ppf_blossom's Profile

上次嚟食個常餐個沙嗲牛已經凍，不過啲麵好熱都食得到今晚去食晚餐，個紅湯都ok，個餐包濕嘅，乜嘢事？！跟住到個主菜，個牛柳加帶子配焗薯雖然我知响茶記食朳唔好高要求，但真係唔係去到咁極端地衰。佢一上菜，真心諗做咩要用咁大隻碟帶子係凍牛柳真係細得可憐，直徑連三寸都冇，又唔係厚喎1.5cm倒5啖食完個焗薯又係凍嘅想點？ 已經唔係講味道，當然唔係好食，好的只有個紅湯同杯華田，多謝晒呀⋯⋯劣食，我真心希望唔肚疴留返俾啲內地遊客食好喎唔會再食…Read More

成個餐得一個味「鹹」個咩花膠凍又細粒，又鹹，好似飲咗嗒海水咁嘢食（包括花膠）凍的，春卷同叉燒油到嘔茶加咗水都係凍的，要叫佢加熱水先會熱炒飯得菜同味精，飯又硬糖水桃膠得兩粒，有木瓜同雪耳，但好似冇煲過咁，唔出味的好難食Staff 態度差，上菜時竟然唔係放上枱，而係遞俾個食客，笑咗碟叉燒上時話用咗大碟叫我哋自己傳，每人兩舊，好痴線我以為自己去咗冰室不知所謂唔會再幫襯三百幾四百一個人，你俾我都唔會再去！！…Read More

頭先早咗放晏，點知食開的全未開又大雨，見呢間有開就走入去試睇menu掙扎咗好耐食鰻魚飯定魚生飯奈何新嘢，費事三文魚有虫，最後叫咗個鰻魚飯定食（加碼版）店員話加碼版是指魚份量加了之後佢地上前菜，係甜蛋同螺（一督），唔係卦？！而家仲用呢啲做前菜？好難想像魚生會係咩質量跟住一見碗加碼鰻魚飯，魚有兩塊....已加碼？！唔加咪得返一舊？唔係卦量都唔係問題，舊鰻魚腥的....所以佢勁多汁唉.....伏......最好笑連水都冇杯俾你成個餐承惠$108多謝哂冇下次…Read More

今日過老銅，一心試下此黃店我叫咗吞拿魚自由組合，除吞拿魚外，有豆腐、蕃茄、青瓜、三文魚子，半壽司飯半糙米飯。嚟到大大碗，啲料都足。食食下以為自己咬到啲咩⋯⋯一睇原來係啲糙米，硬過條命。利申：我一向响屋企同街都有食開糙米，點會硬到好似沙咁架。有冇浸過先煮架？！好在佢唔係俾好多我，只係三啖份量，所以當食少啲嘖。壽司食好少少，不過都係有啲一舊舊，但可入口。配料都幾好，值得一讚係個醬，我叫咗山葵，同啲配料好夾。吞拿魚切得比較細，其實切大塊少少，口感會好啲。整體還可以啦⋯⋯…Read More