arseven7's Profile

收工夜晚想食點心，就腳搵到呢間。8點幾入到去有好多位。座位都算舒適唔逼，衛生環境一般。叫左個籠仔飯套餐，鳳爪排骨籠仔飯+螺片瘦肉湯。比正價差9蚊，份量夠2人，都叫抵食。籠仔飯有荷葉飯香，唔錯，螺片湯就淡淡地冇乜味。。。其他點心正正常常夠熱都算唔錯啦。服務方面，啲姐姐都算好聲好氣，唔會黑口黑面。衛生方面，環境算衛生。不過有個小插曲，就係有隻不明昆蟲，從天而降跌落我個身度。成餐飯，一個套餐+3個點心，$176。…Read More

晚餐當晚係平日，7點幾入座後不久開始餐廳滿座，要開始等位了，好好彩不用排隊。 有點可惜餐廳不能電話預約。雖然餐廳位置係商場店舖圍住既走廊中間，但係冇覺得好嘈。cafe座位舒服，可以坐耐啲唔會覺得逼。（今次食飯掛住傾偈冇影餐牌同餐廳環境）😝。唔知係咪因為人氣打卡cafe關係，當晚平日但受歡迎菜式好早就冇😫。一座低職員就站冇飯捲、人氣特飲都冇。。。好失望最後叫左泡菜豬手飯、菠菜闊條麵、Lotus餅焦糖wuffle、另外兩款橘子飲料。泡菜豬手飯：豬手夠林夠入味，熱啲會再好味啲菠菜闊條麵：份量不容忽視，芝士落手亦夠大方，但係預製食品焗得唔夠耐，麵中心有少少未熟🙂wuffle: 當晚最期待，亦冇失望👍🏻，睇相知道幾足料（職員會問使唔使後上，我地見人多怕等所以話唔使😂）服務方面，上菜速度好快，睇到得一、兩位只工係樓面一腳踢，雖然座冇虛席，但係都冇黑面或唔耐煩咁，讚👍🏻。…Read More

平日夜晚飯後時間去食甜品，去到都好多人，要搵位坐，有街坊亦有遊客。我地唔好彩去到係繁忙時間，姐姐都安排我地要搭枱，而且個搭枱客係咁咳😫冇叫出名既b仔涼粉，朋友叫芒果西米撈，芒果夠甜，份量都算大碗。至於我個雪耳木瓜糖水，真的不敢恭維。。。木瓜+雪耳+水煮滾佢咁，冇味😑小食叫左雞翼尖同腸粉，兩樣都保持到水準，最後兩個人都清晒啲腸粉同‘損’晒啲翼尖👍🏻相信下次黎會轉試第二款甜品，小食就照encore。 …Read More

長假期的一個下午，好好彩唔使等位直接入去。店內很少位置，中間一張4人，兩邊一張2人枱（唔記得影相），食飯時間可能要排隊😲今次第一次食，試咗飯腳推薦既燒鴨瀨粉，每人一碗。佢話師傅會整返同幅相一模一樣既成品出黎，每次都係（自行參考相片😚）見到師傅行入去煮，落order唔夠5分鐘，出到一碗，再碗3分鐘又另一碗。見到真係整到同幅相有9成😲。心諗以為咁快，會係hea整。試左一啖湯，好清甜而且好夠熱，瀨粉都係爽身，冇啤水啤到林晒咁。 鴨肉薄身，肉唔太鞋，蘿蔔超級林甜👍🏻👍🏻👍🏻最後連湯都飲晒品嘗呢碗麵時，會感受到師傅既用心準備，蘿蔔既林甜，湯既清甜，麵既溫度，都令食客好滿足。價錢是可接受的程度，份量對女生黎講剛剛好，男生可以差少少。有機會試試其他菜單，會encore。…Read More

病左要戒口，放lunch搵到一間台式養生藥膳湯底試吓~有下午茶價錢，坐位唔逼，服務都正常,落order後好快到。。。 點了藥膳湯墨魚春卷加餃子配冬瓜茶，湯底係重紅棗味，微微有中藥材味，好滋補養生的感覺，餸的份量是下午茶的份量，墨魚春卷係ok，但係果兩粒餃子係味灣仔碼頭架。。。？🤔下次會encore, 試試澎湖A級花枝丸。食物：⭐️⭐️⭐️⭐️環境：⭐️⭐️⭐️服務：⭐️⭐️⭐️價錢：⭐️⭐️⭐️⭐️…Read More