Gieeeee's Profile

秋天最啱食蟹～成日食大閘蟹又膩咗啲，於是就嚟呢度試試蟹omakase😆🔸蟹 ᴄʀᴀʙ ᴏᴍᴀᴋᴀsᴇ $1388✨ 先付け蒸熟後拆肉嘅毛蟹肉肉質鮮甜，加埋味道清新嘅柚子啫喱，夾埋紫蘇葉一齊食層次更豐富～✨前菜由新鮮嘅白海老同海膽組成，加咗少量明太子提鮮，最頂層嘅海葡萄同紫蘇葉花瓣作味道、口感上嘅點綴✨吸い物熱辣辣嘅昆布湯加入咗蓮藕粉同松葉蟹肉，清清哋更加食到食材嘅鮮味～湯入面除咗有少少柚皮絲令味道更清新有層次之外，仲有一塊山葉，味道較濃，建議最後先連湯食✨お造り▫️帶子▫️平政▫️炙燒金目鯛▫️薑蔥池魚▫️牡丹蝦✨揚げ物蟹蓋釀咗松葉蟹同大閘蟹肉，以及洋蔥、冬菇、甘筍等配料，再以麵包糠炸過，香口惹味，味道唔錯，不過蟹肉嘅鮮味略為被其他食材蓋過咗🙈✨箸休め食咗咁多嘢食，有杯清新酸酸甜甜嘅柚子雪葩清清味蕾～✨焼き物用日本禾稈草燒嘅鱈場蟹，有少量海膽用作提鮮～店員提議先試淨食鱈場蟹，試試原汁原味先，再夾埋海膽一齊食～入口略帶煙薰味，但呢種用禾稈草燒出嚟嘅煙薰味唔太香，唔太啱我自己口味，而且燒完蟹肉比較乾身，唔熱唔凍咁，唔太欣賞😟 ✨食事成個餐最邪惡絕對係呢個！將加熱咗嘅大閘蟹膏加入蟹芡拌烏冬，再因應個人口味加入黑醋～好味好濃郁😆 個人嚟講就比較鍾意酸啲嘅醋，中和返蟹膏嘅膩～✨甘味無花果拿破崙蛋糕😍 焗得酥脆嘅牛油酥皮，夾住自家製無花果醬、淡忌廉、椰子雪糕，味道出奇地夾，而且入口比預期中清爽，唔會過甜過膩！好好食😍😍餐廳環境舒適，裝修行日系簡約風格，餐具同擺設好有心思，呼應返餐廳嘅名「山」～店員每上一道菜都會仔細講解，服務態度都唔錯～食物方面，賣相非常精緻，好啱打卡！味道唔錯，係有某一兩道菜稍稍失望但唔算差嘅，不過份量就比較少，男士有機會唔夠飽🫢 整體嚟講！呢個價錢嚟講會expect再高質少少🙊 但用餐體驗都非常唔錯嘅，都值得一試～…Read More

有得轉翠玉瓜麵，啱哂想食少啲carbs嘅朋友😆🔸炙燒雞叉燒腸粉湯 轉翠玉瓜麵拼粉絲 $64+12翠玉瓜麵比較碎，轉得夠稔，口感都似食緊麵嘅😆 拼埋粉絲口感幾豐富～雞叉燒表面有啲黑椒味，但食落入面冇咩味，而且有啲鞋，有少少失望～🔸十三么 $72除咗雞叉燒仲有手撕雞～手撕雞相比雞叉燒就入味啲惹味啲，而且食落冇咁鞋，味道吸引過雞叉燒🙊🔸西多雞翼 $38炸過嘅單骨雞翼沾滿糖漿，香口惹味得嚟甜甜哋，幾好食！幾推介呢個，嚟到可以試試！餐廳環境比較擠迫，坐得唔太舒服，平日都多人排隊要等位，不過翠玉瓜麵都幾特別，如果嚟開呢頭都值得一試嘅～…Read More

呢日想食omakase就嚟咗呢間試～但唔係有師傅喺前面逐件整同介紹，感覺似食壽司lunch set多過食omakase🥲🔸廚師推介套餐｜握り寿司 十三貫 $800✨前菜｜鮟鱇魚肝、鮑魚、海藻✨漬物｜牛蒡、蘿蔔、蕎頭、茄子✨時令壽司 ▫️赤鯥 ▫️帆立貝 ▫️赤身 ▫️沙錐 ▫️粒貝▫️右口魚 ▫中拖羅 ▫石垣貝 ▫小肌 ▫白蝦▫️大拖羅 ▫️海鰻 ▫️海膽軍艦✨雪糕｜綠茶、紅豆、士多啤梨味選一🔸鰻魚玉子燒 $92火候同調味都控制得幾好，味道唔錯🔸鹽燒雞下腿串 $48燒得好乾！雞下腿都整到柴過雞胸，好失望！🔸蒲燒鰻魚肝 $58燒汁整得幾好味，唔錯～🔸燒小甘薯 $38正常發揮，但面頭啲蜜糖好似多咗啲🔸鹽燒黑豚腩 $78香口惹味，唔韌唔乾，幾好食🔸鹽燒雞頸肉 $38普通～整體嚟講食物同服務都係普普通通不過不失，勝在地點方便～…Read More

呢日同朋友慶生，想揾間環境唔錯、地點方便又特別少少嘅餐廳，於是就嚟咗呢間荷蘭私房菜試試😆🔸 ᴛʜᴇ ᴛᴏᴜʀ ɪɴ ʜᴏʟʟᴀɴᴅ $988/ppl +10%| 𝟼 ᴄᴏᴜʀsᴇs ʜᴏʟʟᴀɴᴅ ᴄʟᴀssɪᴄ ᴅɪsʜᴇs ᴏғ ғɪsʜ, ᴍᴇᴀᴛ ᴀɴᴅ sᴡᴇᴇᴛs |第一次食荷蘭菜都唔知揀咩好，於是就揀呢個廚師發辦，荷蘭主廚會安排6道荷蘭經典菜肴比我哋😆✨ ғᴀᴍᴏᴜs ᴅᴜᴛᴄʜ sɴᴀᴄᴋs ▫️ʜᴀɴᴅᴍᴀᴅᴇ ᴅᴜᴛᴄʜ sʜʀɪᴍᴘs ʙɪᴛᴛᴇʀʙᴀʟʟᴇɴ呢個係用大量海蝦打成漿炸成嘅蝦丸，外面金黄香脆，內餡係流心嘅蝦漿，蝦味非常濃郁！ ▫️ғʀɪᴋᴀɴᴅᴇʟ sᴀᴜsᴀɢᴇ sᴘᴇᴄɪᴀʟ呢個係去咗衣嘅荷蘭腸，夾住荷蘭咖哩同洋蔥碎～第一次食荷蘭咖哩，同平時食嘅咖哩好唔同，入口温和啲香料味冇咁重，唔辣帶微微甜味，加埋甜甜地嘅洋蔥碎中和返荷蘭腸嘅鹹味～好惹味😆 ▫️ɢʀɪʟʟᴇᴅ ǫᴜᴀɪʟ ʟᴇɢs肉質軟嫩嘅鵪鶉髀，底下有少少沙律菜可以一齊食，平衡返鵪鶉髀嘅濃味～✨ᴏᴀᴋ sᴍᴏᴋᴇᴅ ᴇᴇʟ經橡木煙薰6個鐘，煙薰得洽到好處，唔會蓋過哂鰻魚嘅鮮味！而鰻魚係採用野生鰻魚，肉質比較彈牙有口感😆 仲伴有沙律菜同埋廚師特別調製嘅dressing, 味道好夾好fresh!✨ᴛʀᴀᴅɪᴛɪᴏɴᴀʟ ᴅᴜᴛᴄʜ ᴍᴜssᴇʟs ᴘᴏᴛ ᴡ/ ɢᴀʀʟɪᴄ ʙᴜᴛᴛᴇʀ ᴄɪᴀʙᴀᴛᴛᴀ ʙʀᴇᴀᴅ青口由荷蘭直送，啖啖肉，而且火候控制得好好，肉質鮮嫩唔韌！加埋白酒、洋蔥等等，非常鮮甜惹味！配埋口感軟熟嘅意大利拖鞋包，個包中間切開咗一半搽咗一層蒜蓉牛油，令佢更加惹味同邪惡🤣✨ᴄʟᴀssɪᴄ ʟᴏʙsᴛᴇʀ ʙɪsǫᴜᴇ味道超級超級濃郁嘅龍蝦湯！入面除咗有幾件口感彈牙嘅龍蝦肉，仲有啲焗得酥脆嘅麵包粒粒😆 上枱時店員會舀少量X.O.用火燒一燒再加落龍蝦湯入面，畫龍點睛👍🏻✨ᴅᴜᴛᴄʜ ʀᴏᴀsᴛᴇᴅ ᴡʜᴏʟᴇ ᴄʜɪᴄᴋᴇɴ ᴡ/ ᴅᴜᴛᴄʜ ғʀɪᴇs sᴘᴇᴄɪᴀʟ呢隻雞係未嚟食已經bookmark咗要試😆 佢要早三日預訂嘅，因為製作需時～首先用三十幾種香草醃製，浸4個鐘浸熟隻雞然後冰鎮，再風乾一日，臨上菜先再烤焗令個雞皮金黄香脆，而肉質包括雞胸肉都係軟嫩有肉汁！最特別嘅地方係佢啲腳趾係可以連骨食！食落脆卜卜好香口😆而且隻雞係無激素，所以雞頸都食得～佢仲伴有用新鮮蘋果製成嘅肉桂蘋果蓉，清甜嘅蘋果蓉完美平衡返雞嘅鹹同膩，係成個餐嘅mvp🤣雖然唔太食得出個雞嗰三十幾種香草嘅味，冇想像中味道咁有層次咁特別，但佢脆皮肉嫩又啖啖肉，配埋個超級出色嘅蘋果蓉，真係好值得一試！至於個焗薯都好正呀，表面焗得非常香脆！✨ʙʀᴀɴᴅʏ ᴄʜᴇʀʀɪᴇs ɪᴄᴇ ᴄʀᴇᴀᴍ干邑白蘭地酒漬櫻桃，甜甜地又帶微微白蘭地嘅香氣，配埋呍呢嗱雪糕，味道好好！店員話係呢個雪糕係荷蘭男仔追女仔時會帶佢去食嘅甜品，唔知work唔work呢🤣鍾意飲酒嘅朋友可以試試wine pairing, 或者另外再嗌酒都得，餐廳個wine list都幾多選擇嘅～總括嚟講食物都好高水準！雖然對我嚟講調味略鹹一啲，但送酒就啱啱好😆店員服務好好、好親切，介紹啲食物都好詳細～餐廳環境雅致寬敞，慢慢食三四個鐘都唔會趕你走😆成個用餐體驗都好好，超級推介比有興趣喺香港食荷蘭菜嘅朋友！…Read More

之前都食過座銀soba雞白湯拉麵，覺得好正又唔貴，於是今次試埋佢嘅姊妹店試鯛魚湯拉麵！🔸鯛白湯拉麵 $138湯底係將新鮮嘅日本真鯛魚同幾種貝類熬製八小時而成嘅濃湯，充滿鮮味！鍾意魚湯嘅人一定會超鍾意！碗邊有少量柚子醬，如果覺得鯛白湯太濃味嘅話，可以根據自己嘅口味加配柚子醬，中和返魚湯嘅味道～想清新啲又得，想濃郁都得，得咗！😆拉麵幾算掛湯，略為偏軟身一啲～配料方面有一塊薄切叉燒，口感軟稔，調味偏淡，唔會蓋過咗魚湯嘅鮮味～另外仲有略為煎香咗嘅真鯛魚粒粒，味道唔錯！仲有啲紫洋蔥碎(幾甜，唔會太辣太搶味)同埋筍(有別於一般切成條狀嘅味筍，佢係一舊三角形、一舊圓形，配合返舖頭個logo)總括嚟講個湯底好有驚喜好有層次！唔係普通平淡嘅魚湯！食完拉麵差唔多飲哂啲湯😆✨🔸炸鯛魚皮 $48新鮮炸起，都幾脆～比一般潮州粉麵店嘅魚皮薄啲🤣🔸櫻木煙薰糖芯蛋 $15同座銀soba一樣，糖芯蛋真係超級出色！無論係蛋白定流心嘅蛋黄都一樣咁入味！淡淡嘅煙薰味好香，味道層次好豐富！✨🔸日式炸雞 $48炸雞都係即場炸，炸粉好薄，外表金黄香脆，肉質細嫩多汁而且都夠入味！正呀～本身想試鯛沾麵多啲，不過太晏過嚟已經賣哂～好彩拉麵都冇令我失望😆 下次會早啲嚟再試沾麵！推介！…Read More

🔸秘魯式吞拿魚片 ᴛᴜɴᴀ ᴛɪʀᴀᴅɪᴛᴏ $138平時食吞拿魚他他就食得多，秘魯式吞拿魚小食睇落都幾特別～喺炸米片上面放咗煙薰吞拿魚片、吞拿魚蓉同甜蝦，旁邊伴有黑醋沙律炸米片都幾脆，但食落有少少油…煙薰吞拿魚片個味蓋過咗其他食材嘅味道，感層次亦唔分明(除咗個炸米片係脆，其他唔太食得出個味道) 🔸蒲燒鰻魚意大利飯ɢʀɪʟʟᴇᴅ ᴇᴇʟ ʀɪsᴏᴛᴛᴏ $158呢款西日fusion risotto一上枱都幾香，聞到啲木魚碎嘅味～賣相都唔錯鰻魚食落不過不失，軟稔冇骨，照燒汁入味～意大利飯煮得唔均勻，一啲飯粒比較硬身，一啲就太稔…飯入面仲有啲菇同木魚碎，不過不失～🔸軟殼蟹龍蝦湯農夫包 ᴄʀᴜɴᴄʜʏ sᴏғᴛ-sʜᴇʟʟ ᴄʀᴀʙ ᴀɴᴅ ʟᴏʙsᴛᴇʀ ʙɪsǫᴜᴇ ɪɴ ʙʀᴇᴀᴅ ʙᴏᴡʟ呢個賣相唔錯，啱啱焗好嘅農夫包表面幾脆身～打開農夫包，第一眼就會見到原隻炸軟殼蟹～都幾脆嘅，不過入口都係略為油咗啲農夫包入面仲有滿滿嘅龍蝦湯煮翠玉瓜～啲瓜焗到好稔，亦都吸哂龍蝦湯嘅味，味道都唔錯！🔸牛角包窩夫配雪糕 (雲尼拿/曲奇) ᴄʀᴏғғʟᴇ ᴡɪᴛʜ ɪᴄᴇ-ᴄʀᴇᴀᴍ (ᴠᴀɴɪʟʟᴀ/ᴄᴏᴏᴋɪᴇs ɴ’ ᴄʀᴇᴀᴍ) $78呢款係好受歡迎嘅牛角包窩夫，集合咗牛角包嘅酥脆同窩夫嘅外形同質感🫶🏻 食落酥脆之餘，亦好香牛油味～雪糕係冇乜特別嘅雲尼拿雪糕～不過配埋雜莓同熱情果醬，同奇異果、熱情果等等生果粒粒，酸酸甜甜咁都唔錯👍🏻🔸sᴘʀɪɴɢ (ᴍᴏᴄᴋᴛᴀɪʟ) $78ᴏʀᴀɴɢᴇ ᴊᴜɪᴄᴇ, ɢʀᴀᴘᴇғʀᴜɪᴛ ᴊᴜɪᴄᴇ, ʀᴏsᴇ, ʟɪᴍᴇ ᴊᴜɪᴄᴇ, ɢʀᴇɴᴀᴅɪɴᴇ賣相幾用，幾啱打卡！第一啖飲落似橙汁，但會慢慢滲返啲西柚味出嚟～酸酸地同帶微微嘅澀，唔會太甜，都幾啱我口味🔸 ᴡɪɴᴛᴇʀ (ᴍᴏᴄᴋᴛᴀɪʟ) $78ᴘᴀssɪᴏɴ ғʀᴜɪᴛ, ᴍɪʟᴋ, ʏᴏɢᴜʀᴛ, ɢʀᴇɴᴀᴅɪɴᴇ呢杯類似係熱情果乳酸奶類飲品，入面有少量熱情果粒粒～Yogurt味唔算好突出，反而奶味比較多，同熱情果個味唔太夾…除咗咬到熱情果粒粒嗰陣好酸之外，整體呢杯嘢都比較甜總結！餐廳除咗室內，仲有室外露天座位～室內裝修同擺設都幾有特色👍🏻地理位置方便，價錢合理，食物就不過不失，不過上菜就真係比較慢，非繁忙時段嚟食都要個半鐘先上哂以上幾樣嘢食🙈…Read More

呢間係一間位於中環只招待會員嘅食肆，餐廳有兩層，上層有獨立房間，夠哂私隱度高，同埋方便同屋企人或者朋友傾偈，冇咁嘈☺️ 呢日同屋企人嚟食飯就嗌咗以下嘅嘢食～🔸怪味雞 $106🔸椒鹽排骨 $116🔸清炒蝦仁 $270🔸鎮江肴肉 $116🔸無錫脆鱔 $138🔸蔥爆牛肉 $126🔸脆皮素鵝 $106🔸燻蛋(每隻) $18🔸松鼠桂魚 $360🔸奶油津白 $98🔸雞火炒飯 $116🔸上海粗炒 $116🔸小籠包(每隻) $12🔸花素蒸餃 (每隻) $12🔸砂鍋雲吞雞 (一份12人) $480整體嚟講，啲嘢食都幾好食，特別係無錫脆鱔！喺出面比較少食呢道菜，食落脆卜卜，又香口又惹味！另外酸酸甜甜夠哂開胃嘅松鼠桂魚，同埋熱辣辣新鮮出籠嘅小籠包都好出色☺️…Read More

嚟迪迪尼玩到咁上下要揾啲嘢醫肚，見生日有買一送一於是嚟咗呢間，同埋諗住薯條應該冇咁易中伏嘛🙊🔸炸雞籃套餐 $125有兩件炸雞，同一大堆薯條炸雞熱辣辣同埋幾脆，調味略略鹹咗啲，唔算好食但都唔算好伏嘅～薯條算係粗身，份量都幾多～🔸朱古力麥芽飲品（凍） $33美祿嚟～又出乎意料地沖得幾濃幾好飲！🔸炸芝士條 $48叫炸芝士味麵筋貼切啲🤣🤣 完全唔係拉絲芝士，不過迪迪尼嘅餐廳都預咗🙊總結係朱古力麥芽飲品幾好飲，其他只係用嚟醫肚🤣…Read More

🔸冷鍋酸菜魚 (Regular) $218呢度比較出名應該就係呢個冷鍋酸菜魚～上枱嘅時候已經煮熟哂食得～賣相幾靚👍🏻魚嘅份量都幾多！但就比較薄同埋口感稔一啲，不過以呢個價錢同份量嚟講都算幾抵～鍋入面除咗鯇魚片之外，仲有寬粉、大豆芽、萵筍片等配料～（不過個人覺得寬粉可以多啲🥺 得幾條好快夾哂）湯底方面，叫咗小辣所以唔算好辣，我諗同譚仔三小差唔多🤣 都夠酸嘅幾開胃，不過就唔夠香，味道冇咩層次，如果多啲花椒香味就好～食完之後可以加湯加火鍋配料打邊爐～我就再加咗以下幾樣配料，份量都幾多，質素就正正常常～✨炸響鈴 $38✨凍豆腐 $38✨娃娃菜 $38不過加湯後味道比較單調，沖淡哂酸菜味，香辣味亦欠奉～建議如果想打邊爐嘅話，打之前食哂魚先好加湯～🔸炸小饅頭 (6個) $52炸得金黄色，賣相幾好～外脆，但饅頭略嫌唔夠鬆軟，不過熱辣辣時點煉奶都幾好食🔸黑糖糍粑 (細) $38外脆但內裡唔夠軟糯，糖粉沾得唔夠多，糖漿略為太稀🔸荔枝沙冰 $45份量幾多，味道都正常，略為甜咗啲～🔸檸檬可樂 $26正常發揮～整體嚟講，食物賣相幾好，份量都幾多～味道就不過不失，都解咗我咁耐冇食酸菜魚條癮嘅～不過想分享返令我唔太愉快嘅小插曲…一入餐廳門口掃緊針咭對緊訂枱資料，就比個店員用地拖拖咗落我隻鞋度(我著涼鞋，隻腳feel到個地拖) ，仲要冇講唔好意思望我一眼繼續拖埋嚟，係另一位店員代佢講唔好意思…佢之後同我講因為餐廳12:00開門而我早咗(11:59到，見門口個牌寫營業中先入去，當時已經有另一個客喺入面)，所以未準備好…服務態度方面真係有待改善🙈…Read More

呢日喺葵芳行到口渴買吓嘢飲，見呢間睇落幾健康就試試佢！🔸百香果有機綠茶 $32超多百香果粒粒，酸酸哋咁勁開胃好飲！綠茶茶香亦都幾突出，兩者味道好夾！（平時買水果茶最怕買到啲太甜嘅糖精假水果茶，但呢度係真材實料😆）🔸蜂蜜冷泡有機伯爵茶 $30伯爵茶味非常香濃！加埋蜂蜜嘅香甜～正！除咗冷泡茶/熱茶之外，舖頭仲有各式各樣嘅茶包賣～好飲又健康，大推！😍…Read More

呢日想食smoothie bowl, 就上網揾下去邊食，唔覺意揾到呢間就嚟試吓喇～🔸 ᴀʟʟ ᴅᴀʏ ᴅᴜᴛᴄʜ ʙᴀʙʏ $140呢度比較出名同多人打卡嘅就係呢個ᴀʟʟ ᴅᴀʏ ᴅᴜᴛᴄʜ ʙᴀʙʏ佢嘅特別之處係除咗有塊dutch pancake之外，上面啲配料係自選配搭嘅～唔計蛋，最少揀四樣配料✨ᴘᴀɴᴄᴀᴋᴇ ᴡɪᴛʜ sᴄʀᴀᴍʙʟᴇᴅ ᴇɢɢs ($48)Pancake 金黄香脆，賣相吸引，不過略欠蛋味至於炒蛋，食落似老麥嘅炒蛋…軟身，蛋味唔突出，而且味道比面頭嘅黑椒碎嘅味蓋過咗✨ᴀᴠᴏᴄᴀᴅᴏ ($20)正常牛油果～✨ᴄʀɪsᴘʏ ғɪsʜ ғɪɴɢᴇʀs ($18)應該係用現成魚手指翻熱返🙈 得一條半…魚手指本身都細條，佢嗰一條仲要切開一半…份量少同埋賣相唔好，咁樣切開咗好似比人食咗一啖咁🙈✨ᴘᴀʀᴍᴀ ʜᴀᴍ ($20)普通parma ham~✨sᴀᴜsᴀɢᴇ ($20)普通司華力腸～都煎香咗嘅✨ᴛᴀᴛᴇʀ ᴛᴏᴛs ($14)得幾粒好細粒嘅薯粒，比魚手指遮住仲差啲見佢唔到🤣整體嚟講，賣相都幾啱打卡，但味道就好普通，以佢百幾蚊嘅價錢會expect味道好啲啲/份量多啲啲🙈🙈可能咁啱我揀嘅配料都麻麻，其他配料就未試過喇～🔸 ɢʀᴇᴇɴ ɢᴀʀᴅᴇɴ sᴍᴏᴏᴛʜɪᴇ ʏᴏɢᴜʀᴛ ʙᴏᴡʟ $86ʙᴀɴᴀɴᴀ | ᴍᴀᴛᴄʜᴀ | ʙᴇʀʀɪᴇs | ʏᴏɢᴜʀᴛ | ʜᴏɴᴇʏ | ᴄʜɪᴀ sᴇᴇᴅs | ɢʀᴀɴᴏʟᴀSmoothie bowl嘅綠色係由matcha度嚟～比較少見smoothie bowl有matcha, 所以揀咗呢款😆食落就主要係食到香蕉味，matcha味就唔太覺面頭有好多berries同烘香咗嘅脆脆granola，口感豐富，味道都幾好！😆🔸 ʙᴇʟɢɪᴜᴍ ᴄʜᴏᴄᴏʟᴀᴛᴇ $50賣相唔錯～係奶味比較重嘅朱古力🙈🔸 ᴛᴇᴀ | ᴘʜᴏᴇɴɪx ᴅᴀɴᴄᴏɴɢ | ʜᴏɴᴇʏ ᴏʀᴄʜɪᴅ sᴄᴇɴᴛ $50用香檳杯嚟裝都幾特別，不過佢隻杯仲細過平時見嘅香檳杯少少，茶嘅份量都好少😭飲一兩啖都冇咗半杯😭茶味就比較淡…唔太飲得出蜜蘭香…加埋份量咁少有啲失望整體嚟講，食物賣相係唔錯，幾啱打卡，食物味道大致上都比較普通，而且份量偏少…Smoothie yogurt bowl可以encore, 其他就未必喇🙈…Read More

午餐諗唔到食咩都會過嚟呢度食～貪佢就腳～呢日食咗個特上刺身御膳，加咗$20轉烏冬刺身就普通啦，但都對得住個價錢嘅，唯一係海膽唔多新鮮，有啲腥…烏冬，前菜，味噌湯都正正常常蒸蛋熱辣辣，口感滑嫩，亦有啲海鮮嘅鮮味，唔錯月見雞肉棒係我嘅至愛，蛋汁夠稠同濃，正牛脷同厚切豬頸肉味道亦都唔錯…Read More

星期六日有brunch set都幾抵食，每人$458+10%～份量都幾多，淨係食Starters都飽咗七成🙊🤣同朋友一齊嚟嘅可以各自揀一款主菜同一款甜品，其他都可以share~🔸 sᴛᴀʀᴛᴇʀs✨ sᴀᴘᴀᴛᴇɪʀᴀ sʟɪᴅᴇʀ (ʙʀᴏᴡɴ ᴄʀᴀʙ ᴏɴ ʙʀɪᴏᴄʜᴇ ᴛᴏᴀsᴛ)細細件一口size嘅蟹肉多士，食起上嚟好方便～多士鬆脆，上面嘅醬料惹味得嚟唔會蓋過哂蟹肉嘅鮮味✨ ᴀʟɢᴀʀᴠɪᴀ sᴀʟᴀᴅ (ʙᴇᴇᴛʀᴏᴏᴛ, ᴄᴀʀʀᴏᴛ, ғʀᴇsʜ ᴄʜᴇᴇsᴇ, ᴍɪɴᴛ, ᴍᴜsᴛᴀʀᴅ ᴠɪɴᴀɪɢʀᴇᴛᴛᴇ)葡萄牙式嘅沙律～味道清新，唔會有過多嘅醬料蓋過食材嘅鮮甜味～✨ sᴇᴀʀᴇᴅ sᴄᴀʟʟᴏᴘs 帶子煎香咗～舖喺帶子下面嘅係酸酸哋嘅沙律，非常開胃✨ ɢᴀʀʟɪᴄ ᴏᴄᴛᴏᴘᴜs 呢個係咁多樣starters入面最深刻嘅！一上枱仲係熱辣辣出煙～蒜片同欖欖油嘅香氣非常吸引！加埋稔得嚟仲幾彈牙嘅八爪魚，同埋微微辣嘅調味料～非常惹味😆✨ ᴄᴏᴅғɪsʜ ᴄᴀᴋᴇs 炸得金黄香脆嘅鱈魚波波外脆內軟，咬開仲見到少少鱈魚絲～炸完都依然保持到鱈魚嘅鮮味～✨ ᴘᴏʀᴋ ᴄʜᴇᴇᴋ慢煮豬面肉軟稔入味，好食！🔸 ʀᴏᴀsᴛᴇᴅ ʟᴀᴍʙ sʜᴏᴜʟᴅᴇʀ (+$68)羊肩肉煮得非常入味而且軟稔肉嫩，羊肉味香濃但唔會太羶，連我本身唔食羊嘅朋友都話佢個味道可以接受～加埋少少迷迭香嘅調味提升咗羊肉嘅鮮味！伴菜有口感幼滑嘅薯蓉，同埋炒香咗嘅菇同羽衣甘藍～整體都非常好食！推介！🔸 ʟᴇɪᴛᴀᴏ ᴀ ʙᴀɪʀʀᴀᴅᴀ (sʟᴏᴡ-ʀᴏᴀsᴛᴇᴅ sᴜᴄᴋʟɪɴɢ ᴘɪɢ ɪɴ “ᴀ ʙᴀɪʀʀᴀᴅᴀ” sᴛʏʟᴇ)葡萄牙式嘅慢烤乳豬，皮烤得非常之脆！乳豬肉嫩而且肉味香濃！值得一試！旁邊伴有少少油飯，飯嘅口感偏硬身，油香幾重，配埋乳豬食都幾夾！🔸 sᴇʀʀᴀᴅᴜʀᴀ (sᴀᴡ ᴅᴜsᴛ ᴘᴜᴅᴅɪɴɢ)呢個係木糠布甸～‘木糠’餅碎非常幼細，忌廉香滑唔會過甜，整體唔錯🔸 ᴘᴇʀᴀ ʙᴇʙᴇᴅᴀ (ᴅʀᴜɴᴋᴇɴ ᴘᴇᴀʀ ᴄᴏᴏᴋᴇᴅ ɪɴ ᴘᴏʀᴛ)紅酒燴梨非常出色，紅酒滲透哂入成個梨度，香甜又帶濃濃嘅酒香，好出色！🔸 ʟɪsʙᴏɴ ᴘᴜɴᴄʜ $68以熱情果、菠蘿、紅莓等等酸酸甜甜嘅水果製成，飲得出唔係用糖漿沖出嚟嘅‘假果汁’，好飲得嚟唔會太甜！而且酸酸哋非常開胃！🔸 ᴀʀᴏᴍᴀᴛɪᴄ ᴄᴏʟʟɪɴs $68以檸檬、青檸、香茅等等製成嘅梳打飲品，賣相靚之餘味道都好好！酸酸哋得嚟味道好有層次，都係開胃解渴之選！整體嚟講，食物質素幾好！店員都好親切🤣 當日係朋友幫我慶生，啲店員都好落力唱生日歌 (開心但少少尷尬haha)🤣 同埋少少加分位係佢啲碟好靚🤣🤣🤣 假日嚟食brunch價錢唔貴，性價比都幾高！…Read More

🔸 ᴀʟʟ ᴅᴀʏ ʙʀᴇᴀᴋғᴀsᴛ $148sᴀᴜsᴀɢᴇ | ʙᴀᴄᴏɴ | ᴘᴏʀᴛᴏʙᴇʟʟᴏ | ᴀᴠᴏᴄᴀᴅᴏ | ғɪɢ sᴀʟᴀᴅ | ᴘᴏᴛᴀᴛᴏ ɢʀᴀᴛɪɴ | ᴀsᴘᴀʀᴀɢᴜs | sᴄʀᴀᴍʙʟᴇᴅ / sᴜɴɴʏ-sɪᴅᴇ ᴜᴘ / ᴘᴏᴀᴄʜᴇᴅ ᴇɢɢs腸係脆皮嘅香草腸，味道都唔錯煙肉就煎得幾香，雖然略為乾身咗少少大啡菇正正常常有啲汁咁牛油果口感幼滑～無花果沙律味道清新！加埋個醬酸酸甜甜咁好好食好解膩！焗薯餅金黄香脆，切開食到少少薯塊同流心嘅芝士，味道幾好！蘆筍就正常發揮蛋方面我揀咗炒蛋，略為老咗少少但可以接受～都炒得幾香整體嚟講成個ᴀʟʟ ᴅᴀʏ ʙʀᴇᴀᴋғᴀsᴛ都幾滿意，份量都夠多！🔸 sɪɴɢʟᴇ ᴏʀɪɢɪɴ ᴄʜᴏᴄᴏʟᴀᴛᴇ +$25可以揀ᴡʜᴏʟᴇ ᴍɪʟᴋ / sᴋɪᴍ ᴍɪʟᴋ / ᴏᴀᴛ ᴍɪʟᴋ，甜度都可以揀正常/少甜，今次揀咗ᴡʜᴏʟᴇ ᴍɪʟᴋ同正常甜，口感香滑而且都唔會太甜，可可味非常突出，味道有驚喜！而且賣相都唔錯，有心心拉花～🔸 ᴍᴀᴛᴄʜᴀ +$25同樣可以揀ᴡʜᴏʟᴇ ᴍɪʟᴋ / sᴋɪᴍ ᴍɪʟᴋ / ᴏᴀᴛ ᴍɪʟᴋ，同埋有甜度選擇，我就揀咗ᴡʜᴏʟᴇ ᴍɪʟᴋ同少甜，抺茶味都幾香濃，口感幼滑～而且靚靚拉花都幫個賣相加咗分🫶🏻🔸 ᴄʀᴀɴʙᴇʀʀʏ & ᴏᴀᴛᴍᴇᴀʟ ᴄᴏᴏᴋɪᴇ $22口感煙煙韌韌嘅曲奇，有紅莓嘅酸酸甜甜，同燕麥淡淡嘅香氣，層次豐富，味道偏甜但唔錯～🔸 ᴇɢɢ ᴛᴀʀᴛ $14酥皮非常鬆脆，蛋撻嘅蛋好滑而且幾香奶味，甜甜哋咁幾好食～食完仲買多一盒拎返屋企同屋企人share😆整體嚟講，食物唔錯，閒日嚟唔多人靜靜哋咁，環境舒適，店員親切，而且分店又多地點又方便，做埋ɴᴏᴄ ᴄᴏғғᴇᴇ ᴄᴏ.會員每食$1可以儲1分，每500分可以當$20用，幾抵，值得encore~…Read More

呢日誤打誤撞咁就嚟咗呢間壽司店食omakase, 以中環嘅omakase嚟講，呢度cp值真係好高，食得好滿足😍 餐廳有兩款omakase提供，兩款都有試～🔸 華ʜᴀɴᴀ ᴄᴏᴜʀsᴇ $680/pax +10%✨前菜：汁煮三文魚用咗酸酸甜甜嘅柚子醋去醃製八爪魚，八爪魚爽口彈牙，味道清新，非常開胃！✨蒸物：海膽三文魚子蟹肉蒸蛋舖喺表面嘅海膽、三文魚子、蟹肉同冬菇片蒸完之後依然保持到鮮味，蒸蛋滑嫩，鮮味十足！而且賣相都好精美，除咗用靚靚嘅茶碗裝住蒸蛋，仲喺表面灑上咗金萡😳✨刺身2點：平目魚+牡丹蝦 刺身非常新鮮，食落鮮甜～平目魚上面灑上少許櫻花鹽，少少咸味反而起到提鮮嘅作用，令平目魚食落更鮮甜！刺身旁邊除咗有wasabi之外，仲有用幾種蝦製成嘅蝦粉可以點牡丹蝦，令味道更豐富，昇華去另一個層次😍✨手卷：拖羅蓉手卷略脆嘅紫菜包住拖羅蓉同壽司飯，味道唔錯~✨手握壽司9件🍣 春子鯛：夏天時令嘅鯛魚bb，肉質鮮嫩，用醋鹽醃過非常開胃✨🍣 海膽墨魚：墨魚經過特別處理，先用滾水淥然後過冰水，所以唔會有層衣，食落爽口～海膽都非常新鮮，鮮味十足🍣 關池魚：係一種細細條嘅光物魚，肉質鮮甜爽口，油份少，配埋薑蔥令味道更有層次🍣 吞拿魚赤身：吞拿魚嘅背脊位，魚味濃郁🍣 中拖羅：油脂豐富，近乎入口即化🍣 大拖羅：呢件係霜降位嘅大拖羅，非常肥美，入口即溶，好好食！✨🍣 半熟車海老：將鹿兒島車海老，滾水起計恰30秒至一成熟，保持到蝦嘅鮮味🍣 活北寄：非常爽口🍣 赤鯥：油脂豐富嘅赤鯥，經過𠝹花同炙燒之後，油脂喺啲坑滲出嚟，魚油嘅香氣散佈成個口，超正！✨✨湯：麵豉湯味道唔錯，唔會太咸～✨江戶前玉子同平時食得多嘅玉子燒唔同～呢款係一款江戶時代之前已經有嘅菜式，只係用山芋同蛋，唔加麵粉就做到好似海綿蛋糕咁鬆軟嘅口感，而且蛋味香濃～師傅話呢樣菜式已經就快失傳，唔係好多地方有得食，而且要好高技術同準確控制好食材份量先整到～我就冇考究到佢係咪真係就快失傳，不過我都覺得佢幾好食幾特別🙊😆✨甜品/水果：日本哈密瓜 係清甜多汁嘅哈密瓜！日本嘅生果真係唔會令人失望😳表面仲灑咗啲檸檬皮，檸檬皮嘅酸香味提升咗哈密瓜嘅甜😍 好好食呀～🔸麗ʀᴇɪ ᴄᴏᴜʀsᴇ $880/pax +10%呢款omakase其實大致上同 華ʜᴀɴᴀ ᴄᴏᴜʀsᴇ差唔多，前菜、蒸物、手卷、湯同甜品都係一樣嘅，主要分別係 麗ʀᴇɪ ᴄᴏᴜʀsᴇ會多咗一款當日時令海鮮，多一款刺身同兩款手握壽司～✨刺身：北海道帆立貝麗ʀᴇɪ ᴄᴏᴜʀsᴇ會多咗一款北海道帆立貝刺身，非常鮮甜，沾一沾旁邊嘅青檸薄片更加帶出刺身嘅鮮味～✨當日時令：日本直送生蠔 呢隻手掌咁大嘅生蠔係成個set最驚喜最難忘！好耐冇食過咁好食嘅生蠔😭🫶🏻 佢嘅海水味唔算好重，相對比較淡口，但食落非常肥美鮮甜！非常新鮮一啲都唔腥！面頭加咗少少魚子醬將個鮮味昇華咗去另一個層次！真係好好食！😍✨✨手握壽司除咗春子鯛、海膽墨魚、關池魚、赤身、中拖羅、大拖羅、半熟車海老、赤鯥壽司之外，麗ʀᴇɪ ᴄᴏᴜʀsᴇ仲有以下呢幾款手握壽司😆🍣 活赤貝麗ʀᴇɪ ᴄᴏᴜʀsᴇ 嘅貝類壽司會以活赤貝取代咗華ʜᴀɴᴀ ᴄᴏᴜʀsᴇ 嘅活北寄～相比起活北寄，活赤貝更加鮮甜爽彈🍣 海膽軍艦師傅好慷慨咁加勁多海膽落去，滿滿嘅海膽多到個軍艦企唔穩冧咗一次🤣 海膽鮮甜，大大啖放入口好滿足呀！🍣 ᴋᴀᴍᴀᴛᴏʀᴏᴋᴀᴍᴀᴛᴏʀᴏ係吞拿魚魚唇側根嘅位，一條吞拿魚得兩塊，油脂豐富，加埋炙燒令油香更突出，入口即溶！✨補充一下，餐廳仲提供咗幾款漬物比客人喺食壽司前同後食，令客人食壽司前更開胃，同埋食壽司後用嚟清清口腔嘅味道嘅，分別有：蜜瓜bb、牛蒡、醃蘿蔔、煙薰蘿蔔～當中煙薰蘿蔔就比較濃味，適合食完壽司先食嘅～除此之外仲有一款日本白肉粟米，佢係生食嘅，入口爽脆多汁，非常鮮甜！可以喺食咗多款壽司之後解一解膩🥰除咗食物質素好滿意之外，環境亦都好衞生，坐得舒適，服務亦好好！師傅每上一款食物都會好詳細咁介紹佢嘅產地同特別之處，好專業呀～…Read More