Nic mo's Profile

星期日下午做完facial ，帶著口罩行左陣街，熱到想死。見到街口有間幾chill嘅coffee shop, 毫不猶豫衝入去。叫左杯decaf iced long black 同 scone，志在除下口罩抖抖氣。一落完單，咖啡同鬆餅9秒9就ready，真係好有效率。我揀上樓上坐，坐位繼續有隔板分隔，即使 坐窗口位，其實都唔係好望到外面講返咖啡嘅質素，我覺得正常囉，我叫decaf冇選擇只得一款豆鬆餅就非常唔好食，第一係凍嘅，冇問過我駛唔駛翻熱，淨係問要唔要牛油同jam，第二鬆餅本身冇牛油香，好實好甜，唔建議大家叫佢嘅鬆餅不過如果只係想坐低涼冷氣抖下嘅，都好過去附近天仁茗茶嘅…Read More

星期六通常係補眠日，起得身出得街都係食下午茶嘅時候。難得今個星期六要早起出中環做啲嘢，就約表姐去食個難得嘅週末午餐。Dear Lily一直喺to go list，但係遲遲未去，一路聽閒唔訂位要排長龍⋯⋯今次行開去IFC就碰運氣睇吓有冇位，1點去到約坐滿一半枱，唔駛等就可以即刻入坐餐廳出名裝潢古典，乾花天花、心形枱卡位都係大家嘅打卡位。今次坐唔到卡位，但係都近窗邊望出去係摩天輪，幾靚午餐係set lunch分2-courses / 3-courses，有3個starter, 5個main揀。我哋揀咗Salmon Tartare, chicken breast 同 lamb, 另外share 左個 brownie 點菜後，先上麵包，麵包係focaccia，兩個人有4片，麵包味道中規中矩，冇咩驚喜。Salmon Tartare 擺碟幾靚，而且份量都唔細，不過味道就一般，主菜我揀咗lamb moussaka ，佢係希臘名菜，芝士焗羊肉碎加茄子，睇落好細份，食落好鬼漏，不過味道都唔錯。表姐揀grilled chicken breast，佢話雞肉唔鞋而且味道都ok。至於甜品nuts brownie ，賣相唔錯，不過略嫌brownie 乾身左啲，如果可以moist 啲會更好，個人喜歡Mrs Field brownie 嘅口感。我哋另外點左2杯咖啡（regular/ flat white)，regular coffee 好strong nutty flavour ，thick body，我喜歡佢開揚嘅景觀，令人可以放鬆下，食物同咖啡都唔錯，好啱兩三知己食嘢傾計。差唔多走嘅時候，見到好多人點tea set ，下次可以試吓…Read More

約友人星期五尖沙咀晚飯，想揾間餐廳可以靜靜地傾吓計，上openrice 揾到呢度，見有不少好評，就試試佢啦。book左7:30，前一日餐廳打電話嚟confirm booking，電話中問要唔要訂和牛扒同海鮮拼盤，我覺得好奇怪，一問之下，侍應話如果唔預訂，到時候冇得即場order。當時我心想，我連餐牌都未睇，點可能咁早訂嘢食，唔通去呢間餐廳的都係熟客，熟到唔駛睇餐牌order我準時7:30到，餐廳已經差不多滿坐。友人要遲少少先到，我就點住杯白酒飲吓先，可以逐杯點的白酒得兩款，我選左 Sauvignon Blanc 。友人到達後，我地就先點2個前菜（deep fried crab cake / Hokkaido Scallop Carpaccio)。侍應跟著就放底麵包籃，麵包籃得4粒麵包，我地問有冇refill，侍應話要加錢先可以再比麵包，我地覺得餐廳此舉好mean，所以寧願唔要兩個前菜嘅味道，不過不失。帶子刺生嘅份量適合最多2個女仔share，擺盤幾靚，不過帶子味道唔夠鮮甜。蟹餅蟹肉餡好豐富，味道唔錯我想再續杯，友人亦想飲少少酒，所以我地再睇酒牌，今次揀一支Chardonnay ，侍應落單後，隔左陣就返嚟話冇貨，我唯有再揀過，要一支Riesling，又隔左陣，侍應今次話Riesling 唔夠凍，問我仲要唔要，梗係唔要啦！唯有要返第一支Sauvignon Blan⋯⋯主菜我地揀左Prime Rib Eye，牛扒肉質同味道都超乎預期，係3道菜中最好餐廳位處尖沙咀，我地唸著可以慢慢食傾吓計，點知未到10點，侍應已經要我地埋單，雖然我地超愕然，唯有都埋左單先。我地仲有大半支酒未飲完，所以繼續邊飲邊傾。冇幾耐，開始有人清潔樓面，再過左陣，侍應再走過嚟提我地佢收舖，當時只係10點幾，咁比人趕法，我地只好放棄支酒離開坦白講，間餐廳食物中規中矩，性價比一般。但係服務就真係唔得，問題唔係侍應嘅態度，而係作為食客嘅我地感受到餐廳有幾mean，斤斤計較…Read More

適逢Restaurant Week，訂了位同家人重温舊式扒房据扒。星期四晚上的中環，街上人來人往，位處雲咸街頭的Jimmy’s Kitchen 非常易找。餐廳有酒吧部分，下次再跟友人Happy Hour。餐廳保留舊式扒房裝潢，非常有情調。老爸說自己幾十年前於中環番工時有光顧，小妹倒是第一次。Restaurant Week 有特別的餐牌，三道菜晚餐$298，實在抵食。我幫老爸點了surf & turf （+$88），其餘我們各點了牛扒及龍蝦，前菜有三文魚沙律及法式洋蔥湯，我當然點洋蔥湯，畢竟我是看中了餐牌有法式洋蔥湯而訂枱的。其實一坐下來，侍應已經拿著麵包籃過來，麵包選擇有法包、香草包、蕃茄包、麥包，我們每人都點了2款麵包，個人覺得法包最好，香脆可口，蕃茄包太濕，妹子說她選的香草包有很濃香草味，她很喜歡未幾，侍應奉上前菜，除了妹子選三文魚沙律，我們都選法式洋蔥湯。不枉我為洋蔥湯而來，洋蔥湯香氣四溢，湯上的法包芝士焗得香脆。評定一碗洋葱湯的好壞，首先由洋葱味道是否夠濃開始，第二重要的是洋葱要熟要軟，但必須保持質感，還有是湯身要較稀。在湯面的麵包要乾身耐泡，芝士要金黃但份量不能太多，否則會搶走洋葱的甜味。此湯完全附合美味洋蔥湯的要求。主菜方面有燒安格斯肉眼扒及燒波士頓龍蝦，肉眼扒肉質軟滑，肉味雖說不上很濃，但配合燒烤煮法，味香可口。龍蝦倒是有驚喜，雖然只得半隻，但蝦肉爽口Juicy，配上蒜頭牛油汁，更提鮮。甜品有兩款，朱古力mousse 及火焰雪山（+$96），我們選了兩客朱古力mousse，1客火焰雪山分食。小時候，老爸經常帶我們去西餐廳食火焰雪山，每次都非常期待侍應點火一刻，好懷念。長大後，有時都會食火焰雪山，但大多的餐廳都做得不好，最差的試過所謂的雪山內竟然只有brownie, 西瓜粒、忌廉，冇雪糕。是晚的雪山外型跟小時候食的樣子差不多，侍應點燃威士忌酒再淋上蛋白霜面，妹子開心得要拍video。切開後，厚厚的蛋白霜下是雪得非常冰的雲呢拿雪糕，中間有朱古力醬。回憶永遠都是美好的，火焰雪山都是小時候食過的最好食…Read More

喺鰂魚涌食晏得一個「趕」字，趕揾位、趕食、比人趕走。之前睇FB見太古坊附近開左間烘焙咖啡店，一直想試試。咖啡店位置其實不難找（對於太古坊工作嘅人），店面光潔，裝潢簡約清新。今日中午前來，已經有2-3枱客人，見都係食湯、三文治嘅輕食。飾柜內陳列少量嘅蛋糕，收銀處旁邊放著新鮮嘅麵包店有提供午餐，可選三文治、湯、咖啡及蛋糕，自由選擇配搭。我問店員可否揀麵包代替三文治，店員大方答應，於是我揀左「熔岩芝士包」配「蕃茄什菜湯」餐（$60）店員著我先找位置坐下，佢替我加熱麵包再送上，非常細心。我於近窗位置吧枱坐下，雖然窗外風景欠奉，但係獨個兒午膳，可以望吓外面都唔錯丫「熔岩芝士包」比我想像中嘅size細，加熱後嘅麵包尚萛鬆軟，可惜芝士份量及味道未如想像中豐富，而且亦沒有「熔岩」嘅感覺，整體只萛合格「蕃茄什菜湯」材料都豐富，味道都幾濃郁，合格以上值得提提，店員窩心服務，我食完一陣間，店員立即送上暖水一杯。跟其他趕客人盡快離席嘅餐廳相比，此店非常難得其實$60嘅午餐，鰂魚涌選擇都唔少，比此店份量多嘅亦很多。不過，若偶爾想找個清新小店，無需「趕」住食嘅，可以試試…Read More

元朗omakase，小妹只試過壽司之神、壽司源，前者印象麻麻，後者喜出望外。再訪元朗食omakase ，想試試新店，於openrice 找到零負評新店「鮨一心」，決定訂位一試。小店好找，是夜訂了7點，入內只見壽司枱放了兩位用餐的擺設，店內只有日籍壽司師傅及一後生仔侍應。安坐後，端上熱茶及餐牌，我們二人選了$1500的omakase。不一會前菜開始送上，我心有點奇怪，不明白此店為什麼沒有問客人有沒有特別喜好或討厭的食物。前菜-啫喱温泉蛋，配搭頗特色，口感味道亦不錯刺身5款-生蠔、𩶘魚、北寄貝、吞拿魚、白身魚，生蠔爽口富海水味，蠔味亦佳，可能我個人不欣賞𩶘魚，是道刺身我不欣賞，另外3款刺身，我最愛北寄貝，味鮮爽口，吞拿魚屬腩位，雖不可以說十分肥美，亦富油香。刺身後到燒物，燒鱸魚魚鮫，鱸魚魚肉太硬，魚皮燒後亦太韌，我對此物不敢恭維。之後兩款煮物，更另我卻步，其中「汁煮吞拿魚」實在太腥，我要請同伴幫我將之完成。另外，「煮蟹肉炸芋球」味道單一，蟹肉味欠奉，調味也太重手，太咸。經過燒物及煮物的失望，我對8款壽司寄望極高，日籍師傅經驗老到，希望不會令我失望。可惜.....𩶘魚壽司首先登場，魚味淡，但作為第一款登場的壽司，我沒有異議。第二款出場的壽司竟然是熟蝦，我懷著信心一口咬下，失望！因為此熟蝦完全冇蝦味.....第三款帆立貝壽司，師傅提我兩不要點豉油。還好，此帆立貝味道尚可接下來是鰹魚壽司及池魚壽司，兩款都不是我所好，尢其池魚壽司上，師傅放了生洋蔥及蒜，兩者都是小妹最討厭的食物，其實如果事前師傅會問客人喜惡，就可避免客人的不愉快。再登場的是象拔蚌壽司，爽口鮮味當我以為漸入佳境，跟住出場的大拖羅吞拿魚壽司，將我徹底打敗。大拖羅吞拿魚賣相不錯，我滿懷希望放進口中，可惜此物丁點魚油香味都沒有，如果我沒有看到是大拖羅，單從味道，我完全認不出是吞拿魚，失望至極！最後一道壽司是「三文魚籽海膽壽司」，由它味道再好，都不能令我擺脫大拖羅的陰影之後的魚湯及提子啫喱，不提也罷。…Read More

金鐘最近好熱鬧，除左開左全球第一間嘅Mcdonald's next，仲有梗有一間喺左近嘅7-11開左全新面貌嘅Daily Cafe。地點係力寶中心以前江山笑嘅位置，由金鐘廊行去，或者由中環嗰邊去都好方便。講真，第一次行過嘅時候，完全唔覺得係7仔，由門面到裡面裝修，都唔係平時見開嘅7仔。黑白型格設計，配上raw raw地嘅原木枱椅(無錯，7仔竟然有枱椅比係坐低食嘢，驚喜！)，同埋鐵線吊燈，好有型！食物方面，有齊凍柜嘅輕食(三文治、沙律、鮮果杯、果汁等)，仲有現場即焗嘅麵包、muffin、牛角酥。最驚喜嘅佢嘅熱食，menu分早餐、午餐、下午茶。叫得Daily Cafe，梗有咖啡啦，咖啡選擇好齊，Americano、Cappuccino、Latte之外，仲有mocha等等。80後應該有食過7仔軟雪糕，當年佢突然消失，相信大家都覺得可惜。2016年，軟雪糕回歸7仔，仲要係進化版，聲稱係日本3.5牛乳造嘅軟雪糕。2016年番工嘅第一餐lunch，跟同事選擇試新嘢，試左佢嘅湯麵同軟雪糕。湯麵嘅選擇都幾豐富，可自選湯底(清湯/蕃茄湯/喇沙湯)、麵款(烏冬/拉麵/水晶粉)，餸款選擇仲多，除左一般車仔麵餸之外，比較特別嘅係溫泉蛋同好大粒嘅香辣肉丸。我試喇沙湯加水晶粉，揀左辣肉丸、蘿蔔、泰式魚餅，同事揀左喇沙湯烏冬配芝士腸、鹵水蛋、雞亦同日式叉燒。喇沙湯真係有驚喜，湯頭有香濃海鮮味，椰香啱啱好，配搭水晶粉最正。至於3.5牛乳軟雪糕，佢以waffle裝住軟雪糕，雖然價錢比以前貴，不過質素真係唔錯。店員仲推介我地買多杯expresso加落去食，即係而家好hit 嘅affogato，果然冇介紹錯，最啱鍾意飲咖啡嘅我，好飽足嘅一餐。下午茶時間，真係要落嚟hea吓，買支果汁加件blueberry cheese cake，坐出外面曬吓，扮去左西貢飲afternoon tea…Read More

今日係年終清假最後一日，瞓醒落高街再試新餐廳。今次由救恩行到正街，逐間睇menu，其實冇咩心水，見依間店員主動搭訕，咁就試吓你啦！Set lunch有4個course，湯或沙律，主菜（$98起），甜品同咖啡茶，另加一。我揀左吞拿魚沙律，margarita pizza（$98）。先送上麵包藍，係兩塊長法包，暖暖地有d脆，不過同Italian Cuisine嘅比，我鍾意後者多d。吞拿魚沙律嘅份量都適中，不過太多olive oil，食到成口油，生菜都萛生鮮，如果加少少黑橄欖，會惹味d.Margarita pizza有8-10寸闊，開8件。我鍾意薄又脆嘅餅底，依個pizza底我都ok鍾意。pizza上枱時，侍者同時送上一支非常大支嘅辣椒油，睇真d，應該係自家用橄欖油同辣椒浸嘅，我怕太辣，第一次只係落左幾滴，一試，點解冇味嘅？！跟著就落多d喺碟嚟點，講真，我唔太食得辣都覺得冇辣味，鍾意食辣嘅，一定唔鍾意囉。講番pizza味道，因為芝士落得夠多，食嘅時候有拉芝士絲嘅效果，讚！以平淡嘅margarita口味，萛合格。跟餐送嘅甜品係急凍tiramisu，跟預期一樣，唔好食，唔講完全唔知係tiramisu，建議cancel送甜品，轉加錢換，同時提升甜品質素。總括而言，la terra set lunch食物質素不及italian cuisine. 不過真係要讚店員嘅服務，非常主動細心！…Read More

作為西友兼住附近，都只你幫襯過兩三間喺高街嘅餐廳，趁放大假，一於試吓新嘢。成條高街變晒天，中學時，成日喺度食lunch，而家全條街變左soho咁，中西日韓都齊，而小時候幫襯開嘅，只淨番新寶馬……依間餐廳就正正喺新寶馬隔離差唔多兩點去到，餐廳都8成滿。我坐喺落地玻璃傍嘅枱。雖然已經兩點，我都仲可以點set lunch。set lunch有3個courses. 頭盤有3個choice （是日餐湯/caesar salad / feta cheese green salad），我揀左caesar salad，主菜都有幾個choice，好似有牛扒、魚、意粉同西班牙海鮮飯，我揀左西班牙海鮮飯，另外會送咖啡或茶，是日甜品係fudge brownie & ice cream（加$15）。好快侍者送上麵包藍，麵包應該係自家製香草包，熱辣辣好味，點d油醋更正。沙律亦好快送上，好大碟，抵食！羅馬生菜好新鮮爽口，海撒沙律汁味道唔太酸，夾埋麵包粒同芝士，一齊食，正！當西班牙海鮮飯送上，我心想“唔駛咁大碟啩”，個飯賣相靚，配料非常豐富，有齊大蝦、八爪魚、蜆、青口、三文魚，每一啖都可以食倒海鮮，大蝦新鮮爽口有蝦味，依點要讚，事關好多餐廳嘅大蝦都會唔新鮮。因為太好味，我竟然可以KO晒成碟，結果飽到食唔落甜品 最尾嗰杯咖啡都唔錯，好滿意嘅一餐，下次要試埋dinner..…Read More

行街行到累累地，揾間cafe坐吓抖抖。本來想去euro go go食個tea，不過經過見到甜牙牙，見未試過，一於試吓。入去揾位坐，聞到好似有d變壞左嘅奶嘅味 見有下午茶餐揀，點左個香蕉窩夫加雪糕，佢送是日特飲（熱薰衣草茶），咁嘅價錢都萛幾抵。窩夫好快到，造型唔差，用竹籤串起晒d窩夫，旁邊放香蕉同雪糕，心唸都唔錯呀，比green waffle diner平咁多。餐具係用一隻膠杯盛住，我攞刀叉出嚟開餐，發現把刀勁污漕，我出動私伙濕紙巾捽左好耐先ok :( 正唸住食番件鬆脆嘅窩夫時，一刀切落去先發現，件嘢勁柴皮，乾到爆，一切就碎裂晒…… 唯一可以食嘅係朱古力雪糕同d香蕉真係冇下次 …Read More

年底要清假，最正就係瞓到自然醒，再出動去揾食。之前睇電視介紹一間越南三文治，一直好想試，今日終於有機會。店舖喺佐敦恒豐酒店附近，好易揾。店仔細細，專做外賣，只有兩張吧椅供堂食。我三點去到，冇咩人，叫左個招牌法包三文治（半條），加杯熱咸桔仔水。三文治即做，好快有得食。個包非常脆，餡料唔萛非常豐富，其實份量最多嘅只係醃蘿蔔，越南法包三文治嘅精髓-鴨肝醬，份量好少，如果唔係食正嗰啖，都唔知佢有落。其他餡料味道萛一般，整體感覺係麻麻地，最讚只係個包好脆。…Read More

成日搭車經過名店坊，一早已經知Simplylife會進註銅鑼灣，等了再等，終於開業。星期六下晝2點，約左妹子食個飯，我兩個有豐富食Simplylife，貪心叫兩個餐加甜品，食唔晒要打包嘅經驗。所以今次只叫一個餐加甜品。以為一定唔駛打包，可惜，都係食唔晒，Simplylife太抵食！！新店位置相當易找，喺EL CID隔離，室外坐位都幾好feel，可惜天氣咁熱，都係坐番室內，首選有落地玻璃望告士打道嗰邊。我地到達時，已經有6張枱嘅人等位，心唸有排等啦，又唔係喎，我地等左10分鐘就有位，一路等一路睇吓蛋糕柜，佢嘅蛋糕同其他分店唔同款，仲有d完全未見過，好似chocolate cube，外形四四方方好趣緻。等等吓，有d肚餓，發現佢有麵包供試食，我地試食左dried fruit pumpernickel，麵包好有質感，仲有唔同乾果，好似無花果、杏脯、提子乾，好香甜，我地引唔住買左兩片（$15/片、$45/4份1個）嚟食。話咁快有位，可惜我地坐唔倒落地玻璃嗰邊。我地望吓餐牌，好驚喜發現新店比金鐘店多好多選擇，有成20款brunch set揀，一律$128加一，包湯或沙律，主菜，汽水或果茶，加$12送咖啡。我地鍾情佢嘅pizza，香脆到不得了，最終揀左ham & mozzarella cheese pizza，沙律同果茶，唸住而叫多兩件cake或者danish，可惜，我地想試嘅款式售罄，唯有下次再試，好彩一早叫定個raspberry danish，如果唔係都冇得食。Raspberry danish最快到，用木盤裝住，賣相真係好靚，妹子等位時見倒，已經話一定要食。我地想食完咸嘢先食甜品，唯有放佢埋一邊，雖然都擔心佢會唔會林左冇咁好食。沙律亦好快送上，同其他分店一樣，隋沙律或者湯都會跟一片麵包，今次嘅麵包好脆，可能啱啱焗起。沙律味道清新，亦有多款新鮮蔬菜，可惜亦有好多生洋蔥…… 主菜pizza係永冇甩拖嘅選擇，大大個pizza，可分8件，餅底香脆，topping超豐富，我地叫嘅ham & mozzarella cheese，有起碼6-7片大大片嘅honey ham，我地好努力咁食，可惜都食淨2件要打包，無辦法啦，妹子要留肚食甜品。我用刀切落件danish度，聽到好清脆嘅咔一聲，我心唸真係咁脆？！再切多刀，都一樣發出清脆嘅咔一聲。我地仲擔心放得耐會冇咁好食。Danish裡面有吉士醬同新鮮紅桑莓，一啖咬落去，先食倒danish上香脆嘅杏片同牛油香，然後係甜度適中嘅吉士醬，吉士醬香滑而且份量剛剛好，有時份量太多會反而唔好，攪到食嘅時候漏晒出嚟，而家份量適中，既可以食到吉士嘅香滑，又可以食到紅桑莓嘅酸酸甜甜，好balence.…Read More

自小時候睇小忌廉，已經非常鍾意班戟，特別係捲成三角形，裏面有豐富忌廉同生果嗰d。可惜當時香港得好少地方有得賣嗰種班戟，印象中只有媽咪帶我去銅鑼灣大丸嘅food court，先有得食。長大後，仍然對班戟有無明嘅好感，雖然選擇而家多左好多，法式crepe有咸有甜，不過仍然鍾意捲成三角形嗰種有生果、忌廉同雪糕嘅多d。家住西區，從openrice知道有間班戟店喺屋企附近，即刻去試吓。可惜，好幾次都太多人，等唔倒位，唯有打退堂鼓。今次星期日下畫時間，成5：30過去，等左一陣，就有位。舖仔真係細細，裡面bar枱外，得3張二人枱，唔怪得咁爆。舖頭主打班戟，仲有賣其他甜品，好似芝士蛋糕咁，當然仲有飲品，好似抹茶牛奶同smoothies，仲有鮮果汁。我點左香蕉焦糖醬特濃咖啡雪糕班戟加杏仁碎半份，見廚師於開放式廚房即做，舖內立即瀰漫香甜味道。班戟捲得似雪糕筒幼幼的，面頭係鋪上杏仁碎嘅雪糕。一啖咬落去，食倒班戟嘅皮香脆，特濃咖啡雪糕真係有非常香濃嘅咖啡味，喜歡咖啡嘅朋友一定鍾意，香蕉伴著鮮忌廉同焦糖醬，味道還可以，沒有太大驚喜。可能之前睇食評太多人讚，抱著太大期望光顧，小店極其量只係做到本份，或者依區冇類似食店，佢係唯有選擇。…Read More

每逢屋企有人生日，我地都鍾意去新開嘅餅店買蛋糕，今次都唔例外，媽咪生日，妹子提議去佢公司附近嘅新餅店試吓。其實我完全冇聽過依間餅店，不過妹子話有同事試過話好食，咁就試吓啦。我上openrice睇過，原來佢都有兩間分店喺觀塘，食評都唔差，仲有媽咪最愛嘅拿破崙，一於試試。妹子早兩日去舖頭訂貨，佢嘅拿破崙有兩款，分別係芒果同士多啤梨，媽咪愛士多啤梨，所以冇揀芒果。佢一個士多啤梨拿破崙有成十幾粒大大粒士多啤梨鋪喺面，好靚呀，睇見即刻想食。拿破崙有兩層，中間夾著吉士醬同士多啤梨粒。拿破崙嘅酥皮薄薄地仲好脆，切落去可以聽倒咔嚓聲。中間嘅吉士醬唔太甜，雖然厚左少少，食落膩左d。不過，我地本來唸住食件細細地嘅，食完都覺得唔夠滿足，食多左一件。題外話，個拿破崙都幾大件吓，一個4個人想一次過食晒，真係好難，除非你淨食蛋糕，唔食飯啦。食唔晒，唔想浪費，放雪柜第二日再食，即刻大打折扣，酥皮林晒，唔好食喇。提議大家，搵多幾個人分享，一次KO佢。…Read More

同友人傾開計，講開中華廚藝學院有間靚view酒店喺薄扶林，佢好有興趣試，於是book左個lunch。其實間餐廳行會員制，好彩識人係會員啫。我地book1：45，但係last order係1：30，於是我地order定，費事真係過左1：30先到，冇得食。當日餐單其實有d攪嘢，唔大路（同我以前喺依度食過嘅lunch set 相比），我地揀左4 course set (即係連甜品），頭盤分別係炸蟹餅拼西芹沙律同燒吞拿魚拼火箭菜沙律，湯揀左菠菜忌廉湯（雖然佢有另一款清雞湯），主菜就真係好難揀，佢有3款，一款係香煎魔鬼魚翅，另外係我地揀左嘅是日精選烤肉（酥皮焗三文魚）同香煎牛仔肝（calf liver）。平時lunch set 總有號豬、牛扒同雞都冇，所以我地揀嘅時候都好苦惱，唯有希望同學們煮得好d啦。我地book左車位，泊完車入大門開始，service都非常好，lobby嘅同學們好有禮貌，上到6樓T Hotel嘅同學仔都好好禮貌。我們坐望正海嘅枱，好靚呢！serve我地嘅同學，好快過嚟同我地對preorder嘅menu. 好快跟住就上麵包，麵包款式都有好幾款，個人最鍾意德國包。可能我地preorder左，上菜速度極快，頭盤好快出現我地面前，我嘅吞拿魚沙律ok，微微煎過嘅吞拿魚獨有嘅口感，配合清新沙律菜，好一個開胃菜，至於友人嘅蟹餅，我試食左少少，都萛香脆好味，不過略為油膩，好彩都跟沙律，可以中和吓。菠菜忌廉湯綠油油，食落好creamy，正，攪到我地一路飲湯一路食包，停唔到口。至於主菜方面，我嘅酥皮焗三文魚，賣相真係零分，塊三文魚係碎濕濕嘅，淨係得包住佢嘅酥皮係完整嘅，唔知係切到尾，攪到咁肉酸，定係學生們失手……三文魚唔滑，我預左，不過真係好鞋囉，唯一可以讚個汁幾好味，冇左佢真係食唔落。友人嘅calf liver，好適合鍾意食內臟嘅朋友，講真，好蘇，友人雖然食開肉臟，都食唔晒全碟……最後嘅甜品，好彩味道唔錯，特別係友人嘅椰子mousse，好有椰香，口感細膩，唔會太甜，佢一啖不留。…Read More