RicoSan's Profile

今次來到銅鑼灣Royal INN 搵食，一入到去就會看到一座高貴華麗的小型噴水池和小吊燈，就像告訴你將要帶你進入另一個國度，Are you ready?室內黑白色歐洲設計充滿浪漫法國情調，讓食客感到如置身在法國一樣。今次叫左兩隻煙肉芝士焗蠔，香脆煙肉喎厚厚的芝士覆蓋着蠔的表面，但沒有遮蓋蠔肉的味道。我與朋友分別叫了兩款湯，一碗龍蝦湯及一碗法式芝士焗洋蔥湯，龍蝦湯就一般法國餐廳味道中規中舉，反而個洋蔥湯有驚喜，入口時味覺分明，不但有香噴噴的芝士味，還有清新脫俗的洋蔥味，兩者並沒有影響對方的味道，而且洋蔥沒有焗的時間適中，令原本洋蔥嘅質感沒有失去。然後就是手工牛油香煎蝦餅，這個蟹餅可說是今餐最出色的一道菜，酸甜嘅醬汁，內裏有芒果粒、青椒等配合檸檬汁做成。蟹餅香脆可口，充滿蟹肉及蔬菜(洋蔥粒、蕃茄碎、粟米粒)，清新可口，入口不會覺得太過油膩。另外，我們主菜叫了香煎帶子紅花意大利飯，帶子size 非常大，肉汁鮮嫩，飯的硬度配合香港人口味，不會太過硬😆。最後，我們叫了炭燒安格斯肉眼牛扒，5成熟沒有過火，但我要講碟牛扒配菜一流，因為燒牛扒正常來說牛扒來源地、是否新鮮及部位，已經決定了7成是否好食，3成就要看廚師手技，但配菜不同，是否好吃全屬廚師技藝。🥰總括來說這間餐廳，令我有再次光顧的引力。…Read More

由外而內都好似置身去咗日本咁，日系裝修令人感覺好舒服😌今日我要食呢個omakase❤️E~da~ da~ke~ma~zSakizuke（開胃小菜）Caviar、松葉蟹、超級小型嘅蘿蔔（唔記得嗰名）不過好QQ呀、日本蘿蔔😋暖笠笠係幾開胃既～Appetizer（前菜）昆布漬物、花竹蝦、鰻魚、鴨胸、黑豆Sashimi （刺身）九繪魚（日本石班）、赤貝、鯟魚、拖羅、鯖魚新鮮嘅刺身，爽口既赤貝，愛E~C~😍Steamed（蒸）時令香箱蟹配菊花汁（2月前當造）鍾意食蟹嘅人一定要試好Juicy😋Nimono （煮物）金鯛立鱗燒、日本青椒最欣賞係呢個立鱗燒，表皮香脆可口，肉質唔會變鞋，好正👍🏻Shiizakana（強肴）鮑魚、迷你卷心菜、菇Sushi（壽司）池魚、Caviar配蝦、鯡魚、喜知次魚 （海中紅寶石）、拖羅Owan 磯燒帆立貝、玉子燒（魚加帶子）、麵豉湯Mizumono （甜點）日本柿、靜崗士多啤梨、金箔香印提子配清酒啫喱日本空運水果爽口多汁配埋自家製甜品～好滿足了😌（唔飲清酒🍶都可以試吓，唔係太重酒味既jelly😋）環境乾淨企理，日本空運到港嘅食材，師傅用心烹調既每一件藝術品，貼心既服務態度，讚👍🏻…Read More

今晚出左屯門見客，收工都成20:30，心想快快手搵間餐食完飯坐西鐵返香港。心諗應該沒有食物快得過食壽司或丼飯。上次食過附近間千兩，發現壽司魚生質量一般，於是今次想去食其他日本餐廳，行行下屯門市廣場，發現一間都是集團式嘅高級日本餐廳，於是就入去試下，這間鮨千壽有個廚師推介魚生丼飯，我當然立即試下啦，除此之外我還叫了杯荔枝梳打。時間合乎我要求，落單後10分鐘出食物，當然快沒有用，最重要食物質量。一打開蓋，看到三文魚腩、三文魚魚籽和海膽都顏色新鮮有油脂光澤，賣相相當不錯，海膽非常新鮮入口時有質感，魚籽都粒粒薄扑扑聲好清脆，還有原隻元貝，塊三文魚腩更是入口即溶化，以二百幾元魚生丼飯來說，質素算是中上，起碼相比之前千兩進食的壽司高，不過杯荔枝梳打就差少少，得個甜字。…Read More

又到午餐時間，今日工作成肚氣，於是跟同事想食些麻辣野刺激下來個發泄吓，於是就行去佐敦準備食碗麻辣米線，點知經過楊記麻辣魚館時發現竟然小菜館有午市套餐，而且還白飯任裝，於是膽粗粗入去試下。當時心諗小菜套餐應該很細碟餸，點知完全錯晒，所有套餐都像單叫小菜一樣大碟，如幾位朋友去吃，直情可以當叫小菜然後share 一齊食。最正係佢白飯任裝，而且套餐包一杯飲品，凍飲都不用加費，除了汽水和王老吉外。套餐都有成16款選擇，而且一律$50，從中有6款$60。我當日就叫了口水雞套餐，開頭以為得例牌，點知有成半隻雞吃，而且夠味道，雞肉也算滑，性價比極高。最重要包埋杯凍飲，食辣野點可以沒有凍飲配合。唯一少少扣分是沒有紙巾提供，食辣野有些人會出汗或流鼻水，如果有埋紙巾提供就非常好。…Read More

每年中秋，為了搵場地餐聚都頭痛，今年有親友話有club one 會員而且有枱預訂，於是就沒有深究，讓那位親友籌辦，到場發現場地的確空曠寬敞，枱與枱之間有空間，樓底又高。等齊人終於開飯啦，當日我們每枱叫了10碟餸，上菜時所有餸是冷的，而且沒有味道，碟碟菜樣貌都差不多。首先安格斯牛柳，結果牛肉非常韌，而且份量好少，翠玉瓜完全冇味。:(:(跟着就是生炒骨，這碟算是最正常的餸菜，味道尚算入口之後就到這碟珊瑚蚌，結果又是炒翠玉瓜，珊瑚蚌份量極少，而且同樣是沒有味道沒有落鹽。跟着就是這碟炒雜菜。全部菜都未淋有冇味這碟糖醋骨叫做最有味道，但只是叫做比其他餸菜較為好。其實還有其他餸，但是我已經沒有興趣拍照了。總括來說，今次中秋聚餐食物真的很麻麻，但是場地的確可以容納多人相聚談天。…Read More

晚上八點半加班完，同朋友一齊搵晚飯食，這時間大部分茶餐廳都已經關門，於是我們便駕車去駱克道熟食中心搵野食，因為我和朋友都想邊吃中菜邊飲啤酒，所以酒吧餐廳就不合要求。最後我們選擇了駱克道熟食中心苑記，去得大牌檔當然要叫炸豬大腸、椒鹽九肚魚、啫啫芥蘭煲，然後當然要了4支大啤酒。炸大腸整體不錯，顏色不像翻炸多次，我外皮鬆脆不硬，腸內脂肪依然柔潤，不會太乾，份量也很充足，入口也沒有異味。送酒一流。啫啫芥蘭煲夠晒火候，配料蝦乾夠多而且用大隻蝦乾，令芥蘭非常香口和入味。這個椒鹽九肚魚只得半碟，因為老闆話賣晒唔夠，一半用鮮魷頂上好唔好，嘩同一價錢，食兩款野，咁我當然沒有問題，九肚魚和鮮魷都沒有炸過火候，依然保持內裏鮮嫩，而且食物表面沒有太厚嘅炸粉，非常香脆可口。又是送酒必備的食品。總括來說是一間食宵夜飲酒的好地方。…Read More

今日下午唔知食咩好，經過看到平時排滿內地遊客的紅茶冰室冇人排隊，當然立即攝位入去食啦。間餐廳食物種類選擇多，但價錢偏貴而且份量一般，今次我叫了好多人叫的常餐、試下佢塊包是否真係咁好食，點解咁多人叫常餐食。常餐上餐速度比其他茶餐廳快，因為沙嗲牛面是一早整定晒，入口一食，！普通到非常普通，牛肉冇味，汁又唔香，隻蛋又細，個包都係冇咩咁特別，真係食到我頭都大晒，點解咁普通貪物可以賣咁貴，而且咁多內地人支持。店舖職員態度就真係有非常大的進步空間，不論面色還有語氣，都不是香港人服務態度。總括來說，對我來說這個價錢我可以有好多選擇。不一定要去紅茶食飯。…Read More

又到每月與朋友餐聚日子，今次大家都冇傷風感冒，於是可以選擇用火鍋，經過地理位置、人流預測，我們決定選擇位於旺角近豉油街的一鍋堂，因為佢旺角有幾間分店，分散了人流而且剛好接近我們落車位置一上到去店鋪已經有兩枱客排隊入座，我們便商量要咩湯底好，為了不影響食材味道，所以我們決定放棄麻辣湯，我們選了都多人氣的胡椒豬肚湯底。由於是晚市，當日每位送新鮮扇貝和有殼鮑魚一隻，熟食枱和飲品櫃及醬料櫃就跟其他火鍋店差不多我們來得食任食火鍋當然是喜愛食牛人士，我們選了安格斯牛餐，一開始我們各類牛也來三碟，最後我們只集中叫封門柳、牛肩隻和牛舌。他們上菜速度也迅速，用手機落單不用5分鐘就上菜，沒有拖延。但鴨血和醉雞味道就差少少，唔夠味。不過以任食火鍋店質素算不過不失抵食。…Read More

下午時段，途經中環街市，見有個food court 層有不少小食店舖，發現其中有一間賣雞蛋仔，心想都好耐沒有食過雞蛋仔就去排隊選購。🧐🧐去到櫃檯，發現有十幾種口味，心諗雞蛋仔整咁多不同口味真係有客食咁多味？於是就叫了個肉鬆雞蛋仔、紅豆冰和白牛。個店員在我買完後，才告訴我要等20分鐘，真是過份，你一係在購買前跟我說現時太多order，如果要落單，需要等候20分鐘，等客人自己選擇是否等候，而不是付費後才跟客人講要等20分鐘。😡😡呆等了20分鐘後，終於取得食物，可惜聞名不如見面，還是街邊普通雞蛋仔香脆可好，個雞蛋仔根本吃不出有何特別，除了貴和等候時間長外，還有個外賣手提袋比雞皮紙袋美觀很多。😤😤此外個紅豆冰是打溶晒，沒有食紅豆冰口感，個白牛就更加失望，雪糕唔好食之餘個7起底唔夠氣，簡直令我非常失望。完全破壞晒3款懷舊食物的原有味道。😣😣…Read More

晨早流流，又要準備買早餐食然後返工，今日路經佢，發現有早餐食，於是入去睇下，竟然晨早就有飯食，而且選擇種類很多。又有牛肉又有飯又有溫泉蛋有埋湯，都係$35內，平過我食M麥記，咁就叫個牛肉元氣早餐試下先。你咪講笑，佢碗飯大到午餐咁食完個早餐飽到上心口，看來一陣要食下午茶。講番個早餐，除了飯多外個味噌湯都好大碗，但味就唔夠濃。溫泉蛋就沒什麼特別，秋葵就算新鮮，牛肉份量就少些，但都足夠餸飯食。不過由於整個餐的飯量充足對平民百姓來說就非常抵食。…Read More

約左人食晚餐，但又未夠鐘數取位，咁就過大館行下搵間酒廊飲杯野，點知行行下，發現有間中式餐館，就走入去睇下。估唔到環境又裝飾得古式古鄉，而且有很多茶葉選擇，還有茶啤飲及素點心。但因為一陣吃晚餐，所以我們只叫了一碟煎鍋貼點心，入得來茶館當然要飲茶啦。天氣太熱，於是我和朋友都選擇了冷茶，雲霧茶冷茶及鳳凰單冷茶。清清心景和口腔味道，雖然我很想試茶啤，但由於晚餐時需要品酒，所以這刻品茶清靜一下心靈和口腔很重要。淡淡清爽醒神優香同時沖擊，立即成個人燥熱全熄。下次Happy hour 一定要去試下個茶啤先得。…Read More

日日返工放工都經過佢，每次晚上經過都坐滿客人，而且不時會聽見侍應門唱生日歌，今日提早放工見冇乜人，立即衝入去，真好彩早一步，跟我後面的客人要再等30分鐘有位才致電通知佢。同朋友坐低熱辣辣，當然先叫杯凍酒飲下先，因為預咗食肉，所以叫了凍紅酒🍷。飲住酒就開始叫食物啦，頭盤當然食ham先啦所以我哋叫左個 Selezione Di SLumi叫得紅酒當然要配肉，佢有火腿、辣肉火腿和估計只有3個月的ham，不過唔緊要啦，最重要食住野飲酒傾計。食完頭盤，當然要叫主角pizza出場啦，今次我地叫左個capricciosa 。個pizza 大量菇，反而食不到ham味，周邊香脆鬆軟，餅底多汁，所以一出要快食，唔係汁吸晒入底就軟淋淋質感就很差。味道就一般，可能菇汁太多，沒有了ham的油香味。最後食完，當然繼續飲紅酒傾計。…Read More

今日去朋友家玩，玩完落樓下搵野食，見到牛角推出的了匯豐優惠套餐，於是入去試試，經理推薦表示同示叫匯豐套餐可以成為牛角會員，於是我們便要了兩個餐，當然燒烤咁熱，一定要叫啤酒飲。睇個餐牌原來都好多野食，先來個新鮮蕃茄芝士，味道不錯，不過跟住再出個凱撒沙律，感覺好像有少少相同都是沙律，之後就上燒食盛合，有雞有豬又有牛，不同部位夾埋都有12件肉，份量適中，之後再來是野菜和海鮮，海鮮有兩隻蝦和一隻帆立貝，都非常新鮮，菜有雞髀菇、粟米和菠蘿。要講下那些粟米非常鮮甜。以為夠晒啦，原來未完，經理過來問我們要咩飯，佢話有玉子飯、牛角飯和珍珠飯。我們選了玉子飯吃。食完非常滿足，配埋啤酒一絕。一個不錯套餐，全日都有得供應。…Read More

同朋友在長沙灣食完野，就在附近搵下有咩糖水好食，網上看見元州邨附近有糖水食，於是就過去試下，門面不是太光鮮，差些走過了。坐低見到個餐牌好像不錯，而且款式很多，不過我和朋友都是芒果愛好者，於是就選擇芒果系列產品。見到有芒果小丸子和白雪公主，都是芒果肉加芒果雪糕，白雪公主就多了些河粉，而芒果小丸子當然就多了一些芋圓，芒果肉唔甜，芒果雪糕就基本牛奶公司那些味度，椰子河粉就幾好軟硬度適中，有椰子味，但很少份量。芋圓就未軟。兩個甜品不過不失，但有改善空間，店舖環境衛生也有改善情況。…Read More

平時食得多麥當勞、KFC、Jollibee、Burger King、 嘉寶漢堡，今日放假除了食開Shake Shack外還有咩大型連鎖漢堡店及坐得舒服慢慢食，就是Five Guys啦。去到叫左芝士漢堡,芝士熱狗,薯條和汽水。佢地所有包都可以有15種配料自己選擇加唔加。我就除了辣醬其他都加晒，汁太多，會令包很軟，所以我下次應該減少一些醬料和新鮮蕃茄洋蔥。肉質鮮嫩不會太乾，熱狗同樣可以加你喜愛的配料，如你較喜歡磨菇可以叫佢多D。薯條方面就正，我一向喜歡連皮，佢地薯條就是連皮切，特別有風味。而且他們還有免費花生任食及汽水任飲。你完全可以在店內看書睇片一整天。…Read More