒那麼多紅油.卻充滿麻辣香料，加上大青瓜墊底，好有風味燒腩仔，皮脆有口感可惜份量少好快食哂！！！埋單不超過三百尚算合理.有機會都會再光臨…Read More

呢間酒樓轉手多次我同朋友久不久早茶及晚餐雖然唔講得好好.....起碼裝修格局都唔算差！！！晚市唔使搭臺坐得舒服...最喜歡叫片皮鴨,之前$98不過兩個月前加了價要$128所以呢輪改叫其他！！！上星期六在附近睇完戲又嚟食...叫在個晚飯孖寶，南非鮑四隻加個灼蝦，送大藍妹啤酒再加一條特價蒸一條沙巴龍躉白灼蝦雖然細碟而且都講明十隻！但係蝦肉夠爽無一隻會梅...南非鮑算大隻食落有質感...條龍躉睇落足十至十二兩,新鮮夠滑...埋單兩百幾,伙記招呼都唔差！應該會繼續幫襯...…Read More

久不久來APM商場工作今天中午交完貨單差唔多十一點就在附近吃個午餐已經是第二次來到這必勝客，上次是晚飯時段!今次是午市十一點一開門便來到，叫了個午餐焗海鮮意大利粉不要以為剛開鋪會只得我們一檯客¡同時間也有其他客人入來!可能即叫即焗關係....所以食物方面就要等待一陣才可上檯單看賣相已相當不錯，面頭的芝士醬汁焗到帶點焦香....海鮮用料充足有蟹柳,魷魚仔,蝦仁及帆立貝...而重點最底下的意大利粉夠乾身，三種野夾在一起效果非常好不過埋單連加一服務費要$ 110 似乎貴了點…Read More

三個人睇完戲後搵地方醫肚，見到呢間食肆，於是求其入去食一入去坐低，侍應服務好好，即刻問飲咩茶好快就送到，叫咗潽利，茶味好清香落單之後第一道菜好快送到。龍躉兩味其中一味, 龍躉球略為煎過, 也有少少魚皮黐住, 龍躉肉質彈牙鮮味, 翠肉瓜都不少而且新鮮爽脆。龍躉兩味第二味, 相比起翡翠炒球, 蒸既肉質沒那麼彈牙, 不過更為入味, 而且頭腩更為肥美多膠質, 底鋪左豆卜, 豆卜吸左蒸魚豉油很好味, 不錯, 不過我還是喜歡翡翠炒球淡淡肉多一點海皇豆腐煲打開蓋咋咋聲，香味十足。仲好足料，海鮮有蝦、帶子、花枝，隻蝦又入味又彈牙。連埋豆腐同配菜，豆腐亦好滑白鱔煲仔飯，白鱔新鮮好滑。用左豆豉同少少豉油已經好入味原煲上焗一陣加埋煲仔飯豉油簡直一流飯亦夠乾爽，不過就冇乜飯焦。總括來說，正，可以encore....…Read More

行完公司就喺附近搵野食醫肚。媽媽想食上海野, 就揀咗金百滬，這裡裝修都比較新。入邊個環境好有老上海風格！我地坐低之後，職員好快奉上茶水。推介左今期新菜式，事不宜遲上菜喇上海酸辣湯，酸辣剛好, 而且都好足料。帶子炒飯香口，柔嫩甘甜的帶子熱炒後與鹹鹹火腿粒香氣飄散著，炒飯粒粒分明，色香味俱備。好味一口接一口。清炒河蝦仁蝦仁新鮮，大隻厚肉爽口彈牙。個人覺得加點黑醋味道更加好味。如份量多一點就更好其他食物都幾好....服務方面都幾好，你所要求都會做到。而且這裡上菜也很迅速！…Read More

早幾日放假 , 約左朋友仔聚一聚 。又去返老地方花園餐廳 。對此餐廳特別有親切感 。今天叫咗魚柳沙律同豬扒沙律魚柳沙律上方放了兩片青瓜同番茄賣相幾好,碟沙律用咗好多罐頭水果，薯仔，紅蘿蔔！沙律醬味道調教得不錯，口味酸酸甜甜。紅蘿蔔同薯仔咬落都好爽口。而魚柳炸至金黃色，炸得鬆脆。肉質雪白嫩滑十分可口！點少許旁邊的沙律醬！酸酸的濃郁味道更開胃醒神 。吉列豬扒沙律，豬扒大塊到蓋過哂沙律。沙律同魚柳沙律一樣...豬扒咬下都好爽脆, 炸得好亁身好香脆。肉質軟腍。食落毫不覺得油膩吃過了沙律一時間覺得很飽。熱咖啡不是即磨，不過挺香濃⋯⋯食完放鬆休息，喝杯咖啡就這樣又渡過了一個 悠閒的下午！ …Read More

今日同細妹媽媽食飯，梗係要揾間又好又靚又平嘅地方食...記得上次來辣蟹莊孖寶優惠幾低。於是又到訪！由於我哋來到酒樓都六點幾，客人都唔多，較為清靜d，我哋三個人看看餐牌。之前的孖寶海班套餐沒有。而換了個超級優惠。即係之前孖寶套餐多了碟菜。但是價錢就多了$100本來孖寶是128現在超級優惠$228其實都無所謂啦，貴了少少。不過之前有小菜十款可以選擇。而今次就一定配搭叉燒。仲有炒菜都無得㨂⋯⋯講番食物，先來到的蒜蓉炒芥蘭！份量相當大碟。超多蒜蓉，味道都幾好。芥蘭十分爽脆⋯⋯叉燒皇，賣相就幾好。可惜全部瘦肉，入口相當鞋。呢碟叉燒皇真的完全失望！！！蒸大海班好大條，超過一斤重，呢個冇得彈。火喉控制得啱啱好。肉質好滑，送飯一流！今天食的食物與兩個多月前是一樣。海班，燒味，菜，及白飯兩個。上次是二百八十元今天要三百一十元不同地方就是海班大了很多，炒菜亦份量大了⋯⋯但是燒味（叉燒）就麻麻了總結都叫做滿意...…Read More

呢間車仔麵開了都三個月食過多次啦！當然啦平靚正之外，仲大大碗！而且都幾多野揀。好多時下午茶都係係呢度解決...呢度的低食下午茶餐有ABCDEF都係$25。簡直係我地窮人恩物。今天叫了個雙丸河同凍咖啡。呢頭落單，轉個頭就已經有得食。仲有職員送到。牛丸有2粒，味道都好有牛味。仲有少少辣味，應該是加了胡椒粉整！牛丸好有口感，味道不差 。魚蛋有2拉又夠哂彈性又有魚味。湯底鹹淡適中，啲河粉食落都幾爽口....又平又飽肚嘅一餐就$25加凍飲$3 全部都是$28宜家係出面最平都要三四十蚊一餐....在呢度食係一個唔錯嘅選擇…Read More

這個四月非常充實.兩位舊朋友先後又來港想吃個自助餐可以慢慢吃慢慢傾朋友話最好有齊龍蝦、生蠔仲要就地點方便！！！上網搜尋結果就找到旺角這間了⋯⋯六點多去到已經八成滿既為龍蝦而來，第一目標當然要吃龍蝦。芝士焗龍蝦用芝士焗, 既香口且易入口, 醬汁味道剛剛好!龍蝦膏又夠多，且膏十分軟滑香濃.每一口均是大大的滿足感呢介紹完龍蝦, 就到buffet常有的海鮮, 包括生蠔、青口、蝦、小龍蝦.長腳蟹和螺⋯⋯這兒供應的生蠔，少有的高水準！蠔肚肥壯，入囗鮮甜，吃上一打方才罷休坦白講吃下一打生蠔已將近回本...除了生蠔外，凍龍蝦仔則夠鮮甜, 比生蠔更美味，本想多吃一隻, 但美食繼續有來, 還是留肚多吃幾款!其他中式熱葷同樣吸引, 有牛仔骨、蒸扇貝、咕嚕肉等等....蒜蓉粉絲蒸扇貝肥厚新鮮，配上粉絲鮮甜香口。而羊架煎得香嫩不羶...至於日式, 則有多款刺身...三文魚新鮮又肥美⋯⋯而且全晚無限量供應。最後該到甜品吧, 也有不少選擇...每款都很美味!晚上就這樣子，吃吃自助餐!跟好友聊聊天⋯⋯就輕鬆渡過了。…Read More

聽過這兒有間吃雞煲+火鍋不錯的店，趁假期便同朋友到訪試試當時大約晚上６點，因為是剛開店，所以馬上有位子不用等，我們吃沒多久已經全滿了，吃完已經一堆人在排隊...我們點的是招牌雞煲。雞煲可以選擇一隻雞還是半雞。我們才２個人，所以選擇半隻雞食雞煲之前, 還送上前菜螺一碟。彈牙而且鮮味....招牌雞煲終於上枱，職員會事先詢問要多少辣度，是晚選擇小辣，因為最近吃過四川食店雖然並不辣，從材料上。我們已覺得很吸引，上桌先等個5~10分鐘煮沸後，洋蔥芫茜等，混合著調味及材料發出的香味，已經令我雀躍不已。先吃雞件試試味道，雞肉都有帶骨頭。很入味也嫩，味道濃而不鹹！帶著洋蔥芫茜香味，令雞的味道更可口。配菜更是迷倒我，即炸響鈴是必吃的。 脆脆的響聆淋入湯後...煮大概五秒就可以吃。響聆盡吸海鮮湯精華，十分惹味。吃過雞煲，就到重頭戲。龍蝦海鮮湯底火鍋了。龍蝦新鮮又大隻，吃下肉爽不霉爛。海鮮盆中也鮑魚，蟶子。 全部也是新鮮大隻不馬夫..單單吃這些也回本了。不用加錢的牛肉質量同樣不錯！雖然沒有太多雪花，吃下肉味濃具嚼勁 。整體來說，環境到食物質素。也很不錯，性價比高，推介大家來試試看…Read More

同同事好想試試籠太子呢間點心店因為之前朋友在Facebook 都説好。所以就諗住試下況且我地都幾鍾意飲下茶，食下點心這天剛好在附近開會有個下午茶空檔，我同同事兩個便來到飲下午茶...本人喜愛食蝦餃，幾乎每次去都食！這蝦餃是傳統的大小...剛好一口一隻。蝦餃皮晶瑩透薄。蝦餃的饀料以蝦為主，口感爽口彈牙。然而蝦味淡淡然的。鮑魚燒賣。完隻鮑魚仔賣相很得意。一口一隻鮑魚，咬落有嚼勁燒賣的肉饀包得滿滿的食下比蝦餃更為鮮美。既有鮮蝦的鮮味，也有肉香和口感，味道唔錯喎。咸水角好味，但一定要襯熱食。外面甜甜地又有小小脆口。入面饀料份量剛剛好，食得好滿足另外我地叫左個鳳爪排骨飯。鳳爪有一隻開二。也很入味。排骨半肥瘦，味道一般般。飯有點硬。應該要再蒸多一會。總結食物的味道是不錯的還有其他有趣的點心未試有機會再來...…Read More

此店來過多次。有分店內及店外。店外有五至六張摺檯及摺櫈，方便食煙人仕但是摺櫈細細張感覺坐得唔舒服啊⋯⋯店內環境比店外舒適好多。左右兩排梳化椅全卡位！牆上掛有大電視機。中間放咗多張6人圖檯。時下典型茶記格局。不過，裡面冷氣極之強勁。天花掛住多部空調難得先搵到個近邊卡位坐無咁凍...今天下午茶時間來叫了個鼔油皇炒麵及奶茶⋯⋯炒麵炒出嚟，麵質有啲腍，原全唔乾爽生麵感覺好似煮過籠，然後再兜一兜就算。而且色澤是好，但無乜豉油香味...可能用唔靚的鼔油...而且配料芽菜及洋蔥絲甚少！！！今天的炒麵真的麻麻。來咁多次首次最差靠檯面的辣椒油伴食..奶茶尚算可以吧！下午茶$40尚算合理。服務普普通通...最喜歡兩點打後....來到可以任㨂位同可以坐好耐無人趕！…Read More