Myrasiuu's Profile

雖然天氣好熱，但間唔中都會想去打邊爐，今次就去咗呢間打邊爐度打邊爐。-聽聞呢間嘅嘢飲都係自家製，我地就嗌咗檸檬薏米水同竹蔗茅根，飲落都幾冰凍解渴。-跟住熟食就嗌咗啲風沙椒鹽粟米同涼拌木耳，佢哋嘅風沙椒鹽粟米都好入味而且唔會太咸，加上天氣熱嘅時候食返個涼拌木耳都幾涼爽-而打邊爐嘅湯底我地就嗌咗杏仁豬肺湯湯底十分足料，我地食之前都飲咗幾碗，而且豬肺都洗得好乾淨，食返幾舊以形保形-跟住就有兩款餃，雖然湯底唔係皮蛋芫茜味，但都可以食呢個皮蛋芫茜餃，芫茜味好重-跟住丸就嗌咗流沙蝦丸，而特別想講嘅係梅菜豬肉丸，佢個梅茶烚完之後都好入味，好似食緊梅菜扣肉丸咁-而其他配菜就嗌咗芝士丸同廣島蠔，雖然係急凍廣島蠔，但烚熟咗之後，都食到佢嘅鮮味，鍾意食蠔嘅都可以嗌-而蔬菜盤就咩菜都有，白菜仔、油麥菜、唐生菜咩都有。…Read More

海鮮拼盤海鮮嘅份量同餐牌張相嘅一樣，分量幾多。日本磯燒鮑魚相當入味，啲蝦肉質彈牙，仲有隻龍蝦非常之多膏，勁正。-之後就到海膽虎蝦pizza我地兩個人一人三塊，底層夠薄夠脆。海膽鮮甜，一啲苦咪都-冇，而且虎蝦肉質彈牙，絕對新鮮。-豆腐芝士蛋糕個蛋糕有淡淡豆香味，而啲芝士味都唔會蓋過嗰陣豆味，同埋唔算好甜，幾好食。-豆腐咖啡個人自己鍾意豆腐咖啡多啲，佢唔單止有豆腐雪糕喺面，飲落仲有啲豆腐喺杯咖啡嘅底度，而且都唔會太甜，幾重豆腐味，啱晒鍾意豆腐嘅我。-另一杯就嗌咗cuppucino ，先唔講佢個花拉得幾靚，佢個杯具就更加吸睛🤩，面且入口唔會太熱，溫度啱啱好之餘，奶泡仲好厚！…Read More

之前去過Lab Eat Bistro食晚餐，見佢哋有一個小食menu，有啲特色小食，所以今晚就一於黎試吓啦😍-戶外食野當然最怕就係會唔會好熱，不過我覺得呢度都唔算太熱~因為佢有兩部風機，仲可以有啲Mist噴出嚟，所以即使係30幾度都覺得OK~呢度total有四張枱，所以就算滿座都唔會好嘈，而且有兩個千秋位可以打卡🤣-1.媽咪炒蟹 $88 腐乳單飛雞翼$88~Lab eat提供7款幾有特色嘅小食，呢一個媽咪炒蟹見到有好多枱都有叫，簡直可以重拾返兒時嘅味道🤣本來佢嘅軟殼蟹都已經有味，但係如果想有媽咪麵粉嘅味道嘅話，仲可以自己shake落去tim👍超有特色！雞翼配腐乳真係好特別，炸到好脆，而且單骨食起上黎好方便😋-2.有氣檸檬茶 荔枝凍檸梳打 $68呢兩杯飲品都超級解渴，仲係我哋最愛嘅生果味，飲落又夠凍同埋夠氣👍…Read More

朋友想食自助餐，但係又唔想食咁貴，搵下搵下就發現呢間walter bistro，價錢唔貴👍-嗰晚去就安排左坐窗邊，自助餐區唔算話好大，不過好彩五臟俱全😹有冷盤區，刺身區，牛扒，熟食區同埋甜品生果區🙌🏻-每位仲包一盅湯，我嗰晚飲嘅係花旗參湯，好足料👍👍-自助餐區特別推介熟食嘅南乳豬手，同埋南瓜湯👍豬手炆得十分入味，而且超淋呀🙌🏻南瓜湯嘅味道超濃郁，南瓜迷必飲呀😋-自助餐嘅好處就係可以同朋友傾下計，拎下野食，唔洗趕時間，呢間值得一試…Read More

一鍋堂真係我嘅飯堂黎🤣基本上朋友一話想食任食火鍋放題，我就一定會推介佢嚟一鍋堂食，今日真係食盡葵芳🤣晏晝去葵廣掃街，夜晚就當然要來一鍋堂啦🤪-一鍋堂嘅湯底一向都係特色，總共有16款可以俾你揀，有陣時仲會有期間限定湯底俾你揀添🤣我今晚就揀咗豬骨粟米，清清地唔會蓋過火鍋材料嘅味道🉐-除咗有得用QR code嗌嘢食之外，出面自助區仲可以自己拎飲品，醬料，前菜，蔬菜同埋雪糕🍦飲品係非常之有特色，有幾款都係自家製，自己最鍾意就係洛神花茶，酸酸甜甜幾開胃🥰今晚嘅雪糕同以前有唔同，係佢蝶豆花顏色，藍色嘅雪糕用嚟打卡一流😝-係自助區拎完一輪食物之後，又坐返埋位用QR code嗌嘢食，次次都嗌到成枱滿晒，推介如果鍾意食海鮮嘅話，可以叫多啲蝦，因為超級新鮮，食咗10嘅隻全部都唔梅🙌🏻另外仲有手工梅菜豬肉餃，個皮夠薄，個餡好似食緊梅菜肉餅咁，超正😝…Read More

呢間餐廳好特別，一出𨋢門，就會見到有個簾，再打開就已經係好特別嘅座位setting🤣一入去都聞到好香嘅壽喜燒味😉-呢度有幾個套餐可以揀，店員亦都會推介，佢話呢一個餐係佢哋最皇牌，當然要試一試佢啦🙌🏻🙌🏻-1.前菜分別係磯煮鮑魚、鮟鱇魚肝同埋日本白粟米🌽磯煮鮑魚好大隻，應該煮左好耐，夠哂入味彈牙👍鮟鱇魚肝幾特別，即使唔鍾意食肝嘅人應該都會接受到😙最後嘅日本白粟米好難忘，因為真係超級超級甜🤤-2.刺身刺身有帆立貝，赤身同埋海膽👍質素高，帆立貝超級厚肉，勁鮮甜😋-3.三文魚子墨魚汁蒸蛋見到黑色唔使驚🤣因為佢係墨魚汁黎，加咗墨魚汁嘅蒸蛋，鮮味果然可以提升👍👍-4.海膽和牛他他講真，自己都有啲怕食生嘅牛肉，因為怕食完會肚痛🤣但係呢度完全冇呢個問題，和牛食落去口感夠凍，唔知係咪因為凍，牛嘅味道食落唔會話好濃郁，但下面配埋個水晶梨，幾開胃😌-5.牛舌呢度牛舌total有幾個唔同嘅層次，分別係蒜片、辣蘿蔔、青蔥、洋蔥同埋牛舌🙌🏻食落去口感非常之豐富，亦都能夠帶出牛舌嘅味道😝-6.和牛肉眼呢塊和牛肉眼大概係四成熟左右，已經非常足夠，肉眼相對上比較多油脂，加埋日本南瓜可以中和到油嘅感覺🤤-7.和牛西冷西冷嘅肉味相對濃郁，沾上蛋黃令牛肉更加滑身😙另外如果覺得好膩嘅話，仲可以食一啖一見鍾情米🤣-8.美國熟成牛肉熟成牛肉相對嘅肉汁味道層次會多啲，見到佢配嘅蛋黃都比之前識嘅更加橙紅，感覺上蛋黃味更加濃郁🤤-9.滿溢筋子釜飯其實食到呢度已經好飽，不過呢個釜飯係佢哋嘅gimmick，可以任加筋子，我自己都用total食咗三匙羹🤣🤣釜飯嘅口感係相對上濕同埋軟糯，店員話係特登參考日本嘅配方👍👍-10.舞茸菇清湯清湯飲落好舒服，有淡淡的菇味😌-11.甜品甜品係水信玄餅💦配柚子雪糕，水信玄餅💦嘅口感係好Q彈，旁邊配埋黑糖醬，唔會好甜幾好食😙…Read More

今次又來探朋友，上次佢介紹完我食打邊爐之後，今次又話有另一間超抵食嘅日式餐廳推介😍行到門口見到個Menu，原來呢間餐廳係主打吉列串揚，而且價錢又超抵食，所以我當然話食啦😍-餐廳嘅裝修都偏居酒屋feel，店員嘅服務好好，會推介餐廳有咩特色食物😉-1.蟹子沙律$38 & 胡麻菠菜沙律$36先叫兩個沙律黎開下胃，唔好見佢30幾蚊咁平，但係份量都超級多😍我自己超鍾意食胡麻菠菜沙律，好香嘅芝麻味😋-2.鐵板燒牛舌 $78呢個又係超級抵食，總共有成7塊牛舌，而且塊塊都係偏厚身😍基本上燒到兩面變咗色就已經食得，入口一啲都唔韌，好易咬😚-3.磯煮鮑魚 $128磯煮鮑魚十分入味，超級彈牙同埋鮮甜😉最特別嘅係佢連鮑魚嘅內臟都煮埋，食落唔會覺得好腥，反而有磯煮嘅甜味😌-4.黑豚肉韭菜卷 $24 / 芝心竹輪卷$18 / 鵪鶉蛋 $16 / 煙熏豚肉 $22 / 免治鷄肉 $18 / 黑豚肉蘆筍 $24 / 芥末牛柳 $18 / 秋葵 $12話到明出名食串揚，又點可以唔叫😂佢嘅炸漿做得好好，每一寸都薄到見到入邊嘅食材😍加埋佢哋嘅酸汁，好正😍自己私心推介黑豚肉蘆筍，因為啲蘆筍索左豬汁，好Juicy😙-5. 富山白蝦天婦羅 $68呢個係期間限定，同樣地又係炸漿好薄，食到淡淡的蝦味～-6.角切雜錦魚生飯 $88我會形容佢係餸多過飯🤣真係超抵食，而且食落魚生都幾新鮮😋-7.麒麟啤酒 士多啤梨味 $42呢度啤酒嘅最獨特地方就係可以揀唔同味道，我今次就試咗士多啤梨味，入口唔會話好強嘅士多啤梨味，係會有淡淡嘅莓味，幾特別🙌🏻…Read More

放假攤係屋企，又唔想煮飯，又懶唔想落街買嘢食，所以係外賣平台叫外賣真係不二之選😙今次喺foodpanda叫咗一個精選套餐，又幾抵食喎😝-因為叫左呢個餐，所以有得免運費～份量大概夠兩至三個人食，total可以揀一個頭盤、一個沙律同埋兩個主食😍-叫完大概半個鐘之後就送到上屋企，所以啲嘢食都仲係熱辣辣可以即食😍而且店員包裝得好好，所以食物嚟到都係完好無缺🤣加上每樣食物上面有用一啲好靚嘅字體寫咗係咩嘢食🤣-1.意式焗肉丸滿滿蕃茄味嘅肉丸🍡配埋隔離三角形嘅薄餅，唔同口感🫣-2.雞肉蘋果沙律沙律嘅份量都幾大，欣賞佢哋嘅醬汁係分開擺，咁就可以隨自己喜歡黎落～-3. 瑪嘉麗塔皇后薄餅 佢嘅Pizza係10吋，Total切開就有6塊，餅底係偏薄，自己都鍾意食比較薄新嘅餅底，所以好啱我胃口😍-4.肉醬千層寬麵嚟到真係超級熱辣辣，面頭有好濃郁嘅芝士味😍千層麵嘅醬汁夠哂多😋…Read More

喺日本嘅時候已經聽過有呢一類型嘅餐廳，就係可以食雞嘅唔同部位🤣講真，平時最多真係食晒啲雞肉就算，又點會估到雞咁多部位原來都可以食呢🤣真係一個好好嘅嘗試👍👍Must try!!-其實佢有好多雞嘅部位，不過因為選擇困難症所以都係交俾廚師發板🤣叫咗一個Mori Set🫶🏻-1.香菜雞胸沙律好特別嘅沙律，因為佢係撈埋香菜=芫荽🤣我自己就相對上冇咁鍾意食，不過又真係入到口😹-2.日見雞肉棒呢度嘅串燒好香嘅炭燒味，一件雞肉棒配埋漬左嘅蛋黃，食落熱辣辣又爆肉汁😍加埋蛋黃更加香😋-3.雞腎好爽脆嘅雞腎👍點埋柚子胡椒更惹味-4.雞腳筋呢個部位相對上要多少少牙力🤣因為佢唔係好淋身嘅腳筋，燒完之後相對上有咬口🤣-5.雞頸肉真係冇諗過可以咁樣食雞頸肉，雖然應該係比較肥膩，但食落去就唔會有覺得好油嘅感覺，反而覺得係有啲肉嘅口感😋-6.雞皮呢個雞皮真係燒得好好，成串都脆卜卜，好似食緊薯片咁😘-7.雞胸軟骨我自己好鍾意食軟骨，因為易咬得來又有爽脆嘅口感😍-8.雞公冠咁樣燒雞冠刁真係未食過，係滿滿嘅骨膠原😍口感非常之軟糯😋-9.雞腿肉呢個雞髀肉真係好大舊，外脆內Juicy❤️-10.伊比利亞豬肋條食咗咁多雞嘅部位，就叫返一次豬黎食🤣呢個豬肋條豬味幾濃郁，而且唔會覺得好難咬👍-11.白鱔燒到脹卜卜嘅白鱔，白鱔嘅皮好脆，唯一不足嘅就係佢有少少骨，不過依然好食😋-12.白布烏冬烏冬係好特別嘅白布烏冬，佢係又闊又薄嘅烏冬，所以其實食兩三塊都已經夠飽😋-13.甜品甜品係抹茶奶凍，奶味濃郁，為呢一餐寫上完美嘅句號❤️…Read More

自己比較少入到嚟長沙灣，所以都係透過OpenRice去覓食，行行吓去咗長沙灣同荔枝角嘅交界，見到呢張Amusement Eatery，睇過評價都唔錯所以就入咗嚟食🫣-一入餐廳就覺得好有feel，入面有幾個霓虹燈嘅燈牌，幾chill，店員仲安排咗我哋坐打卡位，正呀🤣🫶🏻-1.芝士蕃茄沙律 $98大約有兩舊芝士，下面就係車厘茄伴少少好似黑醋嘅汁，店員就教我哋將一舊芝士分做四舊，每一啖再夾一舊車厘茄嚟食😍入口定係淡水先會食到蕃茄嘅清甜，咬下咬下就會食到濃郁嘅芝士味😋-2.加勒比烤雞 $238呢個烤雞係店員推介，果然係名不虛傳😍首先煮到十分Juicy，香料嘅味道亦都好好食，好惹味，配埋佢提供嘅辣醬，真係幾辣，但係令到成個雞更加昇華😍必點！-3.慢煮西班牙豬鞍 $228豬鞍好大舊，切嘅時候仲流緊肉汁，因為係慢煮同埋豬質素好嘅關係，所以成個豬鞍唔使熟哂都可以，咬落更淋身，配埋酸酸甜甜嘅將可以解膩❤️-4.羅勒青醬大蝦意粉 $188聽講話呢度嘅意粉都係手工意粉，所以食得出係特別啲，比較煙韌😋蝦有好多隻，好足料，朋友係羅勒迷，所以佢對呢個意粉讚不絕口👍👍-5.Hot Chocolate with Rose最後叫咗一杯熱朱古力，覺得呢度好好可以customize，可以自己選擇想加玫瑰🌹味都得😍飲落好香玫瑰味，唔會太甜…Read More

經過尖沙咀嘅韓國街，見到有一間餐廳嘅門面非常之特別，即刻上嚟OpenRice search下，見到原來係食串燒嘅Omakase，好得意，所以就即管入去試吓🤣🤣-一個串燒Omakesa $888一位，好好意頭🤣開頭都擔心會唔會唔飽，不過最咪係食得飽嘅🤣🤘🏻-1.呢個係蟹子胡麻沙律配青森蘋果，下面仲有菜沙律一齊食，好夠凍好開胃👍-2.又冬菇入邊包裹住九州雞脾肉+少少軟骨👍先試一舊釀冬菇，食到濃濃嘅冬菇香，雞肉因為釀左少少軟骨，所以會食到有少少脆嘅感覺🥲加埋溫泉蛋，口感更滑🫠-3.呢個係磯煮鮑魚配日本芽蔥，日本芽蔥嘅味道好濃郁，鮑魚係凍食，磯煮得好入味，夠彈牙❤️-4.店員話呢個係手脷最Juicy嘅部份，配好特別嘅醬汁:大葱煮韓國麻油同美國蘆筍，辣辣地，好惹味🫶🏻-6.燒白鰻配柚子皮，師博將佢先蒸後燒，所以做到外脆內軟嘅口感，柚子皮嘅香味亦都好似滲入咗白鰻咁❤️-7.九州雞翼，上面掃左鹽雞醬，師傅好貼心我哋拆骨，雞皮燒到好香脆👍-8.長洲蝦膏燒黑豚肉包萵筍，好fusion嘅味道，蝦醬唔會好濃郁，所以又唔會搶咗豚肉同埋萵筍嘅味道，幾得意😊-9.美國牛肋肉串配牛油粟米，牛肋肉好淋身，牛味都好重🫶🏻牛油粟米燒得好好食，粟米本身好甜，牛油又香-10.昆布紫菜清湯配白布烏冬，好特別嘅烏冬，湯底係清淡嘅紫菜昆布味，烏冬係比較薄身，好特別👍-11.冧酒焦糖燒菠蘿同紅豆抹茶厥餅，燒菠蘿好好食，加咗焦糖同埋冧酒令到個菠蘿食到酒香同埋更加甜…Read More

所講嘅麻雀雖小五藏俱全，係因為講緊呢間餐廳，竟然有勁多款唔同嘅食物選擇～行過油麻地見到呢一個蕭生阿拉丁公仔，好搞笑🤣俾佢吸引咗之後望一望個餐牌，覺得啲食物都好似幾唔錯，所以就決定今晚食佢啦🙌🏻-呢度嘅燒肉係任食，總共有三個唔同嘅級數可以揀，今次我就揀咗Level2，做會員第一次幫襯仲可以有八八折添！除咗燒肉仲有好多林林總總嘅嘢食，連刺身都係任食-呢度嘅食物分左點餐同埋自助區，自助區有飲品、甜品、熟食、醬汁同埋部份燒烤料可以拎，其他食物都可以透過QR code自己落單-呢度嘅特色真係有好多種類，首先講咗最主角嘅燒肉今次食得比較多嘅就係1 2限定嘅牛肉，食落都真係唔錯，有牛味，大概燒到七八成熟就可以食啦！最回本嘅位haha🤣-另外可以試吓芝士蠔同埋蒜蓉蠔，蠔嘅size都唔細，所以燒完都唔會太細粒-除咗燒肉之外，如果大家覺得唔夠飽仲可以嗌其他小食或者主食，我今晚就叫咗芝士年糕，炸得好脆仲試咗個叉燒拉麵，估唔到佢又幾好食，麵質都幾有咬口；同埋佢隻蛋係糖心蛋嚟㗎！-有嘢食當然唔少得嘢飲，除咗有出面現成嘅嘢飲之外仲有好多自家製嘅選擇，今晚試咗綜合水果茶同埋奶蓋阿華田，好大杯好夠凍…Read More

餐廳嘅地方比較隱世，但係其實都好容易搵到，只要喺地鐵站一出行1分鐘都已經可以搵到❤️一入餐廳就feel到好有格調，好grand，而且待應哥哥嘅服務態度都好好👍食物又好食😋-1.餐包呢兩個餐包都真係唔係講笑，好好食👍烘得夠熱夠脆，其中一個仲要好有特色，有杏脯肉😍淨係個餐包已經咁好食，真係令我哋好期待之後嘅食物啊😋-2.白酒忌廉汁煮青口 $208呢個青口又係令人回味無窮，首先佢嘅數量都唔少，全部都煮到啱啱好，所以青口肉好淋身🤩其次就係佢嘅忌廉汁好好食，本身佢配有一個牛油蒜蓉多士，點完簡直覺得好食到升上天🤣我仲攞埋黎點一開始未食完嘅餐包添👍-3.龍蝦湯 $98龍蝦湯十分真材實料，一飲第一啖已經覺得好鮮味，仲要配有粒粒嘅龍蝦肉，加埋黑椒又有另一番味道🤩-4.野菌欖油意大利麵 $108好惹味嘅意粉，夠辣，而且啲菇味出哂黎，好香😍-5.慢煮牛肋骨真係孤陋寡聞，未見過咁大舊嘅牛肋骨🤣煮得好淋身，入口啖啖肉，成舊牛肋骨都已經入哂味🤣份量大到3-4個人share都夠食🫣🫣-6.意大利芝士餅 $68好特別嘅攞盤❤️中間嘅手指餅仲係好脆身，但係咖啡味又好足夠，食完令人好滿足嘅甜品🤩-7.Avacado and Matcha smoothie $48估唔到抹茶同牛油果出奇地夾，飲落好滑身！而且飲得出店員冇落好多糖，鍾意唔甜同牛油果嘅要試下！😍…Read More

又來到一年一度嘅Anniversary😜之前食過旺角嗰間lab eat，覺得食物好唔錯，所以就趁着今晚去試吓佢哋喺尖沙咀嘅另一間餐廳，睇吓食物如何😍-1.麵包一坐低店員就會送上一個熱辣辣又脆卜卜嘅麵包，食落去有啲紅蘿蔔🥕，點埋醋同埋橄欖油絕配👍-2.Beef Carpaccio w/B.Truffle $288呢個生牛肉好特別，首先佢好夠凍，所以保持到肉類嘅色澤🤩絕對唔怕食完會肚痛，佢上面係有芝士、黑松露同埋火箭菜，所以咬落去嘅第一啖首先係食到黑松露嘅味道，然後就會散發着芝士味，最後就會食到牛肉淡淡嘅味道同埋冰涼嘅口感😍-3.Porcini Soup $98牛肝菌有好獨特嘅香味，飲落好 creamy😋-4.Seafood Spaghetti Pomodoro $288意粉有好多海鮮，海鮮配蕃茄味真係絕配😍意粉煮到軟硬適中❤️-5.Iberico Pork Rack $398有兩大舊黑毛豬，師傅幫我哋煮到七成熟，所以食落好Juicy。因為食咗咁多嘢難免都會有少少飽濟，好彩呢個黑毛豬有蘋果蓉，解膩一流🤩-6.Bailey Mousse Cake $128呢個蛋糕好Moist,Bailey嘅味道都幾濃郁，鍾意嘅人千奇唔好放過🫠…Read More

冇得去旅行，真係超級掛住日本嘅壽喜燒🇯🇵唔知點解喺屋企整極都整唔到出街食嘅感覺，所以今晚就嚟到位於駱駝漆嘅呢一間喰楽🤩-入到嚟好有家嘅感覺，佢只有提供四張枱，全程會有兩位店員輪流照顧我哋四張枱👍唔會覺得被怠慢🎉-一坐低店員就會比一壺白桃烏龍茶，真係好好飲，好濃嘅白桃味❤️呢度總共有四個餐，可以視乎返自己對肉嘅喜好嚟揀，因為我同埋男朋友都係比較鍾意食油脂豐富嘅，所以今晚就揀咗B餐嘅日本和牛🤤-牛肉未黎之前會有一個三式前菜，分別係和牛餃子、菠菜腐皮漬物配洋蔥汁同埋黑椒牛舌配蛋漿，食完都好 refreshing❤️-呢碟日本和牛總共有六個唔同嘅部位，店員會為我哋烹煮，煮之前仲會講吓舊肉嘅特色，咁就唔會浪費咗個牛肉啊🫣個人最鍾意就係肉眼，因為食落係最多油脂同最淋身❤️-除咗牛肉之外，壽喜燒唔少得嘅當然係無菌雞蛋，將啲和牛點埋蛋漿，令牛肉更加滑身，蛋味亦都濃郁😻-當然唔少得仲有配菜，包括洋蔥、芋絲、金菇等等，全部都可以索哂啲和牛同壽喜燒汁嘅精華👍特別正-當食晒啲牛肉同埋配菜之後，店員就會幫我哋準備炒飯，呢個炒飯相對係濕身，但係就會食到壽喜燒嘅味道，加入紫菜同埋飯素，就算已經飽飽地都可以食得晒！-最後用一個豆腐雪糕作結，好濃郁嘅豆味😋…Read More