情侶檔_拍平拖包膠's Profile

口痕想食炸雞見到呢間韓式餐廳裝修都OK有就即刻行咗入去醬油味炸雞上枱時仲熱的，醬汁甜甜酸酸的，不錯。第一口咬落去外層亦脆口。而雞肉嫩滑係最值得讚嘅一點。但係記緊要快食，因為始於浸咗醬汁，好快快會淋返。章魚流心芝士小丸子店家提供材料，俾你自己整小丸子貪玩嗌了一個試試的確係玩味大於一切。所謂的章魚，其實係混合咗韓式魷魚的炒飯啲魷魚切到好細粒，芝士就冇欺場，成兜俾你。我同大少試第二次先成功，過程係幾好笑同好玩的。…Read More

呢間米芝蓮餐廳隱沒於西環的小街之中, 我同大少完全係靠佢喺Openrice完勝嘅紀錄先咁易search到佢。但其實距離地鐵站的路程只係幾分鐘我對於印度菜嘅記憶只停留於重慶大廈：嘈雜亂、服務衛生十分麻麻而呢度係剛剛相反！靜、乾淨、侍應都是印度人但有禮主餐牌有中文的，唔使擔心第一味小食：pani puri ($60)印度街頭小食外脆, 入面裝住啲類似薯仔粒同豆, 同埋脆口嘅粒粒食嘅時候要倒埋壺入面嘅醬汁一齊食, 個汁酸酸甜甜的, 倒咗好味啲非常精緻同特別再嚟嘅係鐵板烤羊肉卷 ($98 )驚喜！擺得靚靚之餘羊肉入面仲keep住juicy架!!配合淡淡香料的味道~推介!烤餅 (蒜蓉味) $26好香, 熱烘烘的新鮮上枱咬有蒜蓉的位置勁正 Chicken Korma 被男友形容為神之咖哩講真，$88嚟講, 個份量係俾想像中少嘅但以味道計絕對值得入口非常creamy, 辣度輕微, 食得出撈咗唔同香料,香到不得了. 用嚟送個烤餅係一流之選飲品嗌咗mango Lassi($48 ) 同 rose milk Lassi ($48)前者有超濃芒果味, 後者的玫瑰味都屬於濃的.整體感覺良好係會再回頭的食店.…Read More

話說帝京酒店 x KIEHL'S整咗個「玩味紐約風下午茶」。Idea係用護膚品嘅天然成份：牛油果 、海藻、盞花等做食材，而亮點係玩份子料理(你以為佢係三文魚子咩，其實咬開佢係橙汁mix鈣粉同海藻膠製成嘅爆珠)，2位計食完仲有一set護膚品送返俾你，價值$200。價錢$488／2人(包兩杯飲品)，如果減返$200護膚品就即係$144一人，咁樣計的話，價錢都可以接受。起碼心理上會好過一點，ha. (**半島high tea而家收緊$628兩位, 城中tea價真係貴咗好多.......)－ － － － － － － － － ─ ─ － － － － －book星期日去，地點係帝京酒店入面嘅lion rock(獅子樓)。而點解叫呢個名呢？一到門口就搵到答案。大大個獅子山就喺正眼前。望住呢個景high tea,又值回一點票價。3pm準時俾人入去。用I pad睇menu, 原來仲有一個原有嘅尊貴下午茶，主打松露，價錢每人大約平$45原本都有臨場動搖，但好在最後堅持原判，因為個set的件頭原來都幾袖珍(𥄫到隔離枱)。男友食真係肯肯定唔夠飽。 講返個new York style 嘅high tea。 大約等咗10分鐘就出嚟喇～～(▰˘◡˘▰)鹹點帆立貝爆珠青瓜卷： 好味．三文魚子樣，但咬落係燈味都幾得意蟹肉牛油果香草撻： 最好味係呢個．細細粒但勁多鱈場蟹肉，鮮甜．同牛油果又勁夾Jack Cheese 雞肉漢堡： 雞肉琢碎煎成一塊很juicy, 但芝士味唔夠濃燴美國牛肋肉酥盒： 酥脆肉腍味濃．插住嗰支係水狀嘅茄汁，唧落去會被牛味蓋過．應該只係為咗視覺上靚啲吧= = 美式熱狗：normal熱香餅：normal .每人有兩小塊, 我影完相已凍晒了. So sad甜點菠蘿芝士蛋糕：濃濃的芝士味, 又有菠蘿清新的甜，不錯.椰子菠蘿mousse蛋糕： 菠蘿果茸加入椰奶製成慕絲，夾埋海綿蛋糕同曲奇．自由女神幾靚，是一整塊糖,很甜蘋果macaron： 有法國Valrhona 白朱古力、青蘋果果茸、薄荷糖水煮成嘅蘋果味鮮奶油巧克力Ganache香橙金盞花朱古力mousse： 裡面有橙蓉，成舊食都幾得意焦糖爆谷 ＋焦糖芝士爆谷：只係比普通爆谷甜一點同埋多左芝士碎金盞花檸檬撻：呢個正，有很fresh的檸檬味 －－－－－－－－－－－－－－－－－－－－－－－－－－－本身唔係食得太甜嘅人，咸點整體都很出色，尤其係蟹肉牛油果香草撻最令人回味，好想試吓返屋企整。而甜點就確係好甜，但係好味的，亦足見師傅的心思同功架。兩杯KIEHL'S特飲 (可揀其他普通飲品)： (左) 菠蘿、apple,雲呢嗱, 加青瓜~~~好飲, 同埋都幾特別(右) 熱的,菊花茶味食完埋單後waiter會俾KIEHL’S嘅禮品換領券你，直接去返樓下新世紀廣場內嘅分店就換到． 初頭仲以為會有傳單嗰個靚靚紅色禮物包裝，結果只有普通紙袋，有點失望. 維C淨白潔膚霜換晒，最後換咗另一支同ml的控油cleanser，我其實冇乜所謂.就這樣過了一個寫意的下午 (♡˙︶˙♡)…Read More

鐘意食蟹嘅人都應該會對「蟹麵館」呢間餐廳有興趣。星期五晚9點點去到，唔使等位可直接入。入到去已嗅到好香嘅蟹味，心諗冇死了，所以見價錢略貴都無阻我擦蟹嘅決心。環境方面，其實佢只係裝修靚啲嘅茶記格局，位窄，兩位去多數要Share枱。手拆鮮蟹肉菠菜麵 ($118)：大少想食蟹肉干燒伊麵但賣晒，轉食蟹肉菠菜麵，點知中了大伏！！1. 首先佢原來係湯麵，Menu冇寫明係湯麵, 冇圖又擺干燒伊麵下面，fake晒2. 啲蟹肉少過泡飯，份量完全不合格3. 啲蟹肉一掂湯就散晒，同冇食過冇乜分別4. 個湯同泡飯個湯底係兩回事，蟹味極度欠奉5. 配料勁hea，1條響鈴 + 1條菜 + 幾粒黑木耳，$118你俾啲咁嘅人食, are you kidding me????!結論係食碗$35車仔麵都好味過佢，大少越食越嬲，冇下次了。 手拆鮮蟹肉泡飯 ($128):　只有蟹湯、蟹肉，同飯，冇其他了......飯同蟹肉嘅份量算多，湯底蟹味都夠，俾飯索晒，味道OK，但以呢個價錢其實期望更高。凍杞子菊花蜜 ($26)尚算大杯，都足料多菊花同杞子，蜜味都重。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿蟹肉泡飯其實味道不錯，只嫌太寡。而用咁嘅價錢，等大閘蟹季節先去食蟹麵好過啦！…Read More

同區嚟講，食lunch價似乎偏貴了一點，仲要加一tim…….下午近2點得3台客, 輕易搵到位。環境算唔錯。芝士泡菜拉麵 ($70):(同事很失望, 因為很淡。仲要唔係落一塊芝士等佢可以慢慢溶，而係用芝士粉….用芝士粉, 呢樣我覺得真係不能接受鍋中亦冇其他配菜。So sad慶幸麵質ok彈牙。但同事話整體感覺只係比辛辣麵好一點。純豆腐辣湯煲 ($78)都係偏淡，不過味道OK，而入面有鮮甜的蜆都不錯。海鮮拉麵 ($70)直頭係淡。不過我落單時有講少辣嘅….只係冇諗過會少到唔辣有蜆、魷魚、青口、蝦、冬菇同勁多芽菜蜆有兩隻,幾鮮甜, 蝦都大隻同鮮味, 其他一般跟餐配菜除咗蓮藕甜咗啲之外, 其他都很清新,泡菜味道都ok。..原本想俾喊, 但佢又未至於難食所以鬆手點俾個OK........…Read More

呢間嘢,又貴又細碟又唔特別好食,,,,:(真係把鬼......椰菜苗：最好味已經係呢碟。爽嫩、翠綠、新鮮，加辣椒炒很惹味蜜糖雞翼：得嗰4隻….慶幸夠熱，蜜糖算入味豬肚湯：咸中帶濃烈胡椒味，豬肚都處理得乾淨海南雞飯：雞夠滑, 但飯冇油香芋泥：勁細碟, 第一次食, 又甜又咸咁，有點奇怪但唔難食鹵水拼盤：又係勁細碟…得豆腐同蛋入味……雖然呢度出名潮州嘢，但個汁真係好普通…牛肉明顯俾鬆肉粉招乎過，冇晒牛肉鮮味，實在太差！超細碟……只係一隻味道普通的雞翼是但加D麻醬:(沙爹牛麵的牛肉加菜心……你話係咩味？唔明點解佢係都要用鬆肉粉我頂你得嗰兩串，仲要衰過街邊即燒嗰啲.只係個醬有花生同好味啲咁解飯很甜但芒果唔甜, 失敗. 幾十蚊…..得兩粒百佳質素的湯圓…太過份!!!!......無言了:(鼓油炒飯加隻蛋，食完都冇咩記憶。。。。。冇乜味的......魚蛋還OK....整體嚟講真係超唔抵食同細碟只係得裝修靚同卡位坐得舒服。用鬆肉粉招乎牛肉最要不得芒果糯米飯太令人失望其他叫做入得口，但絕對唔值咁貴6個人食, $300一個人，　哀哉唔會再幫襯。BYE!…Read More

如果食完飯要搵下場飲酒，我會推介呢度。但！！如想食晚飯就免喇……好多望落貌似價錢平，但原來勁細碟！細碟都算, 仲要唔好味.......讚咗飲品先.............杯White Sangria幾好飲，同有誠意，有粒粒生果同成枝Cinnamon，味道很特別。$68價錢OK！但！！中伏的晚餐食物來了....:(而海鮮飯收成$268，但細碟到咁!!!! 味道好一般......中晒伏！青口個汁同麵包其實好味，但青口縮到超勁細粒。豬手味道ＯＫ火腿奶波成$78先得兩粒鼻屎咁細，仲要唔特別好味，真係嬲咗！甚麼低溫烤爪魚，比高溫還要UN！咁低溫嚟做乜呢？還是疊埋心水暢飲好了！…Read More

話說夜晚成10點鐘，周圍d餐廳都關門／過咗last order無處可逃嘅情況下check到呢間嘢收11點先中入嚟的坐低點完餐，見枱面有灘水漬，叫個男waiter(阿叔)幫手抺抺，佢竟然諸多廢話，話係斟水時淺出嚟，唔肯抺啲水點黎I don't care! 咁你究竟係抺定唔抺吖？！我再堅持，佢先死死氣抺返未食已經一肚氣!:(好啦，終於等到個意粉嚟呢度係食甜品嘅地方估唔到意粉竟然會好味勁多“傑身”的墨汁魷魚新鮮彈牙，但又唔係勁un嗰隻魷魚同蕃茄數目都唔少，起碼乎合返個價錢仲有洽到好處嘅辣椒，香草，我係小辣人都接受到。撈埋檸檬汁，是好味的。希望店主快啲踼走服務差的老鼠屎，:(唔係食乜都冇味!!全店得一個中年的男waiter, 好易認!講完。…Read More

呢間B’s kitchen 潮牛棧環境算幾唔錯一睇就知係後生仔開同平時的茶記的污糟感覺好唔同$35牛雜牛腩河牛腩難得地很腍很入味，個湯最正, 清得嚟牛味亦濃汽水好似係另加 $7蚊牛雜我只食牛肚，其餘由男友KO佢都非常滿意~~~~…Read More

平到crazy, $5 蚊冰糖豆腐花!!!仲要勁大碗!!!冰糖水，紅糖自己任加夠熱很滑，抵讚！公雞碗好耐冇見過，亦有外賣膠碗揀環保d, 即場食就算了隔離都有一檔多人排隊的，不過冇留意價錢，下次再試呢條街賣嘅食物都很平，每次去荃灣都會嚟打返個圈…Read More

識食就梗係嚟呢度食。底煎至金黃脆一咬爆湯汁，我會先咬開塊皮然後慢慢啜肉味鮮濃，冇嚟成年都仲keep到生煎包，呢度始終係我嘅至愛假日2-6pm都有下午茶，$32／4粒連豆漿平時單買就$28／4粒豆漿出面閒閒哋都賣緊$10杯所以都幾抵！**注意，裡面的湯汁是熱辣辣的，小心燙口堂食有最低消費，每人$20**另, 之前已食過佢個粉絲, 麻麻地…Read More

平安夜, 梗係要揀返個靚蛋糕慶祝.在飲食男女見到佢d蛋糕個樣已經流晒口水掙扎究竟要hazel nut好定要經典chocolate之際店員話hazel nut已賣晒, 平安夜好生意到咁!!咁我亦唔使煩了直搗濃濃朱古力的懷抱吧!!個包裝好靚絲帶有紫、黃、黑3隻色揀其3黑色係最grand嘅但平安夜咁開心, 都係揀返繽紛的黃色啦!揀左廚鬼餐具 (另有白色的天使揀)當然係隨個cake送的啦收藏在盒底,很貼心到重頭戲了!!登登登登～～( 店員話: 在雪櫃拎出嚟後, 等10分鐘先食味道更佳)很fine的朱古力味道好滑 ,夠濃, 入口就知係靚朱古力!! 因為同平時食開啲cheap野有好大分別中間黑到呢……..一層朱古力一層海綿 大約各有 3 - 4層海綿唔濕, 鬆軟, 亦有濃濃朱古力味最緊要嘅係”唔會”覺得佢好甜!!!在坐怕甜的男仔全部食到lam lam脷~~~~~~食完很滿足~~~~^^…Read More

餐廳坐落於一條寧靜的小巷之中簡約黑白格調＋梳化位見環境不錯，就同大少坐低tea 1 tea吧！紫薯Latte拉花好靚，嗌嗰陣冇預到會有，所以幾驚喜～濃濃的紫薯味，呢種天然的甜味我好buy。朱古力香蕉麻糬waffle主角嚟喇！勁大份，好在只係order咗一個，唔係兩個人實食唔晒！窩夫食得多，但裡面有麻糬嘅就第一次食。首先，個樣靚仔＋暖笠笠上枱係加分嘅呢種形狀亦十分方便切開Share嚟食咬落去，外層係香＋熱烘烘的蛋漿味，內層是煙韌麻糬麻糬本身冇乜味，唔會搶咗朱古力雪榚/cream/香蕉的味道而口感又很特別。仙人掌疏打what? 仙人掌都飲得？！未見過，真係要試一試誓估唔到仙人掌竟然係紅色望落似杯底有啲果jam而味道有d似細個食的紅色果汁糖但係係好淡的版本感覺好清新，大少都like～…Read More

俾啲貴價泰菜呃過太多次，最後都係返返嚟九龍城。區內最出名嘅「小曼谷」相信唔使多介紹，只係同佢闊別咗成年，唔知質素有冇「降呢」呢？ **呢度人氣一如以往，星期五成9:30pm先去到，都仲要排15mins先入！ **新裝修過，環境比以前乾淨咗！ 泰式炸芝士蝦丸(大) ($99/5粒) 我哋兩個人，侍應哥哥質疑我地嗌5粒食唔食得晒。一上枱仍舊係拳頭咁大粒，夠熱，真材實料啖啖蝦肉！一咬再爆芝士流出！！兩個人掃晒！！ 芒果糯米飯 ($52) 呢個真係好好味！上枱啲飯仲係熱嘅，而個椰汁同芒果就係凍嘅！黑、白糯米各佔一半，有兩種唔同嘅味道同口感，而濃郁芒果香加椰香，正到不得了！ 香芒蟹肉炒飯 ($72) 雖然蟹肉唔算多，但都有蟹肉味，再以芒果嘅鮮甜味搭救、加埋蛋、菜、肉鬆，味道尚算不錯。 泰式龍眼冰 ($20) 甜度適中，夠凍，都有唔少龍眼！ 結論：下次應該唔會Encore蟹肉炒飯，反而會試咖哩海鮮。…Read More

夜晚就嚟10點，東港城得返呢間嘢仲未last order，梗係立即衝入去。 呢個鐘數當然有大把位~ 四川怪味雞： 第一次食，冷盤來的，怪道的確係怪，麻、辣、甜、酸、咸乜都有啲，但都幾好味。雞肉很嫩滑，皮帶點脂肪香。咪睇佢細細碟，都有幾多件。 *Wiki 聲稱呢味菜係滿漢全席當中嘅菜色之一 香辣牛展湯麵： 完全唔掂，中晒伏！！個湯勁淡完全冇牛肉味，係「完全冇」， 只係有少許辣味的清湯，我原本係expect台灣牛肉麵嗰隻湯架…….. 牛展….仲要得嗰幾塊咁大把……. 千祈唔好嗌！！…Read More