foodie_7232的個人專頁

你鍾唔鍾意打邊爐？如果你鍾意，一定試吓呢間火鍋店！！ 真係好正！手切本地肥牛腋拼牛頸脊 (大) $307 兩個部位各有特色。左邊深色啲嘅係肥牛腋，肉味重啲，亦都好咬口啲，淥7秒鐘就食得。右邊係牛頸脊，好淋，好重牛油味，雖然未去到入口即溶咁誇，但真係𡁻兩下就無左，剩番陣牛肉味喺個口度！以前淨係識嗌牛頸脊，但其實食多幾舊都好漏，所以老闆就介紹我哋雙拼，一雙肥啲，一隻好牛味重啲！你對牛肉有咩要求，都可以同老闆講，佢會介紹正野俾你！！鮮炸響鈴卷 $55市面上好多新鮮炸響鈴，但真係無佢咁出色！個響鈴上枱嘅時候，入面係熱到出煙，可以點個甜酸汁食左先。記住！小心熱！響鈴成舊野都係酥架，連入面個心都係同一口感！你大力啲夾佢都會斷。完全無油溢味，只係得豆香同油酥香！先食一舊點甜酸醬，之後攞黎點湯底。我會建議第一舊點1,2 秒就拎番上黎，你可以食到響鈴嘅香酥。第二舊就4,5 秒到，等個響鈴可以索多啲湯，又係另一種軟淰嘅嘅感覺！平時響鈴係打邊爐最易放棄食物，但呢碟你絕對唔會捨得😂😂😂😂 打邊爐最怕見到咩？咪就係丸同餃囉。但好好嘅丸同餃都好出色，記得搵有自家製就唔會中伏！自家制鮮牛筋丸 $78彈牙到可以打乒乓波😂 丸入面係有肉汁架！又有牛筋粒，好好𡁻！自家製鮮蝦雲吞拼韭菜餃 $75新鮮包嘅！鮮蝦雲吞好鮮，食到啲海味味同大大粒蝦肉，好足料！韭菜餃好多菜，而且係好新鮮嘅韭菜，咬落去有sok sok 聲！又香又甜！美國桶蠔 $188 好大隻！！非常鮮甜又唔腥！而且完全冇沙！好多人都話桶蠔係冇沙嘅，但我真係經常食到有沙嘅桶蠔😢 桂花蚌 $138鮮，甜，爽，份量多😂 脆骨腩 $128 你見唔見到啲魚肉係幾新鮮，係粉紅色架！你見唔見到邊邊啲位置係充滿肥膏，好似透明啫喱咁！呢碟野真係好正！又甜又爽又多油，比自己去街市買嘅仲靚！如果想食，建議book枱嘅時候留定，因為八點未到已經賣晒！鵝腸 $98唔駛我講你都知佢新鮮啦！啲脂肪係癡住條腸架！淥熟左，鵝腸勁爽，又𡁻到少少脂肪嘅油香味，每次必點！我嘅最愛之一：雞子！ $72好多人都唔食雞子，但我就好鐘意佢果種爆汁嘅感覺！呢度嘅雞子，睇色就知新鮮，而且每一粒都好大粒！完全唔腥嘅！又唔會爛pet pet，每粒都爆汁！雞子友嘅天堂😂😂 打邊爐，除咗料靚，其實個湯底都好緊要嘅！！你可以同老闆傾吓計，講俾佢聽你嘅口味，佢會幫你揀！今次我叫左杏汁白肺菜膽窩 $178。入面有杏仁碎、白肺、排骨、雞腳、白菜仔。開始之前飲左一小碗，雖然佢唔係全白色嘅湯底，但係佢都好勁杏仁味，好甜！老闆話完全無落味精架！用佢黎打邊爐，又食到出邊爐料嘅原味，又食到杏汁湯嘅甜味！食到要加湯之前，老闆又要我地飲湯，佢話而家先係個湯嘅精彩時刻😂😂 係嘅！個湯比原先更甜，更香，啲雞腳豬骨出哂味！飲左2碗先俾老闆加湯😂😂 免費豆沙鍋餅 ❤️唔算平，但物超所值！…查看更多

有咩正得過食burger 飲可樂！呢間burger 除左好食，個包仲好靚仔！Very 打卡able. Power Cheese 🍔都係4oz 嘅肉餅，傳統方法煎，大概7成熟，入面肉仲有少少粉紅同流哂肉汁！老細話佢每日番工就係整肉餅，保證所有肉餅都係新鮮嘅，所以先咁juicy！由於我走左洋蔥同埋酸瓜，比起朋友食果個power smash 就淡左啲，但都係好食嘅。Power Smash 🍔4oz 嘅牛肉分成2塊壓扁佢黎煎，比起一般厚身嘅肉餅，更加香口，更多焦香！老細強調生菜同羽衣甘藍係有機同超新鮮，所以先會咁爽脆！個包，酸瓜佢地都係試左幾百款先搵到佢地認為最正嘅supplier，所以佢地啲burger真係每一樣食材都有detail。Sweet Potato Fries你又估佢唔到，呢兜炸番薯咁鬼好食！番薯條啱啱炸起，個面好脆好香口，入面就香甜而且勁重番薯味，口感係… 入口即化！(真係無誇張架！！) 一個簡單嘅食物，食嘅就係食物嘅品質！呢舊係一個靚番薯😂 凍咗之後都仲係好好食！Fish Sticks又係即叫即炸，上枱嘅時候熱辣辣！咬落去嘅時候，我問自己，咩黎架😂😂 佢話自己係炸魚條，我覺得佢係蟹柳味嘅魚腐整成炸魚條咁嘅樣！非常有趣！Any肥，呢兜真係好熱，大家食嘅時候要小心啲！…查看更多

牛肉火鍋配稻庭烏冬 $70俾同事笑我食個lunch 都咁大壇野…😮‍💨 其實佢只係一個牛肉烏冬… 不過生勾勾咁上枱咋嘛… 不過70蚊有得打邊爐，都幾抵嘅😂 今日咁凍，食完個烏冬，成個人都暖笠笠，即刻頭都無咁痛！呢間餐廳都幾抵食！大部份午餐都係49蚊連野飲！雖然只紙包飲品… 但50蚊唔駛，銅鑼灣去邊度搵？？！我個同事食左生薑豚肉便當，大大份肉，仲有刺身同前菜，最得意係跟左個炸燒賣沙律😳😳😳😳 銅鑼灣番工嘅lunch 可以去試下~ …查看更多

之前經過好多次呢個藍牆紅色門嘅門口，真係唔知佢係一間印度餐廳… 根本睇唔出佢係一間餐廳… 今次有朋友帶我食好西先有機會入去。入左門口就落樓梯，真係有種別有洞天嘅感覺，裝飾、枱櫈、餐具都有濃厚嘅異國風情！剩係去打卡都抵！一齊睇下個Set Lunch 有咩食啦！PANI PURI WITH JAL-JEERA呢個貌似山根嘅炸麵粉波波入面有啲薯仔，鷹嘴豆同香料，食之前淋啲酸到盲公開眼嘅汁落去，一啖一個，好開胃！上枱之後盡快食啦，山根個底淋左之後唔好食！ALOO TIKKI CHAAT & TANDOORI CHICKEN SALAD薯餅上面有啲鷹嘴豆同紅石榴粒粒，好咬又好香，不過個醬入面有好酸嘅羅望籽醬，我要抿走哂啲汁先食到個薯餅… 個沙律就正正常常地酸啦😂😂😂😂食左3個頭盤之後… 我開始酸到懷疑人生… 好彩之後嘅主菜開始啱我口味！PINK SALT SALMON 兩舊好香印度味嘅烤三文魚。7成熟，入面仲有啲生生地，呢個熟度可以話perfect 池！， 表面焦香、入邊又有水分，配埋啲香料，好食！ TANDOOR GOBI 想食啲菜，見到又有烤西蘭花，所以就揀左佢啦！估唔到佢係一個驚喜！雖然佢個樣好燶，但其實佢有一顆多汁嘅內心。個醬有啲辣，但點左佢之後，清新嘅小花變身成為火辣辣嘅性感小花😂😂😂😂 OLD DELHI BUTTER CHICKEN 食印度野又點可以唔叫番個咖喱食下呢！呢個牛油雞甜味比較重而且唔辣，濃度啱啱好，點Naan 一流！不過啲雞有啲柴，但係又有乜所謂… 個汁好食就得啦！NAAN 🫓 有冇人同我一樣，食印度野就係為左食Naan 架🙋🏻‍♀️🙋🏻 我真係好鍾意食呢塊餅！個餅新鮮焗起，邊邊脆脆地，個餅就軟得黎好煙韌，就咁食都可以拍1塊！我地揀左蒜味同牛油味。蒜味Naan 一黎到已經聞到好香嘅蒜蓉味，食落口更加不得了，而牛油味相對清淡啲，但其實佢都好香好好食！索埋啲咖哩汁食真係不得了～ 諗到都流緊口水🤤最尾仲有可以揀咖啡，拉茶或者甜品。我梗係揀咖啡啦😂😂😂😂😂 呢兩杯係朋友嘅，我Mei Mei 左一啖，反左白眼，Mei 多啖差啲暈左😅😅 我係廢柴🥲🥲 拉茶係滑嘅，仲有一種另人好暖嘅感覺… 但佢嘅奶騷味加埋啲香料，飲奶茶飲到有羊味係咩玩法… 我真係搞唔掂🥲🥲🥲 如果你係鍾意食羊嘅，我覺得你真係要去試下！真係好鬼騷！！！我嘅兩位朋友飲得好開心… 而我就默默地篤手指同飲咖啡啦😅 Lunch Menu $178 p.p Starter + Tandoor or Curry + Dessert$218 p.p Starter + Tandoor + Curry + Dessert雖然我唔太喜歡佢嘅前菜，但所有嘅主菜我都覺得非常滿意！Lunch Menu 仲包埋free flow 嘅紅白酒，我唔飲酒就飲左杯橙色嘅汽水，抵到咁，難怪咁多人去食！…查看更多

1️⃣ 石鍋玉子滷牛肉飯滷肉飯食過，石鍋拌飯都食過，但滷牛肉飯仲要用石鍋上就真係未試過啦！比起平時食開嘅滷肉飯，滷牛肉飯嘅牛肉粒粒無咁油，牛肉味都好出，我好欣賞佢有跟埋煲仔飯甜豉油，撈埋啲配菜一齊食係有驚喜嘅！重點黎啦！！呢個石鍋飯係有飯焦架！！！香港有幾多人可以抵抗飯焦嘅魅力？？！熱辣辣，又脆卜卜，加埋滷牛肉嘅油，香到不得了！呢底飯焦真係要搶住食！小貼士，記住睇”火”🤔🤔 石鍋好很熱，太耐唔理個底，有機會會燶！同埋慢慢食… 我食得太快咬親條脷😞😞😞😞 2️⃣ 鹽酥雞配肉燥乾拌麵呢個定食好抵食！！有湯，漬物，飯麵，主食，小食，5樣野都係60幾蚊起。除左湯之外，其他4樣野都可以自由組合。我揀左小黃瓜，辣味鹽酥雞，肉燥亁拌麵同台灣腸。鹽酥雞新鮮炸起，好香！乾拌麵煮得啱啱好，我都影左一陣相先撈佢，但佢都唔會癡埋一pat，食嘅時候都係”根根分明”😂😂 亦唔會太乾。台灣腸就符合期望，腸衣咬落去好脆卜卜，雖然佢切片上，無左爆汁嘅效果，但腸仔嘅油份好足，唔會有乾爭爭嘅感覺~ 甜甜地好好食！3️⃣胚芽珍珠奶茶，烏梅汁餐飲加12蚊轉左胚芽珍珠奶，茶底唔算好甜，但茶味都幾香。不過飲完真係好飽😂😂 烏梅汁係送嘅，甜甜酸酸好開胃。呢間餐廳嘅野食份量都幾大份，呢杯烏梅汁真係揀得好啱… 冇佢都食唔哂啲飯~ 4️⃣ 飯焦啊！！！！！！😍😍😍😍(記得睇”火”， 燶左冇得食…….)5️⃣ 見到啲壁畫，我好想去台灣🥲🥲🥲🥲 其實我好鍾意食滷肉飯同埋韓式石鍋拌飯，之前都無諗過佢地可以溝埋做瀨尿牛丸… 試過之後真心覺得正！因為佢係落甜豉油，我覺得佢似滷肉煲仔飯嘅感覺多啲，你可以想像到嘅香，甜，脆都可以喺呢煲野度搵到！無得去台灣，黎呢度食台灣野，打個卡都可以解一解思鄉之情~ …查看更多

1️⃣ WAGYU FLAT IRON(ratte potato, oyster mushroom,anchooy butter) 前幾日見IG 有人post 呢塊牛，實在大吸引，唔駛諗即刻book 枱😂😂😂 呢碟牛扒真係好surprise！牛排medium rare ，個面煎得好香，入面軟淰得黎好juicy。牛肉本身好重牛味，就咁食都好正！面頭果篤鯷魚牛油，開頭唔知咩黎，就咁了左少少試下，有陣咸咸腥腥嘅咸魚味😳😳😳 侍應哥哥話一定要同牛肉一齊食… 衰鬼！又出奇咁夾喎！唔…. 有種… 鹹魚蒸肉餅嘅感覺😂😂😂😂😂 但真係好好食嘅😂😂😂 配菜方面都好出色，特別係個薯仔，好似拍青瓜咁拍扁左之後再煎(或者炸) 到勁香口，勁重薯仔味，再加埋上面有啲炸到脆脆地嘅香草，夾埋一齊食非常之香！比起平時食牛扒多數配薯條，薯蓉或者原粒薯仔，呢個拍青瓜薯仔香口得黎又食到薯仔嘅原味，剩係用佢做一碟餸都得呀！👍🏻👍🏻👍🏻 2️⃣ SQUID INK LINGUINE(lobster, seafood rose sauce) 開頭以為係食到烏嘴狗咁嘅墨汁意粉，但原來唔係… (又唔睇menu 啦… 明明寫住Rose sauce…..) 意粉煮得好彈牙，醬汁好香龍蝦湯味，好鮮。入面有啲龍蝦粒粒，西芹同蒜片，令到意粉嘅口感非常豐富！就係個分量有啲少… 唔夠食… 😮‍💨😮‍💨😮‍💨😮‍💨 早知就食佢個free flow pasta brunch menu 啦！又有扒，又可以個半鐘任食意粉… 下次再食過！！3️⃣ 附上冇食到嘅brunch Menu 俾大家參考下☹️☹️☹️ …查看更多

1️⃣ ARM-ARM-HO All Day Breakfast 之前有一排迷上左食早晨全餐，3點起身食早餐嘅感覺真係好爽！基本上去到任何cafe，只要menu 有，我都會叫。但食多幾次之後，就覺得好悶，食黎食去都係果d 野，又唔平，之後就好少食嚕… (呸！渣女！) 當我見到呢間野條香蕉嘅時候，即刻重燃我對all day breakfast 嘅熱情！(點解呢句野怪怪地嘅😥😥🤔🤔）咁就特登碌落佐敦試下啦！！唔好講小！佢真係冇改錯名，碟上面每一樣野都係啱啱好！啱啱好hit 中我嘅喜好😆😆 個蛋炒得啱啱好熟哂，又香又軟！我好鍾意食腸仔，佢有3條，好奢侈😂😂！中間果個大啡菇都好過癮！抿左啲酸忌廉喺中間再焗。我第一次咁食，都幾surprise！煙肉完全冇油益味，煎得好香脆。沙律幾好食！黑醋份量啱啱好，唔會太酸。條蕉睇樣就知好食啦，香蕉唔算好熟，所以唔係好甜，又唔會淋bet bet，夾埋脆皮焦糖，真係好正！開頭以為佢為左擺盤靚啲，所以將塊薯餅放喺香蕉上面，我覺得佢侮辱咗我最愛嘅薯餅……. 但其實係我膚淺！冇見識！我賤格… 呢塊癡左焦糖嘅薯餅真係好好好食呀！！！又香又脆，又有焦糖嘅香甜，嗰種感覺係…… 唔…. 食緊拔絲番薯咁！！正！！！！ 咁大碟！無伏！全部都好味！2️⃣ Latte 番工最緊要係咩？.......係杯咖啡… 做啦，仲望錶… 😂😂😂😂😂…查看更多

1️⃣ Tiramisu 近年食甜品，好多人都追求”唔甜”，好似唔甜嘅甜品先係好食嘅甜品咁☹️☹️ 生活已經咁苦，想食啲甜甜地嘅野姐… 你俾我甜下啦！！啦！呢舊tiramisu 真係甜架！第一啖食落口，俾啲可可粉濁親😂😂🤣🤣 鬼咩！佢啲可可粉落到好似唔駛錢咁，勁多😮‍💨😮‍💨 然後就食到浸透哂咖啡嘅手指餅！再黎就係食到滑到好似絲一樣嘅甜甜cream cheese~~ 講真，cream cheese 都幾甜，但夾埋唔駛錢嘅可可粉同濕到滴咖啡嘅手指餅，真係好balance~~ ( 我覺得balance 呢個形容詞有啲老土.. 但我又真係諗唔到第二個字… 頂住先啦下！）真係甜而不漏，而且口感豐富！咁先係甜品黎架嘛！！！！！2️⃣ Salmon Scramble Sourdough 我塊包呢？？！我明明叫左多士架！去左邊啊？！😂😂 佢嘅煙三文魚同炒蛋份量真係好多，第二度可能做左2碟出黎🤭 我好鍾意佢個炒蛋！因為佢個炒蛋係熟嘅… 我好怕食生蛋黃，硬係覺得有陣腥味，但近年茶餐廳又好，cafe 又好，酒店餐廳都好，都好常將啲炒蛋炒到半生不熟咁，係… 係滑啲嘅… 但就硬係有種蛋腥味喺入面☹️☹️ 我知好多人鍾意…. 但我真係頂唔順… 而呢碟炒蛋就係啱啱好熟哂，冇乜流動嘅蛋液，而且好香同好軟！係一個靚蛋😂😂 煙三文魚味道正常，但勝在份量多！食得好滿足。雖然你睇唔到塊sourdough，但佢都好好食架！3️⃣ Laksa Prawn Pasta 睇樣睇唔出，但喇沙味非常之濃同香！每一條扁意粉都裹滿哂醬，個醬好杰(唔知係咪有花生醬喺入面)，喇沙嘅辣味令到成個意粉都冇咁漏。果三粒蝦可以唔駛理佢，因為好普通。 4️⃣ Hojicha 焙茶係為左打卡而叫嘅！靚啊嘛！不過都唔係得個樣！茶底好濃，飲到最尾會見到啲茶粉喺個杯底，無呃稱！5️⃣ Latte 我揀左fruity 嘅latte，就係… 好飲嘅fruity 嘅奶啡啦😅😅😅 (等我去睇下啲咖啡書… 學下點形容啲咖啡先… 等我啊…) …查看更多