為食糖candy's Profile

星期一晚上約咗好耐冇見嘅朋友去尖沙咀食飯晚飯時間唔算多人叫咗幾個小食為主水牛城雞翼，感覺不太像水牛城，但是雞翼揸得非常香口，配上小小醬料，味道不錯！然後又叫咗千島海鮮薄餅，本身仲好擔心兩個人食厚批會比較掣，點知係簿批好似餅乾咁，海鮮材料好新鮮，我哋居然清晒！😍然後又叫咗豬頸肉，燒得剛剛好，唔知係咪太肚餓，覺得特別好食！🫢😋😋有肥有瘦，啱晒我哋唔同口味！仲有一碟白酒煮蜆，唔算太鹹，味道新鮮清甜！最後叫咗兩杯嘢飲，一個熱情果mocktail 🍹另另外一杯芒果🥭🥤🥤🥤本身諗住屬於酒吧類型，食物唔會有太高期望，但係反而有意外驚喜🤩🤩🤩而且性價比高，叫咗四樣嘢食兩杯嘢飲，都係每人百幾🤗🤗好開心雖然餐廳唔算太大，中間位置有兩張桌球枱，啱晒同事們放工過嚟飲嘢，又可以玩一陣，氣氛唔錯，下次人多啲再過嚟！🤭🤭🤭…Read More

一行五人，點左個四人海鮮套餐，以及另加了一道雜菜煲，一人平均$250。剛剛好大家都食得不飽不餓。雜菜煲內的魷魚超大條，好正，菜湯都有飲啲，菜嘅本身甜甜地嘅味，送飯一流！條魚都幾新鮮好味，但魚身就稍為有啲瘦削，魚肉好快清晒。帶子都鮮甜好味，但可以再後生啲，可能因為蒸得耐咗少少。炒聖瓜都幾少分量。不過五個人，於是乎帶子另加$50多一隻，如果係隔離杏花街市會平啲大隻啲，不過無計話哂岀街食飯，最緊要開心。酒樓無切餅費，略有人情味啦！…Read More

鍾意食水餃嘅朋友仔都一定係比較鍾意健康，而呢一間水餃店係冇味精，而且湯底都係養生粉葛湯，味道清甜，每次食完水餃都一定會飲埋啲湯！另外佢仲有湯麵、餃子、小食等等，下一次一定要試吓佢個餃子。今次食嘅水餃係白菜豬肉，之前都有食過佢嘅粟米豬肉水餃，兩款最校都係最平嘅款式， $45就有七隻，非常之抵食。🤗 個湯底其實好味道令我好想額外叫多一碗價值$20 ，不過都係眼闊肚窄，食完七隻水餃及清晒啲湯當午餐都幾飽，回味無窮。另外驚隔離枱嘅拍青瓜都好似好好食，下次一定要叫多啲朋友一齊試多啲唔同嘅菜式。🤭🤭🤭…Read More

整體來說餐廳主打家庭風嘅和風主菜、日式西洋湯及家庭小食。不過除咗湯類之外，款式都比較少，主菜味道一般般，價錢也相對貴，但總算有湯有飯亦有小食，如果外賣來說都幾豐富。個秋葵吞拿魚沙律幾好食，沙律嘅用餐有效期為購買的第二日，如果食唔晒可以放入雪櫃，而且包裝都好穩固，需要用好大力先至開到個蓋。另外無意中發現白飯入面有條頭髮，絕對不是我本人的頭髮，因為頭髮埋藏喺最底，而且纏繞住白飯。食到最尾都有啲愕然……希望餐廳主理人可以注意一下，讓員工戴上頭套，以免再次有這類事情發生⋯⋯…Read More

終於有機會來到置地咖啡廳食下午茶，滿心期待，但整體感覺不似預期。下午茶餐二人份量，收取$428 +1 ，包兩杯嘢飲。三層的下午茶點，甜品那一層， Tiramisu以及朱古力蛋糕的確幾好食，其他就只是一般般。而上層的鹹點，例如鮑魚燒賣，的確很有貴氣嘅點心，但黃色皮好老，整得過分熟。吞拿魚麵包卷，用一個牛油紙包起模仿一個糖果的外貌，其實有幾有創意，不過內裏嘅食物其實比起茶餐廳更加難食。而且有一款菜心牛肉，不太理解為何一所高貴的咖啡廳會給我吃菜心⋯⋯另外今次同行大同父母一起去品嚐茶點，所以另外也加了一個公司三文治，個人幾佩服他有幾層嘅配料，包括有牛油果、雞胸、煙肉等等，不過雞肉非常鞋口，三文治麵包非常林⋯⋯總括而言沒有想像中好食，只能說是一個很好打卡，及享受貴婦茶點得一個地方！另外注意用餐時間亦有限制大約個半小時。…Read More

見Openrice好多好評，就試吓呢一間快餐三文治，基本上order咗10分鐘就可以取餐。今次冇叫到佢最基本嘅三文治款，揀咗一個遊日懶人鐵板三文治🥪$73。三文治入邊係有一個帶子，正正常常，另外最主要就係一大塊炸漢堡，但漢堡入面嘅喊口感超級差，好似一對爛肉咁，完全冇牛味，而且三文治好快凍晒，只可以話個炸皮食第一啖幾香。另外叫咗幾款小食，炸魷魚都算入得口，但三文治嘅價錢真係太貴啦，即使係收咁貴嘅價錢都應該要有對得住性價比嘅餡料😅…Read More

今日食lunch食到去IFC，仲要食豪啲食米之蓮推介！哈哈，價錢的確係平時一碗拉麵嘅1.5倍！LUNCH MEAL 套餐$188：貝汁鹽味拉麵+豚肉餃子+熱檸洛神花茶。貝汁拉麵湯底好重元貝味，碗好大湯極少，講真，食完好似無食咁，不過麵質質感分明又幼細，每條都有燕麥口感幾脆身！好彩叫埋餃子，所以絕對夠飽。餃子有6隻，又唔會好油，餡料嘅豬肉都好食！另外，飲完洛神花茶覺得好好飲，酸酸地好醒神！套餐另外可以加錢加多碗飯，男士就可能需要，因為我都係啱啱飽肚。…Read More

呢間嘢極級多味精，超難受，食完返屋企飲埋梅茶，都消除唔到我喉嚨個種不適、以及舌上嘅「鞋烚烚」感覺！話說本身一心一意嚟到呢一間舊式嘅上海店，諗住三代同堂慶祝父親節，餐廳都係一貫有傳統嘅上海菜式，有款東坡肉大大件，一上枱超震撼，識落好多嘢都好好食，誰知一返到屋企個喉嚨同個口就開始出事，口渴到去飲水解決唔到，於是乎飲啲梅茶，都仍然係消除唔到個種難受。如果真係要去食，就千祈唔好叫一啲濃味嘅食物，又或者一大班人去食，每一樣食少少就夠啦。😅😅😅…Read More

離開銅鑼灣過少少，就係相對寧靜又小人啲嘅天后，搵到一間細細間嘅居酒屋，見價錢都唔太貴，就即管試一試佢。☀️☀️炎炎夏日，點都要飲番杯凍飲解暑，打完風嘅一日熱到好似40度咁，呢度有幾杯可愛嘅特飲，上面有一隻熊仔冰，超級可愛，我個杯凍綠茶牛奶，上面嘅熊仔冰就係由牛奶雪製而成，不過上枱冇耐就沉咗落水底🤣🤣🤣除咗壽司主食同沙律前菜，我哋叫咗今餐嘅必選推介，就係「石燒厚切和牛」，味道相當之好食！和軟熟、幾乎入口即溶，而且客人可以自己喺石燒上面稍為烹調，自行決定點餐廳提供嘅三款醬料，分別係芥末、醬油、蔥油、以及炸蒜片。我自己就最喜歡蔥油配搭和牛，切碎咗嘅蔥粒咬落去同和牛相輔相成，口感一流！依間餐廳無論環境、侍應嘅態度、同埋嘢食嘅質素，都好值得再次光顧，最值得推介嘅係打卡熊仔飲品，女士們一定好鍾意！…Read More

全新Mcdonald早餐有深海魚柳，因為廣告見特別大條，就即管試下啦！一開早餐盒，魚柳長過支叉，然後原來無沙律醬，咁唯有自己準備啦。魚肉都算厚，但就無乜魚嘅感覺，無乜魚味。薯餅就細左好多😭配埋炒蛋、muffin、薯餅都算係一個good morning😜另外嘅熱香餅餐就不過不失，pancake凍左少少都仲好味！我今次係mcdonald app叫外賣，但我拎外賣個時，職員都無check我手機，所以大家要自律拎外賣同咪嗌錯號碼。…Read More

原本離開砵蘭街諗住食間茶餐廳，行過見到呢間越南餐廳，寫住「地道」兩個字，再加埋一條一行10人嘅隊伍，心諗橫掂朋友都未嚟，即管排下試吓呢一間。😎唔知係咪心態上等咗半個鐘先入得去，所以覺得每樣嘢都好好食😆先飲一啖越南凍咖啡，越南咖啡出名甜，但係正正喚醒左我星期六朝早嘅睡意。😙牛肉湯河亦都好有水準，牛肉剛剛好熟透，牛丸但我夠晒牛味，整個份量都算適中，基本上食完都飽肚。好得意嘅係呢碗牛河，配合咗幾個迷你嘅油炸鬼，應該係用嚟浸落湯食，油炸鬼新鮮炸起，味道可口。有機會一定會再食過！👍🏻👍🏻👍🏻…Read More

Lunch Set 3-Course($488+$180) 第一次食到紅蝦，原來紅蝦鮮甜又濃味啲，聽侍應講廚師煮紅蝦嘅經驗巳經超過廿年，我第一次就食到咁高質嘅紅蝦，真係好難唔再返嚟食喎！Lunch Set 3-course($488)另一個主食係🐠時令魚Risotto🐠好驚喜侍應親自為我淋上濃濃龍蝦湯，熱辣辣再點上魚肉，鮮明再提升 主菜睇落唔大份，但全部都食得飽，支持！另外提下個凍湯，加上乳酪同埋青提子，感覺好fresh好似蔬菜青汁咁樣，屬於心機及誠意之作。最後仲食完甜品送上一粒軟糖，達摩嘅造型軟淋淋，食落去好似可樂糖一樣！ …Read More

鐘意食魚嘅朋友一定要食鯛白湯拉麵，岀面大多數係豚骨湯拉麵，而鯛魚湯味道濃郁，許多人喜歡呢度拉麵濃郁的高湯和獨特的調味品組合，味道豐富而令人滿足。😋😋另外配料豐富，通常搭配多種配料，濃郁糖心蛋及脆脆魚皮，這使得每一口都具有不同的口感和層次感。而且選項多樣，提供了沾麵及湯麵，可以根據自己的喜好進行定制，滿足各種口味需求。整體來說，服務質量都好高，呢度拉麵店的服務態度和效率，我都表示讚賞，食物衛生乾淨又提供濕紙巾，店員友好熱情，並提供快速且專業的服務。👍🏻👍🏻…Read More

逛完Donki來到中環要找美食，就找到這家咖啡店！這家新咖啡店 Intime，地方不是很大，但可以點到的餐款式很多，就不是只有all day breakfast而已！-跟朋友聊聊天、喝杯紫薯latte，就是人生天樂事，咖啡師特地沖了一杯可愛拉花圖案給我，倍感歡欣。這裡還有走地雞，媽呀，是走地雞，你看那個雞腿，我跟朋友差點要點多一份啦！而且貓耳粉好吃，上面的帶子又多又大，真美味！這裏還有幾款甜品，今次吃的是Red Velvet蛋糕，味道不會太甜，加上軟綿綿的忌廉，味道可口。-下次一定要再來吃過😋😋😋…Read More

上次想關注組見到呢一間燒賣店已經一早book mark定，估唔到我一個月食咗兩次，第一次食嘅時候覺得佢嘅魚肉味道好香濃，而且黃色嘅外皮嘅濕潤度都剛剛好，甜豉油攝住喺每一個摺痕嘅罅隙裏面，點完豉油之後都唔會滴出來。重點係價錢非常貼地，只需要$10。下次決定，就算我唔食辣都試一試佢個辣椒油，一定好惹味！…Read More