babelam328's Profile

同朋友嚟食個late dinner, 雖然我地2125先落order, 但個廚師真係無心機煮野俾啲客人食。碟卡邦尼意粉真係不得了，成碟都用油浸意粉，咁都可以上碟俾客食，唔知仲以為我叫左一碟油嚟食，呢碟野仲要$198，同女waitress 講完佢只答一聲「哦，同師傅講返」就算數，一句唔好意思都無講句。另外果杯signature朱古力真係好垃圾，淡到爆，好似飲緊朱古力水。根本都唔係想做生意😡 真係唔使旨意再幫襯。…Read More

訂左1700時兩位，我地1655時到達。全場無其他食客，要求坐卡位但話所有卡位俾人訂左，最後叫左細芝士雞煲叫爆多芝士，味道唔錯，不過雞件好大件，切細啲會好啲。之後加芝士湯，但個湯太甜，好似糖水。之後換左清湯，但湯內好多蟲仔屍，投訴一輪，staff 收走煲清湯，我地亦話唔需要再換湯俾我地，埋單唔食了，經OpenRice 訂位有88折。但食完竟然係OpenRice 內見到除消我既訂位，原因係話我遲咗超過10分鐘。但實際上我仲早5分鐘到。以後唔會再食了。而我地1855時離開時，只有一枱卡位有人剛入座。…Read More

呢度有兩種價錢選擇。雞煲任食，飲品任飲。雞煲質素真係麻麻，勝左係無限refill。食完雞煲轉煲，湯底有兩款，分別係麻辣湯底或者蕃茄薯仔湯底。我地要蕃茄薯仔湯底，但個湯底似清湯，無咩蕃茄同埋薯仔。只得幾樣食物可refill, 追求飽肚嘅話可以黎食，但要食質素嘅話就唔好黎了。牛肉係無得refill. 而且食完之後好口渴，味精多。埋單接近每人$300，性價比低。我就唔會再黎。仲有，只收現金，無其他付款方式。…Read More

佐敦分店既鍋心環境安靜，人少，食物新鮮，座得舒服又抵食。兩個人食宵夜時段唔使book，直入唔洗等位。食物種的多，可自由配答喜歡吃的8款海鮮。另加食物每份都係$20。其實食晒食物後都好飽，最尾仲有鍋粥，真係飽到不得了。粥有配料跟埋，一大鍋連埋較早時食既海鮮精華真係無得彈。打邊爐首選，必食推介，款式多、味道好。可惜唔包飲品，所有酒水都要另加收費。我地無叫飲品，只食邊爐加粥。埋單每位都係$200，真超值。下次再來。…Read More

一位大人加兩位長者，經openrice 買優惠卷，食lunch buffet, 由1200開始食到1430時，座位闊坐得舒服，食物款式多又新鮮而且味道好。海鮮種類唔多，但蝦🦐就好大隻又好fresh，最好味係燒肉而且塊皮脆得黎又夠味，係必食推介。另外面檔亦好多款，食左幾款都好好味。不過湯水就認真麻麻地比較淡、甜品款式多但味道亦係麻麻，飲品類亦比較少，不過以$200左右一位有咁多嘢食選擇其實好抵食。另外還有兩個鐘頭免費泊車，抵。…Read More

見到透過OpenRice 訂位有85折，又見好多好評，於是同朋友兩個人訂左位黎到呢間好多好評既「心之食堂」，合共叫左11款食物，但食完真係非常失望，無樣野好食，但竟然有好多人話好食同抵食，我絕對相信好多打手。炸雞皮硬過薯片，飯又勁淋，鰻魚無咩汁，芝士炸雞完全無雞味，好淡。而海膽又唔夠fresh，整體來講都係唔好食，一個伏字。總之唔會再黎幫襯第二次。未試過呢間既朋友請認真諗清楚先。如果只係需要飽肚既就另作別論啦。…Read More

我同朋友一行三人透過OpenRice 訂位，滿心期待呢間好評如潮既餐廳。假期前夕店內幾乎坐滿人，心諗應該好味。餐牌上種類幾多，大部分單叫食物都可以加$88錢轉套餐。套餐包前菜、飲品同甜品。我地叫半隻乳豬、卡邦尼闊條面、意大利粉，三款轉成套餐再加串燒。結果，又一個伏字。而餐廳服務員態度好，因為我唔食生，餐廳幫我將前菜既半生熟蝦改為熟蝦俾我，可惜朋友食既半生熟蝦發現不新鮮有嗅味，所以咬一口已經吐出黎。而我既熟蝦係霉既，同樣咬一口已經不吃了。串燒同意大利飯味道算ok。乳豬脆得黎又硬，唔多好食。卡邦尼闊條面既面好硬，唔夠熟透。埋單每人$415。呢個價錢食呢個質素我就覺得唔抵食。…Read More

今晚同朋友黎食人氣店鋪「牛極」，1810時黎到要排隊，排左大約15分鐘就可以買飛入場。但唔明白點點解店內有位都唔俾人入座，或者要造到個勢好多人想食啦。我哋揀咗牛肩肉同牛柳各200g, 埋單$290，價錢中等。但名過於實，牛無牛味。但有黑胡椒同埋海鹽提供調味，但調左都係唔好食。呢度白飯、湯、沙律都係任食。不過白飯淋過林憶蓮，湯又稀又無咩味，反而最出色嘅係沙律，沙律好食全因為沙律只需生食同個有沙律汁調味。呢間真係不可一不可再，超伏。浪費時間同金錢，無下次。請我都一定唔食。未食過既朋友，建議唔好黎食。唯一細心地方係有口水肩提供俾你圍住唔會俾上扒時既油彈到。…Read More

包羅萬有，又平又抵食。我已經帶好多朋友黎食過好多次，位位朋友都滿意。今次閒日黎食，1800時就入場，一切仍然保持水準。地點方便，一出馬鐵行三分鐘內就到。雖然鋪頭地方不大，但勝在食物種類好多，除左自助燒既食物外仲有好多熟食任你食，Refil 得好快，而且大部分食物味道都很好。服務員會主動行黎換爐。雪櫃內除左可樂雪碧仲有韓國汽水同韓國牌啤酒都係任你飲，埋單價錢依舊經濟，除開每人連加一後都係只須$207。平日去食不用訂位。…Read More