tai24's Profile

去到尖沙咀帶小朋友食飯，就梗係要去啲親子餐廳啦厚福街一上到去就發現到呢間恐龍餐廳，上邊啲佈置係全部都恐龍嚟㗎，咁啱有人準備開生日會，佢仲可以免費佈置得好靚㗎🥰佢有好多board game ，又有遊戲機射籃球都好適合大人玩，當然啦，仲有好多啱小朋友玩嘅遊戲嘢食方便都唔使擔心，我哋今次嗌咗一個豬手拼盤，有燒大蝦，燒菠蘿，仲有幾款燒腸仔，個豬手個皮好脆啱啱好唔太鹹，炸薯角大人小朋友都啱食仲有兒童餐，有個白汁意粉炸魚薯條，仲有少少生果夠晒健康👍🏼佢有好多嘢飲都好特別，可以一路玩一路飲，仲要唔限時真係聚會嘅好地方…Read More

小朋友想食片皮鴨，就上網搵吓銅鑼灣邊度有啦，咁我哋就搵到一間好懷舊好靚嘅老北京餐廳一上到去地方唔係好大，但係佢分開咗卡位小朋友都坐得好舒服，原來佢仲有兩三間房好啱大人去我哋一去到嗌咗啲嘢飲先，一個二鍋頭一個酸梅湯，原來北京嘅二鍋頭都幾好飲，好順口一啲都唔揦喉，個酸梅湯好濃味好好飲，佢仲寫住係自家製👍🏼👍🏼黎個主角啦，佢可以嗌半隻片皮鴨，一隻就食唔晒啦，佢好鬆脆，又唔油，真係好好食，值得推介，個皮都好薄，仲有好多塊個鴨肉仲可以煮埋個湯，好清甜，真係用返成隻鴨嘅料去煲嗌咗個餃子俾小朋友食，餃子皮都好薄入邊好多汁好好食叫咗個羊肉麵，佢好大陣善味，但係一啲都唔騷，啲湯好濃厚店面可以掛晒汁，羊肉都好嫩滑最後嗌咗個拔絲香蕉加蘋果嘩，上到嚟真係好靚，好多拔絲，佢又唔係太甜，啲皮好脆，個個食到讚不絕口…Read More

嚟到我至愛嘅校長燒肉，一定係要揀$298生啤任飲三個鐘放題！！每樣試一款都夠晒（再加埋燒肉真係不得了，唔夠嘅仲可以打埋邊爐，三個鐘可以捧住個肚走感念，佢喺觀塘廣場上邊，又有卡位又有包房可以成大班一齊踢完波去啱晒，如果覺得熱氣佢仲有好多熱食點心，啲服務員態度都好好，有咩要求即刻幫到你，最緊要嗰度唔係好大油煙味坐得又舒服一開始要周圍行吓，因為上邊好大佢啲嘢食分開咗擺，佢太多嘢食都好吸引，所以冇行到另外一邊😆😆大家要記住黐張貼紙先好去針啤酒呀👍🏼👍🏼…Read More

今次想講嘅係好抵食嘅早餐，因為一個早餐A加埋凍飲都係$42，而家啲社會喺邊度可以搵到仲？要係高質好食嘅火腿通粉，正正常常啦，但係佢嘅火腿都算多，食完會有飽嘅感覺仲可以轉火腿奄列，唔使加錢，啱啱整出嚟熱辣辣👍🏼入邊係熟晒，仲有啲蛋汁流出嚟同埋轉左奶油多士，呢個要叫佢分開上，如果唔係佢就會放喺蛋上邊🙃🙃但係要留意返佢早餐度幾多人食，店舖雖然大但係都有少少迫，千祈唔好介意同人哋搭枱，因為大街嘅人好熱情…Read More

今日去到尖沙咀東部搵嘢食，見到想食好耐嘅元朗合隆潮州粉麵，就一於入去試下最出名既豬什粉一嚟到先是一啖湯先，佢用咗好重嘅胡椒湯底，辣辣地好過癮，佢所有嘅豬雜都好新鮮，唔會有臭味洗得好乾淨👍🏼每樣嘢都好爽口，再加上佢嘅辣椒油，增加香味再試多佢一個紫菜牛肉餅，今次係清湯，兩個湯都分別好大，啱晒小朋友食，牛肉餅好彈牙，數量都好多，紫菜唔會有沙，不過有少少散留意番如果唔食芹菜蔥嘅記住叫佢走，因為佢每日點都會加…Read More

我諗大家都睇過六個拍嘅片真係好搞笑，只要唔尷尬尷尬嘅就係人哋🤣🤣🤣不過講返嗰日我哋幾個男仔六點幾就去到，諗住揀食邊個餐？因為有四個，因為有人生日佢有八八折，所以就揀咗最貴嗰個，試吓啲最多嘅選擇佢嘅吸引我哋去嘅地方就係生啤任飲，真係俾我哋六點幾飲到凌晨一點先走，幾個男人吹水就啱晒啦，又有嘢食又有酒飲講返嘢食先，個雞煲冇得頂，又夠入味，每次嚟嘅份量雖然唔多，但係可以任嗌冇所謂啦，最緊要係走嘅時候啲衫冇雞煲味道😂😂其他蒸海鮮又係可以唔使試呀佢牛肉有幾種我哋試咗個黑毛和牛，味道係幾好幾重口味，不過就柴咗啲，但係咁嘅價錢又飲咗酒唔好理咁多啦😎😎而牛頸脊都幾好味肉味好濃，感覺上比較好仲有佢有刺身任食…Read More

今日想去鰂魚涌公園野餐，地鐵站一路行過去就發現呢一間台式小食便當，嘩原來款式好多，性價比仲要好高添😋嗌咗幾樣嘢好大份差啲食唔晒😝先嚟一個月見牛腱滷肉便當啲牛腱又腍又夠味，仲要有好多塊👍🏼滷肉飯有好多汁味道啱啱好，肉碎都多過人😊仲有幾條菜，啱晒啲健康人士，連隻雞蛋都好好味😋再叫咗個醉雞翼，酒味好濃，但係唔會搶咗雞嘅味道，同埋啲雞翼真係好大隻😂好抵食不得不提嘅，就係佢自家製飲品，佢個冰糖燉雪梨好好飲，啲小朋友一早就飲晒🥰🥰呢啲天氣飲一流原來佢仲有得賣咖喱，烏冬，泰式肉碎，鮮茄嘅飯，仲有炸雞髀，樣樣都好吸引，下次一定要再嚟買試晒佢哋😈😈😈店員仲要好好服務，不斷介紹有啲乜嘢好食同推介👏🏼👏🏼👏🏼…Read More

係人都知道馬鞍山冇乜嘢好食，但係遊車河一場嚟到咁就梗係要搵碗糖水食吓啦，但係屋企人想食咁就買返碗返去同佢哋一齊食冇堂食好想食芋圓，所以就嗌咗個雪梨芋丸嘅嘢🤣🤣因為我唔記得叫乜嘢名，佢嘅份量都幾多，好多粒芋圓唔知其他餐廳咁得幾粒，食到有芋頭嘅味道同埋番薯嘅味道，糖水又唔係太甜，同埋都幾潤，雪梨都有成半個，另外仲嗌咗個雪糕窩夫，嗰個太好食唔記得咗影相🤣🤣下次再去馬鞍山係值得一去嘅糖水店👍🏼👍🏼…Read More

今次嗌咗兩個外賣返屋企食，一個係醉雞擔擔麵一個係豬扒擔擔麵一定要叫佢搵多個盒分開上，咁就唔會焗到冧晒，因為佢本身係會跟埋個面一齊上，豬扒入味鬆脆，同埋份量都好多，湯底有啲花生醬嘅味道少少辣啱啱好，不過個面略嫌浸得唔夠入味醉雞份量都好多，我諗有一個例牌，酒味好濃郁，不過雞胸位有少少過熟鞋左少少，不過小店黎講算ok👍🏼仲叫咗蒜泥白肉，同我預期之中好大分別，可以唔😅😅因為柴灣真係冇乜好嘅餐廳好食🙃🙃繼續值得支持…Read More

今次專登黎到試吓食好出名嘅車仔麵麵專😊真係好多人㗎，要排咗一陣間先入到去，不過安排得好好排緊隊嘅時候已經揀好餸，坐低一陣間就會送到黎👍🏼豬頸肉唔係好肥，忟得好冧好入味豬紅唔會一夾就散，煙煙韌韌，唔會有血腥味酸齋夠晒入味，少少酸味好醒胃大腸唔係好多肥膏喺入邊，有啲咬口但係冇渣魷魚好爽脆，味道都好夠，份量好多雞腎薄薄地好易咬到雞翼尖隻隻都好多肉，又入味冬菇好香好有菇味辣汁小小都好夠辣，調味一流仲叫左個麵俾小朋友食，可以揀清湯，一啲都唔咸，小朋友食得好開心…Read More

一家人想靜靜地咁食飯，揀左榮哥私房菜，係工業大廈入面，裝修又唔錯，book左位好快入到去黎個頭盤黑白木耳好清新，好爽脆，真係開胃茶燻蛋味道好夠，蛋黃仲流心，加埋炸茄子加特製黑魚子醬汁，唔會好油膩蝦球蒸蛋好滑既蛋，表面好光滑無蒸過火，食到好香既蛋味，好滑，蝦球好爽老火湯好特別咁用茶壺加茶杯飲，佢係參味既湯，好濃郁既參味又唔會太苦，無味精，飲完個人好溫暖，啲料都好足夠帶子蝦中寶蝦肉彈牙，帶子嫩滑，兩樣夾埋岩岩好，好新鮮魚湯豆苗好濃既魚湯，奶白色，加上菜好冧，好翠綠色，可以成個湯飲晒😂紫色嘅炒飯好吸引原來係用紅菜頭炒既，粒粒分明，夠乾身…Read More

係厚福街度度都係食肆諗緊去邊間既時候，有個侍應問我地有無去過mo mo kushiage問我地上唔上去試下，就咁就上左去，仲做緊啤酒買2送1😍睇見隔離枱啲野食好吸引，我都要多幾款試下先，坐吧枱仲可以睇到啲野點整🥰海膽醬豆腐香濃既海膽味度，再加上濃厚既豆腐真係無得頂，帶得出海膽既鮮味又食到豆香雞軟骨棒佢啲軟骨係大舊小小，有咬口，唔會碎晒，加上蛋黃醬油，味道提升左，又好滑既感覺，一啲都唔熱氣牛脷厚切牛脷，熟度岩岩好又唔韌，好冧又無渣，味道一流豬肉好食度唔記得咩黎，豬肉味重，都好冧🥰得豬既香味油膩出晒黎雞泡魚乾係送酒一流既小食，香脆鰻魚皮脆肉嫩，師父啲調味好好👏🏼主角出場炸物全部個皮都好落薄，洋蔥仔仲有好多水份，鮮味十足，生蠔肉質飽滿松葉蟹腳啲肉仲可以仲係一梳梳，青椒肉丸，都好特別，未試過既口感🥰…Read More

今日屋企要加餸，諗左好耐買咩好，見到有間新開既滷水店，就一於買番去先有好多款式揀，揀晒我嘅至愛先鵝腸，帶有小小肥膏好甘香，好有滷水味，唔需要再點調味料，同埋唔會吞唔好咬好耐鵝肝，油脂分布得好好，好滑，無咩渣，肝油加上白飯都可以食幾碗墨魚，好爽脆，片片都一樣大小，再加上小小醋提升佢既味道，唔會好韌，一定用左好多時間整豬耳，全部都係中間既位置，外面啲肉冧，軟骨有軟骨既口感，非常脆嫩千層腐皮，嘩，佢真係入晒味，估唔到咁好食，佢唔會一夾就散晒爛晒，仲係好一層一層咁，好大件食幾件都飽晒…Read More

好耐無去過食燒烤既野啦，上網見到銅鑼灣燒肉酒埸搬左新地方所以去試下入到去好日本feel氣氛都唔錯，好多人但係都唔會好大油熱，走既時候個身都無燒烤味🤣牛脷薄切，完全唔洗再加調味料，都好有牛肉味，燒完既時候再加啲炸蒜同蔥，好感仲正梅頭豬肉，燒既時嘅啲油已經出晒，好香，食落唔油膩，加上爐邊既蔬菜一齊食，好清新醬汁羊肉，經過佢既醃製，啲肉好入味，一啲都唔會有羊既穌味，加小小芥辣提升到佢既味道👍🏼柚子雞肉，好濃既柚子味，不過要小心火勢好易會燒燶個皮，肉質好彈牙，雞味好重羊肉片，估唔到咁好食，好濃既羊味，又唔韌，啖啖肉醬汁牛肉，肉質好冧，牛肉味道都好香，燒好耐都唔會韌…Read More

我們的紀念日，係上環揀左一間西餐廳去食，上度去個感覺都幾好氣氛，好適合兩個傾下計頭盤係生蠔，好大隻海水味濃，係爽口既海鮮龍蝦湯，帶子好鮮甜又有好多片，龍蝦味又濃而且唔會好咸，加上麵包岩岩好白酒忌廉青口，個汁好味到不得了，青口唔會有沙，加上個汁真係無得頂黑毛豬架，好驚食豬扒好似柴皮咁，佢完全無，肉質好好，好冧，又有豬既香味，煎得岩岩好安格斯西冷扒，唔會燒到好生，仲係鮮嫩，西冷扒無咁多脂肪，所以唔會好油，啲牛肉味出晒黎口感好好，好有咬口兩款都有配菜，夠晒飽，個蒜頭好好味點小得甜品…Read More