jasminelkl's Profile

年度生日飯，誤打誤撞bk左呢間餐廳原本揀左d 我一看餐牌就覺得貴既西餐我身為壽星唔駛我俾錢 但咁貴 我會覺得唔抵囉🤣所以上來search左輪餐廳發掘到呢間 加上見到用openrice訂位 有35%off性價比好高！我地叫四人餐加左apple cider埋單個下 真係講句 呢個價係原本個間食到兩碟za個火焰甜品好驚喜 驚喜在於 餐廳寫我個名太靚喇！好正統既潦草J字 度位剛剛好 誠意分好高因為係賀生日所以講左呢個甜品先唔駛咁老土買個蛋糕上去叫個甜品就得啦 餐廳會幫你加d誠意 哈哈main course個意粉好rich既白汁唔會好膩個碟青口...唔係碟，係兜個兜青口好似食極都仲有咁既係細隻dd 但量係好多！個魚湯 係龍蝦湯既色 但好濃魚湯既味重點：埋單唔駛$700！不過我地係用左openrice訂左75折既優惠。咁平都可能因為我地係點左個三四人餐，除返開，抵到爛。…Read More

週末同朋友食完飯後去附近既甜姨姨食甜品。一行四人每人一個甜品後再share個芒果糯米糍。我食既係芝麻豆腐西米露配芝麻雪糕，原本想食抹茶味既，不過同朋友見menu裡面幅圖d抹茶色怪怪地就穩陣d叫芝麻味喇。我覺得自己無揀錯啊！個d芝麻豆腐好幼滑，好似牛奶雪糕咁！芝麻味又好夠！連西米露一齊食好正。雪糕疑似牛奶公司味？umm，如果有機會試下配豆腐雪糕先。至於個芒果糯米糍，裡面粒芒果好大粒。如果我再去食，我會encore芝麻豆腐西米露。仲有我見朋友碗芒果大合奏好足料！…Read More

係九展行outlet後口痕但唔想食連鎖快餐，發現759阿信屋車仔麵！當時去到1750，下午茶仲有10分鐘完，立刻試左個下午茶，係車仔麵店唔食車仔麵，叫左個奶油豬加凍鴛鴦！本身係759會員，唔貴既下午茶再有折，抵到爛！$23餐加凍飲$2，折後$20za！奶油豬香脆，煉奶份量剛好，個包外脆內軟！凍鴛鴦好夠味，就算飲到尾溶曬冰都夠味！絕對係意料之外咁好食！平靚正！上菜又快！…Read More

朋友就個人放工中間點random揀左呢個鰂魚涌餐廳，原來圖書館一路行入去有咁隱秘既屋村，同埋小店。裝修有心思，好乾淨，廁所都好乾淨。最重要係d野食每碟都熱騰騰拎上來，係大大大大大大加分！生菜包好好食，唔知有無得加生菜、因為已經好食到我地最後就咁食d肉碎都lam晒痢喇。平時唔食柚子既我見朋友不停夾柚子沙律，先發現呢度既柚子唔酸，好好食。小食拼盤小，並唔小，四人食剛剛好！個春卷點解可以咁脆又唔油？！大讚呢個春卷啊！炸魚餅同蝦餅都好正。豬頸肉唔錯唔會好漏。炸雞翼好似炸壕咁大隻咁厚身既？！有肉汁啊！不過相比之下無其他咁有驚喜！南姜椰汁雞湯，唔太覺落味精，可能有，但應該唔多，椰汁位剛剛好唔太搶、好多番茄同菇，好飲又好食。泰式金邊粉好食wor！好Q！可以最後太飽食唔曬，但忍唔住打包拎番工食埋去。可惜無烤餅賣，其實好想試埋烤餅配咖哩！最後每人大概百幾蚊消費za好抵食！我地四個人食到好滿足！…Read More

今次係我起碼第四次來呢家茶木食野。約了銅鑼灣返工朋友仔收工去食茶木，朋友拎飛先等大約15分鐘，之後我到左再等多半個幾鐘，食茶木預左要排要等，OK的，不過今次要寫食評，因為真係覺得佢地D服務差左。我地三個女仔，叫左個魯肉飯?定叫肉燥飯呢，依然係有D油，大家好快就投降覺得飽飽地~重點係左個蚵仔粥，食食下，竟然發現有條索膠帶!!即係人地將D鐵馬綁埋一齊個D索帶!!嚇到我地相都唔記得影就叫人換左佢!!我朋友話初時以為係D魷魚類所以睇唔到...佢係無反駁下話換，但換返來個碗好鹹啊!唉好彩叫左碟紅抄手，正常~無問題~我杯曲奇朱古力咖啡當然亦無問題啦啦啦~因為之前試過俾佢地話叫甜品分開點，否則就一齊上咁...於是我地食哂主食後就叫人落單啦但那個，可能係店長?因為當晚佢收錢既，行過來話我地仲有四個字交檯，根住我地再問，咁係咪唔可以再叫? 佢都係話我地仲有四個字，態度差之餘，又唔係答緊我地問題，你話唔食得咁我地咪埋單走囉，黑哂面咁話「我都係話你地仲有四個字要交檯」算咩意思? 而且係你地食物有問題，我地要等過你地電粥，食埋先叫到甜品囉，所以呢下真係令我好失望!而最後甜品來了~朱古力TOAST~一如既往好味~食唔哂之下，急急埋單走，廢事再被佢話!…Read More

有日兩老話落街食，試下地鐵站附近間新新地的餐廳，叫茗館。我地四個人都係第一次去食，叫左四餸一炒飯，埋單計$414，ok啦，因為我地都好滿意食品質素。小菜上菜速度都幾快，而且都係熱騰騰上檯，擺幾個字慢慢食都得!先講個芝麻蒜香骨，好似剛剛炸起，好香口，又入味，剛剛好!!!不過略為細碟左少少，食到唔夠喉啊。之後雞煲，估唔到d肉唔會過老，又滑又好食。豆苗夠多，又入味，清炒當中蒜味好夠。至於燒鵝我睇落肥瘦好ok!!可惜之前濕疹，為免復發要戒一戒口喇。福建炒飯，等左一輪先有得食，估唔到係蛋炒飯底，有誠意! 而且唔會過濕!我同屋企人都話，呢家間可以列為ENCORE之選!…Read More

朋友食過後講定我知呢間新店，好多附近上班族食，lunchtime會多人，最好訂定位。於是今日同朋友上去一人叫一個lunch set。佢地有兩個湯同五個小菜選擇，我同朋友都選了牛大力湯～去火又適合換季濕疹起時喝，d湯完全唔覺有油，清清地但feel到足料健康。小菜我們各選兩個，除了無試花生豬手外，可以試晒佢四個送。當我個set送上來時，真係好懷疑夠唔夠食，但碗老火湯都大碗、紅米飯又好大碗，夾d小菜撈住食剛剛好！小菜都唔覺油膩，想不到係甘少油少鹽！好健康。我留招牌玫瑰豆漿最後先飲，有玫瑰味既豆漿都係第一次飲，雖然頭兩啖唔習慣，不過飲落都ok。下次要再約觀塘友encore下。…Read More