Vivifoodie's Profile

看到這家餐廳評價不錯，便在whatsapps吹雞約三位老朋友相聚一下～ menu上的食物款式都頗啱口味的，款款都想試，最後決定每人負責挑選兩款食物，今次先試了八款～～溫泉蛋蕃茄沙律 配日式胡麻醬～份量很足～蕃茄片，青瓜片和沙律菜都很新鮮爽脆，上面舖了些藜麥，混入溫泉蛋和胡麻醬一起吃，材料雖簡單但味道蠻配合好吃。～芥辣八爪魚～八爪魚爽口彈牙，芥辣味香濃而不會過份嗆鼻～開胃醒神的一款前菜～～脆炸雞 配柚子醋 ～炸雞是無骨的，啖啖肉很香很美味，能做到外皮鬆脆內裡juicy的效果～蘸上柚子醋吃酸酸甜甜也不錯！～炸手工薯條 ～看見有薯條關注組推介這裡的薯條，果然質感比平時吃的更特別，香脆好味，著實值得推介。～火炙醋鯖魚～鯖魚是經過醋漬的，不會吃到鯖魚的魚腥味，酸度也恰到好處，沒有搶了鯖魚的鮮味，入口肉質也十分軟滑。～清酒煮蜆 ～吃蜆最怕吃到成口沙，這裡處理得很好 完全沒有這問題～用上清酒煮更能帶出蜆的鮮甜～個湯汁更是精華所在！～燒羊架～羊架燒得很香，肉質仍保持軟嫩多汁，最重要是吃不出羊羶味～～燒物盛 ～拼盤有兩串牛仔肉， 兩串豬頸肉， 兩串大蔥雞肉，翠玉瓜 和 大啡菇，串燒水準不俗，火喉控制得宜，串燒有焦香光澤而肉質嫩滑，個人特別喜歡豬頸肉串～～蜜糖牛油果乳酪沙冰～晚餐途中還點了這杯沙冰，質感綿密細膩，牛油果味突出，味道清清地也不錯的，加了蜜糖也沒有甜膩感。小總結：整體體驗真心不錯，餐廳環境簡潔舒服，食物出品高質，價錢也相宜，是值得再回頭的～…Read More

自從今年四月份去過新加坡之後，對新加坡的食物念念不忘，其中包括南洋咖啡和傳統牛油咖椰土司～ 當時在新加坡吃過位於聖淘沙的土司工坊分店，吃過當地的牛油咖椰土司，牛油和咖椰味道很融合，材料簡單但好好味！土司烘得乾身又香脆，今次在佐敦分店吃到的土司還原度也高～ 雖然賣相沒有新加坡當地那麼好，但即叫即烘 味道一樣很好吃的！套餐還有兩隻熱騰騰的煎蛋～ 還有凍南洋咖啡 (煉奶版本) 也和當地的味道差不多～ 不過套餐價錢$42 (凍飲要再加$5) 好像比其他分店貴一點，而且明顯地這間分店的人手是不足的，因為去到餐廳時發現不少枱面仍有未收的餐盤，幸好餐廳環境仍算乾淨沒有大問題～現在香港的土司工坊分店愈來愈少，香港星馬風味的餐廳也很少，希望這家店能支持住，否則要坐飛機去新加坡才吃到呀。。。～…Read More

早前發現凱施除了酥皮蛋撻和奶茶之外，有另一樣東西都幾好吃的，就是這個紅莓提子鬆餅了。＄６一件，個子不小的，所以價錢都合理。一拎上手就聞到牛油味幾香，內內外外都不乏紅莓和提子，幾足料的～餅面味道少少甜甜地，夾雜提子和紅莓一齊食甜度也剛好，不會太甜膩。而鬆餅另一重點就當然是其口感呀，這個鬆餅的口感亦都相當唔錯，鬆餅餅身做得好鬆脆，入口唔乾身又唔會硬～如果是碰巧出爐時買來吃的話就一定更加美味！不過美中不足是，離開了餅店之後才發覺自己忘記買埋他們支奶茶，用這個鬆餅送奶茶應該會令這頓下午茶更完美的。。。～…Read More

前幾日又到了這家火山石石鍋烏冬吃，同樣是下午茶時間亦同樣點了一客上級牛肉石鍋手打烏冬，下午茶價錢仍然是＄39沒有加價，真好！今次試了他們的豚骨湯底，石鍋熱騰騰的送上枱，牛肉和蛋仍是未熟的，不消一會再撈一撈隻蛋就全熟了。湯底味道還可以，豚骨味著實不算算很濃郁，勝在不會過鹹，淨飲幾啖湯也易入口。烏冬口感也保持滑身彈牙的，今次牛肉水準就一般，有兩三塊都比較韌，但以這個下午茶價錢來說，整體ＣＰ值仍是不錯的。反而最令我失望的是，杯熱奶茶送上的時候，竟然只有六至七成滿。。像給人飲過一大啖似的。。。為什麼會這樣的呢？？給人感覺有點肉酸吧，奶茶有多貴呢？…Read More

凱施的酥皮蛋撻是我一直喜愛的，酥皮鬆化而且牛油味香，蛋漿部份亦好香雞蛋味，不過今次拎回家吃時唔小心大力咗fing散左少少撻皮，所以搞到賣相唔係幾好睇～不過味道仍然是好好吃的！之前試過買其他餅店例如櫻桃和聖安娜，都覺得不如凱施的蛋撻好吃。今次還買了他們的港式奶茶試飲，味道都唔錯呀，奶茶質感幾滑，奶茶味都好香，同埋感覺比在便利店買的奶茶較健康，因為樽上的包裝寫了沒有加防腐劑和人造色素，可以再買。期待他們會唔會出埋檸檬茶是日酥皮蛋撻配上奶茶真是完美的下午茶～…Read More

早幾日到了通菜街這家火山石石鍋烏冬吃tea，點了一客上級牛肉石鍋手打烏冬試試，下午茶價錢比午市和晚市便宜不少，＄39就可以了（凍飲另加＄3），他們有3種湯底：豚骨，辛辣，醬油木魚，我當日想嚐辣就點了辛辣！上枱時石鍋中的湯還在沸騰，湯底幾香，只有微微辣，牛肉質量不差，烏冬彈牙煙韌，配菜也有不少，不少粟米和菜苗在鍋裡。這個熱騰騰的烏冬在天冷的天氣下真係幾正！不過可能因為是肥牛的關係，吃吃下湯底變得好油膩，直情明顯有一層油浮面。。可能不點牛肉會好點吧。…Read More

同個friend黎開尖沙咀..就過埋黎半熟工房睇睇~ 一段小時間冇黎買野食了...原來之前停出既半熟朱古力蛋糕而家又有返喇!!諗都唔洗諗就買左一盒5件裝回去同friend share...再買埋兩樽布甸share..半熟朱古力蛋糕:一直好鍾意食呢款蛋糕, 每件的的骰骰但朱古力味已經夠晒香濃, 真係好好味...上層半熟朱古力既質感有少少似朱古力慕思, 口感輕柔細滑...下層就係朱古力海綿蛋糕, 好鬆軟軟熟, combine埋一齊超正呀! 同friend share食每人只分得2件半...唔夠喉..下次一人一盒半熟芝士布甸:一路想試呢款芝士布甸, 因為未見過其他地方有芝士布甸~~今次終於試到啦! 啖啖芝士味再加埋香濃牛奶味...好味道~質地較軟身, 口感好柔滑, 同焦糖雞蛋布甸在質感上有少少分別~係兩種唔同既滑. 呢款芝士布甸價錢比較上有少少貴 ($32), 不過都好值得一試!~半熟焦糖雞蛋布甸:呢款之前都試過了, 今次買黎回味下, 依舊質地很軟滑, 除左有好香既雞蛋味同埋最底既焦糖味, 仲食到好香濃既北海道牛奶味, 又唔會過甜~$22性價比高~…Read More

周日黎食個早餐先出發去玩~叫左蕃茄薯仔湯早餐, 入面有蕃茄薯仔湯通粉配豬柳漢堡和蘑菇腸, 再有一塊蒜香牛油多士, 飲熱奶茶. 食物個樣都唔錯, 湯通粉入面都幾多粒蕃茄薯仔, 蘑菇腸我初時以為一條條既, 點知原來好似火腿咁一塊的, 味道都OK. 蕃茄薯仔湯湯底都好香蕃茄味, 幾濃郁唔錯的, 又唔會太過酸, 幾開胃, 做早餐不錯的. 通粉的軟硬度亦OK.蒜香牛油多士唔係脆既, 略嫌太林身, 不過食落係暖暖地, 而且蒜香味好夠. 還可以啦.熱奶茶味道就一般啦,  奶味唔夠香濃, 而且個糖樽實在太麻煩喇, 每次熱飲落糖都要"鄧"十幾下先得.....好心換返普通既砂糖"晏"或者一包包糖就算吧... …Read More

今晚約9點幾經過這間小食, 見到有張很吸引的"芝士煉奶多士"圖片, 因為今晚早食晚飯所以有點肚餓...就叫一份試下啦!由於是即製, 所以都大約要等20分鐘才有得吃. 20分鐘後, 終於有得吃了, 當我滿心期待接過這個紙袋後, 一望進去就發覺外觀與圖片相當不符的呀...多士是厚切的沒錯, 不過表面上好像純粹是煉奶多士而已...完全沒有芝士焗過的痕跡...雖然望真D眼見應該都有D芝士鋪在多士上...但食就只係食到煉奶味...完全沒有焗芝士竹香味, 令人失望呢. $18一份, 下次不會再試了.…Read More

Happy Friday來一頓快樂甜品下午茶, 到了半熟工房選購了兩瓶半熟紅豆綠茶布甸和一件布雪~ 好好味!! 滿足了~半熟紅豆綠茶布甸:上次試過了焦糖雞蛋布甸, 今次紅豆綠茶布甸依舊質地很軟滑, 吃落去口感好creamy, 綠茶味幾香, 仲有一層紅豆在底部, 幾好食! 下次會試埋芝士布甸布雪:之前睇人地網上的相片以為是細細個的, 今日見到實物原來都幾大個~有4款味道, 首次先試一試原味. 兩片軟綿綿的鬆軟蛋糕, 中間夾著creamy香滑的北海道3.6牛乳忌廉, 好味道! 牛奶味和蛋味都好香~很喜歡這個蛋糕~又唔會過甜, 食完仲透心涼. $15咁大個好抵食!…Read More

下雨天經過吉豚屋就入左去食下午茶順便避雨, 見到有新出既鐵鍋野菜豬肉咖哩烏冬就試下啦! 過一陣就到了, 賣相不俗, 湯底都頗香濃的, 不會稀流流, 由於是日式咖哩所以辣度很小. 一片片薄片的豬肉份量不少, 湯底中還有白蘿蔔和紅蘿蔔片, 令湯底多了一份甜味. 烏冬彈牙煙韧, 下午茶來說份量剛剛好. $32 都算抵食, 可惜下午茶都要加一..另外加了一杯巨峰提子乳酸特飲, 原價$8, 依家$5就OK, 都算抵飲.…Read More

趁呢輪奶奶雞做緊半價, 終於去試左啦! 叫左辛安東元祖奶奶雞 (小辛) , 泡菜焗金菇, 雜菜海鮮煎餅.辛安東元祖奶奶雞 (小辛) :好抵食, 本身要$148, 今次食$74咋, 半隻雞份量都幾大碟, 除左雞之外仲有好多配菜, 有幾舊薯仔, 紅蘿蔔, 青瓜, 最底仲有好多類似韓國粉絲但粗身d既麵墊底添~ 賣相吸引聞到好香~ 先夾件雞食先, 雞肉唔算好嫩滑不過都唔算鞋~而且好入味~個汁好食, 其實有少少似鹵水汁, 不過味道再豐富d 有d甜味, 再加埋少少辣味, 相當香和惹味的~不過我覺得呢碟既主角並唔係雞, 而係d麵D麵索晒d汁, 連顏色都變成啡色, 再加上醬汁入面既甜甜既洋蔥和蔥花一齊食, 好好食呀! 餐廳仲會提供剪刀比我地用黎剪斷d麵的~泡菜焗金菇:呢款係隨意點既, 但幾有驚喜呀, 佢有辣和不辣揀, 我地揀左辣味, 好香好惹味, 辣度唔算太高㗎咋, 我平時食開小辣都會食到. 呢款一黎到就覺得好似燒野食自製果d 焗菇! 入面除了有金菇, 仲有好幾款唔同既菇類, 泡菜同埋芽菜, 口感幾豐富, 有菇既口感之外又有爽爽地的口感, 不錯! 另外原來泡菜同菇類一齊食都幾夾! 食食下仲食到某d地方有芝士香味添~ $48幾抵食~雜菜海鮮煎餅:這一味相比之下就有點遜色了. 每塊煎餅上面都唧上了沙津醬, 入面的海鮮食到有蟹柳和魷魚, 不過味道太淡, 主要靠旁邊的一碟醬汁和沙津醬調味, 如果蘸上醬汁味道還是可以的~ $68一客~兩人吃以上食物已經吃得好飽, 下次都會再來試埋另外款式的奶奶雞~…Read More

行經金魚街, 見到間新開既冰室都幾多人食, 就即管試試. 叫左個特餐, 有奄列+多士, 招牌沙嗲牛肉麵. 牛肉麵先上, 賣相幾好, 聞落幾香. 食落發覺個麵煮得挺不錯的, 質地剛剛好幾彈牙. 而沙爹湯底都幾香濃, 牛肉幾稔和嫩滑! 無幾耐奄列+多士都上枱了, 奄列幾大份之前食過有D茶記份奄列勁細份...今次真係喜出望外.而且份奄列煎得幾滑, 好好味. 多士都係即烘的! 雖然要四十幾蚊其實有D貴, 不過都食得開心同滿足既.這裡侍應的服務不錯, 比其他茶記既服務好.…Read More

生滾鯪魚球粥：這個粥質素不錯！熱騰騰的送到面前，口感綿滑，調味也剛剛好，內裡有六大粒鯪魚球，質地彈牙，又不會有大陣魚腥味。牛肉腸粉：令我蠻驚喜的腸粉，腸粉皮幾滑，夠薄，內裡的牛肉餡很充足，賣相漲卜卜的，牛肉餡亦蠻彈牙，比酒樓還要好吃！齋腸粉：吃過牛肉腸粉後，再追加一碟齋腸粉。腸粉皮依然幾滑，不過就不及牛肉腸粉好味了。炸兩：同行的友人還點了炸兩，賣相也很好，入面每件油炸鬼雖然已經不再是脆卜卜，但又唔算“林”晒，食落口口感都不錯。 …Read More

早陣子家人在這間茶餐廳買了外賣飯給我，大圍的茶餐廳多得很，但他們通常買外賣總會幫襯這一間的。買了“枝竹火腩飯”，一打開賣相不錯，有很多件火腩和枝竹！火腩質地唔會好鞋口，幾“林”的，味道也不會過鹹，枝竹也不吝嗇，質地有咬口，每塊都頗大塊的。我好鍾意用汁撈飯食的，這個飯的汁夠多，味道不會過鹹，加了蔥煮的汁特別香呢。白飯也煮得不俗，軟硬度剛好。不錯不錯。…Read More