jankidd3's Profile

本身近排天氣陰陰的心情和情緒也低落了，中午也不願外出吃飯，但是早就和同事約好了要來Greyhound Cafe吃午餐，所以和同事於中午一行四人來到了，因為有同事先來到取位的關係，於是不用等位，聽說這間Greyhound Cafe經常爆滿，感覺自己好幸運。Order了同事們推介、飲過都讚好的凍檸茶，果然名不虛存，連冰都係用凍檸茶製成，果然到用餐完畢後再飲都依然味道香濃。同事果然無介紹錯！因為我是第一次到Greyhound Cafe，所以都是叫比較大路的東西，感覺比較安全嘛！這個泰式炒金邊粉有很大隻蝦，而且好新鮮，爽口彈牙好似魚蛋咁。味道方面我覺得略為甜了一點，但是整齊感覺不錯！餐後本來打算埋單，但是有同事見到隔離枱Order的甜品好像賣相不錯，所以我們又趕緊追加，好彩這裡上菜速度很快！芒果芭菲原來都是泰式，雪球是有果肉的椰子味雪糕，底部竟然是糯米飯，好出奇，好有驚喜！而且芒果都好甜，結果好快就食完，好想食多個！女士們都是喜歡食甜品的，食完美滿的午餐後又充滿動力工作了！…Read More

朋友試過呢間話唔錯，所以今次帶我黎試下，又真係幾OK喎！Order既野都黎齊曬無話漏單，全部都到齊。螺肉唔錯，同平時食開既差唔多，都幾大粒下。呢個係朋友話必叫既牛柳粒，果然名不虛傳，味道好好而且肉質軟熟。豬肉串相對失色，感覺似係食燒肉咁，但都唔算難食。剌身叫左蝦、北寄貝等等，都好新鮮同埋份量都幾厚。不過啲冰都溶得幾快，如果可以加返塊保鮮紙就唔會令刺身俾冰水浸住啦！同朋友飲酒又點少得雞軟骨呢啲送酒小食呢？粒粒脆卜卜，唔會太硬，唔錯！ 手卷叫左軟殼蟹手卷同埋鰻魚，個餡OK但係外面嘅紫菜淋左,可惜可惜!牛舌都係好推介，夠軟唔痴牙，非常好食！ 蝦串唔會話太咸，不過我覺得唔算大隻，但係既然任食咁叫多幾隻補返數XD帶子剌身，大大粒好鮮甜，最鍾意就係食帶子刺身，好抵食！叫左好多次哈哈！燒菠蘿又係我心水推介之一，燒完表面特別香，但係菠蘿入面仲係好多汁，多脆內軟又解渴，正呀！…Read More

之前都上網見到話呢間食蛋包飯都唔錯，好似都幾吸引咁。見到佢做團購現金券優惠，就決定去盛八食堂試下佢既蛋包飯啦！我叫咗黑松露地雞磨菇蛋包飯($98)，賣相幾好，黑松露都幾多。不過呢個都唔係正宗蛋包飯，睇完成個menu得兒童餐有西炒飯底+茄醬既蛋包飯，講真實在有啲失望，好想食正宗蛋包飯呀！但係呢個都唔差既，係雞唔夠滑，而且食落都幾濟下，而且好多味精，食完好口渴，一般啦。朋友叫左芝士野菌赤豚漢堡蛋包飯($98)，睇落都覺得好濃！同埋個蛋包飯一黎到就係咁既樣，個蛋包根本就爛左，好心就唔好拎出黎俾客啦！啲飯跌晒出黎核核突突咁，講真呢度食個蛋包飯又唔係平，真係應該再整過。赤豚漢堡好食係好食，但係真係好重味精，食完飲左2杯水都唔得，麻麻地。呢度最好食既竟然唔係蛋包飯而係小食。吉列盛合3點($53)，有洋蔥圈、雞粒同埋薯角。送黎既時候仲係熱辣辣，正！洋蔥圈同薯角都唔錯，係個雞粒有啲韌，都OK啦。今次黎完真係令我有啲失望，唔知係自己唔識叫定點，又或者可能香港真係冇正宗蛋包飯食得到，完全食唔返日本食到既味道。所以呢度即使用左團購優惠我都覺得麻麻地唔太抵食。…Read More

去開黃埔，決定去試下Kitchen J，一直都只有經過而冇入去食，喺門外見到佢個經典二人套餐幾抵食，就決定試下啦！首先沙律方面揀左鮭魚沙律，三文魚個量都幾多，味道唔錯！加埋佢個sause一齊食味道非常好，感覺好fresh。然後有餐湯，一個南瓜湯一個紅湯，賣相幾好。味道都唔差，不過不失啦！餐飲揀左幾特別既抹茶梳打同紅茶梳打，中伏！味道超怪，梳打刺激既感覺加上甜甜地既糖漿，好難飲小食方面，揀了西班牙厚燒庵列，味道唔錯！當中有啲金菇同其他菇類，仲有蕃茄，口感幾豐富。有度要讚既係煎PAN手柄處有加上保護，令客人唔會燙到主食方面可選兩款，其中一款揀了醬油風吞拿魚洋蔥意粉，呢度上菜真係好快，結果擺到成枱都食，到食既時候已經凍晒，意粉我覺得偏硬，可能因為凍左啦，但個味道都幾好。另一個主食決定要黃金四味芝士比薩(配蜜糖)8"，FOUR CHEESE我都好鍾意，呢度既PIZZA口感似印度薄餅，好想食咖哩呀！芝士味好香，但唔算好多，所以都唔會好濟。雖然話配蜜糖，但係我覺得加左落去之後味道反而好怪。甜品方面就每樣揀一個，呢個係抹茶法式焦糖燉蛋。有抹茶既焦糖燉蛋反而冇咁濟，味道好香，唔錯唔錯。法式焦糖燉蛋。比起抹茶法式焦糖燉蛋較濟，焦糖好厚，如果薄返啲會好啲！但都唔差…Read More

下晝同同事一齊叫TEA食，中環有好多好野食，但唯獨已經食過唔止一次的永樂園真係每次都可以保持出準！今次叫雙腸熱狗，送到黎仲係熱辣辣，真係不得不讚！熱狗包表面仍然脆，兩條腸仔雖然唔係咩貴價腸，但係佢個醬真係成個熱狗既精髓，一打開個熱狗就聞到醬既味道，甜甜地既沙律醬又混合了青瓜粒，好味中環可以食到十零蚊一個熱狗，仲要咁有歷史咁好味，真係必食！…Read More

自己本身都幾鍾意食蜂巢雪糕，對Honey Granny的印象都唔錯，所以見到早排佢有做團購優惠就立即買左啦，雖然都唔係平好多，但都叫做幾抵。尋日去旺角分店換領，我就揀咗蜜糖綠茶蜂巢雪糕，因為之前喺總店食過原味，而且總店係無提供綠茶雪糕，所以就決定試試。點知真係好失望，蜜糖少不在話下，舊蜂巢直程係上次喺總店食的1/4，唔知係因為綠茶味同蜂蜜味唔夾定係蜜糖太少的關係，唔係好食得到蜜糖味，所有味道都被綠茶味蓋過。講真我寧願俾多少少錢去食返一個質量好啲既蜂巢雪糕，而家咁樣將貨就價真係唔抵食，以後都唔會再買Honey Granny團購。…Read More

得知最近尖沙咀開咗間日式快餐店係食pizza既，就即刻去試試。都算係幾隱蔽，有時經過都無留意到隔離有條樓梯上去。環境都幾整潔，位都足夠，要自己出去買餐，之後拎個牌有人送野食嚟。叫咗一個餐，另加洋蔥圈。pizza加薯條汽水只要加$15，因為自己都幾鍾意食洋蔥圈，見到都唔算貴就叫嚟試下。total $81，食pizza嚟講都幾抵食。呢度啲薯條係幼薯條，個人鍾意食粗薯條多啲，幼身薯條唔多有口感，但味道都ok，唔會話太咸。pizza賣相都幾得，但係烘得唔夠時間，所以個底同個邊都係軟身唔夠脆，有啲可惜，如果烘多陣的話一定好食好多！失望洋蔥圈，熱辣辣脆卜卜，呢個真係唔錯份量都ok，值回票價。整體嚟講都ok，下次都可以再試下其他。…Read More

平時經過旺角都會專登黎呢度食返個瘋薯，都已經幫襯咗幾年。以往都係食車打芝士加秘制沙律醬，今次就試下要車打芝士加蜜糖芥末醬。喺呢度食瘋薯我覺得一定要食車打芝士醬，真係超好味！但係今次試嘅蜜糖芥末醬就令我有小小失望，個味同車打芝士唔算太夾，雖然都唔算難食，但始終都係車打芝士同秘制沙律醬先係絕配！所以下次都係叫返車打芝士加秘制沙律醬。每次假日嚟都好多人，今次都等左十分鐘，但薯條剛炸起好熱！所以都等咗一陣先食到，又熱又脆口好正！…Read More