Alipp's Profile

諗住天水圍終於有間café，見評價又唔錯，位置又清幽，但好失望，出品好無誠意，同樣價錢有好多選擇，甚至搭個車去元朗屯門嘅cafe質素都好好多。Cappuccino (oat milk)$47超細杯仲要有大舊冰，味道都ok嘅係份量真係太少，成餐比較ok係杯咖啡。煙三文魚牛油果bagel $58諗住咁普通嘅現成野無死啦，但個bagel 連翻熱都無，最重要係質地又唔bagel，似係隔左夜嘅面包，好嚡咁。三文魚只得細細一塊，牛油果份量同熟嘅程度都ok嘅。生果茶呢個係朋友叫，我眼見都見到入面浸緊嘅橙係非常唔新鮮，似係放到乾晒水就黎爛咁，個乾嘅狀態唔似係生果乾，而似係一個唔新鮮嘅橙，浸極都浸唔返漲，朋友話係無茶味，仲係苦的。壽司飯 $93朋友揀咗雞、枝豆、銀芽、牛油果壽司飯。個飯好明顯唔係壽司飯，朋友話味道正常，但性價比極低。見佢啲出品咁無誠意，我連相都唔想影，基本上都唔會回頭，同樣價錢食其他店好過。…Read More

食過habitu好多次，元朗形點呢間分店係最令我失望。😡服務nono😡坐低晒先叫人拎電話出去cashier比佢睇掃左安心出行未，攪到我要一手拎埋晒朋友啲手機出去show比佢睇，流程十分不合理。然後叫咖啡又落錯單，去拎先發覺，叫佢換仲要話佢有覆單，係我講錯。🥗all day breakfast🍳 $118唔同分店價錢一樣但食材唔一樣，奧海城同尖沙咀嘅吸引好多，呢個連個菇都唔係大啡菇。食材比較求其，收相同價錢唔合理。🥯 Parma ham bagel🥯 $62呢個唔錯，Parma ham份量足，個bagel質地都合格。☕️ 椰子水cold brew, 麥芽蜜糖燕麥奶coffee ☕️ 前者唔太得，咖啡較淡而椰子水味亦唔出。後者係ok嘅。總括然而去其他分店啦。…Read More

平日中午，有位坐。有厠所，厠所麻麻乾淨，但仲接受到。🥓All day breakfast 🍳 $98質素好唔錯，啲煙肉腸仔都唔係好垃圾果啲味。好味🥑Baked potatoes 牛油果蟹肉 🥔 $128原本因為價錢有啲高都掙扎唔叫呢個，但叫左之後都絕對滿意，焗薯會配埋沙律、麵包、腸、煙肉、蛋、蕃茄、橙乾，份量絕對夠飽同豐富，啲蟹肉又多，我食到兩條腳添。☕️Hazelnut latte $40 🥤Oat milk Dirty $40呢度啲咖啡非常唔錯。整體黎講好味，唔會話係離島打咭cafe就粗制濫造，絕對值得回頭。…Read More

首先ifc 個環境不得了，食個快餐有海景夜景，坐埋戶外仲正，樓下好價錢高啲既餐廳都無shake shack呢個景。平日夜晚，堂食位置充足，啲人多數外賣。🍔Shack burger (single) 🍔 $54個飽好軟，個漢堡扒好厚，肉味好香又有肉汁，完全拍得住出面出名嘅手工漢堡店，呢個價錢完全滿意，絕對會翻轉頭。🍋Fresh Lemonade 🍋 $25好味，檸味香，甜度適中，比平時快餐配汽水嘅選擇好太多，飲完唔罪疚，仲好清新添。🥤Fifty fifty 🥤 $25同Fresh lemonade 一樣好評，佢多左陣好香嘅茶味。兩款飲品都非常好，不相伯仲。🍟Fries 🍟 $28厚嘅波浪薯條，都算炸得唔錯嘅，份量都ok，不過真係無乜特別，亦唔係特別好食，無野叫就湊下數叫下啦，否則唔洗特登叫。…Read More

🍗炸雞脾 $32 🍗聽左好耐好多人讚嘅很得輝，炸雞脾即炸，炸皮比較特別，似吉列魚柳咁嘅吉列衣，用面包糠包裹咁，好脆好輕。咬入去仲有肉汁，肉都算嫩。不過調味普通，輕輕雞味，真係要靠灑佢啲辣粉/海苔鹽黎吊味。總括黎講都係一個唔錯嘅炸脾，不過咁傳聞中咁神，回頭率都不算高。…Read More

金錢雞💰其實係三層肉+內臟夾埋，肥肉夾豬膶咁上下，個調味似蜜汁叉燒個蜜汁，雖然肥但食落唔算好漏，都幾好食，原來豬內臟同肥肉夾埋都幾襯，有陣香味。蝦多士🦐放入口好香蝦味，隻蝦好有肉又香，不過件野係幾得人驚，件多士油到爆晒出黎，不過食落口係好好味的。呠酒桶蠔🦪好肥嘅蠔，大大隻，大約有7隻，煮完都有少少酒香味。桂花炒魚肚🐟蛋白炒魚肚咁上下，正常，無乜驚喜。鹹蛋黃炸南瓜🎃炸南瓜外面染左層咸蛋黃，甜甜香香都唔錯。焗魚腸🐟千祈唔好嗌，佢整得唔好，苦到乜咁。老虎斑🐟正常野。乳豬🐖正常野。金銀蛋時蔬🥬正常野。整體好味，會回頭，下次試埋鴻圖伊面先。…Read More

DIY $86叫左兩個diy, 試左三文魚、吞拿魚同八爪魚，配薑黃椰菜花糙米。份量幾大，椰菜花同糙米底好多，夠飽。魚生份量都唔錯的。可以響新界區解下夏威夷碗嘅癮係唔錯嘅，不過呢間魚生嘅調味就好一般，唔夠香，係蒜油八爪魚比較濃味，三文魚同吞拿魚無乜味。未必會回頭了，除非要頂癮。夏威夷碗都係Pololi好食啲～…Read More

見評價咁高，同朋友特意遠征，星期五嘅十二點幾到埗，為避開人潮。整體都幾失望，咖啡唔出色，食物十分一般，我覺得係定價過高添。🌯墨西哥卷🌯 $118有豆乾、牛油果、蔬菜。普通到不能，牛油果又唔算香，個豆乾又唔夾，好似放左台式豆乾入去咁。🥪三文魚忌廉芝士酸種飽🥪 $118呢個比較好食，好多三文魚，加上佢嘅煙燻三文魚有獨特嘅香味，都唔錯，可以一吃。☕️Dirty(soy milk) and Mocha☕️ $45, $45咖啡唔掂，無咖啡香，嘥咗我錢轉豆奶（原本仲係要叫oat milk, 佢比錯左）。🧁無花果鬆餅 $38🧁細件又唔香，不值一提。想飲咖啡，不如行過兩步去隔離NOC仲好。…Read More

今次我唔係響中環分店飲既，而係響鰂魚涌糖廠街市集咖啡節攤檔買，市集會做到12月18日上午八點至下午三點，響附近返工嘅朋友快啲嚟啦喇☕️ cappuccino +oat milk☕️$42+$5咖啡味幾香，陣香味幾獨特，係佢品牌獨得既咖啡味，因為呢點先值得回購。唔怪之得中環分店咁多人排隊，質素附合佢既知名度。不過比較細杯，而且得一個size。…Read More

今次我唔係響山頂分店食既，而係響鰂魚涌糖廠街市集咖啡節攤檔買，市集會做到12月18日上午八點至下午三點，響附近返工嘅朋友快啲嚟啦喇🍞西班牙腸蛋立方🍳$48好厚既吐司用牛油同糖烘脆左表面，西班牙腸其實可有可無，不如淨蛋立方平少少賣仲好，個蛋份量唔錯而且剛剛熟，有濕潤感。可以試吓，不過值錢較貴同細份左少少。…Read More

初初開張都仲好好飲，有茶香。已每況越下，依家超難飲，我叫左黑糖觀音拿鐵+珍珠（$29+$3），已經係微糖，直情係糖漿加水既味道，無奶味無茶味，最後飲左1/5都無就放棄。已比左兩次機會，唔會再回購。👎🏻👎🏻…Read More

🥗 small salad (4 choices)Nood每日都有8款沙律選擇，日日都會轉款的，我曾經見過既有藜麥、羽衣甘藍、凱撒沙律、南瓜、青瓜、蕃茄、紅菜頭、豆。基本上藜麥同羽衣甘藍日日都會有，只係唔同調味。沙律嘅調味多數都係牛油果、紅菜頭、杏仁、羅勒、薄荷葉等等。沙律有大細揀，細既可選4款沙律，份量好足，店員壓得好實的，細都絕對夠飽，兼且好飽肚續航力好高。係好味既沙律，調味非常好。沙律類既食店，nood係我心目中首選，款又吸引，味道又好。中意食沙律記得試吓。…Read More

星期日晚上8:00到埗，排左半個鐘入座，食飽都九點仲見到條隊。🍲煲仔飯比起以前食差左，唔知係咁岩今次失準定點，唔夠瓦煲香味、個飯亦偏濕、無飯焦🍲臘鴨牛肉煲仔飯臘鴨超多件，無斬開食得好狼狽，無乜鹹香油份🍲潤腸滑雞煲仔飯潤腸唔錯🥚鴨蛋蠔餅覺得個鴨蛋無以前咁香但都好食嘅🥬腐乳通菜正常整體合格但未算精彩，未食過可以黎試吓。…Read More

平日夜晚6點幾到埗，無訂位都可立即入座。食飽7點幾離座時已見門口排左四五組人。建議大家早唔到黎就訂位。🏡環境超簡單似快餐setting，唔係歎扒嘅地方。🥩 Flat iron steak $150叫左5成，入面仲係粉紅，不過食落係熟過5成，可以再生少少。唔係驚為天人不過對得住價錢，都幾好食，係份量細左少少，可以加$50加量就會滿足啲。🍟 Fries $0薯條好好食！新鮮薯仔新鮮炸起，係幼薯條，仲要可以無限任添。🍺 Beer $32話係英國手工啤，偏甜有麥味，幾好飲，不過細杯左啲。總括都可以黎食下，價錢唔貴、味道合格以上、Menu 簡單，方便你唔想揀咁多野時食個輕鬆扒過下扒癮。如果想歎扒要食到好滋味果隻就建議揀第二間。…Read More

星期三嘅中午1點半到，都幾多人買咖啡，基本上位置好快滿。☕️Black coffee $~43偏酸、有陣特別嘅類似焦糖又似鰹魚汁嘅味，係特別嘅，係佢自家嘅味道，不過真係唔夠香，記憶點都唔夠深。☕️Cappuccino $38好淡，奶味搶晒，不過拉花係精緻嘅！總括就覺得名氣好大但味道一般，唔會特意回購。…Read More