dannnyno1's Profile

尋日同朋友行過間台灣餐廳，肚餓餓哋就入去試下。我叫咗個鹽酥雞配珍珠米飯，一上枱就聞到好香！鹽酥雞炸到金黃色，外皮脆卜卜，咬落去仲有肉汁滲出嚟，正到爆！珍珠米飯煮得啱啱好，粒粒分明，同鹽酥雞好夾。仲有杯珍珠奶茶，珍珠煙煙韌韌，茶味同奶味平衡得啱啱好，飲完成個人爽哂！朋友嗌咗碗牛肉麵，我試咗一啖，麵條彈牙，牛肉炆到好淋，入口即化，湯底又濃郁，朋友食到唔停口。整體來講，呢間台灣餐廳水準唔錯，價錢合理，一定會再嚟幫襯！…Read More

朋友介紹依間餐廳, 我呢啲無辣不歡嘅人梗係要試吓，價錢又唔貴! 餐廳地方都幾大，位置幾多，坐得都算舒服，唔會好逼。冒菜湯底選擇好多，有麻辣湯，酸辣湯，酸菜胡椒金湯，唔食辣仲可以揀番茄湯同埋大骨濃湯。仲有盤盤麻辣燙，呢個係香港少有的菜色，從來未食過，好好奇係咩味。配菜款式亦非常多，有葷有素。今次我試左盤盤麻辣燙，店家話係全港首創，梗係要試吓。我揀左小辣，配紅薯粉，跟肥牛/娃娃菜/金針菇。店家加左蒜蓉，辣粉同花生碎，撈埋食非常之惹味！而餸菜都好入味既，諗起就流口水。入口有麻嘅感覺，卻又令你不覺得太辣，感覺好奇妙。鍾意食辣嘅朋友可以嗌再辣啲。整體黎講真係超高cp值。 價錢平但食物高質，份量都夠飽，好推介大家黎試！…Read More

今日係油麻地附近買野，再一次來到位於油麻地彌敦道的台式小店食野。店家招牌之一的台灣紅燒牛肉麵，我每次黎都必食。因為真係好鐘意這間餐廳的台灣牛肉麵牛肉麵的湯底幾好，酒紅色的湯底有淡淡藥材味，味濃有微辣。麵底可以揀台灣手工扁麵或者幼麵，我就揀咗手工扁麵，正！表面闊大的手工扁麵亦吸收了湯底的精華。手工扁麵份量頗多，但唔算好彈牙，係稍微美中不足的地方。佢個牛肉非常出色，煮得好林，好入味，分量都幾多珍珠奶茶味道唔錯，飲落去奶香味濃。午市跟餐加$8，覺得好抵食！…Read More