KaryYip7178's Profile

之前其實都嚟過熟食中心食飯，不過就係食隔籬嗰間日本嘢，今日行過發現呢間新舖頭就決定試吓佢🤪睇咗餐牌我覺得都還好，食物款式唔算好多但係每樣都有啲，同埋$168呢個價錢我本身都冇特別期望，純粹想試吓過吓癮食吓燒肉😝點知……..一放啲肉出嚟睇啲色水就知道唔係cheap cheap貨色，食落去係真係有牛肉味，同埋佢哋嘅醬汁食落去唔會好鹹，唔似係出面現成嘅醬汁🤭牛舌食落去係冇雪味！！同埋切得夠薄😭出去食三百幾蚊位嗰啲都未必有咁嘅質素個爐雖然唔係好大，但係因為夠火力所以唔使擔心兩個鐘會食唔夠飽魷魚圈燒落去食都好煙韌😍忍唔住叫埋一碟酥炸魷魚圈，個炸粉唔厚，熱辣辣咁食好好味呀🫢我一滴汁都冇點到同埋每位會送一隻大蝦🍤好多肉仲要已經裏面cut開咗一半同埋飲品款式都好多，呢樣值得再讚下，因為有時出去食放題都係得一啲好甜嘅汽水或者得一款茶，呢度無糖茶最少有三款，仲有anson lo 代言嘅ooha😍😍整體感覺食完真係好開心同埋有驚喜，一定會再嚟食，下次想試吓佢嘅散叫，蛋包飯嗰啲😋😋…Read More

本身上網見到人講起柴犬主題嘅cafe,見佢新開就諗住試吓入到去地方唔大，但坐得都ok午餐時段嗌一個主菜就會送杯嘢飲($30內)，都幾抵呀，上環地段卡邦尼意粉食落去唔錯，大家都食得幾開心都期待之後嘅嘢食點知……佢哋嘅炸嘢我覺得用咗千年油，同埋炸過龍個炸魚有一舊一切開係冇肉嘅…即時同負責人反映，佢話係用黑啤做炸粉，咁所以就咁黑之後再補返一舊俾我，個色爭好遠喎！我再去佢哋個社交平台睇，淺色好多有叫到麥樂雞，都係比較深色但食落去正常有個吉列牛三文治我冇影到，個牛肉熟到咬唔開😓即刻冇晒心情走，唔會想再食😓😓😓…Read More

前菜有Combo Tacos 最左邊係魚子醬海膽和牛，中間係藍鯨吞拿魚配牛油果，然後就係帶子我哋係由最右邊開始食起，藍鯨吞拿魚好新鮮，牛油果零吞拿魚魚油感覺提升，但係又唔會感到好油膩然後就係紅蝦意粉，個意粉係佢哋自己手造嘅，嗰張執有濃郁嘅龍蝦味，比較起海膽意粉，我覺得紅蝦意粉更勝一籌然後就嗌咗日本特級和牛，美國菲力牛扒等等每款肉其實食一舊都已經好飽不得不提佢哋嘅side dish,都做得好出色！一定要食佢嘅忌廉芝士薯蓉，菠菜同埋炸薯條😋地址－Beefbar Hong Kong (中環)中環雪廠街16號Club Lusitano2樓環境／設施－環境好靜，係典型嘅拍拖餐廳特色－米芝蓮扒房嘅特色當然係食牛🤣評分－4.5/5.0#本地遊#景觀餐廳#浪漫約會餐廳#foodie#夏日搵食推介…Read More

放假因為疫情問題冇得去旅行，暑假又唔想去酒店同人迫所以就揀咗去離島行吓~呢間餐廳新開，營業時間亦唔係特別長，我見個主題係食蛋所以就決定試吓🤣😆前菜Parma Ham沙律$69Parma Ham比較咸，一定要配菜先食到比較特別係佢嗰片麵包，係自製嘅🤣肉眼牛扒$189牛扒好普通，比較特別係佢自己整嘅醬😬薯蓉係最出色！！一定係自家製食落去好順滑卡邦尼意粉$80意粉送到上枱嘅時候，侍應會即時磨芝士亦建議我哋即刻食用明白佢嘅做法係最傳統嘅做法，但係個蛋汁食落口有啲苦…意粉好似冇落鹽，我諗唔係個個接受到嗰個口感同味道，而佢嘅煙肉亦好肥，好似食緊叉燒咁嘅口感多個食緊煙肉🥶甜品西多士係我最欣賞嘅！因為佢係用有粗粒嘅花生醬做餡料😍食落去好有咬口同埋好香😌新鮮炸起嘅西多士真係零舍好食🥰🥰🥰地址－是蛋 (長洲)長洲北社街49號前座地舖環境／設施－座位比較少，比較逼夾人均價格－$200評分－3.5/5.0…Read More

因為有朋友鍾意食燒肉，所以今次佢生日我就帶佢去食呢一間高級燒肉店~呢間舖頭位於銅鑼灣其實都算方便，地址都唔難搵嘅一坐低叫咗每人一個最貴嘅晚餐燒肉set 大概$800左右會有七片牛肉，一碗白飯，一個前菜~叫完套餐之後我哋就諗住叫番杯啤酒啦🤣因為燒肉配啤酒真係一流😋點知個侍應話得返一杯生啤酒….果下我哋都覺得不能接受，一間咁大間嘅餐廳，星期日呢啲熱門時間應該要預好貨量…..最後個侍應請咗我哋每人飲一杯果汁，但我哋已經冇乜心情食😂啲燒肉就由最瘦食到最肥，肉質唔錯，每一塊都係侍應幫手燒嘅，其中一塊佢燒過火，有燶味…果下已經覺得算啦快啲食完就走吉列牛三文治($500)睇相係唔錯嘅，但食落去食唔到有牛味，個感覺好普通….地址－Nikushou (銅鑼灣)銅鑼灣耀華街38號Zing! 22樓環境／設施－四個人坐唔會覺得迫，但係附近其實都好多枱，成個場好似冇乜冷氣咁，好熱同埋會搞到成身都有浸油煙味，一間高級嘅燒肉店唔應該有咁嘅表現….特色-唔覺有啲咩特色人均價格－$1000評分－2.5/5.0 #foodie…Read More

我好掛住….泰國！近期地鐵開通咗之後，多咗好多人嚟九龍城覓食😋基本上唔係太差嘅泰國菜，每間出面都會有返10個8個人等今次我食呢一間泰式燒王，其實都係咁岩經過見到覺得唔錯先試一試燒牛肉真係好出色！唔會太肥亦幾重牛味，價錢$98豬肉炒河炒得夠乾身，食落去冇咩特別 $68蒜蓉包睇落去好似好靚咁，但其實聞落去冇乜香味，蒜頭亦冇乜味道….個黃咖喱就好似平時食軟殼蟹咖喱嗰種咖喱，用嚟當汁咁點蒜蓉包，係唔錯嘅地址－泰式燒王 (九龍城)九龍城南角道19號地下環境／設施－環境迫迫夾夾咁，但係冷氣夠涼，唔會太辛苦特色－燒牛肉！必食人均價格－200評分－3.5/5.0…Read More

咁啱嚟荃灣愉景新城行街,見到有一間叫茶餐廳2.0嘅餐廳，睇落去價錢又唔貴，所以就決定試一試😆今次我哋兩個人去，食咗一個雜扒鐵板餐($108),一個中式小菜($78)埋單$198!冇加一! 如果住喺附近嘅人可以煮少一餐落嚟食都抵呀🤣鐵板餐我揀咗飲羅宋湯，有小驚喜位😳就係個湯裏面竟然有牛肉啊!!😂一個$100嘅鐵板餐有咁嘅質素嘅湯，真係幾驚喜㗎🤣好多雜菜亦食得出唔係平時嘅菜頭菜尾，飲落去辣辣地幾開胃㗎😍雜扒餐裏面有一隻蝦🦐一條腸🌭 一塊牛扒,雞扒,豬扒😋好多料隻🦐搣咗殼之後其實得好少肉，食落去仲有少少梅，但可接受~牛扒有少少驚喜，切開見到啲肉應該係五成熟😮平時茶餐廳質素應該都有七成熟，佢會煮到五成熟真係唔錯，唔使擔心放喺鐵板太耐會全熟🤣亦食得出唔係梳打粉醃好耐嘅牛扒😍食落去有牛味🐂🐂🐂豬扒就冇乜特別，雞扒就有用類似香茅嘅嘢醃過，食得出有少少味精😕食到一半嘅時候個侍應先拎跟餐湯嘅多士俾我，所以我即時整咗啲肉同腸仔落去食🤣🤣中餐食咗XO醬翠玉瓜炒豬頸肉🐖🐖侍應一拎到上枱之後我係嚇一下😰哇！好足料啊！好多瓜同豬頸肉😱最後我哋係食淨咗少少瓜同肉🤭舊瓜佢切落去唔係一片片，好似一小個三角形咁~炒得好入味，平時出面食嘅未必做到😎同埋有一點值得一提就係佢真係用珍珠米🍚食落去好煙韌同埋都好大碗，男士食都會夠飽😌而個中湯就普通味精湯，唔好抱太大期望😕總結:都會再去食嘅，因為價錢真係好相宜同埋味道其實唔差😛地址: 茶餐廳2.0 (荃灣)荃灣青山道398號愉景新城第二層2029號舖評分:4.5/5.0…Read More

呢間麵包店長期好多人排隊買佢哋嘅bagel雖然好出名但係我冇試過🤣反而牛角包我就食得多，新鮮出路係好鬆化今次我試咗佢個冰心麵包(抹茶味) $25比我想像中多cream，抹茶味超濃仲要唔係好甜😍夏天食冰心包真係一流😝地址－享樂烘焙 (新蒲崗)新蒲崗大有街3號萬迪廣埸地下E舖環境／設施－算係一間好整潔乾淨嘅麵包舖特色－各種口味的貝果！同埋米粉做嘅包人均價格－20評分－4.0/5.0🔥🔥🔥🔥#foodie…Read More

新蒲崗雖然多工廠大廈，但亦都有唔少好食嘅舖頭今次我就試咗呢一間米線，短短三年都開咗四間鋪，初時以為係一啲抄習嘅米線舖頭，但上網搵嗰啲資料發現，原來都好似幾多好評喎🤣今次我去食嘅時候係下午茶時間，好抵食！$40包兩款餸仲包凍熱飲品，然後仲有like 社文平台page可以優惠價$5加配一個小食😍😍😍簡直係窮人恩物🤣👍🏻今次叫咗一碗麻辣中小辣米線，食落去嘅時候唔會覺得好油😙辣嘅感覺亦唔會麻到條脷麻痹咁，幾好😆如果好食得辣嘅建議試吓大辣🔥🔥🔥個五穀米線食落去其實冇咩分別，但叫咗五穀米線就感覺自己好似健康咗咁😝😝兩個加錢嘅小食分別係尖椒皮蛋同埋蒜香雞翼尖雞翼尖食落去就爽嘅，但係好似唔係好夠熟，啲肉係咁痴住喺骨度😭有啲失望尖椒皮蛋個皮蛋就麻麻哋，食落去好癡牙總結兩個小食因為係加錢$5一個所以就冇咩特別要求，平平哋有樣嘢食下咁~地址－Ben哥米線 (新蒲崗)新蒲崗大有街3號萬迪廣場地下B舖環境／設施－坐得舒服，冷氣又夠大特色－有五穀米線，暫時人均價格－$50評分－4.0/5.0#foodie…Read More

outback而家越開越多分店，呢幾年我都有買佢哋嘅會員而我覺得最抵食嘅方法就係買佢哋嘅外賣！😆佢哋有一個外賣menu,大部份都係$80-100內，每個餐會包埋湯同埋佢哋最出名嘅黑糖包一條😍今次我就叫咗一個燒蝦沙律，一個雞肉燒蝦意粉，半隻春雞同埋漢堡包😋提提大家如果冇買到佢哋嘅會員，都可以免費登記做普通會員，會有九折㗎😆今次我埋單$300有找，超抵食😬😬唔好諗住外賣質素就會差啲，我車程30分鐘返到屋企都仲好熱㗎🤣個春雞唔會好鞋好乾~佢哋搽咗ribs 嘅醬汁喺面嚟燒，所以食落去酸酸甜甜咁好開胃🥰個沙律都有十幾隻蝦，沙律菜都好新鮮~重點都係個黑糖包，拎到返屋企都仲未硬架，仲熱😆😆地址－Outback Steakhouse (荃灣廣場) (荃灣)荃灣大壩街4-30號荃灣廣場2樓248-249號舖人均價格－$100評分－4.0/5.0#本地遊#foodie…Read More

唔知大家係咪同我一樣呢？夏天都唔想食太多飯，食下麵線容易消化啲😝本身都好鍾意食刀削麵，但係香港比較出名嗰幾間我都覺得啲刀削麵好厚，食多幾條就已經覺得好飽，同埋唔明白點解加少少辣椒油就要加$10…….今次呢一間係冇分店嘅，門面睇落去好似得幾枱位子，但行到入去發現原來轉彎仲有幾張枱，坐得都算舒服~冷氣亦都足夠，唔會覺得食湯麵嘅時候好熱😆今次叫咗手撕雞刀削麵，豬耳冷拌麵，同埋仲有蒜泥豬頸肉😍😍😋手撕雞食落去唔會好鹹同埋乾！真係好驚喜，因為大多數出面嘅手撕雞落咗醬油之後食到底下就會好鹹好鹹，但呢間竟然冇😍豬耳冷拌麵比較特別，有擔擔醬同埋沙律醬，開頭未食嘅時候會擔心好怪，但食落口覺得幾新奇，幾清新！！怕食湯麵嘅人可以試吓🍲個豬頸肉係炸嘅，但唔會好油膩亦唔會好乾，食得好滿意總結呢一間鋪其實真係好高分，大家平平哋食一餐亦可以食得好開心😆😆😁地址－晉皇山西刀削麵館 (天后)天后電氣道21號地舖環境／設施－特色－豬手，豬耳等等人均價格－$60-100評分－4.5/5.0#foodie…Read More

今日去咗人山人海嘅觀塘，lunch hour 諗咗好耐，都係去有冷氣嘅商場舒舒服服坐低食好啲，就決定試呢間Five Guys 🤩🤩👏香港第一間Five Guys係喺灣仔嘅，初時都好多人排隊架~之後開多幾間就少咗人排。佢哋嘅薯條真係好出色😍有Cajun辣粉，唔食得辣嘅朋友都唔洗擔心架😌唔落辣粉都好好食，食得出真係用薯仔整，同快餐店嘅好唔同，食落去係脆又實在嘅😍個包就可以自己揀要咩配料，唔想諗太多就可以All The Way😗建議大家都係食Little Size ，因為都好大個好飽肚地址－Five Guys (觀塘)觀塘觀塘道418號創紀之城五期apm大堂C2號舖環境／設施:佢哋個廚房係Open Kitchen，大家可以睇住佢哋點整架😌人均價格－$100左右評分－4.0/5.0…Read More

對上一次去已經係三年前，個感覺就係覺得呢間野真係好好食今次去發現個餐牌有少少唔同，啲嘢食仲要平咗個心態就係唔緊要啦都嚟到就試吓啦！嘢食係好食嘅。。。但我見到對面埲牆有一隻小強行嚟行去，當時我覺得唔緊要啦飲食業餐廳一定會有呢啲嘅當我通知侍應有小強，佢竟然冇即刻清理，仲要叫同事一齊望喺度笑😓之後我就對呢間餐廳真係冇晒信心即刻走！！冇下次啦一定唔會再食！！…Read More

星期六去邊都要等位是常識吧本身想食金鳯餐廳，但要等30張枱，我就再行下搵下~我見呢間越南菜好似新開又唔洗等位，有張menu 係全日餐，每款都係7-80，所以就試下首先叫咗一個春卷濱海($75)，有6條炸春卷再加6塊煎米粉餅咁，幾得意第一次食，味道好似食緊葱油夾住淨米粉咁...春卷就普通雪藏炸物，好普通😕😕😕🙁之後叫咗個咖哩三寶拼蒜茸包($78)，價錢反映質素，三寶就係牛腩牛肚牛筋各一件咁多。個咖哩汁似港式茶餐廳味道，但蒜茸包就好食嘅~夠重口味夠濃蒜味🤣總結就係唔會再食😂呢個價錢可以出去食其他嘢，寧願普通搵間茶記食飯都冇咁嬲…Read More

Happy Friday🥳今日同朋友一齊去荃灣搵食😋今次決定試吓<burger land>，我哋8點15分開始排隊，大概40分鐘有得入去坐，等咗10分鐘有burger食啦🤣建議大家早少少去排隊等咗咁耐都幾餓，所以對呢個burger都有啲期待，點知......我食呢個係雙層芝士牛肉漢堡($99)，加薯條同飲品就係Combo A($32)個包係幾好味，但塊肉比我想像中細，呢個秘製汁食落去好有時新嘅味道要讚佢塊生菜好靚好新鮮😂😂😂如果平少少會覺得合理啲…Read More