nico1072's Profile

今日初三赤口，例必一班朋友外出食晏就拜年。今年就簡咗旺角"韓城"，貪佢係旺角都方便大家嘛!一行14人，其實之前都訂咗枱，但嚟咗職員應該唔記得留位比我們，搞到要L字咁坐，傾計傾得唔夠盡興!我們嚟到韓燒放題，自助取生料及熟食，種類都算多，有雞、牛、豬、羊、腸仔、丸、菜羊(我覺得夠"SO"好好味)、雞翼(好肥味，燒完之後啖啖肉，比起雞串還好味)、牛舌(好爽口)熟食有壽司、飯、薯餅、菜、粉絲、豬頸肉、秋刀魚等。反而將熟食的豬頸肉再放入鐡板燒返熱嚟食，仲好味D，因為好多熟食都凍晒!見住佢出的粉絲，熱辣辣係好味!除咗生料及熟食外，佢仲有甜品、糖水、生果、雪糕的!…Read More

今日去開MIKIKI行街，突然想食日本放題，於是OPEN RICE一下，見到呢間赤山食評都唔錯，價錢又吸引，所以決定嚟試下!一坐抵，當然要點刺身食啦。佢地D刺身好正好新鮮，點幾多片就上足幾多片比我們，無偷功減料，抵讚!意想唔到係放題竟然有生蠔食，仲要唔係限量供應，係比你任點架!佢D生蠔好肥美大隻，仲好CREAM添!粒帶子位仲痴住個殼邊!天婦羅有海老(蝦)、南瓜、茄子、蕃薯 (仲有其他的，不過我無點)。外皮好香口，最有驚喜係隻蝦，炸完之後仲保持到新鮮、有蝦味，抵讚!芝士年糕，必點!芝士半溶啱晒芝士控既我!!!如果唔係驚肥，我都可以食兩件呀!羊架好正!我鐘意佢有D"SO"味，但佢又唔係話太"SO"，仲之好正!其實仲有好多正嘢食，但係我就掛住食無再影相了!!…Read More

同朋友一行六食係屯門食完飯，當然要飯後要食甜品啦!我去過京都抺茶館食抺茶軟雪糕好多次，次次都比呢個甜品吸引住我眼球!!可惜，平時得我同老公兩條友，根本食唔到咁多。但今次同朋友食到真係好開心好開心好開心(好開心所以要講三次)個抺茶軟雪糕，雖然無其他舖頭的咁濃，但係都好足夠，我試過夜晚食其他軟濃的抹茶雪糕，我晚上瞓唔著。而佢下面的抹茶紅豆卷，蛋糕鬆軟、紅豆又多。窩夫跟過一輸影相自拍後，都唔會話凍咗。外脆內軟、配雪糕球(只指得，無得簡口味)一齊食，間直無得彈!最後，咁大份的甜品，六條友KO唔到佢!…Read More