mormordream's Profile

荃灣分店食過兩次 味道.服務.質素都好好！今晚經開馬鞍山店，成件事係360度唔同哂 由餐湯.牛角餐包.主菜.飲品 差到理解唔到點解可以樣樣都唔好食紐西蘭牛柳餐 1.紅湯係鹽溝水咁味 2.變型牛角餐包上枱 3.牛柳難切都手攰+伴碟南瓜唔熟嘅，薯條都係一般咋 4.杯凍檸茶好淡味另外咖喱牛舌飯 白飯係凍+硬...煮唔熟白米咁......食到口都where !!!唯獨係份量 餐廳環境稍為可以接受。普通茶餐廳一定比呢餐飯出色 鳴啊…Read More

打算前往愉景新城前先搵間舖頭醫肚，見門口晚餐Menu選擇多款式&價錢合理就入去呢間食。 平時去開沙田幫襯另一間好味道日式小店， 餐廳格局&價錢方面同荃灣呢間差唔多入到去掀開本Menu都幾靚架，心諗唔會太差掛食物質素 - 個人覺得味道質量好HEA 食好碗面後好口渇呀。。。1. 黑蒜豬軟骨拉面配三文魚壽司上枱 第一眼望落真心唔覺係好食 食落D面&啖湯+入面條蟹柳，同屋企自己煮出X一丁無分別喎...唯獨係幾舊豬軟骨有兩嚿係OK好味  仲有跟餐三文魚壽司 嚿壽司飯好實同好凍... 2. 溫泉蛋燒牛舌石頭飯 配三文魚刺身 (三片) 呢個飯無乜點食 但好過碗面既... HAHA 食咗一片三文魚刺身 色水望落同平時食開既深色 唔太吸引內在環境 - 跟一般日式小店相若 如有大件個人物品坐得迫狹D (食後感 ~~~ 旨在填飽個肚 )…Read More

睇Menu印得靚靚哋 食物相片&價錢都吸引，就入黎試下啦飲品叫香芋珍珠 味道可以，珍珠入口溶溶地嘅感覺 之但係珍珠煮得唔夠透。第一道上嘅雞排麵 - 雞排咬落鬆散 無意慾追住食 個麵都幾淋Pat Pat 唔爽口呢個OK 包好夠熱 都Juicy 包底有芝麻 食落脆脆哋有咬口吐司份量都算多 兩個人真係食唔哂 上碟賣相好求其吐司條有蜜糖&花生醬 勉強OK…Read More

收到MENU先知價錢已經係統一咗 自助部份 - 咸食物種類同之前食評所提及差唔多，反而唔見有想試ge甜品菠蘿撻仔 ## 仲有用夾夾時，拿上手有一兩個幾痴笠笠 生蠔 (每人限兩隻) - 自己係外面夾 加埋青檸汁&泰式汁， 好味過平時既食法 湯 - 老公平時唔鐘意飲冬陰公，佢都話OK 唔會太酸接受到，我就鐘意飲椰汁素菜個湯 好正椰香味泰式沙津 - 有位好NICE既EE問有冇咩配料唔食，再等佢將材料"中"好 魚肉夠滑 但醬汁太重味(好叉燒醬味) 好甜，蓋過咗舊魚牛肋骨 好有份量肉質夠嫩，有驚喜 (張相影得唔好 睇唔到實際個SIZE)甜品 - 食咗幾款 賣相&味道唔吸引，爆甜泰式奶茶Macaron但味道特別，食生果最穩陣。另外仲有棉花糖機同分子雪糕飲品 - 凍檸荼 + 少甜泰式凍奶茶-幾好味喎又 唔會難入口&有種台式奶茶感覺。以前係泰國街頭飲過一啖已經飲唔到落去…Read More

上兩個月做開Facial美容師講起逸東間“高佬” 。最近搬到東涌住，就買碗試下啦 差唔多隔星期食米線嘅我，對酸辣粉接受度到同樣高，呢個月已經幫襯咗三次， 碗粉酸辣麻兼備(可自選辣度)，配料/薯粉/自選餸 份量算OK，如果同外面連鎖店“X心”相比的話，“高佬”嘅質素真係好得多 未食前聞到個陣味已經流定口水。因為東涌真係無啖好食，希望舖頭繼續用心經營，保持住格價&食品質素，成為東涌食店嘅亮點。…Read More

今晚行開葵芳買D嘢... 但又唔想係葵涌廣場覓食. 所以諗住去金潮樓上間酒樓食小菜. 沿路上經過奇香雞間舖. 之前睇Openrice時見大家有好評. 於是我同男友係門口望咗陣佢既奇香雞套餐$98. 但見舖面殘殘舊舊. 個一刻卻步咗. 於是我哋繼續向酒樓方向出發. 去到酒樓時見d餸都唔平... 所以抱住好奇心態. 就去試下食奇香雞喇. 間舖應該有好耐歷史. 入到去D枱枱dun dun都好殘舊. 間舖客人真係唔多. 所以侍應伯伯好熱情招待. 好開心咁對待客人. 我哋兩個共叫咗三樣嘢+兩碗白飯. 但無影相 只好用文字道出真相1) 例牌奇香雞 + 一小碟白灼蝦白灼蝦係第一道上. 蝦係一般SIZE. 細細碟. 每人食六隻左右. 蝦既質地好爽好彈牙. 奇香雞例牌SIZE.仲有雞脾tim. 份量都唔少 我同男友可以由頭段食到尾段真係名符其實. 味道咸咸地 雞肉嫩滑 唔太肥. 雞皮仲好有o趙口...真係堅好味我本身好怕d好大味. 可以隔過夜都停留係口腔揮之不去. 而佢碟薑蔥出奇地好味得黎又唔會好大味唔散.大力推介不得不試既"奇香雞" 2) 鍋貼小棠菜 份量OK 有八舊左右. 呢一道算係功夫菜. 所以價錢都較為貴. 好似$7X 幾蚊入口時好熱辣辣. 脆脆漿比例都算多. 中間包住小小唔知知蝦or墨魚膠之類. 食食吓會食到好大陣菜味.因為男友係炸物FANS. 仲話呢個餸唔係咁多地方有得叫. 於是點呢碟餸試下. 我平時唔好食炸物 都覺得OK. 可以一試3) 蜜汁乳香骨碟骨好香香脆脆. D肉咬落唔會好肥好膩. 表面略帶甜味. 食第一啖feel到有南乳味. 有幾舊仲會連住豬軟骨. 所以整體好有咬口. 值得推介. 我哋都食咗好多舊. 食既途中不斷輪住夾雞/鍋貼小棠菜/乳香骨. 食咗好耐都未食哂既......好似免加一. 埋單$258. 好滿足呀. e家仲飽緊.如果間舖會有新裝修. (當然要有原先班底) 相信客流量一定會大增. 話唔定同金潮有得fight…Read More

星期三放工好想出街食，Call阿媽出荃灣食晚飯。因為18:45左右已到餐廰，唔駛等位就可以入座。兩個人一共點咗五個餸...hee每次食上海嘢必食之選. 好味呀.麻醬&粉皮配搭得好好...唔會太少醬乾爭爭。粉皮/雞絲份量唔會少 四個人share食都滿足 涼浸浸豬手索哂D酒味. 夠煙UN 彈牙有口感. 正碗牛肉絲上枱時已香氣樸鼻. 用匙羹'畢'入個叉子一齊食 (叉子一碟四個)牛肉絲好入味既關係. 配埋淡芧芧既叉子食. 好好味. 兩個人食的話 都飽飽地滿心期待既鱔糊粗炒. 反而最一般. 不過勝在頗大碟.夾第一撮食已經唔覺好熱辣辣. 味道偏淡. 粗面咬落去有水汪汪既感覺. 春卷最後先上. 雖然望落唔多精神. 不過即炸既關係. 所以食落好熱好新鮮. 但又唔會油lum lum.D餡有蘿蔔絲配冬菇絲...etc. 入口好juicy. 都OK 由於實在太飽既關係. 個胃已經無位置食埋甜品. 下次再光顧時必叫 因為D甜品相對地比出面多選擇...…Read More