or#Tm65685105's Profile

星期五晚既通菜街，稍有名氣既店舖都排晒隊，因為趕時間+肚餓，見呢間好多位就入去試下，咁就GG了。叫左三道菜，埋單$300有找，冇一樣係好食，唯一最正常係罐黃老吉。茶聞落去係有泥味，而且係螢光黃色，唔知用咩沖可以咁樣，可惜落左單先察覺到，否則應該一早起身走人。泡椒鳳爪 $48將5隻鳳爪斬開十幾件，鳳爪係喪屍鳳爪，有幾隻都係紫色既瘀血，鳳爪煮得唔夠啲皮好硬而且冇味，一啲辣都冇，只有少少酸。毛血旺$158隨後上菜係毛血旺，個盤好大，但又係一睇就知瀨野。鴨血(定唔知豬紅)數埋冇10片，芽菜薯粉都唔多，但辣椒就好多。不過最頂癮係，當你咬到辣椒就好辣，咬唔到辣椒就冇味既。而且盤野有好多無謂野，有好多剪開左一半既蟹籽丸，啲蟹籽流晒出嚟搞到個湯好濁；有好幾舊冇洗淨既豬腸，好臭尿騷味；仲有幾條午餐肉同埋少量椰菜。大部份霉到都唔想放入口，食完都唔知食左啲乜。老虎菜$78食緊個毛血旺嗰陣已經知入左間伏店，想叫佢取消呢道菜，點知遲左一步，廚房已經整左出嚟，咁諗住比個機會佢啦。呢道菜應該係酸甜既鹹辣涼拌，用辣椒、大蔥、香菜、青瓜，事頭婆本身話冇，點知10秒後又話有，道菜上到嚟就知點解：間舖根本就冇相關材料或者個廚頂更唔識整，事頭婆只係為左收多份錢就話有(見隔離檯想嗌鴨血都係咁，本身話賣晒，諗一諗又話有)。結果嚟到係一盤落左wasabi既青瓜洋蔥絲，又係冇味既。成餐飯食了個寂寞。黃老吉$12味道正常冇過期，推介。…Read More

環境見網上好多好評，諗住試下。上到去已經覺得失望，感覺唔似餐廳，似係一個商場既走廊食野，入座要經過三幾個大垃圾筒，聞到陣味已經冇胃口。對環境十分失望。食物食物又是另一個失望。既然一場黎到就試下啲野食。食物選擇極少，以為貴精不貴多，叫左一個三文魚 bagel 、一個芝士西班牙火腿薄餅。等左20分鐘先整好，點知兩樣野食都唔掂。。。Bagel 凍冰冰硬掘掘，唔明點解整完20分鐘都係咁，好心俾少少誠意加熱下。三文魚味道還好，但被個 bagel 破壞晒。薄餅係新鮮出爐，但係龍島貨式，個餅底濕立立，似食面包多啲，上面料係足，但太多茄汁，唔似食薄餅。服務人手極不足，全場只見兩位服務員，導致收銀、上菜都勁耐，不合格。總結：唔值得去。…Read More