BAMBOOYO的个人专页

見佢無咩人，太肚餓walk in 即興入去，見隔離檯個西班牙炒飯幾大碟，又肚餓就叫左個西班牙炒飯同lunch set 豬肋骨個豬肋骨大概20分鐘內上菜，比預期中細份，得4條豬肋骨，加多堆無味薯蓉！係無味，鹽都無落？然後就再起碼等左超過45分鐘，先上個西班牙炒飯，都唔緊要，我以為我咁肚餓食咩都會好食，我可以話呢個係我一世人食過最難食嘅炒飯，都係完全無味！無落鹽！之後要佢比鹽我地落先叫正常少少，但試埋啲蝦同蜆，無錯，蝦份量係唔少5-6隻，但全部都霉！蜆都係無味！總之就係無味嘅海鮮炒海鮮炒飯？仲要收人$300 :) 求其一間茶餐廳都好過佢，唔好係度為禍人間啦！其他食客都等左好耐！認真睇下啲食評就知道有幾多係稿:)…查看更多

坦白講野食真係幾好食，但d服務態度真係奇差，馳名中外嘅澳x都無你咁寸，我知食飯時間係多人係出面等位，但你想個客讓位，d語氣同態度可唔可以好少少？學習下「唔好意思，lunch時間人比較多，介唔介意讓一讓個位，多謝你支持」唔係比面色個客睇囉，唔該！返工已經夠大壓力，放lunch都要受氣，谷到成肚氣都飽曬，已經唔係第一次係咁，我d同事去都係咁講都唔知話你係咪一視同仁好 ：）唔係似住自己d野食好少少就可以咁對d客…查看更多

行開D2 Place ，果邊又無咩好食，又想食日式定食，搵左好幾間都星期日唔開，可能係工廠區。咁就誤打誤撞搵到哩間日式定食，原來係正大中華隔離，本身都糾結食邊間好，最後都係比個機會佢。總評價食物：新鮮，份量足料，可以任添飯及沙律價錢：相宜，性價比高👍🏻環境：舒適，寬敞等候時間：45mins 其實有d耐 我知 想食好野就要等耐d上菜時間：慢！當你入到去就會知點解出面咁多人等緊，上菜實在太慢！可能新開，店員唔熟悉枱號，每次都問，但我地根本唔知自己係咩枱，一係你就寫係枱面，或者記熟佢。另外上菜次序，明明我地枱入先，其他枱已經食緊佢個炸雞/炸豬扒！但我仲未等到個海鮮丼，但係個3點刺身已經到左，要即刻催單先有，完全不解？刺身仲耐過炸野？不過整體黎講都唔錯，價錢同環境同質素都幾好，希望出餐時間會改善，咁大家都唔使等咁耐👍🏻👍🏻…查看更多

比想像中出色，葵芳多小食係人都知，但估唔到葵芳都有平民小店煮野咁出色，價錢相宜，但味道絕對唔差，湯無味精，今日例湯係西洋菜。全部份量都好足料，即叫即蒸，下次黎再試其他！…查看更多

估唔到深水埗西九龍都有出色的連鎖小店，黎深水埗都會煩惱食咩，無錯！深水埗係多地道小食，但都坐得逼同快食快走咁。行到攰攰地想搵間坐得舒服d同價錢相宜餐廳食晚飯，咁就咁啱見到。坐得幾舒服，又唔會嘈，d 侍應又唔會好似想逼住你走咁，可以慢慢坐下傾下計。服務態度唔錯，幾親切。食物質素唔錯，價錢合理，性價比高！…查看更多

雖然鋪面比較普通，但食物質素絕對有保證！每次黎都必定叫蜜糖芥末菠蘿豬堡，豬漢堡用慢煮方法煮熟待用，落order先煎香個面，哩個方法保持肉汁，菠蘿原塊，再加埋醬汁，成件事好夾！希望香港繼續都會有更多小店，保留本土特色同人情味！…查看更多

1.整體食物水準唔錯，係出野食速度太快，竟然係咁都要彈 因為佢一次過上曬所有，都唔知食邊樣先，d野食好快就凍。同埋張枱擺滿曬，好難夾野:(2.性價比高 $298 （未加一）二人餐 包括：前菜：泰式鳳爪湯：冬陰功湯主菜：肉片炒飯，咖喱軟殼蟹，馬拉盞炒通菜甜品：椰汁紅豆糕3.環境一般，咁啱佢安排我地果個位係走廊位，比較窄同多人經過，侍應都唔小心撞跌我件嬲。另外加多左個椰青$38 7折（兩週年優惠）鮮甜，同幾抵飲佢其他菜單叫再7折的話，其實都好抵食，要襯佢仲做緊優惠黎多次！！…查看更多

無錯！我第一遍食評！但估唔到竟然係貢獻比佢:)作為一個香港人，食飯上openrice睇下係一件再平常不過的事，有日無意中發現評價不錯，就收藏定遲下去食，因為男友中意打邊爐啦。咁咁啱今日出開尖沙嘴就決定一試，叫左兩個煲同男友一人一個試下，「牛乳豆腐窩」同「鮮茄茸雜菜窩」一上到黎同張相爭好遠，咁無野ge 實物與圖片不符是常識啦。首先講「牛乳豆腐窩」，無奶味，似清湯加d腐皮就係？成個湯都油淋淋？啱啱開始打左wor😅 之後到「鮮茄茸雜菜窩」，湯底係罐頭羅宋湯味，加d番茄，同樣油淋淋。總括，兩個煲唔係d咩貴料同特別材料，一個都$78同$88 未計加一。 如果你中意打邊爐又想填飽個肚就算ge，歡迎你黎試食，因為仲有碗白飯。但如果係想試d好似台灣火鍋咁，材料好食，湯底特別可以唔使黎試，因為完全兩回事。…查看更多