mini tiffany*~'s Profile

新年果時收到朋友送嘅新疆棗皇糕，味道讓人一試難忘。話咁快就比屋企人食完。問朋友邊度仲有得食，佢就同我介紹喱間譽滿。九龍城果間比較近我，地點都幾易搵。今次就同屋企人過嚟飲茶，點咗兩籠棗皇糕，費事大家爭住食。味道清甜不膩，口感煙煙韌韌，又好香棗味，真係好味過年糕多多聲。之後就點咗芥末蝦餃，排骨飯，黑松露餃，奶黃包，鳳爪。味道都正常，特別值得一提嘅係黑松露餃，我覺得幾香，味道都唔錯。環境都清新整潔，我覺得好坐過酒樓，無咁嘈，無咁多人。同埋上菜都快過酒樓，唔會要等好耐先嚟一籠。…Read More

收工出左去旺角買野, 順手食埋dinner先返屋企廣華街附近都幾多餐廳揀, 不過今日個胃口想食拉麵類見到阿久根就係正對面, 就入左去食啦佢地既拉麵幾多款式揀湯底有幾種, 包括有雞白湯、濃蝦湯同埋魚湯魚湯我麻麻地...雞白湯又驚佢太清淡....最後我揀左香煎虎蝦濃蝦湯拉麵侍應一送碗麵埋黎已經聞到勁香既蝦味碗入面有一隻大虎蝦, 隻蝦係燒過既, 唔怪得咁香啦拉麵湯底仲加入左大量櫻花蝦, 果真係蝦味濃郁麵條都幾掛湯, 同埋做到我要求煮硬少少, 幾唔錯個濃蝦湯底真係越飲越正, 真心超濃蝦味又唔會過咸, 忍唔住成碗湯飲到見底…Read More

友人住深水埗，去咗搵佢傾計，講講下我地有D肚餓，就去食消夜。問佢有咩介紹，可以食少少嘢又坐得舒服，唔使食到好飽，都係可以傾計，唔會被趕就可以啦。佢話不如打冷，又會太飽，又喺附近，行2個街口就到啦。去到正斗見到係火鍋店，主力係豬骨煲，不過都有好多打冷小菜。點咗鹵水拼盤，有墨魚、滷水鵝、豬耳等。鹵水好夠味，份量多，好食。小炒王都中規中矩，夠鑊氣，除咗送啤酒，送汽水都係一流。最後坐咗2個鐘慢慢食，真係傾到口水乾先肯走…Read More

之前同屋企人去過某連鎖集團食海鮮蒸氣鍋食到一肚氣收得貴之餘態度又差，d海鮮又唔係特別好食，諗起都激死我前排同屋企人傾開想去邊度食生日飯，點知大家仍然係想食蒸海鮮...但我真心唔想再試個間...於是就俾我搵到呢間緣味...餐廳細細，唔算好大，但都算坐得舒適侍應態度好主動好親切，完全唔會黑面或者嫌麻煩....呢樣抵讚!海鮮質素比起另一間好得多!起碼睇得出色澤同氣味都係新鮮，食落肚就更加肯定啦!海蝦大大隻，仲要預先幫你開邊，食既時候好方便蟶子都好好食，非常鮮甜!其他海鮮都同樣出色!!食到屋企人讚口不絕~~最後食埋個八寶蒸飯，有8款配料任你揀，開頭仲驚咁多配料會好膩...估唔到又幾有驚喜喎!!食到我地成家人停唔到口，阿媽仲獨自宣佈中秋節要罷工，黎呢度食中秋飯咁話喎~…Read More

今晚同5個好姐妹黎左聚餐傾下黎緊Big day既安排~所以想搵間坐得舒服又靜靜地既餐廳一齊食個飯5個女仔其實都叫左好多野食...不過有我係度又點會食唔哂呀我地叫左紫蘇醬波菜配牛腹肉沙律、鵝肝醬多士、黑松露薯條、日本帶子海膽燒、海膽意大利飯、黑松露意粉配燒帶子、肉眼扒等等...沙律比想像中大份，仲有勁多燒香左既牛腹肉圍住，真係睇到都流哂口水....波菜好嫩滑，配合紫蘇醬酸酸地真係好醒胃，牛腹肉有燒過所以有少少焦香味，牛腹肉肉質幼嫩富有香濃牛味。帶子海膽燒同海膽意大利飯都好抵食...海膽非常鮮甜，特別係帶子海膽燒，燒過後既海膽原來都好好味，好香好Creamy，帶子都好厚肉。黑松露意粉除左有濃厚既忌廉味之外仲有好重黑松露味，鐘意食黑松露既話真係唔好錯過。…Read More