kei988988's Profile

網上見到下午茶點心叫3送1，大中小點同價，吸引我去試。下午茶點心選擇多，比較富x多。勝價比高，味道唔差。3個人星期六叫了12個點心，都係$254。每人唔洗一百蚊，抵食。…Read More

好耐冇去食興記，今日去食，大鋪拉咗鐵閘 ，鐵閘貼咗好多招租紙，可能人客少咗，租少間鋪。唯有30幾度坐細鋪門口位，叫左伙記落單，收銀阿姨叫我等等，等咗一分鐘再叫落單，今次無人理，等咗好耐都無人落單。以前大鋪D伙記落單好積極，今日見D伙記個樣都唔同咗。門口明明寫興記，唔通轉咗手。叫咗5次，又等咗5分鐘都無人幫手落單，坐露天又熱。唯有轉去對面有冷氣食碟頭飯。希望老闆娘見字醒目啦！…Read More

通常 “下午茶餐”是有小食加飲品，才叫餐。明朝就係一間唔包飲品，但又叫下午茶餐的小店。話說有日下午經過，見下午茶雞脾薯條$35蚊，價錢合理，入去坐低叫嘢食，正常落單，但收費單寫$40蚊，我問店員凍飲加$5蚊嗎？店員回覆下午茶餐唔包飲品，$5蚊係飲品。其實$5蚊飲品唔貴，但你寫明下午茶餐，餐喎？！大家要小心，問清楚才下單。…Read More

中午去洪水橋食午餐，見門口有人食炸雞脾好大隻，咪入去叫炸脾飯，等了十多分鐘，飯到面前，一看隻雞脾好似小兒麻痺，縮了幾個碼。開口問伙記點解，伙記大大聲話係咗成批貨都係咁，唔鐘意食可以走。我話門口個容隻雞脾係XL, 我隻係S。伙記說唔鐘意食可以走。其實，伙記講一句“唔好意思”來貨可能不同。咁就簡單處理。小店就係比呢啲伙記攪死。…Read More

疫情前跟每月都會去金鳳食牛扒，由出來做嘢拍拖結婚都會經常幫襯。每次見到熟悉的亞叔、送鐵板哥哥都特別親切。但自從亞叔離開，牛扒味道及質素就不及當年，跟集團經營味道差不多，欠缺了餐廳獨特。真是很想諗亞叔果時啲牛扒味道。…Read More

鋪位轉了捌神都未試過，下午就去食個下午茶，炸雞脾加西多士，熱咖啡。要讚雞脾好入味，皮又脆口；西多士比大快活好；咖啡就一般茶餐廳味道。炸雞脾可以，下次試下炸薯條，熱奶茶。完…Read More

開了一間新店，今日去試一試。環境及座位舒服，食物賣相幾好。叫了一個咖哩炸雞意粉，牛肉漢堡，炸薯條，沙律，熱咖啡，涷奶茶。最好就係熱咖啡。首先牛肉漢堡，由廚房到我面前已經涼了， 感覺唔熱， 另外牛肉漢堡有很多根， 而且overcooked冇肉汁，好似食紙。另外咖哩炸雞意粉， 由廚房到我而面前已經涼了，炸雞浸喺咖哩上面， 炸雞唔香脆。希望漢堡佢地自己試咗先賣比食客。…Read More

本來去20樓，但發現20樓好迫。轉去9樓。老闆好好人，安排我哋入VIP 房。我哋由兩點傾計到六點，老闆都沒有催。我叫了個 蘑菇漢堡配薯條($48) +夏威夷果仁奶茶($48)朋友叫了 雞翼魚柳多士馬卡龍拼盤，十分好味。而食物都十分滿意。10%服務費…Read More

12月12日12：30 一家人去試。12：20入座，點餐12：30行去沙律吧，甜品吧。發現什麼都沒有。問唯一的服務員會不會加，她說會。等了十分鐘，加了一湯碗大的生菜，份量只夠3個人。比其他枱3個人秒殺。再等十分鐘，加了甜品，都是很少份量。都是秒殺。唯有飲湯，發現湯一啲都唔熱，而且很稀。跟服務人員講，沒有回應我。坐了一小時，只出了一次生菜及甜品，份量不足夠分。相片好似好靚，坐椅全都爛。今次是因為在YouTube睇到人哋說好正。原來是廣告。一間要一小時才會加一次甜品沙律的食店。如果大家有興趣不妨一試。門口可以泊車。…Read More

車仔麵我要求都不是太高, 以上環麵尊及元朗永年為首, 8 記只是一般水準。首先環境比較細, 多數車仔麵都是一樣, 但枱面的油, 代表負責人對清潔要求一般。另外服務, 基本車仔麵係無咩服務。但態度我覺得麻麻, 大家唔想比人吋就唔好去。食物就是正常不過的車仔麵, 要說好好味又不是。 基本質數囉！魚旦太無彈力, 鳳爪及雞翼只有兩件, 羅白豬皮幾好, 豬肚及豬腸入味。麵質有代改善, 湯底ok。如果大家食過之前講的兩間車仔麵, 可以不用去8記。…Read More

地方比之前大, 但有很小蠅飛到我們枱上,可能是地庫, 我們坐在一角, 冷氣不平均。最反感說是生蠔, 以前在2樓是自己選擇, 現在是排隊等分配。排了很久才拿到三隻營養不良, 如同腳皮般的生蠔。我向分配出來的廚師反映, 生蠔跟腳皮一樣, 要求更換。廚房回覆說不能, 要食有質量的生蠔就去其他餐廳。感覺以前2樓的自助餐比現在好。食物款是多了龍蝦及一些。但環境, 廚師比我感覺都沒有之前好。不過要讚揚服務我們的帶眼鏡服務員, 很有禮貌, 加水, 收碟都很快手。地庫比較2樓是大面積, 但沒有在酒店的感覺, 以前2樓比較舒服。如果大家可以食十隻龍蝦, 可以一試。我就不會再去, 因為價錢環境都比較朗豪坊間酒店差。…Read More

每個月都會想食韓燒, 多數會去炑八, 因為經理十分體貼, 安排卡位給我一家人, 需要下單時, 馬尾妹妹都會親切的介紹及下單, 食到一輪, 她都會關心伴菜是否足夠。服務十分專業, 特別表揚。…Read More

今日去到文化中心搵食，見到間餐廳好多人，入去試試。魚柳包，牛肉包，海鮮飯，雜菇麵。最特別是雜菇麵係甜酸味，牛肉八成熟，保留牛味，魚柳包大大件魚柳，兩款包跟的薯條大大條。海鮮飯真係有青口，蝦，帶子，魷魚，魚柳。各樣都很有水準。…Read More

我每個星期都會有3-4日去咪咪食lunch, 可以話係我飯堂。佢o的 "雞" 好正, 而且又平。可惜座位迫, 背貼背。阿姐講野好嘈好大聲, 我o的同事都怕左去堂食, 太迫太嘈。講返佢d餐, 真係上環區好好味.豬扒入味, 唔會硬, 跟意粉仲正, 因為佢用茄汁炒過d意粉鹽焗雞係我最鐘意, 因為煮到隻雞好滑, 最好係用中湯浸住食, 因為雞皮好多鹽, 而且可以浸熱o的雞用;牛腩好入味, 最好要肥牛腩;嘉積鴨煮得好入味;雞and鴨都係新鮮肉。但星期一晚老婆唔煮飯, 咪去買外賣返屋企食, 返到去屋企打開個袋嚇一跳, 個膠湯碗自動分解,一分為二(見圖) 成袋都係湯。老婆見到好多膠碗粒粒係碗湯到, 所以唔比我飲。我買了兩個餐, 中湯就一o的事都無, 真係唔明白????跟餐要了嘉積鴨同埋黑椒牛扒意粉, 老婆第一次食, 佢話o的鴨係新鮮鴨, 好滑好入味, 係多了o的鹽, 而牛扒好"林", 好入味, 意粉用了茄汁炒過, 好好味。總括:　個湯and黑椒汁 唔好之外, 其他老婆都好滿意。…Read More

今日天氣唔太熱, 可以去街邊搵波記。好耐無去啦, 因為太熱, 今日去到都好少人, 不過外賣一樣咁多,我未坐底就叫左個什會炒河, 5分鐘唔夠就有得食, 蝦炒到半透明, 好彈牙, 豬肚好爽, 肉片入味, 好好鑊氣, 好正。另外見到加豬扒都係7蚊, 一於試o下,豬扒斬件, 用蔥/蒜頭爆香豬扒, 又香又野味。唔怕坐得唔舒服就可以一試。…Read More