bbconnie's Profile

第一次去食無限刺身供應、第二次諗住再光顧、點知變咗串燒放題、中晒伏、每人得六片刺身、全消又冇乜選擇、我唔知佢究竟有啲乜嘢值得俾$298、酥皮龍蝦湯竟然同我講冇酥皮:(最離譜係食日式放題竟然冇嘢飲包埋、嘢飲要另外計。。。希望佢做返第一次個放題！！！…Read More

素食分子 (北角)北角堡壘街2-4號地下.Food: ⭐️⭐️⭐️.We Order: 價錢至 2017.06- 招牌脆米炒飯 $98- 士多啤梨素香骨 $88- 牛肝菌福果浸菜芯 $88.Recommend😍:- 脆米炒飯大碟又好𡁻口, 唔太喊, 驚唔夠食嗌呢個飯不錯- 士多啤梨素香骨, 小妹少食素, 呢個菜將猴頭菇食落好似食緊紅肉咁, 真心有驚喜.Price: $150+ per person (Dinner).Atmosphere: 北角小店一間, 隔幾個鋪位又另一間食素, 但氣氛我比較喜歡呢間, 枱與枱之間唔迫, 冷氣足夠.Overall Comments: 服務員態度非常好, 熱心介紹菜式俾我地, 雖然淨係食咗三樣嘢, 但食物水準唔錯…Read More

爆丼屋旺角豉油街50號地下8號舖朋友仔send咗啲海膽自助餐宣傳俾我睇,呢兩日海膽深深在我腦海徘徊, 終於自己一個人,都忍唔住去咗食海膽午餐Food: ⭐️⭐️⭐️.We Order:- 三色海膽盛丼 $238.Recommend😍:- 淨係食咗一樣, 當然暫時淨係可以推介呢樣喇, 但我都沿路入去都有昅下人食啲乜😆, 水準望落都唔差....Price: $200+ per person (Lunch).Atmosphere: 旺角小店一間, 女人街尾, 枱與枱之間好迫, 呢個要去食嘅時候都預咗, 有8個吧枱位, 一個人去食都好正, 冷氣足夠.Overall Comments: 唔駛排隊嘅話, 我下次會去試其他嘢, 海膽新鮮, 但唔係新鮮到可以同日本比下去, 過下口引, 係香港黎講, 真係滿足到我....#相機食先 #topcitybiteshk #hkfood #hkfoodlover #hkfoodstagram #hkfoodstagran#hkfoodblogger #hkrestaurant #hkfoodporn #hkfoodie #hkfooddies #hkfoodblog #hkfoodpic #foodiehk #hongkong #foodblogger #foodlover #foodlove #foodpic #foodporn #instafood #lovefood #japanesefood #hkjapanesefood #japanese…Read More

同朋友仔相約好耐想黎呢間鋪頭試吓呢度嘅西班牙油炸鬼好耐...終於有機會試吓啦☺️Food: ⭐️⭐️⭐️.We Order:- All Day Breakfast $98- Strawberry Churros $88- Churros Tapas $108- Detox Water (Strawberry Basil) $68.Recommend😍:- All Day Breakfast, 如果一個人試, 又咸又甜一之過試晒, 又唔駛食4 pcs 咁Heavy...西班牙油炸鬼上到黎都係熱辣辣, 新鮮度滿意.Price: $200 per person (Tea).Atmosphere: 小店一間, 最多可容納六至八張枱, 時日星期六下午兩點半去唔駛等位, 枱夠大座得都舒服, 鋪頭空氣流通, 唔會太凍.Overall Comments: 老闆係 K11 有間- PAN de PAIN Pancakes & Sweets, 兩間都食過, 走日本風甜品小店, 食物水準一定保證, 工作人員服務態度滿意, 有時間又想行行下街休息下食個甜品可以一試, 價錢比 K11 Paccakes & Sweets 相宜一點又唔駛排隊 .#相機食先 #topcitybiteshk #hkfood #hkfoodlover #hkfoodstagram #hkfoodstagran#hkfoodblogger #hkrestaurant #hkfoodporn #hkfoodie #hkfooddies #hkfoodblog #hkfoodpic #foodiehk #hongkong #foodblogger #foodlover #foodlove #foodpic #foodporn #instafood #lovefood #westernfood #hkwesternfood #western #hkdesert #desert #condesert…Read More

話說唔夠時間買早餐, 請同事幫我買咗個香腸包...一見到就覺得好似好好味...點之食咗一啖...好脆....牛角包嘅質感, 又軟又脆..配合埋入面濃郁而結實嘅香腸做出了非常高層次嘅口感對比星期五食一個咁美味嘅早餐, 真係心情開朗, 輕鬆愉快…Read More

今次已經第二次黎...第一次唔識叫..所以係咁睇隔離枱叫啲咩,等我下次黎可以知道點叫...第二次同朋友仔去終於識叫喇...非常滿足嘅一餐!We Order: - 加拿大海膽 😍- 白酒煮活青口 😍- 韓國海膽 😍- 生蠔 😍- 牛仔骨...大廚煎得塊牛仔骨好香口, 油脂邊食落脆脆地, 食到脂肪位牛油味滿瀉, 唯獨是我覺得煎得太熟, 有少少過火, 食嘅時候咀嚼多幾次- 煎鵝肝...表面個層煎得金香, 但如果裡面再熱少少應該會更加正- 活赤貝Recommend:- 加拿大海膽...新鮮到不得了,  一啖食落口全被海膽包圍我口腔, 海膽肥美厚身, 海膽痴的我推介- 白酒煮活青口...青口嘅尺寸少少,但非常鮮甜, 主要都係用黑椒白酒調味, 白酒汁非常濃郁白酒味道, 青口痴嘅我去到每間餐廳有青口嘅話, 一定係我必叫菜式, 呢個白酒汁甜中帶濃但又唔太鹹, 朋友仔連啲白酒湯都唔放過想飲埋佢...- 生蠔...話明食 Oyster...梗係要推介啦, 新鮮唔駛講就一定, 款式都算多, 大概都有十零二十種過你揀, 價錢合理, Iris Moster 超大只, Creamy, 帶子位爽甜..下次再返卓之選Price: $1200 for two person (including wine)Atmosphere: 長枱設計, 一張枱估計應該可以坐20人, 另外有一張兩人枱丶一張四人同一張6-8人, 應覺好隨便, 輕鬆Overall comments: 有好好味嘢食, 靚靚嘅老闆娘得閒過黎吹下水, 型仔嘅大廚老闆見佢煮嘢食非常用心, 雖然有時佢地因為多人會好忙, 但我去親都唔趕時間, 飲杯酒 hea住食我反而勁鐘意...呢度將會成為我成日去嘅餐廳名單之一了...…Read More

因為要係呢幢大廈上堂嘅關係, lunch 嘅時候就唔想走黎走去, 就誤打誤撞就中咗入黎呢間茶餐廳食個LunchOrder: - 咖喱牛脷飯 $50 (+$3 熱飲)...一般到我都分唔出佢屬於新加坡咖喱、馬來西亞咖喱、日本咖喱定係印度咖喱...買相已經一般,啲咖喱汁係甜甜地, 唔辣, 食落無咩咖喱味, 白飯較為軟身, 牛脷好似係水煮完之後將啲咖喱汁放上面唔係一齊煮, 但都算爽口Atmosphere: 非常大, 大概有40~50張枱 (4人位計)...冷氣非常足夠, 自行搵位, 可搭枱, 自己出去埋單Overall comments: 除咗跟一般茶餐廳一樣上菜快, 食物水準確係一般…Read More

去咗龍璽幾次, 每次都令我覺得食得好舒服, 靚景就唔駛講, 食物精緻, 睇黎都要寫篇食評記錄下先得...食過咩 Order:- 老京蜜餞吊㕚燒...蜜糖佈滿每一塊叉燒, 肥瘦適中, 上碟仲係熱熱地, 但價錢要$100 以上, 有商榷餘地- 冰燒三層肉...推介- 黑松露素粉果...食落口就即刻有好大陣黑松露味, 但蓋住咗啲蔬菜味, 粉果皮唔太厚, 可接受- 叉燒包...非常普通- 金玉參脆筒腸粉...腸粉皮入面包住脆脆地嘅米紙,餡料有海參, 但比較難食得出, 普普通通- 立方荔芋盒..鬆脆唔油膩- 龍璽燒賣王...好大粒蝦, 彈牙之作- 南翔小籠包...普通- 生拆海蝦貴妃泡飯...推介- 酥皮蛋撻...普通, 唔太甜, 如果熱啲應該會好好食- 沙巴海蝦餃..皮薄好煙靭, 足料海蝦好鮮甜- 鮑汁鳳爪...可以唔駛叫, 無驚喜- 響螺燉湯...清甜得黎又唔覺得佢有味精, 飲完想再飲- 鴛鴦所雙絲餃...普通- 軟殼蟹脆腸粉...好新鮮感覺,但食落好似怪怪地, 腸粉同軟殼蟹再加鼓油, 唔係好夾, 食食下索性分開來食- 健康紫薯壽桃仔...唔係好識得紫薯嘅味度, 我比較喜歡傳統壽包- 野菌炒星班球...普通- 香芒乳酪慕絲...普通- 紅莓鮮淮山...食得出係新鮮制作, 紅莓汁唔太甜, 准山好爽口, 食完感覺好清新要食啦 Recommend:- 冰燒三層肉...對小妹黎講最鐘意係佢食落口一啲都唔肥膩, 每層肉都分配得好鮮明, 點芥末食落少刺激感覺, 唔點嘅話啲肉汁原味出晒黎, 睇自己個人喜好喇, 我個人就鐘意唔點,食原味- 生拆海蝦貴妃泡飯...美食金獎, 湯鮮甜得黎再加脆脆米飯, 咀嚼滿足度一流, 唔知係咪因為要突顯個湯嘅鮮味, 我覺得淡咗啲, 但仍然值得一試Atmosphere: 門口富麗堂皇, 裡面裝修反而清雅大方, 枱與枱空間足夠, 坐窗口位仲可以俯瞰維港, 其實我最鐘意係佢廁所個景, 點都要去下Overall comments:  上到101食嘢, 三百零蚊就有靚景, 有美食, 有服務, 三五知己聚一聚又唔會俾人趕, 飲個茶都係唔錯選擇, 我最鐘意係雖然佢地身處 101 ICC, 但無限制你要著老西, 華麗衣服先上得去飲茶, 服務員對每位客人都用心招待, 再俾多個讚…Read More

同朋友仔今次去到一個我極之少出沒嘅地區搵食, 因為俾佢嘅餐廳外牆設計而吸引決定去試一試...We Order:- 卡邦尼長通粉 $58...推介- 香煎墨魚餅 $32...超市買返屋企自己煎都得,入面無咩墨魚粒, 好普通-  海鮮南瓜汁燴意大利飯 $73...唔係好食到有南瓜味, 但啲海鮮幾足料, 我同朋友兩個人大家都應該可以分到每人兩只蝦, 仲有魷魚,帶子,蟹柳, 意大利飯軟硬度適中, 但上枱嘅時候就碟飯已經係暖暖地, 感覺上好似一早煮定咁,有改善空間 - 芝士焗雞軟骨棒 $38...超市買返屋企之作,食唔到入面有雞軟骨, 但鐘意依芝士嘅芝士人可以一試, 芝士份量真係好多,你會好開心喔- 綠茶慕絲蛋糕 $28...無咩特別Recommend:- 卡邦尼長通粉, 呢個有驚喜, 小妹通常叫卡邦尼都會問下餐廳可唔可以轉長通粉, 自己愛好, 覺得卡邦尼最重要係個汁,而長通粉就可以做到吸晒啲汁一齊食嘅效果喇...轉番正題, 上枱熱辣辣, 個忌廉汁比我預期中濃郁,長通粉軟硬度剛剛好,仲有好多煙肉, $58 可以有咁嘅質素, 唔推介我都對唔住自己Price: $120 per person (Dinner)Atmosphere: 大概可坐 8 - 10 枱, 感覺好壓迫, 要訂位, 佢好似有兩輪, 我地食8:30 pm 個個時段Overall comments: 值得一讚係店員服務好, 會同你講解菜式份量, 大概要等幾耐, 叫甜品時仲會俾啲意見我地選擇 tim. 價錢真係呢度賣點之一, Pasta 類最貴個個都係$78, 小食都係大概 $38 到 $58...佢地仲有set dinner, 不過我地諗住散叫可以試多啲嘢...抵食之選…Read More

一去到就有小插曲...一班內地粉絲専程跑來光顧, 點之冇定位白走一敞...so bad! 大家要試記住訂位喇!We order: - 加拿大海膽墨魚汁意大利飯 $188- 亞拉斯加蟹肉芒果牛油果沙律 $138- 法國藍青口配白酒忌廉汁 $178- 生蠔 $時價Recommend:- 法國藍青口配白酒忌廉汁, 青口新鮮,質感滑啫啫, 食落第一口會帶有少少海水味但之後就會甜甜地, 白酒忌廉汁幼滑,令你冇辦法抗拒來多一客多士點啲汁黎食 Price: $350 (如果每人大約食兩只蠔), 叫酒就...自己睇住喇... Atmosphere: 可以放 6-8 張枱, 燈光暗暗地都幾浪漫, 但啲枱與枱其實都幾近,好容易聽到隔離枱講嘢 …Read More

其實新蒲崗好多隱世小店, 本來打算去個區食一間Openrice 得獎嘅越南野, 點之遇到一啲激氣嘢等咗一個鐘之後,我同朋友仔就即刻轉軑去搵其他嘢食, 就係唔相信成個新蒲崗都搵唔到好嘢食...點之真係黃雀在後...呢間食店就係Mikiki對面,都幾方便We Order:- 男子漢丼 $88...推介- 軟殻蟹反卷 $78- 一口牛脷粒 $58- 鐵板三文魚扒 $68Recommend:- 男子漢丼...食材分量十足,有厚切三文魚刺身新鮮,食完好有滿足感,一小排海膽味道濃郁, 一塊厚燒鰻魚味道剛好, 一小團紫菜吞拿魚蓉刺身,豆腐皮一塊, 成個丼抵死度高Price: $100 per person (Dinner)Atmosphere: 小店一間, 最多可容納六至八張枱, 因為星期日去多人可能要等一陣, 座位都有少少迫, 但可接受, 34度高溫嘅日子, 間鋪頭空氣流通,唔會食到一身汗, 又唔會太凍, 佢地仲會播啲日本歌, 一路聽一路食, 唔錯!:)Overall Comments: 嗱,呢間餐廳個名都話咗比你聽係「丼」海龍王, 我建議各位第一次去,又或者千里迢迢去食嘅話,叫佢地一系列嘅「冷丼」就無死, 佢地啲丼同卷份量都好多, 我哋三個人叫咗一碗加啲小食都已經好飽, 叫嘅時候不妨留意隔離枱叫咗啲咩, 睇下啲份量之後再叫嘢食, 佢地每日會有特別菜單貼出黎,但唔係好顯眼,我地食完先見到:(,所以冇機會試下, 最後想講唔知佢地係唔係 Family Business,人手其實唔夠, 得兩個人係樓面招呼, 要叫幾次先應到你, 但無論等位,入到去叫嘢食, 等加茶,佢地都表現得好親切, 和藹可親.一間餐廳食得開心除咗食物質素之外, 有時候食物帶點人情味都會令到人食得好開心,而呢間小店...我覺得佢地做到了:)…Read More

牛魔皇出沒, 價錢相宜, 又叫到成枱都係牛, 開到零晨四點,問你怕未We Order 叫咗咩:- 真雪花牛肉 $200...推介- 喜來烤肉 $150...一片片薄燒, 燒完唔晒點咀嚼就風一般吞左落肚,肉質食落尚算新鮮- 牛肉眼 $150...好薄唔好預佢係厚切- 蛋拌生牛肉 $160...雪梨條太粗喇, 唔可以細緻分佈係啲生牛肉到, 食起上黎好似雪梨還雪梨, 牛肉還牛肉, 啲牛肉調味後偏淡- 石頭飯 $78...不過不失- 蔥餅 $80...呢個幾好,煎到啲邊燶燶地,食落香脆- 韓式烤豬皮 $98...硬膠皮一塊,本身係完全無味道,要靠自己係張枱見到咩調味汁,左調右調黎食喇, 考大家自家調味功夫Recommend: - 真雪花牛肉, 肉脂分布均勻, 煎完點少少少少韓式燒烤豉油就夠喇, 食落口啲油同肉汁一齊食, 美味...因為佢唔似得A5和牛脂肪比率超多,所以多幾快都唔覺得濟住濟住Price: HK$200 up (Dinner)Atmosphere: 環境OK啦, 佢地呢間店上都好大, 座位與座位唔會太逼, 成班朋友嘻嘻哈哈都OK, 因為成個場本身就係嘈Overall comments: 抵食之選啦梗係, 係TST個幾條韓國街食韓燒, 呢間都真係叫抵㗎喇, 服務唔算太好,可能要叫幾次先叫到佢地過黎, 每位侍應哥哥姐姐其實都真係好忙,我地都好了解, 所以都無咩所謂,反正呢間嘢都唔係食Services...唔怕排下隊可以一試, 一至六仲開到零晨四點, 宵夜好選擇…Read More

想去好耐好耐,但係我個飯局list仲有太多太多餐廳想去,次次都排唔到佢,今次機緣巧合朋友仔Book埋枱,終於去到叫咗咩 Order:- 一帶一露...其實即係海膽伴青瓜,海膽新鮮,味道濃郁- 牛油燒花竹蝦...燒得好,唔會燶晒出黎,蝦肉彈牙-涼爽生葵牛脷👎🏻...本身牛脷係無味,主要係靠佢個調味汁,酸酸甜甜無咩特別- 清酒煮花蛤...feel 唔到花甲有半點清酒味, 好似白灼完先放清酒一齊煮嘅感覺- 牛油炒露荀...ok wor, 用牛油炒嘅露筍又香又甜- 燒安格斯牛柳粒👎🏻...Dry 到呢...食牛肉乾咁- 燒美國牛脷芯😍...推介啦- 燒芝士年糕...無咩特別- 燒珍寶網貝...熟得濟,粒帶子食落質感唔軟綿綿- 燒雞軟骨👎🏻...跟本就係炸雞軟骨, 失望- 燒墨魚腸😌...推介- 燒味魚干...無咩特別- 燒飯團...無咩特別- 溫泉蛋香蔥拌飯...無咩特別Recommend: - 牛脷芯, 成餐最好食竟然係佢, 一上枱就聞到香香嘅串燒味, 加埋少少檸檬汁食嘅話, 成件事就冇咁肥膩, 咬落去入面好多肉汁, 個texture 好柔嫩, 食落口唔會有種好似平時食牛脷尾部有啲食渣嘅feel...佢地應該用咗牛脷中間最嫩個部分去做, 番卓系列- 燒墨魚腸, 上到抬已經切好一片片, 個賣相烏卒卒咁,初頭睇個樣以為唔好食。哈! 食咗一舊又覺得幾好味,好有咬感喎,一路咬一路食到啲墨魚粒粒,唔太鹹, 可以一試Price: HK$300 up (Dinner, no wine)Atmosphere: 入到去裝修嘗可,我地坐下層獨立房一間,非常Ok, 叫嘢食要響噹噹先有人開門落orderOverall comments: 碟碟都好似居酒屋小食佐酒份量,三五知己吹水飲下酒都可以, 但有時間限制喔!…Read More

成日都見人放張黃包包可愛相,終於搵到朋友仔唔怕早起身, 人地一開鋪就走去食叫咗咩 Order:- 睇住流奶...其實真係要睇住, 佢真係會流, 即叫即蒸, 食落成口都係奶黃真係感覺無比幸福- 鴿吞鳳梨...其實即係鳳皇酥,入口成舊麵粉多個啲餡,個人黎講叫一次影下相就算, 唔好抱太大期望- 花膠蒸飯...啲飯軟淋淋入晒啲汁,都幾好味- 有色蝦餃...普通蝦餃, 整色整水之作- 麥皮塘蝦...呢個被Fake咗, 啲蝦可能調味時間多少少好啲,唔係太夠味, 同埋啲麥皮上唔到落隻蝦到,啲蝦食嘅時候無咩麥皮係個蝦身- 香茅牛肉...嘩呢個ok喎, 第一次食有香茅嘅牛肉球, 成粒牛肉都勁有香茅味,好新鮮嘅味道配搭- 叉燒蒸腸...非常一般腸粉- 糖不甩丸...水準一般- 開心果刻...其實即係一粒類似開心果嘅朱古力,濃郁嘅朱古力, 開心果味就唔係好食得出- 楊枝甘露棉花雲...呢個真係估佢唔到, 個布甸入口即溶, 又唔太甜, 入面真係有芒果肉, 好香芒奶味, 質感好滑Recommend: - 睇住流奶- 楊枝甘露棉花雲我地11點去,大概食到1點走,門口已經排晒隊...如果真係唔想排隊,最好食早啲個輪喔…Read More

其實我呢啲九龍人真係無咩必要都好少過海飲茶,朋友仔細路加拿大返黎想食啲特色嘢, 今次就試下新派嘅茶樓啦...We order 叫咗咩:- 竹笙蟲草花浸白菜 - 好細碟,只夠一個人食- 鳳尾蝦芋角 - 好鬆脆- 白雲苦瓜(蛋白梳乎里焗小小苦瓜粒粒)- 雪山叉燒包 - 推介呀- 春風得意腸粉 - 一般水準- 豬潤燒賣 - 推介呀- 時菜牛肉球 - 推介呀- 蒜蓉蒸排骨 - 一般水準- 蛋撻仔 - 唔太甜, 熱啲會好味啲- 叉燒腸粉 - 腸粉皮太厚咗少少- 素菜粉果 - 一般水準- 原只鮑魚雞粒酥 - 推介呀- 海苔九肚魚 - 俾紫菜搶晒啲味Recommend 必食推介: - 原只鮑魚雞粒, 足料鬆化夠熱- 酥雪山叉燒包, 好欣賞佢皮薄餡多- 豬潤燒賣, 豬潤新鮮超肥厚- 時菜牛肉球, 無肉鬆粉「嗱」過啲味, 掂Atmosphere 環境：夠大寬敞，食物上餐時間不錯，服務態度預期水準...:)…Read More