andychu1994's Profile

叫左一個崩沙腩河、一個牛丸魚餃米粉，同跟餐要左一份炸雲吞。所有食物都超正常水準，特別係個牛腩肥瘦適中同埋好軟腍，有入口即溶既感覺。同埋湯底都唔錯，食完冇覺得口乾，應該唔係雞精湯底。上菜上得都好快，除左個炸雲吞比較耐，係差唔多食曬之前先上到菜。不過整體黎講服務質素都好好，包括電話落單（尋日食既）、現場落單、同埋問佢炸雲吞佢地都幫左我跟單。仲有一個小建議係放啲紙巾係餐具格到，唔知係咪客人拎得太快，所以打開櫃筒唔見到有。最後都係要熱烈祝賀別府「光榮結業」！！描述太多就比人話抹黑架啦。簡單講，睇下有咩會令到一啲平時好日唔打評價既人出黎寫食評就知，有興趣自己望下🤪Anyways，衣家樂園開左，我要食番幾十次慶祝下🎊🎊…Read More

我就不嬲都唔會寫食評既，不過今次真心嬲，唔理有冇人睇，都要寫出黎。先總結：服務員態度差劣，外賣一個烏冬要等30分鐘，但服務員得閒到一直傾電話。我係門外揮手揮左幾次先有人叫我入去落單，落完單問佢等幾耐，佢話15分鐘。好啦，等左20分鐘佢出黎嗌「103號飛」，我拎106號飛，再等。再過多10分鐘，我入去問佢得未，佢話頭先嗌錯 出錯單 總之呢個係你架啦，然後塞番個103號比我。係我等緊果時，佢仲係門口得閒到flirt 對面個女仔話「喂肥矮，今日放工一唔一齊走呀？」，唔做野。然後又一直係收銀機打電話，見住我等，冇出黎問我等咩。事後冇道歉，老奉咁。先唔好講好唔好食 （我嗌左個照燒雞扒烏冬，個湯咸到嘔）；我以後都唔會幫襯。…Read More