ggbabyy's Profile

📍🇭🇰上網見到有個post推薦元朗新開小店仲要係食我鍾意嘅意粉！🍝所以就滿心歡喜，約咗朋友一齊嚟試吓由於係午市時段，人數比較多我哋兩位排隊用咗30分鐘以上先等到枱不過我哋有特別要求要坐室內嘅枱所以可能耐多少少🤏🏼💡環境 枱同枱之間放得比較埋而且室內嘅走廊位只能夠容納一個身位所以每次要等職員行開，或者其他食客就坐先可以再行前🥺整體環境乾淨企理，燈光柔和令人有種舒適感👍🏼🍴食物 1. 前菜粟米🌽粟米好乾，無汁，無香甜味都無牛油香味🧈 (唔肯定係咪用牛油整嘅)我同朋友都係食咗一啖就無再食🙈2. 南瓜餐湯🎃 無咩南瓜味嘅湯，聞落都冇乜南瓜香味而且好稀，味道好淡，好唔濃郁 3. 薯條🍟 薯條炸得夠脆，食到凍曬都仲係脆嘅👍🏼不過重口味嘅我略嫌調味唔太夠推薦佢🫶🏼 4. 牛肉他他🐂 牛肉唔新鮮，食到有雪味🫩❄️唔係鮮嫩牛肉他他嘅味道，唔推薦5. 鹹蛋黃魷魚扁意粉🦑 魷魚夠腍👍🏼但成個意粉整體淨係食到鹹蛋黃沙沙地嘅口感食唔到好香嘅鹹蛋黃味意粉汁Creamy，但鹹蛋黃味真係唔夠🙈6. 卡邦尼空心意粉🍽️ 調味嚴重唔夠，完全無味亦都無Carbonara creamy嘅味道由於佢係中間空心所以咬落去有時直接唧返啲水出嚟…好奇怪成碟只係得煙肉有味🙈如果嗰一啖唔配煙肉食嘅話只係好似食緊一啖烚意粉咁🥲 7. 巴斯克蛋糕配雪糕🍨無巴斯克蛋糕嘅味道而且中間都唔係軟心嘅🥲如果佢叫做New York Cheese Cake成件事就好make sense…🙂‍↕️隔籬個雪糕幾好食👌🏼🥤飲品 套餐嘅冰茶，幾好飲，好清香🫰🏼🧑🏻‍🦱服務 服務態度其實好好，都係有求必應👍🏼不過服務員互相之間溝通需要再好啲因為未執好枱就叫我哋入座入到去又叫我哋出返去收銀等一陣話未執好🥺🚩同埋🚩建議尊重客人嘅私人物品！有位店員想睇一睇我哋張單但係我朋友部電話咁啱放咗喺張單上面所以佢睇唔到入面嘅內容佢就直接將我朋友部電話拎開去睇其實可以叫我哋拎開，而唔係問都唔問直接掂客人嘅私人物品😐✨推薦分數 : 2.5 / 10…Read More

📍🇭🇰午市時間，食個午市套餐😋用餐限時為1小時45分鐘第三次到訪，不過第一次試午市套餐🤓💡環境餐廳整體都算闊落，乾淨企理播住輕柔嘅英文歌🎶令人好放鬆窗邊嘅餐枱係梳化椅，坐得比較舒服😌🍴食物 🥔薯仔餐湯 🍝奶油檸檬雞肉菠菜意粉旁邊有雜菌一齊煮🍄食到有檸檬味🍋加上有小蕃薯嘅酸酸甜甜🍅令到奶油味少左好多🤏🏼唔太食得出creamy嘅奶油香味雞件唔算腍，仲有幾件煎得有啲燶🫗飲品 🌼三菊花茶 成個茶包放落去浸泡嘅花茶一入口，菊花嘅香味就湧現出嚟💛好清新，好易入口，唔會苦👍🏼仲用環保飲管而唔係紙飲管🧑🏻服務 整體服務唔錯👌🏼 ✨推薦分數 : 5.5 / 10…Read More

📍🇭🇰今次嚟到位於嘅荃灣嘅餐廳朋友推薦，佢話佢哋嘅片皮鴨係必食所以就決定好夜晚嚟食呢一間喇🥰💡環境環境寬敞👍🏼我同朋友每人都帶咗個篋店員都安排到位置旁邊可以放篋整體感覺乾淨，舒服連燈光都好適合幫食物打卡😝🥢食物🦆留香烤鴨 我哋點咗半隻烤鴨2個人嚟食都足夠估唔到仲有隻鴨髀比我哋🙈鴨烤得剛剛好，充滿肉汁😻外脆內軟嘅感覺❤️而且用嚟包肉嘅外皮一直有個熱騰騰嘅蒸籠，下面一直加熱保持到皮嘅溫度，令到成件事好出色整體嚟講好好食😋會再回頭！ 其實仲有食其他野，不過唔記得影相加上唔記得叫咩名😹只係記得有金華火腿，冬瓜，菜，用湯浸住嘅卷非常好食！👨🏻服務 店員哥哥都好熱情主動幫我地揀張隔離放到兩個篋嘅枱又會主動向我哋推薦廚師嘅拿手菜色最後仲主動問洗唔洗草Miles😹好Nice嘅哥哥~✨推薦分數 : 9.5 / 10…Read More

📍🇭🇰今次嚟到位於荃灣嘅新式茶餐廳🍴每次食敏華我都會點黯然銷魂飯！喺現實中都可以食到食神嘅味道👅夠晒港式風味🥰💡環境環境比較新淨，餐枱就比較迫好多時候都要同人搭枱不過呢間繁忙時間長期排隊係要將就下嘅😌 🥄食物🍚黯然銷魂飯有兩隻煎荷包蛋配上5嚿厚切叉燒荷包蛋做到非常流心👍🏼完全保留蛋黃嘅香味！🍳厚切叉燒有少少燶邊，有焦香味！個人來講好欣賞嘅🥰叉燒軟硬適中👌🏼不過希望蜜汁可以再俾多啲 👅飲品☕️薑檸樂夠辣，夠薑味同檸檬嘅味道調和得唔錯👍🏼 🧑🏻服務服務態度正常✨推薦分數 : 8 / 10…Read More

📍🇭🇰今次嚟到位於嘅旺角嘅泰國餐廳已經係第三次到訪！！！每次體驗都好好，食物都好食😋環境方面就唔再多講，直接去到食物嘅部份！🍴食物1. 冬蔭單骨炸雞翼單骨雞翼，食落非常方便！冬蔭味道係有嘅，不過雞翼略嫌偏乾無乜雞翼嘅肉汁，如果有埋就好出色擠埋旁邊嘅青檸，味道好fresh💓2. 泰式涼拌三文魚涼拌汁酸酸辣辣，同三文魚刺身好夾好好食😋完全有泰式風味，推薦3. 蟹肉炒咖喱蛋飯 唔係好辣嘅咖哩🍛所以我唔係好食辣都接受到😻咖喱上枱時已經唔係好熱可能我影相影耐咗🙈所以略嫌遜色少少🤏🏼感覺如果熱辣辣嘅話會好好食4. 泰式和牛舌船麵已經第二次點呢個麵牛舌同麵嘅份量非常驚人！😱有次食得太飽，差啲嘔😹牛舌好腍，湯底非常濃郁🤎整體嚟講非常好味👍🏼👨🏻服務店員服務熱情❤️‍🔥仲主動推薦涼拌三文魚比我哋真係好好食😋！✨推薦分數 : 8.5 / 10…Read More

📍🇭🇰今次嚟到位於屯門嘅泰國菜餐廳呢間係我周不時回頭嘅餐廳🍴每次體驗都幾好👍🏼💡環境環境舒適，清潔乾淨，無異味👌🏼燈光比較昏暗，感覺比較有格調😌慢慢傾下計都有Feel👍🏼🥢食物1. 🥥椰子雞湯 每次嚟到都必點嘅湯！❤️椰香味超級濃郁，材料超級足夠酸酸地加埋椰汁嘅香味，超級融合係有時候，雞肉有少少靭🤌🏼 2. 🦀軟殼蟹米紙卷 軟殼蟹係即炸嘅，上到枱仲係卜卜脆同其餘嘅配料一齊食完全無油膩嘅感覺，好清新👍🏼 3. 🍛招牌臘腸蟹肉炒飯配料比得好足夠，有好多蟹肉🫶🏼好好食，好開胃！每次同媽媽嚟都係佢必點嘅主食😹👩🏻服務 服務正常，無特別記憶點👌🏼✨推薦分數 : 8.5 / 10…Read More

📍🇭🇰今次嚟到位於屯門嘅餐廳2點鐘嚟到，食個午市套餐🤓呢個餐廳位置嚟講70元左右一個套餐係正常價格👌🏼💡環境 環境舒適，枱面及地下清潔乾淨燈光啱啱好👍🏼不過啲吊燈有好多塵希望餐廳可以抹一抹🥹呢個時間嚟到有幾位客人有得坐4人枱雖然我坐2人枱😹🥣食物 1. 🥢擔擔麵一上枱就非常熱辣辣🔥初初唔知道佢嘅花生醬係放埋一邊就覺得湯底好淡，無花生香味🥜所以要留意，自己攪拌好湯底先再食佢就係一個好好食嘅擔擔麵！(如果店員早啲同客人講定會好啲)2.🐓雞絲粉皮調味對我嚟講啱啱好，夠麻香味👍🏼唔係雪櫃雪好攞出嚟，凍冰冰嘅青瓜絲粉皮幾滿意，好快就食曬😘👨🏻服務 服務唔錯👌🏼✨推薦分數 : 8 / 10…Read More

📍🇭🇰今次嚟到位於迪士尼樂園嘅餐廳🍴朋友提議不如嚟呢間餐廳食入到嚟都好多人，好彩都搵到位坐😋 ✨環境外面有少少似馬戲團嘅設計🎪裏面賣食物嘅分咗幾個區域分別係食唔同國家嘅菜式餐廳座位其實都算多👍🏼仲有唔同嘅公主雕像👑幾有氣氛不過地下係凹凸不平嘅石路由於要自行推餐車去座位所以推嘅時候成架車會震震下😹點咗湯食嘅要注意下⚠️🍴食物🍕意大利肉腸薄餅套餐 ($140)比到我手嘅時候Pizza都暖暖地Pizza嘅份量非常充足！一個人食都完全夠飽💕調味都足夠，肉粒同肉腸都俾得唔吝嗇👍🏼芝士做到拉絲效果🧀唯獨是側邊偏乾，所以無食到側邊個皮樂園質素嚟講都OK🐭服務店員嘅服務態度都唔錯，有面帶笑容☺️幾有禮貌👍🏼✨推薦分數 : 6 / 10…Read More

📍🇭🇰下午茶時間同男朋友突然想打邊爐見到呢間無落場之前有食過佢嘅旺角分店覺得好食就決定做回頭客啦💓✨環境環境舒適，坐得舒服，冷氣夠大枱櫈都乾淨🤩🍲食物 美國極黑和牛肩脊肉放題套餐🥩牛肉夠嫩，唔會煙韌👍🏼元朗分店嘅好處就係可以一人一鍋💓可以各自各點自己想要嘅湯底我同男朋友分別點咗 : 💛藥膳蟲草花桃膠雞湯微微嘅藥膳味🌬️份量好足夠嘅蟲草花同埋桃膠🤩味道調得啱啱好！好夠味好濃郁！開始打邊爐之前我都不停飲個湯底🥰 🤎日本壽喜燒Sukiyaki湯好夠味嘅日本壽喜燒湯底！甜甜地配搭牛肉食係一流🫶🏼非常推薦！👧🏻服務可能咁啱係佢哋員工嘅食飯時間人手比較少，所以舉好耐手都無人得閒回應直接行出去都唔容易見到員工嘅身影😹不過店員服務態度幾好👍🏼✨推薦分數 : 9 / 10…Read More

📍🇭🇰由於喺上面樓層嘅餐廳食完午餐落嚟同朋友傾陣計所以就只係試咗佢嘅茶🍵✨環境我哋坐喺餐廳外面嘅座椅🪑但都屬於商場入面坐得好舒服，有涼涼嘅冷氣🌬️小清新風格，環境非常乾淨🤍 🫖飲品🍊柑橘洋甘菊茶 淡淡地黃綠色💛聞落有陣清新嘅柑橘香味仲有少少洋甘菊嘅花香🤍兩者味道交融，恰到好處有種淡淡的甘甜味帶到種清新而平靜嘅感覺🍓果莓國寶茶淺淺嘅紅茶色🤎聞落有陣酸酸甜甜嘅莓香味飲落有少少帶酸嘅莓味味道比起柑橘洋甘菊茶嚟得衝擊但都值得一試👍🏻💁🏻‍♂️服務 店員服務態度好好，好有禮貌👍🏼 ✨推薦分數 : 9 / 10 …Read More

📍🇭🇰今次嚟到位於啟德嘅檸檬茶專門店睇戲之前有啲口渴😋見到附近有間幾出名嘅檸檬茶店之前飲過都好好飲，今次決定做回頭客😆大約等咗10分鐘多啲就拎到嘢飲啦~🥤飲品 🍋鴨屎香檸檬茶 ($32)唔記得嗌少甜所以一入口個甜味係非常衝擊😹平時嘅我應該會點半糖香水檸檬嘅味道好突出反而香水檸檬嘅酸味就無乜加上烏龍茶茶底，味道好融洽👍🏼 呢間檸檬茶店我會推薦大家Order半糖或以下🍬因為甜度真係甜得太誇張又唔似某部分店鋪會幫人預設少甜😆 👩🏻服務 服務態度正常，店員都算係快手👍🏼當時都有唔少客人等緊👀但10分鐘我哋就拎到檸檬茶！ ✨推薦分數 : 8.5 / 10…Read More

📍🇭🇰一人燒肉又得，同朋友一人一爐又得推薦Lunch time時候過嚟😙👍🏼💨環境地方闊落不過醬汁樽身同埋枱面有少少油笠笠🤏🏼由於係一人燒肉嘅關係抽油煙機唔係每枱一部所以力度唔係好夠🙈🥩食物🥢牛五花套餐 100g ($48)套餐包括 : 一碗珍珠米飯，泡菜，日式湯，沙律🥗100g 五花肉一共有6片肉質正常，感覺偏油呢個價錢唔可以要求太多😹另外，我試咗佢大部分嘅醬汁🫙-燒汁✨比起出面嘅燒汁鹹，好好味！-鹽味醬✨帶香料嘅鹽味，唔會太鹹-蘿蔔蓉牛扒汁 ✨帶酸味，能夠帶出牛肉嘅香味-胡麻醬✨同燒牛肉唔太夾 湯味道夠，好夠熱🔥！珍珠米飯同泡菜正常發揮👌🏼👩🏻服務服務態度唔錯👌🏼✨推薦分數 : 7.5 / 10 …Read More

📍🇭🇰今次嚟到位於嘅流浮山嘅海鮮餐廳屋企人見到網上嘅評分唔錯就揀咗呢間餐廳幫我哋加工海鮮🦞味道唔錯，但係好唔老實…🌚❗️有3嚿龍蝦背肉不翼而飛⋯⋯❗️❗️請廚師們老實啲，攞咁多真係好明顯❗️💡環境 有分上下兩層，枱都有唔同大細，照顧到唔同人數嘅食客👍🏼雖然係大排檔，但係整體感覺乾淨企理✨ 🥢食物 1.薑蔥蒸象拔蚌🐚 (加工)本身打算做象拔蚌刺身老闆推薦用蒸嘅方法，佢話係佢哋嘅招牌🤔點知真係好好食！完全食到象拔蚌嘅鮮味💗加上薑蔥同埋豉油麻油香，味道鮮美😋2.薑蔥炒生蠔🦪 (加工)鹹味足夠，蠔嘅生熟程度啱啱好👌🏼仲保留到蠔嘅水分💧3.蜜糖雞中翼🐓雖然外皮偏乾身，不過蜜味足夠🍯如果肥美啲，無咁乾瘦會更好食老闆娘都好好，知道雞翼比較細隻特登比多一隻我哋🤩4.椒鹽焗蟹🦀 (加工)椒鹽落得足夠，好味👍🏼5.炸生蠔🦪 (加工)外皮非常酥脆，無油益味🫶🏼裡面嘅生蠔仲係鮮嫩多汁，整得好好6.芝士龍蝦伊麵🦞 (加工)特別要求咗多芝士🧀️老闆都即刻同廚房講真係超級多芝士🫕成個碟都係！味道好好👍🏼❗️不過……❗️⚠️我哋帶去加工嘅龍蝦切出嚟有5件龍蝦背居然有3件都係得返個殼比我哋😓摷過晒成碟，確實係無跌到出嚟…攞走仲多過我哋食到嘅，真係太猖狂…再次希望廚師們以後老實啲… ⚠️ 👨🏻服務樓面招呼周到，態度好，好回應客人所需👍🏼 ✨推薦分數 : 5 / 10✨食物嚟講我10分推薦，但可信任度我比0分👉🏼所以唯有5分推薦🌚…Read More

📍🇭🇰咁啱去到附近要食早餐見到好多人喺度食緊，就試試佢🧐 💡環境 半露天嘅感覺外面嘅行人經過都近到好似喺隔離咁🤔枱同座位唔太乾淨，有種油笠笠嘅感覺😣 🥢食物 1.雞蛋生菜腸粉🥚 雞蛋味好濃郁！生菜都食得出係新鮮嘅👍🏼不過外面嘅腸粉就唔夠滑，比較乾身同埋非常之吸鼓油，變相唔太夠味初初食都仲OK，食到後來就覺得好難入口 2.炒米粉🔥一啲味都無嘅炒米粉😣完全係食緊用水烚完再落鑊炒兩炒嘅米粉而且一啲鑊氣，一啲香味都無配料同米粉嘅味道非常之分離我個人真係唔太鍾意🤌🏼 🙋🏻‍♂️服務服務唔錯，幾熱情❤️感覺良好！ ✨推薦分數 : 2 / 10…Read More

📍聽講西九龍中心有好多好味嘅小店入到嚟就隨心揀咗一間試一試🤓💡環境喺一個轉角位，非常之容易搵到不過同其他台式飲品店一樣，只做外賣買完可以喺隔離food court嘅枱櫈度慢慢品嚐👌🏼👄飲品 🥑牛油果鮮芒果芝士雪沙由於幾樣材料都係偏”杰”身，再加埋冰沙所以用吸管唔太容易吸出嚟🙈牛油果味唔算太濃郁，芒果有少少酸🤏🏼而且我係芝士重度愛好者🥹所以會覺得芝士味唔太濃郁🧀雖然裏面嘅蒟蒻粒粒增加咗多一層嘅口感但係本身已經難吸出嚟，加埋蒟蒻粒令到個口食到有啲攰😹 🙋🏻‍♂️服務 服務態度唔錯👌🏼 店員都有提返某啲payment會收手續費✨推薦分數 : 5.5 / 10…Read More