雪雪B's Profile

週末當然要出去逛逛、輕鬆下！旺角當然係好多人逛既旺區、剩係行朗豪坊都有排逛！累了、當然就要食下野補充下能量！平時番工都唔會有時間飲杯茶、食個包、lee間位於朗豪坊中層既茶室、就夠方便喇！茶室走中上路線、喺得旺區、價格都未必太親民、不過都可接收！環境寬敞、光猛、又整潔！可以舒舒服服嘆個茶！食具用上湖水綠色、好舒服、清新既感覺！點心有圖、精緻可愛既點心造型、真係有點令人有選擇困難証！螞蟻🐜上樹、即炒粉絲、好野味、雖然無咩配料、不過炒得乾身、好食有好多人都喜愛既流沙包、加上可愛造型、相機食一輪後先食、唔係只有外在美、流心都做得好好、不太甜、推介黑松露透明波波、一咬開、黑松露香氣撲鼻、多料、皮又唔厚、好味綠色既燒賣、有點感覺怪怪的、食到原隻蝦、好足料、彈牙爽口飲茶少不免會叫d炸物、lee個炸雲吞又脆又足料、叫人停不了口、雖然有6隻、不過同男朋友好快清左、推介可以舒舒服服嘆點心、唔駛同d一家大細、公公婆婆去酒樓迫；食物質素高、造型靚、有空食下、真不錯！…Read More

聽聞有間台灣菜餐廳裝潢好有特式、所以特別同朋友黎聚聚。店舖位於觀塘工廈、因是日星期日、要從側門進入、有點難找、地址寫著一樓、不過原來不用坐𨋢、經停車場進入大廈後行到最盡就會見到、門口有個MM公仔觀迎你進入鋪頭你會聽著它播放住國語流行歌曲、感覺幾舒服；柔和既燈光、課室似的懷舊擺設、真的有令人想起小時候讀書時間看到牆上有些藝人簽名、可見此店都幾受歡迎同朋友分別點了食物同兩杯飲料、味道都很不錯、分量都幾多:)留意下食具、我很喜歡這款顏色筆樣子的筷子、很可愛拼盤魯肉拌麵、一次過可以試曬咁多種食品、全部都魯得好入味、只是蘿蔔不太靚、有點苦；魯肉飯好食另外牛肉麵有埋牛筋、正飲品有玫瑰latte、有陣陣玫瑰花香、不錯；花茶有元肉、紅棗、十分適合女生飲用當日雖然是星期日、不過都好多人、無論一大班朋友、一家大細、情侶都有、客路很廣；同朋友相聚又有一個好去處了溫馨提示：這店是自助點餐的、先去收銀點餐、之後再自取；另外、用餐後記得放回回收車哦！…Read More

母親節正日唔想同人迫、所以提早小小同媽媽食餐好、當然其實有心、每次帶媽媽食好西都係慶祝梗母親節啦！今次發現lee間新開潮州餐館、因為要上樓、不是地鋪、所以都有點難發現；上到去、地方寬敞、感覺好舒服、餐具用上清綠色、都俾人好清新既感覺:)一坐下、服務員先拱上功夫茶👍🏻去正宗潮州餐館都會拱上的食潮州菜、點少得鵝片、雖然細細碟、不過鵝片夠味、唔乾、有肉汁、所以令下層的豆腐都好好食雞絲粉皮就成日食啦、今次換了係海蜇、海蜇正正是我的大愛、奇妙蝦炸得夠脆、個沙拉汁酸甜開胃、不過份量真的有點少蠔餅、當然亦是必叫食物、一上枱、好香、不過未太特出、不過不失煎韮菜粿、有驚喜、一咬落口、好香、好好食另外、因為想食潮州魚丸、所以專登叫了碗粉、魚丸真的好彈牙我地3個人食、叫左6樣野、都食得好飽飽、下次一想起食潮州菜、就有好去處、唔駛專登出銅鑼灣嚕…Read More

其實觀塘好多食好西既地方、你完全不必介意工廈既外表、因為餐廳裡面又係另一個天地、好似今次搵到lee間i Kitchen 、我地星期六去、先要喺樓下管理處登記、先可以上去、入到去、雖然唔講得上華麗裝潢、不過舒舒服服既藍色燈光、簡單天花吊飾、想二人世界食個晚餐、都很不錯！先係前菜：黑松露薯條、豬手片:)薯條大大籃、熱騰騰、又夠脆、個黑松露醬好香、真係食到唔停得口豬手已經切片、超方便、唔駛好似平時咁自己拎把刀切到手攰、好夠味、配個酸酸地既汁同底下有蔬菜、食樂無肥淋淋感覺、對於長期減肥既我、今日就放縱下自己喇湯：黑松露菇湯又係黑松露、我勁鍾意一上枱就已經好香、個湯好滑、仲有豐富菇菇粒、好好飲主菜：帶子意大利飯嘩好精緻、廚師好有心機畫隻蝴蝶、令到菜式錦上添花、讚帶子煎得剛好、意大利飯軟硬適中、好好咬口甜品：蘋果pie又係一幅藝術品不過pie有少少燶、如果唔係應該會更好食總括來說、所有菜式都好好食、不過黎lee間餐廳食飯一定唔可以急、因為慢工出細活、要欣賞廚師既畫作美食、就要點時間喇！一定會再黎！…Read More

放假就梗係要做d平時番工做唔到既野啦⋯⋯ (除左有些工作係可以唔駛一日坐喺公司)、所以我覺得可以舒舒服服、又用優惠點既價錢食個下午茶就已經好！今日放假相約朋友仔3點3去食個泰式下午茶、這裡環境寬敞、木制傢具、好大自然感、感覺好舒服😌下午茶時段全單7折咖！我叫左海南雞飯、配個通菜、飲泰式奶茶朋友仔食冬蔭公湯河粉海南雞飯好快到、賣相不錯、蝦片好脆、雞都算滑、無一陣雪味、另一不足係飯、應該係黃薑飯、比較乾通菜味道剛好、好翠綠、唔係老菜、我話咁快清左泰式奶茶我好鍾意、因為佢有獨特既茶香味、飲落奶味都好香濃朋友仔個湯粉餐、無特別讚賞、可能佢比較內斂、不過見佢話咁快食曬、就應該不錯吧整體來說、環境、味道都不錯；下午茶優惠吸引…Read More

Happy Friday、一心諗住同朋友仔去尖沙咀食餐好、relax d就選左間裝修清新既餐廳食晚飯、見佢既二人餐卷都好豐富、唔駛選擇困難、就買左張啦、菜單如下：1）雞翼炸得太乾、唔覺有什麼楓糖檸檬味:(2）意粉都係乾憎憎、外觀同味道都一樣唔吸引、我食左一口罷了豬骨豬黎咖、裡面紅色的、俾waitress 睇時、佢都唔識反應了！雖然佢後來換過碟、但我都無心機食了、唔點醬的話、無味的3）蛋餅加奶油⋯⋯上枱時係好香、不過4）加錢叫了兩杯特色咖啡☕️、完全唔值喺尖沙咀旺區、咁既質素、真係令我意外；另外、店內員工懶羊羊既工作態度、令我o曬咀、真係唔會再去…Read More

陽光普照既下午、令我想起泰國、就同母親大人去食個泰式午餐Lee間喺西環既泰菜餐館、唔係喺大街、所以唔係search openrice的話、平時未必會經過.門面同裡面裝修優雅、感覺都幾舒服、廚房都算係open kitchen 、可以望到裡面情況.泰國菜當然要飲冬蔭功、我最鍾意雖然都幾細碗、不過都有兩隻蝦；但母親覺得有點辣、同太咸、不過我就覺得剛好、我飲曬另外有金邊粉、唔太油、有蛋包著、外觀加分不少然後食多個菜、炒得剛好、話咁快食曬.整體食物、環境都算可以、不過價格喺西環黎講都不算親民下次會試下佢既海南雞…Read More

星期日旺區實多人搵食、想悠閒靜靜地食個lunch、我反而去左平時番工附近既工廠大廈搵食、同男友開心過個520.上到去、地方寬敞、佢分有幾區、最入面係食野、出面有d lifestyle 既野賣、好特別.我地叫左一份牛排、漢堡、同兩杯飲品.個牛排叫左medium、剛好、無over cooked、好juicy 、薯角好脆、食曬蜜糖芥末雞扒漢堡、有沙拉跟堆、就感覺無咁膩鍾意飲咖啡既我、就選左綠茶latte、雖然無特色拉花、不過幾有綠茶味、唔太甜、幾好飲男友選了peach soda、佢話好好味、話咁快飲曬環境舒適、唔駛同人迫、可以悠然自在嘆咖啡☕️、一定會再黎…Read More

買了Openrice的二人餐卷、滿心歡喜諗住去以愛麗絲為主題的cafe食晚餐！點知那天大廈電梯維修、要行6層先上到去上到去、cafe的確有愛麗絲既佈置、不過真的很細小。坐下後、等左陣、問過接待員係咪跟二人餐卷所寫出餐、只有飲品可自選；之後接待員同我地講無長通粉、喺menu3樣食品再選、最終主菜兩個都係意大利飯、飽！先黎飲品、男友杯愛麗絲好淡、我就叫左獨角獸、都麻麻地！之後黎豆腐沙拉、龍蝦湯一杯；我都未試過食二人餐、係咁溫馨、一杯湯二分飲沙拉都算新鮮、豆腐佢地用左硬豆腐、男友麻麻鍾意！到主菜、兩個都係意大利飯、一個煙三文魚蟹子、另一個牛乾菌青口、個飯都好食、不過就等得耐d同埋最驚訝係d青口唔係熱咖!最後到甜品、之前見佢地有post有愛麗絲腳既cupcake... 當然無呢款啦、黎左一件乾乾地既朱古力蛋糕！這個二人餐連服務費、這個價錢、這個質素、唔值！…Read More

旺角多食店就一定啦、講梗閑閑地食餐飯一百幾十無走雞啦！點知俾我發現左間新開車仔麵店、做梗優惠、$20！無睇錯、係$20、食個麥當當餐都唔止啦！仲要係3餸麵！即去try try佢！店舖算整齊乾淨、要自己喺門口先買票點餐、再去取餐區取食物、不過當時晚市都開始多人、等取餐時就比較迫！店內突然有個外賣白兵公仔、仲要喺著水鞋同男友各點了$20餐、佢加多支樽裝忌廉+$11！佢有得免費加醬同榨菜...等我叫了墨魚條、蝦餅、魚蛋、加榨菜、加腩汁、加沙爹醬！佢好似話蝦餅係即叫即炸、又真係幾好食、彈彈口感，不過烏冬就林林地、麻麻地喇！另外男友叫左义燒、都幾好食、好夠味！$20優惠好似做到22/4、不過應該就算過了優惠期、都會再去try下佢推介既其他餸！…Read More

復活節假期同男友去旺角睇模型, 行左大半天, 行到廣華街, 見到LEE間漢城, 細細間又好似唔太貴, 而且男友話佢食過尖咀個間都OK, 就一於TRY TRY佢啦.一坐低, WAITRESS就放低點菜紙我地自己寫號碼, 我地選了3樣野, 炒飯, 飯卷同餃子.望下裝修, 好似係韓國人開, 不過望下鋪面, 全部都好似係外庸 (我唔係歧視, 只係好奇). 佢係不停玩電話同傾閒計, 輪住去廁所. 因為每枱都有支水喺枱面, 所以其實都係全程自己照顧自己. 不過原來埋單都有收服務費. :(落單後, WAITRESS會送黎前菜，有泡菜同黃瓜。泡菜唔會太辣，喺韓國食都差唔多。飯卷淡, 無味, 食左一粒, 男友已經唔想食.炒飯都係無味, 睇個樣鐵板上, 好似好吸引, 點知都係咁.最後泡菜餃子, 就終於有D味喇, 不過都唔覺得好食. 真心不會再來光顧~!…Read More

放工行到去APM附近, 即興喺附近搵地方食晚飯, 聽聞東廣場好多野食, 就花幾分鐘行過去睇下啦.見到LEE間食BURGER好多人, 裝潢都幾特別, 有點工業風, 咁啱仲有一張吉枱, 咁就同男朋友試下LEE間啦. 不過因為佢都唔係好大間, 就要坐得迫點.坐底睇見個MENU, 佢既BURGER牛, 雞, 海鮮咩都有, 望下其他枱D BURGER件件都好有分量咁, 突然俾我望到有ALL DAY BREAKFAST, 仲要個名好啱聽, 叫淑女早餐, 咁一定啱我LEE D LADY食啦! 而男友亦叫左大隻佬BURGER, 聽個名就知霸氣.講明大隻佬BURGER, 當然才料唔野少啦, 有牛肉, 生菜, 蕃茄, 芝士, 煙肉, 煎蛋, 洋蔥… 一口真係要男仔先咬到. 見男朋友食得好滋味, 佢話牛肉好JUICY. 我地仲加左薯條同洋蔥圈, 新鮮炸好, 熱騰騰好好食, 薯條放喺個工業風飲水杯到, 好別緻, 差不多你會見枱枱都有ORDER的, 所以制作須時, 都等左一段時間.另外終於到我既LADY’S BREAKFAST喇, 嘩… 都好多才料, 好豐富, 有肉又有菜, 好抵食. 今次俾我地發現左LEE個廣場好多野食, 可以多D黎, 唔駛一定要去消費比較高既APM搵食嚕!…Read More

之前又喺Openrice搵食、無意中俾我發現lee間食店有咸豬手食、價錢仲幾大眾化、因為講梗出面一黎唔係到到有得食、二黎都會幾貴。仲要有二人餐優惠、咁就買個二人餐卷、週末同男朋友過黎試下。兩人餐包括湯、蒜蓉包、小食選了黑松露薯條、蒜蓉虎蝦2隻、主角當然係咸豬手、仲有自選材料既12”pizza、再加兩杯大啤酒。餐湯有好多蔬菜黎煲、唔會淡淡無味；不過蒜蓉包就好似唔太新鮮、好硬。黑松露薯條、好大盤、個醬都好有黑松露香味。蒜蓉蝦、大大隻、夠彈牙、好食，跟住就到主角咸豬手、不過忙住食、唔記得影相、豬手雖然唔係好大隻、不過我覺得在於套餐黎講、份量剛好、皮脆、好入味、好食！配埋伴碟沙拉菜同蜜糖芥末醬一齊食、可以減低肥膩感覺。食到已經有點飽、仲有個大pizza、我地選左巴馬臣火腿加煙三文魚做料、雖然pizza已經係薄披、不過最終都食剩兩件。德國人鍾意食咸豬手配啤酒、所以跟餐都有兩杯大啤、不過美中不足係跟餐既唔係德國啤酒、係另一種意大行啤酒、琥珀色澤、都好有麥香。以優惠價食了豐富的一餐、飲飽食醉、推介大家週未想輕鬆下的話、不妨試試。店裡仲有其他啤酒選擇、仲有蠔食同任飲。…Read More

觀塘雖然APM出名, 另外佢都係出名既工業區, 不過近年好多好食既食店都喺LEE到出現.LEE間「古今二」就喺觀塘工業中心, 近地鐵, 好容易搵, 上樓梯入一樓, 轉個灣就到.門口係鐵皮裝修, 好特別, 因為有訂位, 所以唔駛等. 裡面環境都幾舒適, 唔會好迫.佢主打係創意日本菜, 佢D卷物好出名咖, 不過我鍾意食鰻魚, 所以一坐低就點左原條鰻魚飯. 之後再點左金龍卷, 明太子雞翼同安格斯蔥牛卷.原條鰻魚飯, 巨大到極吸睛, 上枱時超驚喜. 鰻魚碟咁大, 肥肥的, 好味~, 我自己一個就食唔曬喇!金龍卷, 長長一條, 都好吸引, 有炸蝦, 芝士, 三文魚舖面, 層次感豐富, 亦都唔覺得膩.安格斯蔥牛卷, 醬汁好好味, 牛肉JUICY, 都值得推薦.明太子雞翼, 夠脆, 少少辣, 好野味.店中仲有好多出色卷物, 相信要黎多幾次先試得曬. 整體唔算好貴, 有賣相, 食物有質素, 一定會再ENCORE.…Read More

星期六FAMILY DAY，帶媽媽去食新式手工點心。位於山道既［臻］，喺香港大學站出口隔離，位置超方便，唔難搵。我地兩點幾去食，當時唔太多人，佢地方唔大，雖然坐梳化位，不過都感到有點迫。先睇下點心紙，睇到D可愛點心圖畫，已經覺得好得意，選左幾款有可愛做型既試試。先黎杏香荔芋鴨，3隻鴨仔，樣子好可愛，有點不捨得食。鴨仔用左杏仁做咀同翼，杏仁好脆，其實佢即係以前既芋角，味道都幾好，不過有點硬。富貴金魚餃，即係蝦餃，金魚做型唔算太突出，勝在個名夠好意頭。龍蝦湯蝦皇餃，兩隻可愛既龍蝦仔先俾放上枱，之後待應會喺你面前倒入龍蝦湯；隻龍蝦仔好大隻，裡面好多料，食一隻都好飽，本身好鍾意飲龍蝦湯，食完隻龍蝦仔後，清曬Ｄ湯，飽～傻豬叉燒包，當然就係叉燒包啦，可愛肥ＤＯＤＯ豬仔，好睇又好食。黑松露腐皮卷，一上枱就已經有陣陣黑松露香味，腐皮卷煎得夠脆，包住好多料，口感豐富，好食。芝麻蝦多士，雖然細細塊，不過都幾厚身，面上滿滿芝麻，好香口，蝦膠夠爽彈。小籠包、一咬好多湯汁、味道都可以。XO醬炒蘿蔔糕，份量都不少，加左XO醬，炒得夠香，唔太油又唔辣，仲有Ｄ芽菜咬下，不過不失。LEE到全日免加一，茶$5/位，賣相可愛既點心，真係大人細路都鍾意，媽媽食得都好開心，下次再帶佢黎食。…Read More