熱愛素食的人's Profile

今晚同女友做完健身之後, 之後一齊去食晚飯。女友問我想食咩, 咁我建議去食燒野啦，佢問花串定南蠻亭, 我話南蠻亭啦！見時間咁充裕, 可以坐底慢慢食麻。無記錯好似係第四次黎, 環境舒適。平時坐 bar 枱, 講野條頸容易痛, 今次唔知點解就反而無乜。睇睇餐牌, 好快咁揀左最喜愛果幾樣野食出黎。由於每一次都見到師傅毫不猶豫咁狂落鹽去啲食物到, 我地決定今次全部走鹽。雖然係會麻煩到人, 為左身體健康著想, 無辦法啦！通常每個位都有啲小食, 而呢間既小食都係以生既蔬菜為主, 有青瓜, 紅蘿蔔, 椰菜等。蔬菜都好鮮, 每次食既時候, 水分都好充足, 證明佢地唔係切定先上。點果啲醬就鹹鹹地, 我覺得甜醬反而會再開胃啲!!田園沙律係一個特色, 上面加左啲木魚, 攪混一齊食, 甜甜地, 有啲似柑橘味咁既汁, 食完好開胃, 份量亦都剛剛好!!燒銀杏雖然有5粒細細粒, 感覺上有啲似燒野食咁既味, 好野味, 好特別!!! 第一次叫呢個燒茄子, 其實就唔似燒左好耐, 所以果個食物本身既水分都無乜點流失, 唔會話好乾, 加埋醬汁一齊食又唔會話搶哂啲味, 清清地, 唔錯!燒雞肉丸就同女友一人一條, 每次黎係必點既, 可惜今次燒得濃左啲, 其實都唔緊要, 始終我鍾意佢表面《鞋鞋》地既感覺, 所以下次會再叫。燒雞軟骨都係第一次叫, 好似油左少少, 都 okay 既。燒雞翼就係女友食啦！蘆筍豬肉卷好食, 面頭果塊豬肉包得好薄, 薄得黎又好 juicy, 亦都好滑。蘆筍就係爽脆既, 食落去好似只係食到蘆筍咁!燒雞潤都係第一次叫, 咬落去粉粉地, 質感厚實!!!燒三文魚, 我睇返張相先知道原來加左一塊牛油係上面, 感覺有點兒那個。下次要叫走牛油, 份量都有4分3個手掌咁大, 肉質鮮嫩, 由於落左牛油既關係, 所以我覺得比較油膩同熱氣!呢度既燒飯糰係我既最愛之一。因為燒得比較乾身, 食既時候亦都未曾散開過, 外脆內微軟, 好好食! 通常我都係叫三文魚同梅飯糰。燒魷魚亦係我既最愛之一。成條咁食就比較少有, 角位加左啲薑蓉, 上面淋左啲醬汁, 醬汁甜甜地。若不加薑蓉, 其實都好食, 好有彈性! 女友話呢黎度一定要食燒日本甜蕃薯, 細就真係幾細下, 一個至半個手指頭咁大, 食左一小啖, 其他就留俾佢食。同其他蕃薯有啲唔同, 唔識形容, 總之就好食啦！最後, 我地叫多個炒雜菜同燒羊架, 個雜菜就無咩話好特別既地方, 由於唔油膩既關係, 下次會叫少啲肉而保留返今日既蔬菜平衡返。而燒羊架我都只係食左一啖咁多, 因為太飽了。好厚, 食落去亦都係見到少少紅, 都多肉汁。…Read More

自上次同朋友係大圍食過咁難忘既1950之後, 決定係上星期再約埋朋友係屯門行街兼食呢間既下午茶試試。個裝修咁靚咁特別, 好難搵唔到!!!今次叫左個瑞士汁豬軟骨飯加熱檸水, 傳統凱撒沙律加熱朱古力仲有傳統美式12吋長熱狗加熱檸茶。侍應好有耐性咁聽我地落單。話咁快就黎到, 我果個豬軟骨真係無得頂, 個瑞士汁甜甜地:), 好開胃, 肚餓最岩食架啦！重點係豬軟骨果度, 份量都唔少, 爽爽脆脆, 兩樣加埋好夾, 其實想叫多個既, 咁費事傷身, 所以我試左朋友個沙律, 都唔錯喎, 見到蔬菜咁綠就知新鮮, 讚!!! 最後, 見到個熱狗好吸引, 如果我食既話就會叫少醬, 朋友話唔油膩, 亦都好飽肚!!! 所以今次無黎錯, 下次再黎!!!…Read More

今日朝早係奧海城做完野, 原本諗住係奧海食大家樂先返黎中環, 諗諗下費事遲到返工, 所以就過黎中環地鐵站呢間美心食個快餐。雖然本身都唔係咁鍾意食美心, 今次就無辦法啦！咁我睇睇, 因為呢度只可以企係度食或拎走, 我選擇左企係到食埋先。叫左個白切雞飯走薑蓉。我唔想點批評啲食物, 可惜地, 啲白飯水分太多, :(糊糊地, 咁師傅加埋啲豉油落去, 變左一 pat, 口感絕對唔好!!! 另外, 啲雞都係清清地, 無乜味道, 有幾條豆都算係咁啦！所以, 我覺得白飯係好影響成個餐個感覺!!!…Read More

今日竟然咁難得可以同女友出黎食 lunch, 佢係銅鑼灣睇完醫生, 咁我又有3個鐘時間, 我就建議去三田食啦，因為我有張 25% off 既優惠, 事關有一次去呢間店偶遇之前既同學, 所以佢俾左3張我。而且, 早幾次我都只係叫叉燒香蔥飯食, 所以今日決定去試試個沾麵先:)。咁我地叫左沙律同埋2個濃香魚骨魚介沾麵, 一個中, 一個特大(走荀走蔥)。個沙律加左啲芝麻醬, 個底有2塊超大塊既生菜做底。好明顯係整定左, 放落雪櫃, 有單先加芝麻醬上枱。我就麻麻地鍾意個底:(, 因為咁樣好難同其他蔬菜攪匀一齊食。仲有, 因為沙律太過冰凍既關係, 我都要沾一沾咁食。所以個沙律我就麻麻地。另外, 第一次食沾麵。叉燒大大塊, 麵既份量好似唔多(特大), 原來最尾我都係食唔哂!!! 可能係沾左係4分3既汁, 所以咁頂胃!!! 麵既粗幼度剛好, 爽口彈牙, 質感好好。熱食係唔錯的。而個汁就比較濃味, 有好香既麻味, 沾哂咁食係幾過癮既講真。下次試下沾一半食。而個汁又有紫菜, 同埋啲粉, 忘記了咩名, 如果覺得啲汁太濃既朋友, 可以叫侍應俾啲清湯你。整體黎講我覺得都幾豐富, 我無食蛋, 可惜地, 女友話好滑喔, 係糖心蛋來的。為免浪費, 下次試下就咁叫個大既試一試先。…Read More

今日4點係上環見工, 見到5點三, 見仲有時間, 就返公司前搵間餐廳食埋晚飯, 打發下時間先返去。離我見工只有幾步路, 見咁耐無食車仔麵, 係出面企左一陣, 就入去食啦！間店都幾家庭式, 應該係一個家庭開既。其實仲係下午茶餐, 咁我就叫粗麵, 墨魚丸, 貢丸, 時菜(原來係紫菜), 走辣, 清湯底。粗麵恰2野就上碗, 讚, 因為太冧唔好食! 2隻丸都係擺定係蒸籠備用, 食落去味道唔錯, 雖然唔係佢地自己親手整, 重點係個湯底, 佢將成粒丸既味道迫出黎, 食完成碗麵又唔覺得口乾, 證明味精唔多, 係健康既選擇! 佢有沙嗲同麻辣湯底, 驚皮膚敏感, 所以無選。總之, 食麵最緊要係個湯底, 好味得黎又無咩味精先犀利!!!麵(3餸)加熱檸水=$32…Read More

食完妹夫買既母親節蛋糕, 我媽建議去觀塘廣場一間酒樓, 而呢間係我仲係寶寶既時間就已經黎過, 所以呢間真係開左好耐!!! 裡面都敵不過歲月既洗禮, 地方都比較舊啲。我地同行6個, 連埋 bb, 都叫左十幾樣野食。花生南乳豬手味道一般, 唔夠爽口, 食左少少無食。上海菜肉包上面有啲白芝麻, 食落去有豬肉同椰菜, 一啲都唔肥膩, 清清地, 建議一試!鮑汁叉燒包就失望少少, 見到入面有2條肥豬肉, 仲有比較乾, 口感一般, 蒸煮時間宜控制恰當!雞蛋豬腳薑就要叫啦, 我妹仲補緊身, 對比之前北斗翁果到, 呢個就送到果時已經有好香既薑醋甜味, 非常開胃, 亦有2隻雞蛋。汁係甜甜地, 之後攞左啲黎送飯。北菇滑雞飯, 我地叫左2個而已。無任何醬油既, 只有白飯, 半隻冬菇同幾塊雞肉。雞肉係幾滑既, 易入口, 飯就偏多油, 係蒸既時候落油係等佢香啲, 可惜唔覺有咩香味, 所以最後要落薑醋送飯。金蒜唐生菜係第一道菜, 熱辣辣食, 好好食, 份量唔會話太少, 建議一試!蜜汁叉燒腸, 都係比較令人失望。唔知點解呢間啲叉燒咁乾淨淨, 總之都係一般般!!!鮮蝦菜苗餃, 我無食, 因為對蝦有敏感。我2個妹話 Okay 啦！香麻流沙包就真係幾香, 亦都幾 rich , 係唔錯既選擇!之後我妹叫左個燕窩雙皮奶, 芒果糯米卷做甜品, 見佢地食哂就知好味啦! 雙皮奶都幾滑, 燕窩都唔少! 糯米都唔錯。 可惜, 服務生成日見到當睇唔到, 野食其實都要等好耐好耐先食到!!!…Read More

母親節, 我請媽媽飲茶, 妹夫就買左個蛋糕俾佢。去到都要等10分鐘先攞得, 因為間舖比較細同埋多人買野。飲茶前試下啲蛋糕, 賣相都唔錯既! 入面有芒果, 我諗都有5至6塊度啦, 大大塊。cream 都比較多, 口感鬆軟。厚度唔係好厚, 因為佢係呈倒梯形, 所以份量唔多。比較上, 始終我鍾意食啲硬身少少既蛋糕。…Read More

lunch time 同女友食完Dan Ryan's , 夜晚收工就自己一個人食飯。原本諗住去中環食麵, 見落雨, 就行過去灣仔食, 行左幾間, 見呢間無咩人, 就入去食個飯。叫左個茄汁雞柳飯送例湯。例湯到先, 原來係薯仔蘿蔔湯, 味精唔係話多, 啲材料就好冧, 可能一大早已經煲好, 咁無辦法啦, 我都係食左啲蘿蔔同少少湯水。至於個飯, 就比較失望。原本諗住係雞柳, 點知原來係煎雞扒切細塊, 因為我少食煎炸野, 仲有見到一啲菜都無, 叫燒味飯都有2條菜呀！:(汁就還可以啦, 唔會話太濃!!! 雞都係偏油膩架啦，咁都無辦法, 唯有食埋佢啦！:)…Read More

尋日又係返工日子, 午飯時間同女友出左去食飯, 佢之前成日黎呢間食, 咁佢想食漢堡, 咁我又無異議。離公司都係3個字既路程。第一次食呢間, 環境都係好美國 feel 。由於時間比較衝忙既關係, 我地都只係叫左3樣野, 我問女友夠唔夠, 佢話係一定夠食!!!咁就叫左個 Spinach Salad, Grilled chicken sandwich and barbecued half chicken 。咁好快侍應就攞左4個餐前包俾我地。我無食, 因為暫時既皮膚問題。而女友就好喜歡食黑色果隻包, 咁佢話基本上係為左呢隻包先入黎食, 佢話食落好香同有幸福既感覺, 哈哈!!!咁之後先黎左個 Spinach Salad 。上面有啲蛋碎, 乾 mushroom, 少量芝士同埋大量既蕃茄, 仲有加左個煙肉酸甜汁。菠菜係生既, 我食就走芝士, 如果你加埋啲汁撈埋一齊食, 食啲菜索索聲, umm, 包你想食多碟。非常開胃, 食完想再食, 蕃茄都非常新鮮, 總之成個配搭係完美。同埋真係非常大份!!!而 barbecued half chicken, 基本上係一個巨人般既雞脾, 有椰菜伴碟, 可惜太凍, 我食少少就無食了！其實最尾有3分1真係要打包, 食唔哂！！！點埋啲燒烤醬果真野味, 啖啖肉, 又唔會話燒得太濃。由於健康理由, 我地無食雞皮同埋薯條, 雖然可惜, 都無辦法!!!最後都係得我一個人食哂個 grilled chicken sandwich 。成個包我諗有10 cm 咁高, 入面有2塊網燒既雞胸我諗, 肉汁鮮甜, 成熟度掌握得剛剛好, 有生菜係入面, 可惜俾我發現入面有太多沙律醬既關係, 我要用刀刮走9成既醬, 否則真係肥死!!!:)食完呢個基本上已經好飽啦, 亦都好滿足!!!…Read More

上個星期日, 下午去完佐郭做針灸, 諗住夜晚去 isquare 睇復仇者聯盟, 見仲有時間, 就去食個晚飯先。原本諗住去另一間食烏冬既, 見到咁多都係以牛為主既款式, 於是就行過少少食呢一間 te, 女友話好好食, 咁就第一次光顧。果時差不多6點, 得6個顧客, 環境白雪雪, 係出面睇左餐牌, 見有野岩食。我叫左個意大利香草吞拿魚茄汁意粉( Big Size ), 女友就叫左個香草汁松子意粉。睇落去雖然好似份量唔多, 其實都食得飽既。Ummm, 賣相就無乜特別, 因為係比較普通既速食快餐。加左塊牛油蒜蓉包我地都無食, 始終感覺上比較油膩同熱氣, 所以浪費左!:(味道我覺得 Okay 啦, 意粉有口感, 唔會話太冧。吞拿魚份量適中, 醬汁果方面都 Okay, 濃稠度剛好。:)最後都係好快食完, 坐多一陣就走啦, 可能係環境比較冷清既關係啦！…Read More

早幾日, 同朋友係尖沙咀行街, 行左好耐又十級肚餓, 朋友就提議去尚上食雞煲, 個名好特別, 估唔到啲野食仲特別!!!我都係第一次黎呢間食, 入到去已經聞到好香既藥材味!!!見到咁多野食, 都已經唔記得影相啦！我地4個人叫左養生藥膳湯同惹味蕃茄湯。好快就黎到啦！聞到已經覺得好正斗!!! 哈哈!!! 試試味道, 清純得黎我又唔覺得有好多味精, 同埋唔油膩, 感覺上比起其他餐廳健康好多。我地叫左好多野食, 重點有幾樣一定要分享! 就係帶子皇, 貢丸, 美國桶蠔, 果醋同菊花蜜啦！帶子皇就係無得揮, 大得誇張, 食落去爽滑同埋好 juicy, 味覺新享受!貢丸大大粒, 彈牙又令人想再食!美國桶蠔又係誇張到呢, 大大塊, 好新鮮, 同埋無咩腥既味道, 如果你加落蕃茄湯, 基本上係無得輸!!!果醋同菊花蜜就我朋友既至愛, 黎親都一定會叫, 我都各飲左少少, 唔會話太甜, 所以覺得上係呢度食真係比其他健康。總結黎講, 我下次要再黎!!!:)…Read More

女友之前同朋友食過呢間, 見話好好食, 環境又唔錯! 於是上個星期六, 就同女友黎呢間食, 位於尖咀the one, 返工時間出黎食真係又快又方便!!!入到去, 見到無敵海景, 地方又大又舒服!!! 人雖然多, 見到大家都係斯文人!! 我地仲要坐係窗口旁邊, 所以慢慢品嚐, 慢慢睇下風景同傾計!我地有2個半鐘頭食, 沙律, 海鮮, 甜品任攞唔嬲!!! 由於我地本身有對蝦蟹敏感既關係, 所以無品嚐過。 :(我見隔離枱既家庭食得好多海鮮, 聽佢地講好新鮮好甜!!! 我地攞左好多唔同既菜, 茄子, 蕃薯, 火腿, 三文魚沙律, 紅腰豆粟米等等。蔬菜好新鮮, 亦都甜甜地, 好好食, 不得不提佢有隻梅子汁, 加落蔬菜係絕。建議要試呢間既三文魚沙律, 蕃薯同埋茄子。因為新鮮就唔使講, 三文魚沙律入面有洋蔥, 所以更加好食。蕃薯清甜又唔會話太冧, 質感岩岩好, 茄子我都食左好多, 甘甘冧冧。火腿我雖然麻麻地, 呢度有4種。食哂咁多種, 唔會話好肥膩, 所以建議可以加啲醬汁一齊食!!咁個 buffet 就包埋個 main couse 既, 我地叫左個蘆筍燒雞同埋蕃茄汁伴雞粒長通粉。燒雞我就打包, 因為女友唔食。我就食左長通粉, 份量唔多, 汁好濃郁, 食完已經覺得好飽!!! 燒雞就無咩特別, 因為2次都係打包黎食!!!至於甜品, 我就無試啦!!! 我見有 tiramisu, cheese cake等。見佢攞左3轉就知好食啦！…Read More

同女友食完板燒雞扒包之後, 係九龍灣踩多陣單車, 咁就到晚飯時間啦！原來諗住去 mega box 食, 最後決定係德福食飯。黎呢間其實都實都係我既決定!勞動節呢日, 等都唔使等咁就有侍應帶我地入去, 環境舒適, 顏色格調亦都柔和舒服! 咁我地叫左三樣野, 有菠菜雞絲沙律(日式胡麻醬), 我就係板燒雞扒咖哩飯, 女友就人氣白熊豚肉球咖哩奄列蛋飯。食物好快就到, 3分鐘都唔使。沙律果啲菠菜就係生既, 我地攪混啲汁, 菜同雞絲, 仲有係面頭就唔知係咩, 脆脆地。菠菜好新鮮, 醬汁亦都好好味, 食落去其實係幾開胃既!:)咁我個飯亦都好正, 雖然份量唔算多, 其實都夠飽了。個咖哩汁唔辣, 酸酸甜甜, 入面仲有啲豬肉同埋紅蘿蔔, 雞扒當然走皮啦, 雖然偏油膩, 尚可接受!:)女友果個佢食唔哂, 我食左啲。咁同我呢個有少少分別, 咖哩汁就清淡少少, 豬肉就易入口, 整體都唔錯!:)…Read More

勞動節下午同女友去踩單車, 諗住由觀塘踩去九龍城, 點知入到海濱, 原來係有咁多地方可以踩單車, 咁踩踩下肚餓入去啟德搵野食, 搵左4個字, 就決定黎呢間食啦！睇睇餐牌, 其實無咩岩我食, 睇左幾分鐘, 咁我就叫左個板燒雞扒長法包, 而女友就叫左個Cinnamon bun 同杯 Hazelnut latte !等左5分鐘就有得食啦！我果個本身就張紙包住, 一打開, 賣相幾好, 雞扒就切開細細塊, 有洋蔥, 蕃茄, 仲有紅青椒。未食已經覺得好好味。食第一啖, 更加想食第二啖。不得不提個燒雞汁, 濃郁得黎同雞, 椒, 洋蔥同蕃茄都好配合, 未食過咁好食既包!!!! 最緊要唔油膩, 油膩我就一定唔會食架啦！可惜, 食到一半, 食得太急既關係, 跌左啲餸落我條褲到, 好彩抹得甩!:)女友覺得都唔錯, 特別係杯 latte, 香滑甘甜, 佢鍾意呢度既環境, 因為係可以睇哂成個香港!!!下次一定要再黎!!!:)…Read More

由於勞動節放假同埋我妹快生日既關係, 諗住近近地係屋企附近搵間酒樓飲茶, 點知無意中見到黎間, 咁就入左去啦！入到最盡果間房, 嘩, 超級凍!!! 我妹要搵同學既關係, 所以食住等。其實叫左唔係好多野, 除左鮮蝦餃同灌湯餃無食之外, 其他都有品嚐過。先講叉燒飽, 熱辣辣, 叉燒汁都幾多, 所以唔會話好乾爭爭, 好食!!!珍珠雞就真係幾珍珠, 3啖已經食哂, 味道好似無乜, 而入面仲見到少量肥豬肉, 咁食左一件就無食啦！:(唐生菜就無咩特別, 普通人都識整。至於個冰鎮豬手, 食落去似海蜇咁既質感, 爽爽地又唔難入口, 建議一試!腸粉就 Okay 啦！叉燒大大塊, 係唔鍾意既就係加左啲香草落去。我妹黎到之後, 就叫左個川芎百芷魚雲同豬腳薑。魚果個就肉唔多, 大部分都係骨, 有啲杞子伴下。仲有好大既中藥味。最後, 就係個豬腳薑啦！味道可以, 值得一試。服務就怕怕, 等腸粉, 埋單同加水都要等好耐先有。…Read More