mikecheng1991's Profile

早排見絕區零有聯乘就過來食，佢食滿250蚊有虛寶卡，所以叫左兩個主食，一個紅酒牛尾，同埋個意大利飯，個紅酒牛尾老實講味道算正常，但係個西蘭花切都唔切下，都唔知點食……個意大利飯都唔好食，只有個紫薯牛奶算幾好飲，最離譜既係個甜品，我地叫左個紅豆鍋夫同埋忌廉東甩好像隔左夜咁，又淋又難食，服務方面仲有個四眼呀叔十問九唔應，叫佢俾啲贈品我，應完我又冇拎，叫左幾次，最後佢叫左個呀姐拎俾我，都唔知係咪老世來🤷🏽🤷🏽🤷🏽成餐茶餐廳質素收我西餐價錢，唔係因為絕區零真係唔會幫襯，冇下次…Read More

本身上社交媒體網站見到呢間三層高既cafe可以一邊望湖一邊飲啡就同女友來試下，地下嗰層裝修都算合符預期，但係佢既1/F，2/F係冇開放的，行到入鋪先有張鬼祟告示話樓上唔係業務範圍，真心有少少嬲，宜家幫你地餐廳貼返張告示俾大家睇🤗🤗啲嘢食唔算好差，但係唔值呢個價錢，兩杯嘢飲加個牛角酥成兩舊水，如果冇個湖景跟本唔值…Read More

行開誠品，見到間嘢好似幾有風格就同女友入左去坐低，我諗住食啲穩陣啲既嘢就叫左個蒜香辣椒炒意粉，等左我成9個字，傕完個樓面，5分鐘後終於有得食，恭喜發財，碟意粉炒到出來水汪汪咁，完全冇味，有味既得啲辣椒同啲灼過既海鮮，講真真係從未食過咁難食既炒意粉…Read More