yogurt73's Profile

經過疫情已經習慣叫外賣, 懶起上嚟費事出街食, 可是很多餐廳處理外賣求求其其, 可能以為送咗出去嘅食物冇得追究. 即使喺外賣平台我都會上openrice, check check 該店嘅評語. 見呢間店咁多好平, 點知都係一個「伏」字. 以後唔會再幫襯.龍仔飯 註明配白蜆、花甲、蝦等海鮮. 嚟到只係得幾隻食到成口沙嘅蜆, 同一隻蝦. 啲排骨又鹹又實, 似隔夜翻醃. 仲叫左雜菜, 所謂嘅雜菜原來只係生菜夾小小黃芽白. 青瓜-普通尚算爽口但係唔脆炸鮮奶-合理最後200蚊一個外賣唔算貴, 不過成餐飯食得白飯食得入口飽肚希望openrice多啲叫外賣嘅人上嚟寫食評, 等啲餐廳都認真做事, 唔係得過且過嘅態度!…Read More

今日要過嚟買電視零件, 第一樣諗到嘅就係要去兩間老舖支持一下. 腸粉嗰間變得乾淨整齊, 收銀店員亦都變有禮貌, 喺呢邊唔多講但抵讚.第二站就去呢間豆腐老舖, 知道一個人唔食得多, 叫咗一碗細豆花同釀豆腐, 最後有兩舊豆腐食唔曬, 又唔想浪費, 於是特登嗌多盒炒麵行街, 放埋落去一齊拎走. 瘦男店員寫單39蚊我睇錯細豆花七蚊碗, 於問係咪收多咗? 個瘦男人就用啲一貫粗聲大氣的「香港特色」手指指話「你睇清楚啲先啦」! 我話三樣野14+14+7唔係$35? 再講「你睇清楚啲先啦」, 就係唔肯講細豆花係11蚊. 我相信一定有人話我有錯在先, 投訴甚麼! 我嚟你舖頭光顧要數學第一, 要背曬你哋個價錢牌? 你哋食肆從來唔會計錯數收多錢? 我問多句保障自己好合理. 話我錯嗰啲一係自己做服務都係咁曲街, 一係未享受過正常的服務.呢啲曲街服務, 真係香港獨有! 全世界都冇啲咁樣鬧客人嘅服務! 呢啲店員嘅底層心理, 大概就係窮得好唔開心, 唔想做又要做, 所以做野悔悔氣氣同老細倒米或攞啲顧客嚟出氣! 最好笑嘅係仲有一個習慣現象, 就係對你粗聲粗氣之後, 會即刻對下一個顧客特別好語氣, 想証明唔係佢有問題, 係顧客激親佢. 真係好嚴重嘅心理不平衡! 豆腐花係好滑, 除咗豆腐話之外真係冇乜其他好食, 呢啲曲街老字號嘅服務態度, 真係執笠都唔使惋惜! 好多呢啲老字號香港人已經唔鍾意幫襯, 得返啲遊客. 九記就係好例子. 店員冇工做越做越窮都唔使可憐, 就係呢啲老鼠屎影響成個行業, 北上消費, 服務好又開心! …Read More

當年很火的店, 可能因通關及疫情其間被同行盲搶, 生意大不如前. 仲想喺香港食到優質日本嘢真係要多多支持. 今次食晏晝 12件加手卷. 由前菜到甜品都好食. 12件壽司包括海膽, 拖羅, 黑陸, 帶子, 赤身, 鯖魚, 北寄貝, 根子, 最後仲有手打綠茶. 每上一件壽司師傅都會用日文講一次壽司名, 有堅持有誠意. 任何關於日本、食材都有問必答.師傅亦好健談友善, 服務一流! 去餐廳食嘢, 除咗食物, 環境服務都好重要, 廚師發板更加著重同師傅嘅交流. 希望廚師發板唔好喺香港式微, 特別係好嘅老店! 支持支持. 溫馨建議:戴個處理食物用透明口罩, 同食客交流嘅時候亦都唔怕唔夠衛生 😊…Read More

安座家中,真係好難搵到好嘢食,網上平台見到餐廳再上openrice下佢嘅評語,鑽研咗四五間見呢間咁多好評於事就叫外送. 三樣食咗兩樣先留個食評. 蝦餅34蚊四片, 香港物價真係貴得咁恐怖, 原來係一嚿圓形蝦餅展開四小舊, 即係34蚊一片蝦餅, 日本壽司都冇咁貴, 34蚊都有兩件大大舊. 蒜蓉炒雜菜70蚊, 份量都夠多, 但食完有味精反應, 炒碟菜都要落咁多味精, 香港人真係食味精食到病, 天然啲嘅食物唔好食咩! 希望唔係而家成日喺視頻見到嗰啲綠色似雞屎嘅味精. 食完之後作嘔作悶, 頭暈暈, 唔知係咪精反應定係其他材料. 生菜肉鬆留返聽日. 真係失望, 諗住有一間好餐廳喺附近可以成日嗌, 又要再搵了 🥺…Read More

鋪天蓋地嘅網上廣告, 知道成中有新高級餐廳, 有機會即刻上去試. 朋友生日, 原本有考慮 VEA, 所以早一個月已訂位. 最終選呢間一齊去試新嘢. 食飯日子係星期六夜晚, 星期四上午喺openrice撳下撳下, 竟然發現我嘅訂座被cancel. 即刻打電話畀佢哋問點解, 一個非常之重印度口音嘅女仔接電話. 話因為昨晚聯絡唔到我. 於是我再三同佢確認話係生日飯, 一定會嚟, 於是佢也重新確定禮拜六晚餐時訂位冇問題. 以為事情告一個段落, 點知禮拜六, 2個鐘頭前再撳openrice, 竟發現訂枱再次cancelled. 簡直震驚兼慌張, 立即打電話去, 又係同一個重印度口音嘅女仔話因為打電話搵我唔到確認. 我簡直火起三丈高! 😡😡😡 首先3日前已經喺電話真人對話確認咗, 佢要我確認幾多次？？ 而且聯絡唔到我就cancel我張枱? 星期五晚七點半食緊飯, 夜晚九點半再打嚟, 睇緊戲接唔到電話有幾出奇？仲要係一個5808嘅餐廳電話, 鬼知係你確認訂枱咩! 你咁驚訂枱放飛機, 你不如收訂金! 唔係即日cancel人張枱, 而冇通知! 問佢有冇whatsapp聯繫, 又話冇. 今時今日仲用電郵為主要聯絡訂枱, 你不如用書信聯絡啦! 星期六同呢個印度女事聯絡嘅時候, 佢嘅態度亦唔係好. 完全冇道歉, 仲話 (if I want to come, I can) 如果我想去可以去. 而家全香港得你一間餐廳可以去? 我非去不可嗎? 乜嘢叫做if I want to come? 客人去餐廳食飯係一種享受, 約埋朋友一齊更加係一個承諾. 完全沒有承擔的餐飲服務, 竟然喺中環走高檔路線, 真係嘥氣. 如果唔改善嘅話唔會做得好耐!結果:聯絡 VEA, 非常人性及明白事理哋立即幫我處理, 最後開開心心去嗰度食完飯, 果然係米星餐廳!…Read More

今日同狗狗去太子睇醫生，經過見到好多人排隊，上開飯查下，講到涼皮好好食，於是睇完醫生就去買。當時630pm 未到，前面有兩個人，第一個女人買完之後就話所有涼皮已經買哂，我前邊個男人乜都冇買即刻走左。我話哂乜都未試過，食評吹到咁好乜都搵啲試下。最後面色就得番涼麵加木耳加青瓜，再加個青瓜沙律。一共盛謂70大元!有圖有真相，涼面加配菜青瓜$7有約15條瓜絲，$7木耳有7片。即5豪子1條絲，$1/1片木耳。溫室青瓜都唔洗咁貴啦，乜嘢木耳咁巴閉？？？？唔怪知得個青瓜沙律要$22，city super 價位，如果七蚊有15條瓜絲，哩個沙律應該平左俾我，$7x3先$21有45條絲，芫茜免費送，可能我反而要講句多謝, 😫😫😫😖😖😖名過附實，我去百佳買一包芫茜，一個青瓜，唔洗也一蚊之餘仲係呢度加10倍。講番個麵，味道正常普通，豉油醋汁味道，收$30。隔離30蚊有兩送飯一菜一肉。唯一ok嘅地方喺用環保餐盒，做生意一定要賺錢，但都唔係呢間野都咁浪費。…Read More

食開樓上的廚師發板，招呼食物都好好。所以就決定一試他們的鐵板燒。真心講非常失望。可能女廚師那天心情唔好，各方面都很差。 我地揀左最貴果個餐，鮑魚龍蝦牛肉全部都有，首先選好咩料之後沒有俾食材我地睇。女厨全程零交流，唯11句就係問我地牛肉嘅成熟，其他食物完全冇問口味，大部份食材都係鏟2鏟，蓋上蓋焗熟，冇香味，冇蒜味，冇酒味，简單講「冇味」，簡直浪費食材。更莫講鐵板燒有嘅技巧，只見用3手指拿双鏟的女仕煮食，鐺2下嘅演員厨師 🤣🤣🤣。見相都知未夠鑊氣，完全係蒸焗樣。仲有一樣燒日本草煙熏魚，想学玩火，但燒草D味同煙简直難受，想像下7月燒衣味就明了。玩火唔係甘玩嘅!全餐最好食係最後碗蛋炒飯，因為隻日本蛋正，hk$2000 碗炒飯，不了! 服務打分係俾其他人，不是厨師。…Read More

知道好多人外賣都唔會嗌壽司，擔心新鮮 衛生問題，但嗰排疫情真係好想食，嗌過一次千兩，價錢比較貴，12件已經三百幾蚊，但係出奇地質素非常之好。今次就揀一間質素林比較好一啲，見呢間嘢竟然有一啲阿媽家姐嘅壽司揀，同其他嗰啲得三文魚蟹柳相比，$28-32 一件，以為應該好啲。自己睇圖，舊魚切到核突，仲要唔新鮮， 舊飯散兼時大時細，沙律醬卷黐埋一齊!再講過炸蠔壽司卷，始食醬同食飯多過似食炸蠔，都係嗰句有圖有真相。差唔多成四百蚊，早知來回的士去夢之丼食好過。…Read More

以前好鍾意這間店，自選沙律份量夠 甜品又好味。 不過自從尖沙咀店老鼠事件後 其實已經去少咗好多 今日咁啱去開朗豪坊 又再減磅中， 所以去咗食沙律。 80蚊大沙律 價錢原本都ok， 點知份量少到無倫，4款即4匙羹分量。 算，當物價上漲。 嘢諗住享受一個美味嘅沙律 點知紅菜頭沙律勁酸，菜仲有渣! 初頭以為係豆嘅菜喳 點知原來係紅蘿蔔 真係離曬大譜 好大機會批皮批唔乾淨。點知食完之後喺商場繼續行一陣 一個鐘頭個肚已經開始有啲唔舒服，期間冇飲食過任何嘢， 大約七點前食完 ，八點鐘開始有啲唔舒服 想去廁所 拿拿林返到屋企八點半已經屙， 之後以為冇事 點知坐一陣九點半 個肚直頭拿住痛， 好辛苦咁又好多次。 一定係食咗污糟嘢冇走雞 以後都唔會再去，奉勸大家小心…Read More

大家留意 這家餐廳 外賣平台價錢超過堂食的2倍。例如80g 和牛漢堡，餐52, 外賣110. A4和牛肉眼蓋 200g，堂食298, 外賣368雞上髀 200g，堂食98, 外賣208 外賣冇收送餐費嗎? 顧客已經有付出安在家中嘅代價. 明白送餐公司也會收餐廳費用，所以餐廳會提高食物價格低消，先唔講經營手法將所有費用也轉嫁消費者的策略在顧客知道後會否繼續支持。 但餐廳藉此「大幅度」提高價格， 根本就係當顧客傻瓜，這種經營手法我就絕對不支持! 幸好有工開平台 提供透明度 讓顧客作出明智及主動選擇. 餐廳喺外賣平台不定期做折扣，通常7折，即使半價也貴過堂食。前提係顧客知道食物價格，會對食物質素及要求有個概念，起碼知道自己唔係食緊一件三百蚊嘅牛扒， 純粹係餐廳提高價格，實質貨品只係一百元以下質素。我相信openrice 食評涵蓋堂食及外賣， 幸好有這個平台，讓所有顧客堂食及外賣都有知道餐廳的經營態度講番外賣食物質素，緊記圖片只供參考， 和牛有80 gram 但絕對同圖片相差好遠, 味道ok, 但絕對係55蚊堂食嘅質素, 冇可能用超過110蚊食一個只有一塊蕃茄 同一塊生菜少汁嘅漢堡包，samsung Z flip 漢堡牛扒。薯條用紙袋裝，但已經冧曬，仲黐埋一pat. …Read More

去k11妙思 平平貴貴餐廳食唔少 未食過一間服務咁差 咁冇禮貌 唔知係唔係覺得食客去親 都係cheap人 因為呢間喺3樓 價錢較平 知道自己係cheap嘢 反而睇唔起食客？？因為朋友少少趕時間， 隔離 Velo 又好似好忙 喺門口等咗一陣都未有人嚟帶位 所以就行過嚟 食呢間 因為之前兜個圈見到佢 仲有好多臺證 去到門口冇人 等咗一陣都冇人嚟帶位 於是同一個喺我面前 唔知做緊乜嘅人話畀佢知兩位 認咗我一聲等等 行咗兩轉仲未過嚟 餐廳都唔滿 好忙咩？晚餐有一個牛扒set, 一個龍蝦set, 朋友問阿勒卡menu 個牛扒同set個牛扒 有咩分別 嗰個類似經理嘅男人 好似好surprise咁 梗係有分別啦 頂 答你就答啦 而家咪問你有咩分別囉 真冇禮貌. 之後九點三四個字 就要我哋埋單 乜唔係十點先close咩. 雖然我哋係最後一台食客 食埋甜品都只係九點半, 有個女侍應特登企正喺我哋張枱後面 暗示要我哋走 乜嘢服務. 三百幾蚊一個餐平到咁真係食唔慣 下次食麵包都唔會嚟. …Read More

今日weekend 過嚟食晏 買下嘢 五點零鐘諗住外賣埋夜晚餐飯返屋企，五點半決定泰仔美食買海南雞 加碟菜 同埋油飯簡簡單單。 落單已經話冇油飯， 蝦醬炒泰菜， 話冇蝦醬轉馬拉盞， 小姐話即係蝦醬喎，5點47分已經完成落單。 坐喺門口張櫈度等到 6:07pm 仲未有外賣, 成廿分鐘走入去望下, 原來已經放咗喺枱，我話點解唔叫取外賣，個小姐仲話要check下先，唔俾攞! 擺明係佢哋冇跟好! 搭一個站返到屋企已經 6:30pm. 買個外賣浪費我45分鐘，熱辣辣嘥時間 真係激死! 美好的一天破壞曬! 返到去碟菜辣到飛起，我唔食得太辣㗎，食到流曬鼻水真係辛苦。 100蚊半隻雞，雞肉鞋，而且偏鹹， 冇下次! 😩😩 不過平字 其他所有欠奉…Read More

赤柱之所以受歡迎, 除咗環境優美, 美利樓歷史悠久,仲有就係赤柱大街 ,加上高質素嘅西餐廳 氣氛, 熱鬧有外國feel ,都係赤柱吸引嘅地方, 不嬲都好鍾意. 有個朋友直情喺赤柱大街買咗屋搬咗嚟呢度, 疫情以嚟第一次再嚟, 所有嘢都好好 可惜最遺憾揀咗這一間食越南嘢。 首先因為朋友狗狗, 所以選擇坐外面, 點知就視為外賣, 可能因為外面枱櫈唔屬於佢, 但係佢又會嚟落單, 又會送食物出嚟, 超級奇怪. anyway 最討厭都係佢用外賣膠盒 , 外賣餐具 非常之唔環保之餘， 食物質素仲非常求其。 100蚊一個軟殼蟹卷, 我真係食唔到軟殼蟹, 嗰層皮做非常奇怪，黏得呢非常之刃， 除咗見唔到嘅軟殼蟹， 仲有一扎粉絲嘅東西，菜都唔多條， 租貴都唔使 cheap到咁㗎. 餐廳生意唔好仲做到咁衰 自己倒自己米。 有朋友嗌咗越南麵包 扎肉飯 羽衣甘藍沙律 冇一個話好食! …Read More

星期日好天氣諗住食個hea嘅午餐 最好有大玻璃望到外面太陽 可是想去嗰幾間西餐廳都冇得訂位 朋友突然間話呢間 睇到呢度評語都係讚 費事諗就嚟試下。 可是除咗蟹甲羅燒好食 其他全部唔好食，最想食海膽竟然話冇 我估佢哋返貨都唔係第一手， 應該係行內嘅二買手 等人畀貨。 開頭落咗個鮑魚同埋赤貝刺身 鮑魚切到咁薄實在奇怪 而且超細隻 赤貝日係好細隻 味道唔算新鮮。 食慣廚師發板 係咪最新鮮一食就知 😎。 跟住其他嘢都唔會特別嗌貴嘢lu，食熟嘢穩陣啲， 叫咗個$158炸蝦三文魚子卷 唔好食 飯冇香味 炸蝦唔脆 仲要濕濕地 🙈。 $180嘅天婦羅 隻蝦瘦掹掹 炸粉唔脆 個蘿蔔蓉汁 蓉多過汁 一pat pat. 最後嗌咗個墨魚丸 面頭叫做合格都算燒得香 但係入面乜料都冇我， 墨魚粒又細 醬汁一樣係冇味。求其食咗900蚊 真係完全唔好味 午餐廚師發板都係三四百蚊一位 嚟呢度食錯曬…Read More

D2 係我近期好鍾意去嘅地方，附近舖頭特別有特色，亦有好多其他地方冇得玩嘅嘢， 例如黑暗中的對話 virtual golf, VR. 亦有好多特色餐廳. 今日揀咗呢間新開嘅意大利餐. 大眾化價錢 但食物好有質素. 裝修舒服, 連餐具也特別訂製，睇得出有誠意餐廳. 服務亦好好, 問咗一啲餐牌上面嘅問題 服務員唔單止詳細解答, 更加出餐畀其他客人嘅時候畀我哋望一望, 真係好細心. 因為午餐時段 餐牌同晚餐唔同 揀咗意粉同牛扒. 意粉醬汁好味, 意粉煮得剛剛好 唔會煮到好似快餐店甘淋patpat. 牛扒煎得好香脆，今時今日平貴都經常煎得唔準，唔係太熟就太生， 呢間煎得我要求的啱啱好，廚師功力真係唔錯。下次一定要晚餐嚟試 手造意粉同埋 pizza， 店主話個個都話好味。D2試過好幾間，呢間真係真心唔錯 坐得寬闊舒服 價錢抵食 淨係睇意粉同牛扒 已經知道廚師功夫好唔求其 店主好有心!…Read More