Kiko0620's Profile

春風得意腸：👍🏻👍🏻👍🏻👍🏻粉紅色外表吸引左我叫佢既意慾，入邊係脆卜卜既春卷，每舊都有蝦係入邊，都幾足料，而腸粉皮亦唔會太過厚。-老干媽燒賣：👍🏻👍🏻麻辣好刺激，但係覺得原本既燒賣味比老干媽蓋哂。-三文魚酥：👍🏻👍🏻👍🏻👍🏻👍🏻三文魚份量好多，夾雜住一啲爽口既螺，口感唔錯，而下底個酥做到鬆化效果，好食！-抹茶奶皇流心包：👍🏻👍🏻👍🏻外邊是抹茶味🍵既包，入邊都有流心效果，但流沙餡略為過少。-鳳爪排骨珍珠飯：👍🏻👍🏻冇咩特別，只係特別在佢用既係珍珠米🤭-紅棗綿花雞：👍🏻👍🏻👍🏻雞既份量算多，入哂味，唔油膩，綿花都有3大舊👍🏻…Read More

午市定食🍲壽喜燒牛肉定食-配白飯🍚 $62*牛肉過熟，好鞋口，鍋底唔夠熱，所以上菜時果隻雞蛋都唔熟。湯底味道不俗，濃而不會太甜，味道適中。隻蛋黎到浸左一陣都係得兩成熟，我將隻蛋黃撈飯再加壽喜燒湯一齊食👍🏻又不錯喔。*🍲花膠鍋牛肉定食-配白飯🍚 $78*花膠有四塊，牛肉都係過熟，好鞋口，鍋底都係唔算太熱，不過冇雞蛋就還可以。湯底係鰹魚湯既味道，唔會太咸還可以，但較為普通。*午市套餐會送一杯飲品或麵豉湯。**呢間日本餐廳細細個媽咪帶我黎食，估唔到今時今日仲係度😁，係兒時回憶，呢種較為舊式既日本餐廳真係愈黎愈少見，價錢合理，食既係回憶。…Read More

晚市一人火鍋套餐$63飲品半價或+$8青檸梳打-肥牛每份有六塊，賣相幾靚，唔算差，份量六塊黎講都叫合理。蔬菜拼盤會夾雜埋～-冬菇x1 -南瓜x2 -小蕃茄x2-金菇一束 -魚片x2-小量碎豆卜-牛丸半粒（無錯係一粒牛丸切開半粒比半粒你）-一粒陳皮魚蛋般大細既豬肉丸仲有包一款粉麵或白飯。-食後感其實味道真係唔太差，但係份量真係太少。我兩個人仲加左一份牛丸$8（兩粒），一份豬梅片$25，一份扎肉$8（四片）。…Read More

Hotel Icon Lunch Buffet $398/person呢間自助餐出名booking full, 所以我都提早個半月訂位。除此之外，呢度主打榴連甜品，我身為榴連愛好者一定要黎試下。今次主要評論榴連甜品，因為食物既選擇一般，唔算太多選擇，食物都算中上水準。-🦀蟹腳、🍣刺身：蟹腳新鮮，刺身夠厚夠新鮮。-🐓海南雞飯：細細碗幾好，可以留肚試多啲其他野，油飯夠味，但雞就稍鞋口左啲啲。-榴連甜品：🫔榴連春卷：皮唔夠脆，但唔影響味道。🥚榴連炸彈：皮稍為厚左啲，遜色左小小。🥪榴連三文治：一層厚榴連醬夾住一層厚既斑斕醬，原來兩隻味係好夾，錦上添花，畫龍點精😂🍰榴連卷蛋：好厚好冰凍既榴連蓉卷係入邊，超級好食，係榴連甜品最好食既一款，榴連迷不要錯過。🍮榴連奶凍：奶味重過榴連味，食到底都食到一絲一絲既榴連肉，麻麻。🍯榴連醬及榴連斑斕醬：榴連醬全部都係榴連蓉，我用來夾榴連春卷食😄榴連斑斕醬有一點點苦味，然後就好香斑斕味，因為有苦味，覺得有小小奇怪，同榴連三文治既感覺完全唔同，唔知係咪榴連斑斕醬仲加左其他材料？-🍦榴連雪糕：榴連雪糕係Hotel Icon自家製既，緊係要試。市面好多榴連味雪糕，都係雪糕既口感榴連既味道。但食過Hotel Icon既榴連雪糕，我覺得唔可以用雪糕黎形容，因為佢根本就係超級足料既榴連肉😋雪凍左變成左一球雪糕！必試！！！…Read More

Burgeroom已經食過好多次，每次都係好掛住佢啲充滿肉汁超Juicy既牛肉漢堡而黎。-每次我都會叫🍔鵝肝牛肉漢堡 $168鵝肝絕對唔細，入口即溶，唔會太熟。牛肉充滿肉汁，包有淡淡牛油香。-🍔特量芝士牛肉漢堡 $109芝士真係好多，流哂出黎，但係黎到已經結哂😕-🍗單骨雞翼配蜜糖芥末醬 $60好脆好野味😋😋-🍹冰茶 $38菠蘿、荔枝、桃味我都試過哂，首先唔會太甜，而且好多碎左既真果肉，飲落好Fresh.…Read More

星期一至五12:45pm前埋單$45/set(小食+麵食）-小龍包🌟🌟🌟：皮較為厚，但都有湯汁，跟餐四隻，好抵食-一口牛肉包🌟🌟🌟🌟：煎焗口感，香口，跟餐三隻。-紅燒牛肉麵🌟🌟🌟：有牛肉及牛根，餸既份量適中，牛肉夠淋，牛根爽口彈牙👏🏻，湯底稍為偏淡味左小小，麵係ok既唔會淋過頭。-擔擔麵🌟🌟🌟：湯底濃度只可評為中等程度，多肉碎，有蔥花，花生醬味可以再濃多小小。食完唔會口渴👍🏻——茶介係免既，每人選一包茶葉，一人一小壺咁沖，星期一至五12:45pm前埋單$45唔洗加一，12:45pm後好似就收返$60up正價。…Read More

⭐️星期日 午市燒肉放題$258/位（兩小時任飲任食）可以選擇+$38升級M5和牛，我就無加。🐂牛都有好多款選擇，唔同部位每樣都有少少。質素尚算可以，不算差。海鮮就只有🦐蝦，蜆。蝦算大隻，🦐雪藏蝦肉質不新鮮，食左一轉無再encore.刺身一定冇出邊專食放題店鋪擺得咁靚，但都算新鮮，食下燒肉又有刺身食，幾過癮。除左🍣刺身、🥩燒肉，仲有小小熟食既小食，例如🥟餃子、🍘炸年糕、泡夫、🥗中華沙律……埋單後仲有每人一杯哈根大師送。🍨…Read More

二人前套餐$525 （openrice訂坐送飲品）A5和牛🐄：嫩👍🏻比想像中高質，因為呢類感覺速食既牛店，我都係抱住一個試新野既心態去試一次，結果比想像中高質。羊架🦙：唔蘇，肉質夠淋，油香味重。黑毛豬🐖：我本人對豬肉冇咩期望，但黑毛豬真係淋、香、嫩👍🏻👍🏻👍🏻👍🏻外表普通，似塊平平無奇既豬扒，但同平時食既豬真係有唔同。帶子：無咩特別蜆：無咩特別安格斯牛膈肌🐮：牛香味夠，唔可以煎太，熟否則會鞋。白飯、湯、沙律任食，唔好睇少呢個餐，都好飽。…Read More

係網上見到緣聚鮮鍋既Ig宣傳下晝有做點心茶市，主打係懷舊點心，所以就去試左。🦐蝦餃：蝦較為不太新鮮，似雪藏蝦。皮夠薄，但容易穿。但$8.8來說是不俗的。姜蔥牛柏葉：姜蔥足料，但太多油（汁），變左好似油浸。牛柏葉份量偏少，但夠爽口👍🏻🥕蘿蔔絲酥餅：呢款點心媽媽以前好鍾意食，但度度都做得唔夠鬆化。呢度反而出呼意料地好鬆化👍🏻，皮亦夠薄身，蘿蔔夠甜👍🏻，推介！🎃南瓜珍珠露：南瓜足料，不太甜，夠大碗😁排骨蒸腸粉：排骨得4-5粒，偏少。腸粉偏淋。不推介。牛肉球：有丁點兒牛騷味，多芫荽，口感不錯。…Read More

電話落單方便快捷，雖然一開始就咁望碟餸好似好細碟咁，但係其實每碟餸都放得好滿。🐣霸王雞（例牌）：肉質好嫩滑，絕對唔鞋口，蔥絲姜絲都好夠，豉油咸甜剛剛好。🍍新鮮菠蘿咕嚕肉：汁偏酸，個人比較愛食偏甜口味的，鬆軟不硬。味道尚算可以，份量比想像中多，唯獨新鮮菠蘿只有一小塊。茶餐廳黎講，例湯都飲得下人，不過不失，味精不會太多，但就唔好有太大期望。整體黎講都好滿意，打左針既，食滿五十蚊仲可以抽獎。絕對會再幫襯。…Read More

榴蓮pizza的榴蓮肉算多，最重要榴蓮味比想像中突出，芝士都好厚，菠蘿都好夠，呢個價錢真心覺得好滿意。呢個係普通批，有約8塊（12寸）。👍🏻👍🏻👍🏻👍🏻另外加多兩個小食仲可以減$20，我選擇左炸洋蔥圈同埋炸雞翼，份量十足，但洋蔥圈外賣到家後略為不夠脆，可惜。👍🏻👍🏻👍🏻炸雞翼價錢合理，30-40蚊有8隻，味道一般，沒有厚厚的炸粉，但好香脆。👍🏻👍🏻👍🏻推介榴蓮Pizza🤩…Read More

行完菠蘿山諗住近近地坐得舒服去嘆個早茶，以前好耐未裝修之前黎過一次，因為員工既服務態度好惡劣，所以唔會再幫襯。裝修完就比多次機會呢間酒樓，我早上10:30入坐，早茶至到11點正，我入單時間大約10:38分，等到11:18分都未有野食，於是搵左個樓面跟進，完全冇理會過我之餘，我以為佢一路搵單幫我跟緊，我發現開卡果位呀姐原來寫錯左台號，188寫左189，我同搵緊單果個呀姐講，佢一句就得埋黎「哎，我唔係搵緊你果張單呀」態度惡劣。於是我搵左一位男部長跟進，佢搞完一大輪，話搵唔到我張單，掉左張午市點心紙比我叫我再落單，男部長仲要話「你要走就走，我都搵唔到張單，咁點啫？」我話ok! 然後搞左成粒鐘，乜都食唔到。…Read More