Xxahmanxx's Profile

週末同朋友黎到屯門御海灣既一間西餐廳食晚飯，舖內座位唔密，可以同朋友慢慢傾慢慢坐暢所欲言法式羊架1份有4支，仲配埋薯仔蕃茄等等的配菜，2個人食岩岩好。7成熟，肉質好嫩。威靈頓牛柳第一次食威靈頓牛柳，同朋友一人一半，份量岩岩好。牛柳肉質軟淋又juicy，酥皮亦都做得夠鬆脆，正！粉色公主即係士多啤梨沙冰，夏天飲岩晒，如果士多啤梨味再重啲就perfect鮮果茶濃濃生果味，好清新騎士鬆餅食完正餐點少得甜品，騎士鬆餅一份4件，唔會食到滯，鬆餅好香得黎又唔會太甜，下次都會encore。…Read More

今日入大埔探屋企人 順便去大元街巿睇下買咩加餸，經過呢間燒洒一族，見啲酒醉系列好似幾吸引就買幾款試下。第一款：酒醉溏心蛋 $30 有4隻，蛋王流心，蛋白索晒酒味，必試！第二款：酒醉雞中翼$45，雞翼大大隻，雞皮入晒味，雞肉夠滑第三款：酒醉雞軟骨$45，份量十足第四款：酒醉花雕雞$50，同雞中翼一樣都係雞皮入晒味，雞肉滑，呢挴古就更加啖啖肉第五款：酒醉薰蹄$45，豬皮勁爽，份量又係勁多，食極都未完全部都好唔錯，值得一試，下次可以試埋佢啲燒味，正！…Read More

知道今日下晝要入大埔做野，上星期就訂定呢間燚，同屋企人2個試下係大埔既鐵板燒質素得唔得。訂左8點鐘，遲左少少到，店員都仲好好禮貌招呼我地入去坐。舖頭細細，坐滿晒都係最多14個人左右，記得要早啲訂位。坐低叫左個最入門既廚師發辦，咩都唔洗諗，等食就得仲叫左支啤酒同梅酒入正題，套餐有帶子、鮑魚、來自日本既雞肉同豬肉！一睇就知雞夠嫩，帶子鮑魚夠新鮮燒熟之後，師傅擺盤都好精緻，搞到我地都影完一輪相先捨得食。鮑魚配蒜蓉，彈牙又惹味，帶子配黑松露，高級又好味雞扒配特製既辣汁好開胃豬扒加菠蘿汁，個汁都幾新奇，旁邊仲有蒜蓉牛油汁食完肉再比多個大蝦炒飯，驚你唔夠飽咁。蝦夠爽，炒飯亦都粒粒分明最後甜品，紅酒煮雪梨大滿足雖然貴左小小！但性價比高！值得食！…Read More

趁復活節假期拎多幾日大假，無得去旅行周圍搵野食。今日去到屯門弦海樓下犇道試一試，入座有窗口位，對住河邊食飯加埋舖頭新開無幾耐，感覺都幾chill。今日兩公婆叫左：和風全日早餐 $128好足料，每樣少少，加埋都食到好飽是日廚師發辦牛扒 $168牛扒7成熟 入面仲粉嫩 好有牛味 薯條勁脆凍檸茶超級大杯 仲可以無限添飲 不過我地飲左一杯已經夠皮另外仲叫左個玄米桂花茶，好有花香味😂最後甜品仲叫左心太軟，朱古力味香濃，可惜唔太流心下次去開屯門可以encore!…Read More

今日係元朗收工都差唔到8點，都係食埋先返屋企，咁耐無去旅行突然好掛住台灣，就近近地去左附近既桂花小幸食台灣野。一個人叫左碗麻辣牛三寶麵湯底可以揀大中小辣，揀左中辣都幾辣但好啱我胃口。一見到碗面就嘩左一聲咁足料既！牛腩食完無痴牙👍🏻，牛筋夠腍👍🏻👍🏻，牛肚有咬口👍🏻👍🏻👍🏻。衰在太大碗，食完已經好飽，試唔到其他小食，下次encore再試。另外叫左杯脆脆阿華田，阿華田面舖滿晒oreo碎，岩晒朱古力迷。下次經開要再試其他野食👍🏾👍🏾…Read More

今日同老公入左屯門睇樓，諗住睇前醫左肚先唔駛睇睇下肚仔餓。上openrice 搵野食！見呢間唔錯又近近地，所以試下我地叫左個二人餐，佢包一前菜+二人便當+二款飲品！我地再叫多個牛肉薯餅試吓前菜叫左串燒五花肉串，同老公一人一串！個五花腩燒得好Juicy 再加小小芝麻好香口感覺一串唔夠喉個牛肉薯餅好脆口好味道我叫左個赤道麻辣牛肉大蝦拉麵，啱我口味，我覺得辣到適中，個湯又好濃，拉麵亦都彈牙！老公叫左京都燒牛肉井，佢既至愛滑蛋加埋好味既燒汁牛肉冇得頂呀！佢仲想encore! 俾我叫住佢野飲係罐裝嘢飲其實Menu都仲有其他嘢想試，不過留返下次先埋單二人唔駛$200CP值高呀…Read More

Take 左一星期假，又冇得去旅行，所以入馬灣走走感受下假外國風情係relax 同舒服既係馬灣Hea 左半日，係時間食野！我地行到呢間鋪，見佢食土耳其餐，裝修都特別，同朋友決定揀呢間入到去見到呢假注場加菲貓，睇佢個樣幾優哉游哉就知佢嘆我地揀左個招牌土耳其烤雞半隻$178 有跟沙律菜同小小飯烤雞皮烤到好脆，內裡雞肉好嫩餐湯酸酸咪咪好開胃我地一人叫左一個甜品，土耳其咖啡奶凍同同土耳其地道小麥蛋糕個奶凍好滑，咖啡味又香！有上面塊蝴蝶酥點綴下個小麥蛋糕有淡淡的小麥香味，面頭又有一個scope 既雪糕！好夾最後ending 玩左個自己煮既土耳其熱沙上煮咖啡老闆娘好好人又耐心同我地解釋點樣煮，又俾土耳其衫俾我地著住煮如果老闆娘講英文或者土耳其話，我估真係以為自己去咗土耳其杯咖啡雖然細杯，但都好濃！一杯飲完醒晒！今次個假期都算感受下平時感受唔到既體驗，當自己去左旅行希望疫情快快過去，大家回覆平時生活啦！香港人唔可以唔去旅行今次個土耳其之旅唔錯…Read More

正正正冇第二個字可以形容住大埔食大埔，大埔最近開左間日式放題，終於多個選擇🤤Book 左7點，去到都有人係門口等位. 等左陣職員安排入座！我哋坐低即刻點刺身靚到不得了好鮮甜！我地encore 左3次！因為要試其他嘢！除咗刺身仲點左啲壽司試！一樣鮮甜好味！d 飯唔會太大舊！可以食多幾舊除咗壽司刺身亦都有即整嘅熱食，我哋叫咗芝麻雞翼！外皮好趣入邊啲肉好鮮嫩又Juice又夠味！避風塘炒墨魚仔勁夠味！啲蒜粒非常好味和風炒雞腎又係一野味之作！雞腎唔會太韌串燒不過不失正正常常其實仲有食其他不過已經唔夠位擺相啦！一定會encore…Read More

今日入細佬度，順手買左兩個飯上佢度開餐，見到呢間阿爺燒味好似唔錯！又平平地$25一個！窗入面既燒味顏色都幾靚！買左兩個燒肉叉燒飯上去盒飯size 都足料，但食落就感覺一般！食燒味飯又點可以唔夠色家呢？ 佢飯唔夠汁到可以叫無汁！ 😅😅 燒肉皮唔脆！好似喺度咬緊橡筋嘅感覺😓😓 叉燒又太瘦！唉！可能係我冇同佢講要半肥瘦啦😥😥 但佢既味道係有叉燒味既！下次如果再試，一定要同佢講要半肥瘦…Read More

同識左好好耐嘅閨蜜慶祝生日，一定要搵一個特別嘅地方，大家都可以打下卡！上網見到呢一間地方唔錯，啲嘢飲仲好靚好夢幻！所以決定揀呢一間我地book 得算早，6點到餐廳！門口睇落幾神秘😂坐低後第一時間帶咗兩杯mock tail 飲 chill chill 佢先😇我哋叫咗杯Sexy on tree $98，呢邊係蘋果味後面嗰杯係 Pink Lady $118，呢杯係荔枝味大家影完相後都唔捨得篤爆個泡泡🤣但係唔篤爆又唔飲得！味道唔錯雖然我哋兩個女仔，但係我哋只係叫咗一個set dinner 同散叫左d 小食一齊share, 咁樣就可以試多啲唔同嘅嘢食Set dinner 既appetizer 係一道叫蝶豆花木魚清湯鯛魚刺身，味道好fresh！以前從來未食過碟豆花，今日試過原來係咁嘅味道😝😝 我哋連青瓜都食埋呢個係加拿大海膽多士 $68，啲海膽好鮮甜，個多士又夠脆Set dinner 既soup of the day, 食到好香濃嘅蘑菇味，亦好creamy見蒜蓉多士亦都係好脆好香蒜蓉味我哋另外叫左個泡沫龍蝦湯 $128 ，想講個龍蝦味都幾濃下，帶小小酒香我哋兩個都好鍾意食生蠔所以就叫咗半打 $288好清甜亦好creamy 呢個係set dinner 既main course 傳統法式鵝肝牛柳, 個鵝肝煎到兩面脆，食入口即溶😙超香鵝油味！ 個牛柳煎到而啱啱好，食到好香嘅牛味同埋入口覺得好淋最後上埋set dinner 既Dessert! 大滿足！呢餐堅食得豪而野食又好精緻！埋單$1300冇計啦同閨蜜慶祝生日希望佢有個難忘嘅生日啦！祝你生日快樂…Read More

太耐冇食蒸氣海鮮鍋啦！上星期諗起想食就book咗今晚8:30！ 因為塞車遲咗去到！去到店員都好nice 咁叫我地等等然後安排我地入座我地叫左個$399海鮮餐第一度野食係餐前小食海蜇拍青瓜，味道好清新，係口水雞味咁酸酸辣辣咁令我好開胃！我地亦額外叫咗一渣清熱冬瓜露然後開始食期待已久嘅海鮮首先黎既佳麗係呢一份有聖子，青口，硯，鮑魚同蠔！睇個樣就知新鮮再黎蒸大蝦，但因心急唔記得影未蒸前既相！好新鮮！大隻又彈牙跟住就係蟹，琵琶蝦同饅頭蟹一人半件！新鮮到佢呀🤤🤤隻蟹簡直係爆膏呀！多到流出黎咁滯🤤🤤🤤好鮮甜好好味呀隻琵琶蝦超級甜呀！d 肉質又爽口又彈牙食饅頭蟹嘅時候就要小心啊！差啲咬崩咗隻牙！但係好好味😋最後梗係要食埋個粥底啦！個粥底先係精華！冇得彈啊以為就咁食完啦點知仲有一碗燕窩做糖水！真係好有驚喜囉正呀！好滿足嘅一餐我諗唔使好耐又會再嚟過…Read More

一路都聽同事講話好好食，點都要試一試今日同同事一齊，一於試呢間！我地冇book 位，12:15去到，要1點前交位！我地兩條友冇問題啦！可以食得好快🤣服務員帶左我地坐Bar 檯睇住師傅整😊坐底點菜好快就上到檯，我點左一份刺身定食，同事就點左壽司定食（但我唔記得影佢果份）佢既刺身真係好新鮮😊😊d 人真係冇講錯！比起同區既菖蒲亭更新鮮！但係有點貴的🤩🤩…Read More

今晚放低兩個仔同老公去撐枱腳，去咗太子始創中心入邊一間西餐廳！黎到嘅時候仲早，所以都仲有位可以入去！但係冇幾耐已經聽到經理講話今晚Booking full晒坐低左叫左兩set dinner 加特飲香煎帶子意大利飯配黃姜忌廉汁烤原隻美國嫩雛雞配薯仔及時菜玫瑰荔枝梳打藍柑橘子梳打首先上餐湯同餐包，個牛油唔係普普通通既牛油，而係溝左d 香料既香油，有淡淡既牛油味！而個餐包係暖暖地嘅然後就再上特飲，我果杯好香荔枝味加左小小玫瑰花瓣，夠晒girly搞混d後唔會太甜老公嗰杯就叫咗藍金橘只梳打，一上時就覺得好夢幻，我試咗一啖，有好香柑橘味喎然後到上主菜，我既香煎帶子意大利飯，一上檯就聞到勁香個意大利飯好creamy！好好食😋 個portion 啱晒我老公既烤雞！入口係超嫩！又夠晒味佢分開3件頭上，所以老公都食得飽！仲 邊食一邊讚好味埋單$460，我覺得物超所值！同埋值得一讚嘅係佢哋嘅服務態度👍🏻👍🏻…Read More

今日老朋友請我食生日飯，佢俾我揀呢間因為我想食佢地d 沙冰好耐我地兩個都唔嗜食飯，只鍾意食餸，所以叫左一個午餐係海南雞加豬頸肉飯跟泰式凍奶茶，再加左一個泰式生蝦（唔記得影個海南雞豬頸肉飯😭）個雞就一般般，但個汁好味！豬頸肉我覺得好食又夠林身個生蝦$96就得6隻但都算大隻！個汁綠色但味道就淡左小小！唔肯定係咪專登怕cover 左蝦既鮮味食完主菜食甜品，佢地既沙冰似足韓式沙冰，冰底仲要係有牛奶味，都濃味總括黎講係好味，會再食…Read More

今日黎到龍門居啱要食午餐，又想買一杯台式嘢飲，所以揀咗呢一間！我叫咗一個玉子鰻魚丼，同一杯桃味嘅嘢飲呢個玉子鰻魚丼，相當有驚喜喎可能係因為$7x 唔包嘢飲！個鰻魚相當之厚肉！而且佢個飯係撈左一啲味粉！我兩個仔都爭住食尤其個飯！佢有味粉之餘又有鰻魚汁另外嗰杯嘢飲我唔記得影相，係$25到！但味道就一般啦…Read More