Foodie Twin Stars's Profile

收工同朋友去位於中環由日本人主理嘅居酒屋Happy Friday✨✧手打雞肉丸串 ✧秋葵串✧生薑燒茄子 ✧厚切牛舌✧原隻燒雞腿 ✧燒明太子串✧西京燒銀鱈魚 ✧蟹膏燴飯✧白味噌法式燉蛋居酒屋必食嘅手打雞肉丸串彈牙多汁，搭配蛋漿醬油冇得輸😋蔬菜類有清新爽脆嘅秋葵串，而生薑燒茄子入口軟糯，薑香濃郁～厚切牛舌火候控制精準，份量如果再多d就好了😳呢度嘅名物原隻燒雞腿有炭火香，沾上芥末醬食更惹味👍燒明太子鹹香滿滿，配白飯正🤤西京燒銀鱈魚嘅魚油香同味噌好夾，甜鹹平衡好滋味🤤蟹膏燴飯上面滿滿既芝士，燒起上嚟蟹香滿滿🦀最後甜品白味噌法式燉蛋質地好滑好細膩，味噌帶少少咸香，同蛋香完美融合，加上面層薄脆焦糖😋呢度仲有唔少酒精飲品選擇，可惜就冇普通飲用水提供，朋友想要杯水黎食藥都冇🥲唯有等佢好番先再考慮去飲番杯🍻…Read More

係M+藝術館品嚐以精緻菜式同藝術氛圍完美融合嘅中菜✨一入座，奉上黑松露繡球菌同香脆腰果仁作為開胃小食，比較少見嘅繡球菌清爽，腰果香脆可口，未點菜就食唔停口😋🔸松茸菊花豆腐🔸師傅好刀功！將豆腐切到成朵花咁係高湯中盛開，造型賞心悅目🌼湯底清澈有菌香，視覺同味覺雙重享受❤️🔸柚子醋海蜇花、沙薑象拔蚌片🔸冷盤方面，柚子醋海蜇花拌白蘿蔔絲清新開胃，酸甜柚子醋同爽脆嘅海蜇花完美搭配👍沙薑象拔蚌片份量好足，沙薑提鮮，令人一試難忘😋🔸古法蝦籽柚皮🔸傳統工藝遵循古法製作，柚皮經長時間熬煮，耗時費工，入口軟糯，蝦籽同醬汁鮮香更添風味，呢道功夫菜買少見少，值得一試✨🔸蜜餞西班牙黑豚肉叉燒🔸叉燒肉質細膩，帶有淡淡炭燒香氣。有別於傳統叉燒食法，餐廳提供紫蘇葉搭配，清新得嚟又有助解膩👍🔸干邑牛肝菌燉牛臉肉🔸今晚另一驚喜，牛臉肉燉得軟腍入味，入口鬆化，加入干邑煮嘅醬汁香氣濃郁撲鼻，令人回味無窮💯🔸雲腿米湯浸山藥🔸山藥口感爽脆，米湯溫潤帶點甘甜，融合鹹香雲腿絲，好味得嚟養顏又養胃，特別適合追求健康嘅女士們😳🔸酥蔥豬油渣炒飯🔸呢個炒飯為今餐完美收尾，飯粒炒得金黃乾身，仲可以根據個人喜好額外增添豬油同醬汁，啖啖滿足🤤呢度無論係環境定出品都體現出藝術與美食嘅交融，無論係商務宴席定係私人聚餐都值得回訪！…Read More

呢間餐廳係我學生時期嘅回憶之地，最近約番同學仔重遊舊地，感覺既熟悉又新鮮😳🔸意大利風乾火腿配蜜瓜及啤梨🔸清甜水果同鹹香火腿完美平衡，沙律菜上面嘅醬汁仲加咗士多啤梨汁，既有心思又好香士多啤梨味🍓🔸蒜香牛油鮮蝦薄餅🔸揀咗惹味嘅香蒜牛油醬，蝦肉大大隻好鮮嫩，香脆薄餅底配上三種濃郁芝士，趁熱食好滋味😋薄餅仲份量十足，叫一個大概夠3-4人分享😳🔸石榴陳醋烤嫩豬排骨🔸豬排骨肉嫩多汁，輕輕一切就能「骨肉分離」，陳醋調味酸酸甜甜，食多幾舊都唔怕膩🤤🔸開心果檸檬意大利芝士蛋糕🔸餐廳其中一樣招牌菜係Tiramisu，而開心果檸檬Tiramisu呢個新配搭更加清新，檸檬酸香，口感幼滑細膩👍🔸岩鹽焦糖咸脆餅奶昔🔸奶昔唔會好厚重，而且甜鹹交融，感覺冇咁大罪惡感🤪🔸什菜水果沙冰🔸用咗牛油果、青瓜、青蘋果、菠蘿、菠菜、薑黃等多款蔬果製成，清爽又健康💚充滿回憶既一餐飯，咁多年後餐廳都依然保持水準，希望下次可以嚟呢度再聚✨…Read More

最近同朋友去咗間氣氛超正嘅餐廳慶祝生日😳餐廳間中有live band表演，今晚就有魔術師近距離即席變變變～勁興奮🤩食物方面都唔弱～黑魚子蟹肉沙律配法式多士，脆卜卜魚子混合鮮甜蟹肉，配多士食口感層次好豐富😋雞肉凱撒沙律嘅沙律菜新鮮爽脆，清清地好開胃🥗再嚟碗濃郁嘅南瓜忌廉湯暖下胃，香甜南瓜蓉打到好絲滑👍主菜同樣高質～烤安格斯牛扒火喉控制剛剛好！肉質鮮嫩，肉汁鎖得住，簡直係肉食控嘅至愛🤤烤比目魚意粉同樣出色，豆豉微辣風味嘅炒意粉，惹味得來又唔會太重口😋最後嘅甜品係全晚高潮✨夢幻城堡登場，仲有煙火效果，絕對係慶祝同社交平台打卡嘅神器❤️幾款唔同嘅甜品各有特色，真係要留定個胃食佢地😛總括嚟講，呢間餐廳唔單止食物出色，精彩嘅魔術表演娛樂性十足，絕對係慶祝首選！…Read More

睇中咗呢間荔枝角嘅日本過江龍燒肉好耐，今晚一於約朋友去嘆下和牛🤤主角和牛6點拼盤😍入面有上等肋肉、龜之甲、友三角、腹牛柳、和牛芯芯和內腿肉，每款都油花豐富，入口即化🤤友三角肥瘦均衡，燒到微焦後香氣四溢；和牛芯芯則軟嫩多汁，配埋蘭王蛋月見紫菜飯簡直冇得彈👍除咗燒肉，仲叫咗個好少見嘅駿河灣畳鰯乾片～「畳鰯」係將吻仔魚曬乾整成薄片，因為似榻榻米而得名👀店員會幫手慢火烤香表面，少少鹹香又酥脆，佐酒一流🍶點少得食啲蔬菜平衡番油膩感，燒雞脾菇同翠肉瓜清新好味，燒大蔥意外好香甜，夾燒肉食有另一番滋味😋仲有大大隻燒魷魚，燒完依然鮮嫩Q彈，一啲都唔韌幾好食👍煮物嘅清酒煮大蜆都唔弱～大大隻蜆冇砂又鮮甜，湯汁濃郁得嚟唔會太重酒味，令人忍唔住想飲晒佢😋高質燒肉，坐得舒服，簡簡單單大滿足✨…Read More

最近睇中咗間有提供畫碟甜品嘅西餐廳，帶好朋友去慶祝生日🎂選擇困難最啱叫二人晚市套餐，仲有驚喜優惠～好抵😳前菜有🦀黑松露蟹肉多士同🍏青蘋果巴馬火腿沙律～黑松露嘅濃香配上鮮甜蟹肉同香脆多士，口感層次豐富；沙律清新開胃，酸甜青蘋果同火腿嘅鹹香好夾👍主菜方面，燒大蝦羽衣甘藍香草醬意大利麵有驚喜🦐大蝦彈牙，醬汁濃郁帶少許香草清香，麵條軟硬度亦控制得好好😋摩洛哥燉羊膝慢煮到肉質入口鬆化，濃而不膩👍甜品焙茶焦糖燉蛋係全晚亮點，單係見到碟上嘅畫作，朋友已經讚口不絕，瘋狂打卡📸甜品味道亦好出色，焙茶嘅甘香同焦糖甜度完美平衡✨面層薄脆焦糖加上滑喐喐燉蛋超正😍慶祝又點少得飲番杯，套餐嘅紅/白餐酒質素唔錯，碰個杯氣氛即刻唔同晒🥂咁正嘅免費甜品畫碟寫字服務，需提前兩日WhatsApp向餐廳預約，訂金$200之後可扣減餐費～唔單止可以免費畫碟，晚市仲有$1生蠔優惠✨惠顧二人套餐每份可換購10隻生蠔🦪新鮮又肥美，性價比超高！另外，午市時段仲有套餐或單點85折優惠，好抵食😳👍…Read More

成日經過中環大館都未試過入面嘅餐廳，咁啱嗰日得閒就同個朋友搵咗間試吓，估唔到個set dinner又幾抵～前菜好幾款都好出色😳🔸南瓜紅菜頭希臘芝士沙律🔸清新開胃仲好健康，芝士鹹香好夾清甜紅菜頭，仲有紅石榴畫龍點睛✨🔸烤雞肉串🔸啖啖肉，配特製沙律醬，有種中東菜嘅風味😋🔸一口烤椰菜花🔸簡單好味，生菜包住一啖食晒口感豐富👍🔸蕃茄醬意大利飯球🔸雜菌芝士內餡好香好濃郁，趁熱食外皮香脆正啊🤤一人揀咗一款主菜share食～🔸烤三文魚🔸三文魚外皮酥脆，內裡嫩滑，配上薯蓉好creamy，份量剛好👍🔸香煎牛腹扒🔸肉食愛好者嘅福音😍牛肉生熟度恰到好處，黑椒牛肉汁雖然有少少辣，不過令個肉味更出眾✨飯後甜品都好精彩😳🔸法式可麗餅配雪糕🔸柔軟可麗餅夾冰涼雪糕食，口感超搭，又甜又靚少女心大開☺️🔸法式朱古力慕絲🔸超濃朱古力味！絲滑口感入口即化，朱古力控必試🍫飲品同樣出色，Morning Boost果汁加左薑汁好醒神🫚另一杯Pineapple and Ginger Beer酸酸甜甜仲有氣泡，清爽解膩🍹餐廳環境雅致，服務員親切周到，氣氛好chill☺️而且價錢合理，朋友小聚或者浪漫約會都好適合✨…Read More

食開嘅串燒店最近喺尖沙咀開咗新分店，新店鄰近K11，方便行完街食埋飯，價錢親民幾抵食👍除左一般串燒之外，仲有唔少獨特風味菜式嘅新餐單～好吸引😛🔸焦糖菠蘿鵝肝醬多士🔸九肚魚(椒鹽/紫菜/泰式辣醬)🔸鹽燒牛舌芯🔸蒜蓉菜脯燒茄子🔸山椒鰻魚汁燒白膳🔸墨魚滑紫菜大蝦🔸豚肉牛油果卷🔸豚肉荔枝卷🔸豚肉芝士菠菜卷🔸蒜蓉菜脯燒元貝🔸蜜糖燒菠蘿🔸明太子忌廉烏冬🔸焦糖雪糕多士焦糖菠蘿鵝肝醬多士是必試之選👍酥脆多士配上濃郁鵝肝醬，焦糖菠蘿的甜酸平衡了油膩感😋另外墨魚滑紫菜大蝦都好推介，蝦肉鮮嫩彈牙，搭蟹籽沙律醬好好味✨燒白膳帶微辣花椒香，白膳肉質厚實。明太子忌廉烏冬有驚喜😳濃滑忌廉汁，撈埋鹹香明太子完美融合👍甜品焦糖雪糕多士更加係必點之選✨燒到香脆嘅焦糖多士夾埋冰涼雪糕，冰火交融，甜而不膩😋飲品方面，菠蘿可爾必思酸甜清新，而桔仔薄荷鴨屎茶就好香桔味，加埋薄荷清涼感好解膩👍…Read More

係尖沙咀行完街同朋友去食日式燒肉，餐廳主打日本鹿兒島蕯摩牛，肉質鮮嫩多汁，入口即化😍🔸極上牛小排🔸滿滿既油花，口感柔嫩，油香豐富，配白飯一流🤤🔸牛腹肉🔸油脂分佈均勻，肥瘦適中，燒到微焦更加香口😋🔸橫隔膜配鹽蔥醬🔸好推薦呢個橫隔膜新menu，有肉味而且軟冧多汁，用鹽蔥醬汁調味後更提升肉既鮮甜👍🔸北海道黑豚腩肉🔸薄切豚肉燒到焦脆，勁邪惡😈餐廳仲有個好吸引既推廣，就係堂食可免費任食日本雪糕啊😳食完燒肉嚟番杯冰涼雪糕，滿足晒兩個胃～…Read More

為咗同老友慶祝生日，特登揀咗一間有質素又有創意嘅餐廳，仲安排咗個畫碟甜品俾佢一個驚喜😆🔸北海道白象拔蚌🔸店員推介北海道白象拔蚌刺身有半價優惠，真心抵食😳原條象拔蚌分開三種不同部位，各有唔同口感😋最重要係，餐廳有魚缸養住象拔蚌同龍蝦等海鮮，即叫即劏保證新鮮，肉質鮮甜爽脆～正！🔸海膽龍珠卷🔸卷物包住海膽、本鮪魚腩蓉同醬油漬蛋黃，濃郁蛋漿同壽司飯完美融合，海膽同魚腩蓉更添壽司卷鮮味🤤🔸吉列芝心豬扒🔸豬扒外層炸到金黃酥脆，爆晒漿嘅拉絲芝士，邪惡到停唔到口😈🔸鹽燒仙台熟成牛舌芯🔸牛舌芯燒得剛剛好，厚肉得嚟有彈性，入面仲好juicy，唔駛沾任何醬汁已經好好食😋🔸生燒白鱔🔸大大串白鱔燒得外脆內嫩，入口魚油香滿滿，簡直係日式燒物最無得輸嘅item👍🔸檸檬冰果碳酸酒🔸餐廳做緊半價啤酒優惠🍺超抵飲！啤酒控一定唔可以錯過！而我就揀咗微醺氣泡感嘅碳酸酒，清爽嘅檸檬口味絕對係夏日必選🍋🔸特濃開心果雪糕脆窩夫杯🔸最期待嘅畫碟甜品終於登場😳呢個畫碟服務需要點甜品先有，同埋需要預早幾日同餐廳預訂✨揀咗佢最愛嘅動漫角色畫喺甜品碟上面，師傅神乎其技，無論係角色嘅表情定服裝，全部都完美呈現，靚到似藝術品多過甜品❤️朋友見到即刻尖叫，瘋狂打卡影相，話係今次生日最驚喜嘅禮物😍開心果雪糕淋上開心果醬同開心果碎，開心果味濃郁，配埋香脆嘅窩夫杯，甜而不膩大滿足😋朋友非常滿意今次生日宴～話食物好食之餘，對畫碟甜品驚喜更加係讚不絕口，仲話第時慶祝一定要再嚟😆…Read More

今日同朋友encore返之前一齊食過嘅一間日式餐廳，依家仲推出咗新套餐✨蝦兵蟹將和牛宴✨海鮮控聽到個名都流晒口水🤤🔸雜錦海鮮凍盤🔸海鮮凍盤有紐西蘭青口、兵庫縣生蠔、海螺和鮮蝦，每款都好新鮮。特別係青口，軟滑有鮮味，完美嘅開場😍🔸爆籽蟹粉蟹肉丼🔸一拎起膠托d蟹籽蟹粉就好似瀑布咁傾瀉，蟹粉濃郁蟹鮮味，加埋海量蟹籽嘅口感真係超爽😳🔸炭燒醉酒流心斑馬瀨尿蝦🔸由於當日瀬尿蝦缺貨，餐廳為我哋改成琵琶蝦，蝦肉爽彈鮮甜，燒嘅火喉控制得剛剛好，陣陣炭燒香氣👍🔸大閘蟹肉甲羅燒配多士🔸甲羅燒內混合蟹膏蟹肉，同香脆多士一齊食好夾，仲可以撈落剛剛嘅蟹肉丼度，直頭係食蟹嘅最高享受🦀🔸和牛Shabu Shabu🔸鹿兒島A5黑毛和牛質量有保證，和牛肉質細膩，輕輕一涮即熟，肉汁同油膩香令人食唔停口🤤🔸炭燒串燒拼盤🔸經炭火慢烤嘅燒雞翼、粟米、五花腩同腩肉露荀卷，每串都有炭香～最正係五花腩，燒至外層焦脆，油脂同肉質完美結合，配清酒一絕🍶🔸兵庫縣生蠔🔸最後以生蠔為呢餐完美結尾，嚟自兵庫縣嘅生蠔大隻又飽滿✨私心推介食法～shabu shabu煮熟嚟食，鮮味同蠔味都更突出👍今次呢個新套餐更上一層樓🤤食材以同司傅嘅烹製火喉都非常出色，果然係值得一再encore嘅餐廳😋…Read More

我啲朋友都知我鍾意試唔同國家嘅菜式，今次個friend就帶我去全港唯一嘅孟加拉餐廳試吓呢個國家嘅特式菜😳🔸香草慢煮扁豆🔸雖然有條大辣椒，但飲落完全唔辣，扁豆蓉湯飽肚又暖胃，濃郁嘅香料味令味道更豐富！🔸紅菜頭脆炸球配乳酪醬🔸薄薄香脆嘅外皮，咬開見到色彩鮮艷嘅紅菜頭餡，配上微酸哋乳酪醬，健康好味嘅素食之選👍🔸慢煮卡拉牛肉配蒜蓉烤餅🔸經過5小時慢煮，牛肉充分吸收香料味同醬汁，肉質超級軟腍，牛味仲好濃郁🤤MVP係熱辣辣嘅蒜蓉烤餅，真係食唔停口😋🔸低糖氣泡茶🔸飯後飲返杯氣泡茶，酸甜有果味，消滯解膩好清新✨孟加拉菜幾有驚喜，餐廳係烹調上認真又講究，多種香料配搭，菜式味道有層次，下次一於帶其他朋友嚟再食其他菜式！…Read More

收工去咗灣仔一間東京過江龍居酒屋同朋友chill下，餐廳由日本人主理，由佈置到氣氛，都好似番咗日本咁好正😳先叫幾款有沖繩特式嘅冷盤小菜開開胃✨🔸花生豆腐～口感好特別，既有少少煙靭，又不失細膩柔滑，微甜中帶濃郁花生香🔸煙燻蘿蔔忌廉芝士～好特別嘅配搭，爽脆蘿蔔煙燻味濃郁，夾住鹹香軟滑嘅芝士，口感層次好豐富🔸梅醬鯊魚軟骨～軟骨爽脆中帶韌，酸酸嘅梅味有助解膩，配炸物食好match🔸沖繩豚耳～薄切豚耳，口感既彈牙又爽脆🔸水雲～以醋酸醬汁涼拌，質地黏稠滑溜，味道清新開胃除咗各種特色嘅沖繩料理，其他熱食同樣出色👍🔸唐揚迷你蝦～炸到隻隻香脆可口唔駛剝蝦殼就食得，配酒一流🔸吉列三文治～薄薄炸皮好酥脆，夾埋流心芝士同火腿完美配搭🔸沖繩苦瓜釀免治雞肉～沖繩名物苦中帶甘，中間嘅雞肉餡仲keep到好juicy🔸燒牛舌～火喉燒得剛剛好，厚切又多汁，食到lamlam脷🔸墨魚汁炒麵～用墨汁同小墨魚去炒，簡單配料帶出食材鮮味餐廳有唔少清酒同燒酎款式，不過睇中咗沖繩出名嘅四季柑果汁，酸甜清新，同串燒燒物等好夾😋…Read More

中環呢間西餐廳復古裝修典雅，氛圍感十足，仲有唔少經典菜式，好啱平時同朋友chill下或者同人慶祝～🔸蟹餅配芒果及檸檬蛋黃醬🔸蟹餅外皮炸至金黃酥脆，咬開入面滿滿蟹肉，鮮味濃郁，配清新芒果同蛋黃醬，酸酸甜甜唔會太漏👍🔸法式油封鴨腿配黑松露薯蓉🔸是日半價菜式😳好抵食！油封鴨腿煮到勁軟腍，黑松露薯蓉幼滑creamy好好味🤤🔸龍蝦忌廉汁虎蝦扁意粉🔸大大隻虎蝦爽彈鮮甜，扁意粉煙韌加上香濃龍蝦忌廉汁～yummy😋呢度仲推出緊優惠二選一：1️⃣每日指定菜式半價優惠 或2️⃣生日當月慶生訂座獲贈招牌火焰雪山一份餐廳環境舒適，食物品質高，而且個半價優惠真係好抵好吸引，嚟緊約食飯一於再嚟食✨…Read More

鄰近灣仔會展站近近地有間韓燒，見咁就腳就捉個朋友去食下，兩個人叫咗個套餐，有燒烤同傳統韓食，份量多到三個人都夠食😆有齊牛、豬、雞、魚嘅燒烤set超豐富😳和牛盛盒嘅牛肉肉味濃郁👍燒到焦脆嘅五花肉，用蔬菜加上泡菜、蒜片、青辣椒包住，食唔停口🤤挑骨雞翼同水果醬油雞腿肉啖啖肉，醬汁醃得好入味😋鰻魚肉質結實，燒到外皮香脆，入口爽彈👍燒完肉都飽左七八成，仲有幾款傳統韓食😳海鮮煎餅好足料，煎至金黃色再搭配醬汁食用，口感好豐富👍炸雞好酥脆，咬開𥚃面仍保有肉汁，沾埋蛋黃醬夠晒邪惡😈傳統韓食又點少得石頭鍋飯，多種蔬菜拌飯，帶有少許飯焦，健康又美味😋飲品點咗杯柑橘梳打，酸酸甜甜帶有橘皮清香，另一杯青瓜青檸梳打味道清新，兩者各有特色，清爽解膩配燒烤一流✨餐廳環境舒適，氛圍感十足，同朋友嚟個bbq 飲杯野食件炸雞再吹吹水又多個好地方選擇😆…Read More