Joanna Fung's Profile

之前朋友同我慶祝生日，帶左我黎太子既牧羊少年咖啡館，而家補寫返個食評先～店舖位置唔算好近地鐵站，無咩點去過太子呢邊既我完全係跟住朋友行。。。行行下就到了xd原來係一間小店，面積唔大，星期六既午飯時間（1:00pm左右）都好多人等位。朋友話要等位唔好鬧佢唔關佢事，因為呢間lunch係無得book既～其實我又唔介意等，不過個日都好凍而且要喺後巷咁樣既位置等位真係麻麻哋lol 等左大約40分鐘就有位啦～其實傾下計時間好快過，不過等等下突然好大風真係幾凍，更加想快d食野暖下胃。侍應安排左我地兩個人坐近窗邊既位置，其實就係望住頭先等位個條後巷，不過是但啦😂😂😂Menu設計得好有心思好靚，而且圖文並茂～～～我覺得值得一讚～～價錢都好合理，$1xx一碟主菜啦。我地叫左每人一個俄式牛柳絲意粉同埋一個唔知咩豬扒share，其實本身我想食鬆餅，但係朋友一句「lunch食呢d？！」我就覺得都係唔好叫了。。。。個意粉好大碟，而且賣相同埋味道超好！！！牛柳夠多，意粉質感彈牙而且掛汁，仲有d sour cream。豬扒份量真係多到不得了，賣相一樣好好，味道都好好，肉汁夠，肉質鮮嫩。唯一一樣就係太大碟啦我地兩個人完全食唔曬（利申：食量算多哈哈哈哈哈哈哈）！！總括黎講呢間餐廳雖然細細間但係環境同味道都好好！！！！會再黎！！！！…Read More

同成班同事一齊黎食lunch，我地好多都係港大校友哈哈，所以都唔係第一次黎。呢到既環境好好，多人又可以坐房入面，靜靜地自己傾下計，又有電視睇。除左環境好之外，呢到d員工都好友善，服務態度好。所以好多人都鍾意黎。要申請成為港大校友會會員，跟住訂位既時候講返會員編號就得啦。呢到既食物真係好高水準。我地呢日叫左一個6-8人餐，加大（因為有9個人）。餐入面既小菜都係平時常見個d啦，但係質素絕對比出面小菜館高好多。有湯有炒麵/飯仲有其他好好食既小菜。我地加多左個糖水。全部都真係好好味。以下幾樣特別點評：-湯：青紅蘿蔔湯？唔係好清楚，但係好味，唔味精，好清甜。個侍應分完之後仲有兩碗多，我total飲左兩碗。蝦多士：呢到既名菜，真係好脆、唔油、好好食。蝦好爽甜好新鮮，多士夠脆，又唔會有油益味浸曬油咁。而家好少地方有得食蝦多士，仲要咁好食。菠蘿咕嚕肉：外皮脆裡面肉質鮮嫩鬆化，又夠多菠蘿，酸甜恰到好處，超好味。炸子雞：超級好味！！！！！外皮炸得好好好脆，色澤均勻金黃色的，肉質鮮嫩夠juicy，而且唔會好肥，皮同脂肪同埋雞肉比例好好，食左好多件。杏仁茶：我最愛既中式糖水，美白養顏，佢呢到既杏仁茶煮得好香好滑，而且感覺到真材實料，非常好味。如果想靜靜地同朋友聚會食高質中菜，呢到真係不二選擇。…Read More

今日同屋企人黎澄海小館食晚飯，其實都食過好多次了，不過呢到既鵝片真係數一數二好食。由於呢間小店面積唔算大（其實有兩個舖位，一個對住大街正常既舖位啦，同埋一個喺後巷行入去既舖位（唔係露天/後巷，只係要沿後巷行入去）），怕要等位既關係我地預早打電話去book位先。去到既時候準時8:30pm，都差唔多滿座！咁員工姐姐就安排我地6個人坐後巷行入去個個舖位。我地叫左幾碟小菜同埋鵝片啦，全部都好好食！！！座位都算闊落，當然唔好expect係好舒服既高級中菜廳咁樣，但係係乾淨舒適的。小菜既價錢大約平均$90一碟，份量正常，加埋味道我覺得算係抵食。菠蘿咕嚕肉：應該去邊食小菜都總有呢碟出現，酸酸甜甜咁好開胃，份量又夠。但係略顯個皮炸得唔夠脆。鵝片（拼鹵水豆腐豬大腸）：好瘦好好味，我唔鍾意食切得太厚或者太肥既鵝片，呢個真係100分。豬大腸我無食，但係屋企人覺得好食。豆腐一向係我既favourite，所以點我都覺得好食既。鹹魚雞粒炒飯：飯粒粒粒分明，唔會太油，有鹹魚香，好食。勝瓜雲耳炒肉片：新鮮，但少少太油。黃金鮮魷：每件魷魚都有鹹蛋黃覆蓋，幾好食。總共食左$740（加埋白飯同買兩罐汽水），我自己覺得以家庭聚會晚餐黎講幾好食同幾抵食，會再黎。…Read More

金鐘返工既人都知道呢到真係無咩好食（除非你做ibank有午餐費$500又或者好有米，咁日日都可以食好野又唔洗睇價錢既）。作為一個平凡既OL真係覺得budget$100左右，選擇不外乎Pret A Manger 同埋Starbucks，再唔係就去GREAT買沙律。。。。如果約左人食飯通常我就會黎Simplylife，貪佢近Office又唔貴，而且環境舒服，坐得舒服又chill d～～不過唯一唔好就係成日排長龍。。。。。好啦講返個set lunch，價錢有$108（+10%）同埋$118（+10%）。$108係只有主菜同飲品，$118就係“1+2”，有主菜+湯/沙律+飲品。呢日我地都叫左$118個個set lunch。Menu就十年如一日，不過選擇算多，由意大利粉到egg benedict都有。而且味道都好平均，我覺得呢個價錢黎講算係好好食tim～而且上菜速度都快！我揀左egg florentine+沙律+冰茶。沙律：好新鮮！！而且我幾鍾意佢個配搭，落vinegar感覺健康好多，而且好開胃！！！！佢仲有個黑麥法包，不過我無食到。egg florentine：我覺得佢呢到水煮蛋真心出色，生熟度啱啱好！！！！！而且醬汁又好味，仲有我最鍾意食既cheese。成個配搭100分，而且我次次黎食，都一樣keep到水準。冰茶：有時候我覺得冰茶先係重點。佢呢到個冰茶係加左d passion fruit入去，好好味啊。（不過有時會過甜，落得太多糖水？但係呢日無呢個問題所以好好飲）總括黎講Simplylife真係喺金鐘中等價錢食lunch之選，咁既價錢有呢個味道同環境真係100分啦～…Read More

今次已經係第三次黎東歐餐廳食飯，都係食晚飯。呢到既晚餐booking有兩個時段，分別係6-8pm同8-10pm（都要準時交檯的😆😆）。今次係食8-10pm時段，同一班朋友黎食，一共9個人，所以餐廳安排左間房比我地。裝修非常有異國風情，好有特色（雖然我第一次黎既時候已經坐過呢間房，但係同行既朋友第一次黎就特別覺得新奇🤣🤣🤣🤣）！！由於防疫規例，我地分開左4個人、5個人咁樣坐。呢到既waitress都好友善，有d識講廣東話，有d就講英文。點餐既時候要注意。另外想讚下既係waitress都好細心，不時會入黎睇下我地有無咩需要或者幫我地收下碟咁。食物方面選擇其實唔算多，而且以呢個價錢（主菜平均$200一碟左右）份量真係幾細下😅😅😅😅就算正常食量既女仔叫一兩碟主菜都未必夠飽。當然你可以選擇加side dishes（有白飯、薯蓉個d，薯蓉我覺得超好味的😆😆😆😆十分推介）！！我地因為有兩檯人，所以叫左所有野都要x2🤣🤣總共食左$3000左右，唔算好貴，算飽左既，但係我始終覺得呢個價錢黎講份量可以多返少少。以下會詳細講（括號內是叫左幾多碟比大家參考返個價錢xd）。羅宋湯（3碗）：有個去過俄羅斯同烏克蘭既朋友堅持一定要叫呢個。味道我會覺得蕃茄味幾重，而且有一pat sour cream幾得意。都幾好飲。南瓜忌廉湯（1碗）：隔離檯叫的，佢地話比想像中無咩南瓜味。芝士餃子（2碟）：呢個$88得4隻，size就同平時食義大利雲吞差唔多啦，可能大少少。但係我覺得得4隻真係好少（可能某程度上係因為我覺得好好食想食多d）🤣🤣裡面d芝士唔係好重芝士味，鍾意食芝士的話就未必覺得夠濃啦。但係一定要點旁邊既sour cream，成件事會昇華好多。傳統豬肋骨（2碟）：igable🤣🤣🤣同火焰牛柳有異曲同工之妙🤣🤣🤣🤣可以拍片🤣🤣🤣味道我地一致認為係全晚既MVP🤣🤣🤣好淋好入味。蘋果鴨胸（2碟）：賣相100分，鴨肉唔酥，好好味！！加埋d蘋果片食真係不得了😆😆😆😆😆😆基輔炸雞扒（2碟）：必須叫的！！！！雞扒炸得好脆，裡面個心全部都係汁！朋友好鍾意食旁邊d薯片，我就無食到哈哈哈哈。不過同樣地，舊雞扒真係好細。。。。。兩個人share應該OK。俄羅斯蜂蜜蛋糕（2件）：呢個又出奇地算係大件。朋友話佢係被喻為世上最好食既一種蛋糕，我就覺得還好啦。其他朋友都覺得比較甜。我個人認為個味同質感其實就似係tiramisu個層蛋糕咁：偏濕潤，甜甜地。Overall都幾好食既。-----------唔夠飽後加的-------------牛羊手抓飯（2碟）：因為之前叫既主菜都無carbs，真係唔係好飽，所以加左呢個飯。想當年食過西環間巴依餐廳個lunch既手抓飯，酥到油到完全食唔到。。。。。真心食左3分1就投曬降。。。。。。但係呢到個個手抓飯一d都唔酥，我覺得好好味tim🤣🤣不過有一位朋友就覺得羊肉都係有d酥。酸奶牛柳絲（2碟）：呢個個重點係本身佢配薯蓉，薯蓉真係好好食😂😂😂😂😂我覺得佢個牛柳絲真係幾酸下，加埋其實怪怪地，不過又唔係難食既。總結其實呢到d食物、環境、服務overall都係好既！！絕對值得一試！！！！而且一班人聚會或者兩個人約會都既適合啊～…Read More

之前有一日weekend下午黎過銅鑼灣呢間牧羊少年咖啡館食飯，覺得環境舒適而且食物質素好好，所以今晚再黎，但係少少失望。首先食物既份量真係有d細，叫左個牛柳絲意粉，呢個之前喺太子店食過（都係weekend），係大碟到食唔曬🤣🤣🤣呢間分店（又或者係呢一日啦）個份量真係連1/3都唔知有無。。。完全唔夠，但係牛柳絲係算多既（以比例黎講🤣🤣）。味道就7/10啦。仲叫左個鴨胸，份量都係有d少，但係公平d黎講，呢個價錢佢比5-6片我我覺得合理，只係味道真係麻麻哋😅😅好乾好鞋。。。而且醬汁又唔好食，無咩味其實。我懷疑呢間野真係要weekend食先得🤣🤣無論味道同份量都好好多！！！本身都想叫個窩夫，因為上次喺到食過真心好欣賞，外脆內軟、雪糕又好好食（有奶香、軟滑）！！！但係見主食咁樣都係唔好啦🤣🤣🤣…Read More

Shari Shari既刨冰真係最好食，d冰好綿密又好清新既感覺，成個配搭唔會太甜又唔會好artificial既味☺️☺️食得出係真材實料～今次試既係草莓+奶凍（入面有個奶凍🤣🤣）～超級鍾意草莓既我覺得好好食！！！！有少少yogurt味/haagen dazs個隻草莓雪糕既感覺🤣🤣🤣個奶凍牛奶味好重，好滑但係偏甜😅😅我覺得好似食緊便利店買到個隻北海道牛奶糖（藍白色紙盒，有原味/朱古力/綠茶/草莓味個隻🤣🤣🤣🤣🤣）可惜既係呢間既員工服務態度真係麻麻地，首先其實大家都明白大熱天時要排隊（仲要好多時都好多人）等咁耐真係會嘈底🤣🤣，然後咁多客其實員工都好忙好辛苦。。。但係態度真係可以好少少。。。個日我叫左一個刨冰，人地個個黎曬（包括排隊排我後面既客人），差唔多食到一半，咁我等左15分鐘之後就禮貌咁問可唔可以跟一跟個刨冰，個員工就好大聲咁話“你個個咩黎架？”我答完，跟住佢無應我就行左去😅😅😅😅😅跟住（過左再5分鐘）個刨冰依然未黎啦（咁佢好明顯無跟進😅😅😅😅😅😅😅），我唯有請另一個員工幫忙，佢一睇就發現原來無幫我落單。。。take完個order就唔記得左無左件事。。。。然後我又要等，更加唔好意思既係出面好多客人排緊隊，而我都排左好耐都希望快d有得食架嘛🤣🤣🤣之後等左5分鐘左右就有啦，但係成件事原本既員工完全無交代仲態度惡劣覺得我點解要麻煩佢睇下個刨冰有未。。。。…Read More

星期日放假本身想去中環既勝香園，但係check過原來星期日唔開🤣🤣所以去左呢間中學時期成日黎既茶檔食豬扒米～一去到就見到好長既人龍，個日正直中午好熱我都擔心有排等😅😅😅😅好彩員工見多人就即刻開多幾張摺檯出黎🤣🤣最後排左15分鐘到就有位了～呢到係排到你就要即刻落單🤣🤣本身無預咁快到我所以未ready🤣不過次次都係叫最出名既必食豬扒米架啦，所以都好快決定好！由於天氣太熱所以加左杯凍檸水（少甜🤣）。豬扒米一如既往的好食：豬扒味道好，唔會太鹹，米粉爽口，湯底都唔會太鹹（而且食唔到味精🤣🤣本人MSG敏感😅）。唯一一樣就係唔知點解個日要等好耐我d食物先黎（明明我都係叫最出名最多人叫個樣🤣🤣🤣🤣），見到人地遲過我黎都食曬我都未有得食，原來漏左單😅😅…Read More

日前去咗Pizza Express食lunch，我哋就叫咗兩個set lunch，咁而家就從1）環境2）服務3）食物質素同4）價錢四方面講下時代廣場呢間餐廳la第一，環境方面：呢到嘅樓底好高，充滿空間感，而且餐廳面積比較大，所以完全冇焗促嘅感覺。另外，由於採用左落地玻璃窗，引入自然光，採光度非常高，增加空間感之餘温暖嘅陽光照落嚟就更加有一種閑適嘅感覺～第二，服務方面：服務員既服務態度都唔錯。今日都係比較繁忙，叫咗一凱撒沙律二十分鐘都未到，就請人幫我地check下，佢都好有禮貌並且即刻去check，我哋等左唔使三分鐘就有得食啦！其他嘅服務員都非常之有效率！第三，食物方面： 卡邦尼意粉，呢個係Pizza Express必食嘅，因為呢個菜式係最好食嘅食物之一。意粉幼身彈牙完全唔會有油笠笠嘅感覺，加埋個醬汁好乾爽。個醬汁係意粉嘅精髓！非常之香濃幼滑，加上其他配料簡直係天衣無縫！不過美中不足嘅係唔知點解佢呢到嘅意粉每一次都唔太夠熱...拎到黎已經只係暖暖地...上次喺上海食都係有同樣情況。餐廳方面可以改善一下。 清新之吻，聽個名都覺得非常吸引呢！佢都「物如其名」非常之Fresh！其實佢係一個麵包卷入面就有餡同埋香料，配合起上嚟好perfect！用黎做餐前小食就最啱啦～啱啱焗好嘅麵包熱烘烘，裏面香味滿瀉嘅餡同汁，啱啱好一口，所有野融為一體，口感非常豐富！一定要試！ 蘑菇湯，其實蘑菇湯基本上每一次食西餐都會有，但係就間間都有唔同嘅特色。有啲就似罐頭湯又咸又唔夠香；一係就淡到不得了。呢度嘅蘑菇湯就係水準之作！蘑菇味超香濃而且湯都好滑，可能有啲人會認為佢有d稀，但係我就覺得ok既，最重要夠香同出到蘑菇味。 檸檬可樂，超級冰凍！剛好可以中和濃味食物，食西式食物配可樂係最夾嘅。不過大樽裝未必飲得曬，可以同人share咁就唔會浪費 凱撒沙律，超級鍾意呢度嘅salad!非常足料！最鍾意有好多雞肉同芝士：）醬汁係自己落既，鍾意嘅朋友可以落多啲，其實三分之二我就覺得啱啱好，太多就會cover左蔬菜嘅freshness;) 如果一個人食晒已經好飽！ 第四，價錢方面：都係＄100到啦，如果散叫嘅話呢就比較貴，都係差唔多$80-$90一樣野，但是水準一向都keep得好好而且夠大份，太古城分店、時代廣場分店甚至我去上海嘅時候食簡直就係一模一樣：)*10% service charge.…Read More

今日生日：）同屋企人一齊去山頂食飯慶祝！咁而家就同大家分別講吓這裏的1）環境2）服務3）食物質素同4）價錢第一，環境方面：由於餐廳位於山頂凌霄閣，所以望到好靚嘅香港夜景。book枱既時候預先講咗要坐窗口位，餐廳方面都安排到俾我哋。環境比較暗，個人認為幾有情調，而且更能夠襯托出窗外璀璨的景色。室內嘅佈置全部都係以Bubba Gump為主題。美中不足嘅係枱之間既距離太窄，如果講嘢大聲少少其實都幾騷擾架。第二，服務方面：餐廳有唔少嘅員工都係外籍人士，所以要講英文。但係佢地都會好耐心咁介紹餐牌上面唔同嘅食物。由於係訂枱嘅時候加左remarks ，order 甜品的話佢哋會幫你係隻碟到寫Happy birthday，而且仲有六七個員工走來同你唱生日歌！好有氣氛！服務態度完全係一百分。第三，食物方面： 呢杯應該係類似士多啤梨特飲嘅，隻杯係識發光嘅！酸酸地超冰凍，都幾好飲。杯係可以免費帶走，只限呢款飲品，可以揀紅色或藍色。 士多啤梨芒果沙冰，冇藥水味～Good!但係有d酸，夏天飲就又冰涼又開胃la;) 凱撒沙拉，好多cheese！超好味～仲有香脆嘅麵包粒，口感更豐富！菜好新鮮而且醬汁唔會太多, great. 炸蝦拼盤，應該係呢度既signature dish. 全部都係炸有啲熱氣...全部都係蝦但是每一款都好味有不同口感！一啲都唔會太厚炸粉，隻隻新鮮爽口！薯條好脆全部都好乾身唔會出哂油咁。 燒肋骨，送來嘅時候係未切嘅所以你要自己切，有啲難度。呢碟肉質鮮嫩，出面燒到脆脆地裏面鎖住肉汁，配以燒烤醬非常有風味！好有水準！ 蟹餅成＄200唔太抵食因為只係得兩件...但係食得出係用新鮮蟹肉做嘅，我本身唔係太鍾意食蟹，對隔離個薯蓉更有興趣！好滑好creamy，唔會勁重牛油味或太淡。 呢個意粉就應該唔係太多人接受到，因為佢本身呢就係用檸檬汁嘅，唔係開胃嗰隻船而係真係好酸...意粉質感就唔錯，如果唔好太酸應該會幾好食。 最後就係呢個咁靚嘅甜品：）其實係雲呢拿雪糕下面就係朱古力曲奇。美式曲奇嘅做法，外脆內軟！啱啱焗好熱烘烘嘅曲奇加上冰凍嘅雲呢拿雪糕，冰火交融非常之滋味！而且朱古力曲奇嘅甜度剛好。用來結束一餐飯簡直係完美啦～～第四，價錢方面：食物嘅價錢大約$100-$200不等，同食物質素都成正比。飲品方面就$40-$60。總括來講價錢都算合理，屬於中上價位嘅餐廳。*10% service charge.*No free parking.…Read More