timmyshek's Profile

食物比我想像中好味，蝦味濃，麵又夠咬口，所以真係一流，值得一試。其實我住喺附近，年老嘅媽媽成日見到有排隊，所以一直都話想試吓，今日終於有得試。去到嘅時候見到排緊隊，條龍雖然唔係太長，但係媽媽想知道有啲乜嘢可以食，因為佢好擔心一個人食唔晒。後來我哋見到有服務員出嚟嘅時候順便問吓。點知原來佢就係老闆。老闆見到我媽媽咁老，專登安排佢坐住等，已經十分窩心。坐低咗媽媽點咗刀削麵之後佢仲問佢使唔使煮軟啲？真係好貼心。其實食品唔單止好味，老闆仲好有人情味。真係非常讚。…Read More

我同爸爸諗住星期日去飲咖啡。因為星期日嘅關係，鰂魚涌附近嘅咖啡室大部份都冇開。行來行去，最後入咗呢間，我叫咗杯Dirty，佢要咗杯Flat White。我有啲肚餓再叫咗個Ciabatta 。原本我想叫另外一個Ciabatta但係冇貨，所以最後經過佢推薦我就叫咗雞胸嘅Ciabatta。老實講，星期日我都唔期望太多，因為應該好嘅都閂咗門。但係出嚟之後居然全部都好好味，真係有驚喜雖然入面唔算太大，但係坐得舒服，值得推薦…Read More