kourin's Profile

本身以前好鍾意黎譽居飲茶/食小炒，冇諗過依家退步左咁多，越食越難受。中午黎食飯，叫左幾個小炒，涼瓜牛肉太鹹，粉絲煲淡然無味，最大獲係個沙爹牛肉炒河，一上菜見到啲醬淺色得黎又杰身已經心知不妙，甚至有啲似鼻涕。食落口，唔好話沙爹味，連醬汁嘅味都唔太食到😥鑊氣香氣呢啲就更加拉不上關係。質素退步左咁多，下次真係唔會再黎。…Read More

去完茶果嶺公園係附近周圍行搵野食，見到有間居酒屋就入去了。晚市只有幾檯生意，可能係因為餐廳位置唔近大街，所以冇乜人經過。🍚牛舌芯丼飯 $138 🌕🌕🌕🌑🌑睇餐牌張相見到牛舌好厚好吸引，點知上到檯好薄，超級失望。碗飯就好大碗，但薄牛舌就得9塊左右，食到最後剩低小半碗飯，但已經冇曬餸了。唯一可讚嘅係牛舌整得唔錯，唔會韌/柴，但個醬汁都好一般，甚至有啲漏。🍲花膠雞湯烏冬 $98 🌕🌕🌕🌑🌑湯底唔錯，幾清甜，但唔知係咪材料擺太耐壞左，個冬菇食到酸味😢成餐味道其實正常，但以呢個價錢黎講，仲未計加一，真係有好大改善嘅地方，性價比好低。開喺人流唔多嘅地方，大概需要喺味道方面落力啲，令口碑好啲，吸引人特登走過黎食。希望餐廳真係有所改善。…Read More

平時行街成日都見到呢間乳酪店，成日比個牛油果公仔吸引到注意，而我又好鍾意飲乳酪，所以趁著今日炎夏天氣掃街，俾個藉口自己試下more yogurt！舖頭啲公仔都好得意🤣雪櫃擺滿曬新鮮生果，令我更加放心，唔係落水果糖漿整睇好假嘅味出黎～本身想試火龍果yogurt milkshake，但咁啱售罄，同佢冇緣😢🥤海紅山楂乳酪奶昔 $38真係發夢都冇諗過可以有山楂加乳酪嘅組合🤣但原來都幾夾！兩者都係酸酸甜甜，唔會起衝突👍🏿山楂份量都好慷慨，每啖奶昔都食到山楂粒，一入口都飲到好濃郁嘅山楂味；奶昔濃稠度亦剛剛好，口感都順滑，唔會飲到碎冰。如果乳酪味再重少少，兩者味道更balance，應該會再正啲😋總結黎講，係個唔錯嘅掃街飲品選擇👍🏿…Read More

今日黎同朋友補慶生日，估唔到有咁開心嘅體驗！😆餐廳門口都已經好友溫馨嘅感覺🍝黑松露蟹肉三文魚子意大利雲吞 $188 好足料，啖啖蟹肉同三文魚子😍黑松露醬調味啱啱好，唔會好單調，搶左其他食物嘅味👍🏿雲吞餡料都好足！聞到有好香嘅三文魚肉。份量方面就比較精緻，可能要食埋個甜品先啱啱好夠🥺🌮️牛面頰墨西哥芝士餡餅 $148餅皮夠脆，味道都好豐富😋有啲微辣🔥牛面頰好好味，唔會韌/老！😋🍰焦糖無花果伯爵奶蓋巴斯克蛋糕（半份）$98味道都唔錯，唔會太甜，不過我個人鍾意食啲質地結實啲嘅😬但不得不提佢地嘅畫碟技術真係好犀利好靚！送蛋糕嘅時候仲好細心插埋生日蠟燭，同埋幫我地影左張即影即有！😍🍵勿忘我花茶 $22好似冇咩見過出面有勿忘我花茶，所以叫左黎試下。本身以為陣味會好假，點知係好舒服嘅花茶味加微微嘅蜂蜜甜味，有被surprise到！總結成餐飯都食得好愉快，啲staff都好nice好體貼😆如果想同朋友慶祝生日可以過黎感受下氣氛！…Read More

夜晚嘅新蒲崗一向都好多好嘢食😆聽聞呢間餐廳嘅煲仔飯幾出名，所以今日就決定黎試下～煲仔飯係即叫即煲嘅，喺等緊煲仔飯嘅時候，竟然有得飲住自家老火湯先😆呢個例湯非常有誠意，足料夠味，睇得出唔係hea你嘅🥣同時環顧四周，似乎大部分都係街坊熟客，過黎食餐家常便飯，令我感覺幾窩心。依家呢啲街坊茶餐廳真係買少見少了🥹🍚古法田雞煲仔飯 $66 好耐冇食田雞啦！😆個飯非常足料，有雲耳冬菇同田雞都好夠份量，唔會食幾啖就冇曬啲餸得返白飯。調味亦都不錯。唯一美中不足嘅地方係，一開頭表面嘅飯有少少硬。個飯亦都可以再香啲。🍚豉汁白鱔煲仔飯 $86雖然我中意田雞多啲，但整體上更喜歡呢個飯😆香氣十足，啲飯撈埋豉汁都已經好夠味，唔駛再比豉油。白鱔口感爽彈👍🏿飯焦十分香脆，幾出色！🍛黑椒薯仔牛柳粒 $68幾有鑊氣。牛柳粒都好嫩，好食👍🏿呢碟嘅牛柳粒出色過薯仔🥔總括而言，餐廳性價比算不錯，也食到家的味道🏠…Read More

平時間唔中都會去大埔食飯，如果唔係行到熟，都唔會知呢條小巷原來有間隱秘餐廳！🍱炙燒左口魚邊丼定食 $138左口魚邊油脂豐富，食落好有油脂甘香😍😍好滿足啊！佢嘅油脂甚至滲到落下面嘅珍珠米飯，令個白飯嘅味道冇咁單調😍不過如果左口魚份量再多少少就更好啦😆不過定食仲包埋湯同兩個小菜，絕對夠飽😆🍣精選壽司八點盛 $128有八件唔同嘅壽司，每件壽司嘅質素都好不錯，而且都夠新鮮，整體都幾鮮甜。除左左口魚，最鍾意赤海老，肉質爽口，味道鮮甜😆佢個wasabi都好得我歡心！唔係現成一包包嘅，見到佢有一粒粒嘅芥末，似係自己磨嘅，比現成嘅wasabi好食好多！大埔嘅街坊經過又想食海鮮嘅不妨give it a try😝…Read More

上年食過家後嘅老火湯餃，已經覺得好有質素，所以今日黎試下家後2.0，睇下可唔可以再比到驚喜我😎🥟芫茜豬肉餃 (灼)+芹菜豬肉餃（灼) $42 🌕🌕🌕🌕🌑外皮薄滑，內餡都好鮮嫩多汁😆仲有跟好足料嘅老火湯😍上次食家後係餃子放埋入老火湯裡面，而今次佢就將餃子同湯分開，等大家可以更品嚐到湯嘅鮮味，而且可以比食客自己選擇餃子送唔送湯食👍🏿不過我個人較鍾意原本的做法，等餃子皮可以吸到湯嘅味道，食落味道更豐富😋🥟是日新款餃子（煎)+小籠包豬肉餃（煎） $46 🌕🌕🌕🌕🌕好似第一次比一份食物五粒星…呢個煎餃真係我嘅Mr. Right！煎得好靚，剛剛好的程度，外皮脆卜卜，但入面完全唔乾，一如佢名字所講，內餡好似小籠包咁多汁。我第一啖咬開餃子嘅時候，啲湯汁直接飛到對面朋友臉上😂😂是日新款餃子係麻辣白菜餃，配埋煎脆嘅外皮十分惹味😋希望小店可以一直keep住呢個水準，等我下次黎都可以再食到咁好食嘅煎餃🥺🥺🍰開心果巴斯克蛋糕 $35 🌕🌕🌕🌕🌑巴斯克蛋糕冇得網上落單，要搵員工人手落。口感軟滑，開心果同芝士味都相當濃郁，都唔會好膩。好食！疲累嘅一日以呢餐結束，真係好幸福🥹希望小店可以繼續努力，保持水準，下次再見！…Read More

今日同朋友黎到深水埗食心心念念好耐嘅poke bowl，大滿足！😆原來除左poke bowl仲有得打邊爐🍲，下次可以黎試下🥣808 $118 🌕🌕🌕🌗🌑份量好多，啲吞拿魚好似食極都食唔完咁🤣😍蘑菇、吞拿、魚子再加飯擺埋入口嘅口感好正，蘑菇爽口，飯都好有咬口。山葵乳酪醬同啲材料都好夾👍🏿不過略嫌個醬多左少少，有啲蓋過其他食材嘅味道。建議大家揀少醬。🥣ONO $108 🌕🌕🌕🌗🌑同樣好有口感😆呢個bowl嘅醬汁冇咁漏&重味，相對健康啲～蓮藕片好香脆，而且碗飯嘅芝麻令成個bowl錦上添花🌸擠埋檸檬汁味道就更清新，冇咁漏😌🥤玄米茶（套餐）解漏一流👍🏿🥤檸檬柚子蜜（套餐）比例剛剛好，不會太甜👍🏿總結～沒有失望而回😋不過如果以健康為首選嘅，可能就要揀啲醬汁清啲嘅bowl啦～…Read More

想同朋友見下面，但又諗唔到去邊，於是就揀左黎呢度，坐低食下嘢，吹下水👍🏿餐廳環境都好舒服，唔會好嘈吵，想靜靜地傾下計/約會就啱曬😆✨至尊二人套餐✨-前菜-🐟蒜片白酒欖油紐西蘭青口個汁唔錯👍🏿但如果可以juicy啲就更加正😆🥣雜菜湯足料👍🏿味道正常-主菜-🍚西班牙海鮮飯印象最深刻係個燒魷魚，幾惹味😆海鮮整體質素都唔錯🐖西班牙黑毛豬鞍一啲都唔鞋😆配上個汁酸酸甜甜，幾開胃。食埋側邊個薯仔🥔夠曬飽肚👍🏿-是日精選甜品-🍰芝士蛋糕口感不錯，幾清新，食曬成舊都唔會覺得好漏～🍸冰果茶甜度剛剛好，仲有粒粒果肉😆而且好解渴🤣整體食物都唔錯，嗌二人餐份量啱啱好，唔驚要爭住食😆…Read More

到左冬天就好想打邊爐🍲今日黎左呢間私房菜火鍋店試下😆裝潢好特別，佈置亦都令人好有親切感，真係好似食私房菜咁😋上菜速度驚人地快，落完單唔使五分鐘就上齊，仲要碟碟都好大份，唔係好似平時餐廳咁得一兩舊精緻料理，完全唔吝嗇！🍲鴛鴦湯底 $118分別叫左櫻花蝦沙爹&羊肚菌昆布湯，前者味道濃郁，仲有好多櫻花蝦🌸後者清而夠味，有淡淡都嘗到昆布嘅味道，啲羊肚菌都好爽好好味！成餐幾乎冇點過豉油，因為啲嘢食索完湯底味道已經好足，好好味😝🐄新鮮手切吊龍伴 $199好抵食！份量超級多，絕對夠三個人食到飽，好有牛味。🐄新鮮牛舌心 $99好厚好有口感，都唔會韌🐖松板玫瑰豚 $158口感又少少似薄豬頸肉xd都幾推薦！🥗萵筍片 $38打邊爐點可以冇萵筍😎爽口又索汁😍個人鍾意落喺羊肚菌湯底，更顯清甜。以上係同朋友仔一致認為最有記憶點嘅食料😙同朋友最鍾意都係兩個湯底，下次會再黎encore！😆…Read More

前排黎銀座38食嘢都已經留意到呢間餐廳，今日終於有時間黎食😋😋同朋友兩個人揀左個深海商務套餐，咁就唔使煩嗌乜好😆🥗被雜菜沙律surprised到，個沙律汁酸酸甜甜又帶點兒辣，好似泰式醬汁，幾開胃👍🏿是日南瓜忌廉湯都夠味。🍣迷你刺身拼盤有三文魚、海螺同甜蝦，海螺肉質爽口，甜蝦都好鮮甜。🦪西班牙 & 美國生蠔美國生蠔較清甜，西班牙生蠔則味道較濃，同埋好大隻好飽滿😆😋🪿煎脆皮鵝肝同朋友一致認為呢道菜係今日嘅mvp！鵝肝一啲都唔騷，而且塊包脆得黎唔會過硬，所有嘢都恰到好處👍🏿👍🏿👍🏿🐄美國安格斯肉眼(五成熟)一上檯震驚到我嘅眼球，塊扒竟然比我手掌仲大塊！🤣除左份量取勝，佢嘅味道都唔錯，如果冇咁韌會再好啲🤣🍜深海海鮮拉麵湯底係黑蒜油豬骨湯～拉麵都幾有咬口，隻蝦🦐肉質爽彈，味道正常。🍸西柚梳打 & 荔枝烏龍茶荔枝烏龍茶個茶味都幾出，兩杯飲品都唔會太甜，幾好👍🏿整體而言，呢間餐廳嘅食物質素都唔錯，環境佈置都好適合情侶dating/朋友聚會😌不過冷氣就稍微凍左啲，嘢食上檯冇幾耐就凍曬了，呢方面可以再改善下～…Read More

今日同友人黎到銅鑼灣食lunch，試下呢間餐廳嘅歐陸美食午餐😋喺呢個地段，呢個價錢包含咁多高質食材，真係好抵食👍🏿用餐後嘅整體體驗都非常唔錯。窗外環境好靚，十分適合情侶/家人黎享用晚餐👍🏿仲可以一邊食一邊睇到師傅下廚😌🫕前菜鴨肉配雪梨係個好有驚喜嘅配搭😆鴨肉嘅軟嫩配上雪梨嘅爽脆，令口感好有層次，而且好fresh👍🏿🫕海鮮茶碗蒸口感順滑，味道鮮甜，唔錯。🐟南非鮑魚入口好香牛油味，口感與味道一流，燒得剛剛好。🐟鐵板燒挪威三文魚魚皮燒到好香脆🥰🥰，魚肉肉質都好鮮嫩，唔會好鞋。🐄厚燒美國頂級牛肉 & 西班牙黑毛豬牛肉係燒完先切開嘅，所以唔會燒到入面太老太乾👍🏿無論牛肉定豬肉入口都十分軟嫩😋🍚香蒜蟹肉炒飯 & 炒雜菜炒飯唔會太油，飯粒分明，而且夠香口😋炒雜菜都夠乾身，唔會有油/水喺底👍🏿撈埋佢側邊嘅醬食十分惹味😆🍰海鹽檸檬蛋捲 & 富士蘋果蛋捲 味道清新，仲有果肉喺入面，一解口中肥膩感👍🏿整體而言，份量嘅安排恰到好處，唔會食唔飽，亦唔會飽到食唔曬。上菜嘅時間亦都啱啱好，食完一份後等幾分鐘就有下一碟熱辣辣上檯，十分細心。想試鐵板料理嘅情侶/家人不妨一試🥰…Read More

喺香港仲未搵到好食嘅壽喜燒？大家不妨黎試下本延，包你唔會失望而回😆😋同朋友午餐時間黎食，一人嗌左一個餐，咁就唔使爭啦😎🍲極上黑毛和牛A4套餐 $238 🌕🌕🌕🌕🌑一個午市套餐包括一份沙律、一碟肉、一份野菜拼盤同飯/烏冬～和牛脂肪紋理非常漂亮，食落好軟淋淋😆而且入口即溶，好有牛味同油香味🥹份量亦都剛剛好，唔會太少唔夠食，亦都唔會食到濟👍🏼🍲本延特選黑毛和牛 $328 🌕🌕🌕🌕🌗一山還有一山高，本延特選和牛口感更正，軟滑兼入口即溶而且牛味更濃郁，真係好滿足！野菜拼盤方面，個人特別喜歡豆卜，豆味十足，再加上吸左濃郁嘅壽喜燒湯底，味道好豐富🤤烏冬彈牙得黎好索湯，每一啖味道都好豐富，好正👍🏼不過如果唔想要太鹹太重口味，就要留意下唔好擺鍋入面煮咁耐啦～整體而言，我同朋友都對呢餐好滿意，亦都諗住約encore了！…Read More

聽講呢度嘅牛舌好正，身為牛舌關注組成員嘅我點都要黎試下啦😎今日晏奏黎食，所以係午市價錢，會平啲啲。🍱厚燒牛舌飯 $138 🌕🌕🌕🌕🌑超足料超豐富😆一碗飯有五塊又大又厚嘅牛舌鋪面，牛舌厚得黎，完全唔會韌，反而好爽嫩，亦都好香🤤不過都頗建議share食😂雖然個set送埋解膩嘅小菜，但五舊咁大嘅牛都幾膩，一人食三舊都已經好夠皮🤣送飯嘅醬汁都好好味😋但略顯整體味道偏鹹，較適合重口味嘅人。🍱壽喜燒定食 $118 🌕🌕🌕🌗🌑牛肉都唔錯，唔會過老。個人最鍾意金菇同豆腐，金菇好嫩，口感好好😆👍🏼豆腐夠曬滑😋不過都略嫌鹹左啲。今日呢餐都幾滿意，總算冇失望而回👍🏼不過當然都仲有進步嘅空間！…Read More

bookmark左呢間cafe好耐，今日終於同朋友夾到時間黎食個悠閒晚餐🥹🫶🏼🐖Piggy Piggy $268 🌕🌕🌕🌕🌑呢碟中西合璧嘅叉燒漢堡頗有驚喜😆味道好有層次，個醬汁都幾特別。叉燒肥瘦均勻而且入味，口感非常好；個炒蛋竟然會有燒菠蘿嘅味道😆而燒菠蘿則中和左成個漢堡嘅肥膩感，令到個漢堡冇咁漏👍🏼至於burger bun，外脆內軟，一啲都唔韌/淋啤啤！整體食材嘅味道都好夾😝份量亦都大到絕對食得飽🐂Braised Wagyu Beef Cheek $248 🌕🌕🌕🌕🌑呢碟和牛睇落十分精緻，食落都舔曬脷👅和牛面頰十分軟腍，口感冇得彈，但牛味唔算好重。mashed potato口感creamy，加埋側邊個醬汁，真係冇得彈🥹味道豐富得黎又唔會好漏，暫時係我食過最鍾意嘅mashed potato🥹主角隔離嘅沙律菜都唔遜色，提子🍇隔離嘅醬汁酸酸甜甜，好開胃😆本身打算叫埋甜品，但同朋友清曬兩碟碟食物之後，飽到實在食唔到了🤣位於尖沙咀商場嘅呢間cafe，價錢的確唔平，但食物質素都對得起個價錢👍🏼…Read More